AtthaPali Vol.31

125. 5. Ucchupetavatthuvannana idam mama ucchuvanam mahantanti idam ucchupetavatthu. Tassa ka uppatti? bhagavati veluvane viharante annataro puriso ucchukalapam khandhe katva ekam ucchum khadanto gacchati. Atha annataro upasako silava kalyanadhammo baladarakena saddhim tassa pitthito pitthito gacchati. Darako ucchum passitva "dehi"ti parodati. Upasako darakam parodantam disva tam purisam sanganhanto tena saddhim sallapamakasi, so pana puriso tena saddhim na kinci alapi, darakassa ucchukhandampi nadasi. Upasako tam darakam dassetva "ayam darako ativiya rodati, imassa ekam ucchukhandam dehi"ti aha. Tam sutva so puriso asahanto ^1- patihatacittam ^2- upatthapetva anadaravasena ekam ucchulatthim pitthito khipi. So aparena samayena kalam katva ciram paribhavitassa lobhassa vasena petesu nibbatti, tassa phalam nama sakakammasarikkhakam ^3- hotiti atthakarisamattam thanam avattharantam @Footnote: ¹ Ma. apasarento ² Si. paribhavacittam ³ Ma. kammasarikkhakam Anjanavannam musaladandaparimanehi ucchuhi ghanasanchannam mahantam ucchuvanam nibbatti. Tasmim khaditukamataya "ucchum gahessami"ti upagatamatte tam ucchu abhihananti, so tena mucchito patati. Athekadivasam ayasma mahamoggallano rajagaham pindaya gacchanto antaramagge tam petam addasa. So theram disva attana katakammam pucchi 1-:- [737] "idam mama ucchuvanam mahantam nibbattati punnaphalam anappakam tam dani me na paribhogameti ^2- acikkha bhante kissa ayam vipako. [738] Hannami khajjami ca vayamami parisakkami paribhunjitum kinci svaham chinnathamo kapano lalapami kissa kammassa ayam vipako. [739] Vighato caham paripatami chamayam parivattami varicarova ghamme rudato ^3- ca me assuka niggalanti acikkha bhante kissa ayam vipako. [740] Chato kilanto ca pipasito ca santassito ^4- satasukham na vinde pucchami tam etamattham bhadante katham nu ucchuparibhogam labheyyan"ti. @Footnote: ¹ ka. paribhogam upeti ³ ka. durato ⁴ ka. samtasito [741] "pure tuvam kammamakasi attana manussabhuto purimaya jatiya ahanca tam etamattham vadami sutvana tvam etamattham vijana. [742] Ucchum tuvam khadamano payato puriso ca te pitthito anvagacchi so ca tam paccasanto kathesi tassa tuvam na kinci alapittha. [743] So ca tam abhanantam ayaci dehayya ucchunti ca tam avoca tassa tuvam pitthito ucchum adasi tassetam kammassa ayam vipako. [744] ^1- Ingha tvam gantvana pitthito ganheyyasi ^1- gahetvana tam khadassu yavadattham teneva tvam attamano bhavissasi hattho cudaggo ca pamodito cati. [745] Gantvana so pitthito aggahesi gahetvana tam khadi yavadattham teneva so attamano ahosi hattho cudaggo ca pamodito ca"ti. Vacanapativacanagatha petena therena ca vutta. @Footnote: ^1-1 Si. ingha tvam pitthito ganha ucchum #[737-8] Tattha kissati kidisassa, kammassati adhippayo. Hannamiti vihannami vighatam apajjami. Vihannamiti va vibadhiyami, visesato piliyamiti attho. Khajjamiti khadiyami, asipattasadisehi ^1- nisitehi khadantehi viya ucchupattehi kantiyamiti attho. Vayamamiti ucchum khaditum vayamam karomi. Parisakkamiti payogam karomi. Paribhunjitunti ucchurasam paribhunjitum, ucchum khaditunti attho. Chinnathamoti chinnasaho ^2- upacchinnathamo, parikkhinabaloti attho. Kapanoti dino. Lalapamiti dukkhena attito ativiya vilapami. #[739] Vighatoti vighatava, vihatabalo va. Paripatami chamayanti thatum asakkonto bhumiyam papatami. Parivattamiti paribbhamami. Varicarovati maccho viya. Ghammeti ghammasantatte thale. #[740-4] Santassitoti ^3- otthakanthatalunam sosappattiya sutthu tasito. Satasukhanti satabhutam sukham. Na vindeti na labhami. Tanti tuvam. Vijanati vijanahi. Payatoti gantum araddho. Anvagacchiti anubandhi. Paccasantoti paccasisamano. Tassetam kammassati ettha etanti nipatamattam, tassa kammassati attho. Pitthito ganheyyasiti attano pitthipasseneva ucchum ganheyyasi. Pamoditoti pamudito. #[745] Gahetvana tam khadi yavadatthanti therena anattiniyamena ucchum gahetva yatharuci khaditva mahantam ucchukalapam gahetva therassa upanesi, thero tam anugganhanto teneva tam ucchukalapam gahapetva veluvanam gantva bhagavato adasi, bhagava bhikkhusamghena saddhim tam paribhunjitva anumodanam akasi, peto pasannacitto vanditva gato, tato patthaya yathasukham ucchum paribhunji. So aparena samayena kalam katva tavatimsesu uppajji. Sa panesa petassa @Footnote: ¹ Si.,i. asipattasanathanasadisehi ² Ma. chinnasabhavo ³ Si. santasitoti Pavatti manussaloke pakata ahosi. Atha manussa sattharam upasankamitva tam pavattim pucchimsu. Sattha tesam tamattham vittharato kathetva dhammam desesi, tam sutva manussa maccheramalato pativirata ahesunti. Ucchupetavatthuvannana nitthita. --------------

The Pali Atthakatha in Roman Book 31 page 275-279. http://84000.org/tipitaka/atthapali/read_rm.php?B=31&A=6117&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=6117&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=125 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4715 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5052 The Pali Tipitaka in Roman Character :- http://84000.org/tipitaka/read/roman_read.php?B=26&A=5052 Contents of The Tipitaka Volume 26 http://84000.org/tipitaka/read/?index_26