AtthaPali Vol.37

6 Bakajatakam bhaddako vatayam pakkhiti idam sattha jetavane viharanto ekam kuhakam arabbha kathesi. Tam hi sattha anetva dassitam disva na bhikkhave idaneva kuhako, pubbepesa kuhako yevati vatva atitam ahari. Atite baranasiyam brahmadatte rajjam karente bodhisatto himavantappadese ekasmim sare maccho hutva mahaparivaro vasi. Atheko bako macche khadissamiti sarassa asannatthane sisam patetva pakkhe pasaretva mandamando macche olokento Atthasi tesam pamadam agamayamano. Tasmim khane bodhisatto macchaganaparivuto gocaram ganhanto tam thanam papuni. Macchagano tam bakam passitva pathamam gathamaha bhaddako vatayam pakkhi dijo kumudasannibho vupasantehi pakkhehi mandamandova jhayatiti. Tattha mandamandova jhayatiti abalabalo viya hutva kinci ajananto viya ekakova jhayatiti. Atha nam bodhisatto oloketva dutiyam gathamaha nassa silam vijanatha anannaya pasamsatha, amhe dijo na paleti, tena pakkhi na phandatiti. Tattha anannayati ajanitva. Amhe dijo na paletiti esa dijo amhe na rakkhati na gopayati kataram nu kho etesu kabalam karissamiti upadhareti. Tena pakkhi na phandatiti tenayam sakuno na phandati na calatiti. Evam vutte macchagano udakam khobhetva bakam palapesi. Sattha imam dhammadesanam aharitva jatakam samodhanesi. Tada bako kuhako ahosi, maccharaja pana ahamevati. Bakajatakam chattham. ----------

The Pali Atthakatha in Roman Book 37 page 311-312. http://84000.org/tipitaka/atthapali/read_rm.php?B=37&A=6173&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=6173&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=321 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1831 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1826 The Pali Tipitaka in Roman Character :- http://84000.org/tipitaka/read/roman_read.php?B=27&A=1826 Contents of The Tipitaka Volume 27 http://84000.org/tipitaka/read/?index_27