AtthaPali Vol.27

4. Catutthavagga 1. Vitakkasuttavannana [80] Catutthavaggassa pathame akusala vitakkati akosallasambhuta vitakka, micchavitakkati attho. Anavannattipatisamyuttoti ettha anavannattiti anavanna parehi attano ahilitata aparibhutata, "aho vata mam pare na avajaneyyun"ti evam pavatto icchacaro, taya anavannattiya patisamyutto samsattho, tam va arabbha pavatto anavannattipatisamyutto vitakko. Tasma "katham nu kho mam pare gahattha ceva pabbajita ca na orakato daheyyun"ti sambhavanakamyataya icchacare thatva pavattitavitakkassetam adhivacanam. Labhasakkarasilokapatisamyuttoti civaradilabhena ceva sakkarena ca kittisaddena ca arammanakaranavasena patisamyutto. Paranuddayatapatisamyuttoti paresu anuddayatapatirupakena gehasitapemena patisamyutto. Yam sandhaya vuttam:- "samsattho viharati rajuhi rajamahamattehi brahmanehi gahapatikehi titthiyehi titthiyasavakehi sahanandi sahasoki sukhitesu sukhito dukkhitesu dukkhito, uppannesu kiccakaraniyesu attanava yogam ^1- apajjati"ti. ^2- Gathasu anavannattiya patisamyutto puggalo anavannattisamyutto. Labhasakkare garavo etassa, na dhammeti labhasakkaragaravo. Sukhadukkhesu ama saha bhavati ^3- amacca, sahayasadisa upatthaka. Tehi gehasitapemavasena saha nandanasilo sahanandi amaccehi, imina paranuddayatapatisamyuttam vitakkam dasseti. @Footnote: ¹ Si. voyogam ² sam.sala. 18/323/225 (sya), abhi.vi. 35/888/436 @³ Ma. gatati Ara samyojanakkhayati imehi tihi vitakkehi abhibhuto puggalo samyojanakkhayato arahattato dure, tassa tam dullabhanti attho. Puttapasunti putte ca pasavo ca. Puttasaddena cettha daradayo, pasusaddena assamahimsakhettavatthadayo ca sangahita. Vivaheti vivahakarapane. Imina avahopi sangito. Samharaniti ^1- pariggahani, parikkharasangahaniti attho. "santhavani"ti ca pathanti, mittasanthavaniti attho, sabbattha hitvati sambandho. Bhabbo so tadiso bhikkhuti so yathavuttam sabbam papancam pariccajitva yatha satthara vuttaya sammapatipattiya, tatha passitabbato tadiso samsare bhayam ikkhatiti bhikkhu uttamam sambodhim arahattam pattum arahati. Pathamasuttavannana nitthita. -------------

The Pali Atthakatha in Roman Book 27 page 283-284. http://84000.org/tipitaka/atthapali/read_rm.php?B=27&A=6234&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6234&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=258 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6006 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5920 The Pali Tipitaka in Roman Character :- http://84000.org/tipitaka/read/roman_read.php?B=25&A=5920 Contents of The Tipitaka Volume 25 http://84000.org/tipitaka/read/?index_25