AtthaPali Vol.30

61. 11. Dutiyanagavimanavannana mahantam nagam abhiruyhati dutiyanagavimanam. Tassa ka uppatti? bhagava rajagahe viharati veluvane. Tena samayena rajagahe annataro upasako saddho pasanno pancasu silesu patitthito uposathadivasesu uposathasilam samadiyitva purebhattam attano vibhavanurupam bhikkhunam danani datva sayam bhunjitva suddhavatthanivattho suddhuttarasango pacchabhattam yebhuyyena attha panani gahapetva viharam gantva bhikkhusamghassa niyyadetva bhagavantam upasankamitva dhammam sunati. Evam so sakkaccam danamayam silamayanca bahum sucaritam upacinitva ito cuto tavatimsesu uppajji. Tassa punnanubhavena sabbaseto mahanto dibbo hatthinago paturahosi. So tam abhiruyha mahantena parivarena mahantena dibbanubhavena kalena kalam uyyanakilam gacchati. @Footnote: ¹ cha.Ma. nagavimana... Athekadivasam katannutaya codiyamano addharattisamaye tam dibbanagam abhiruyha mahata parivarena "bhagavantam vandissami"ti devalokato agantva kevalakappam veluvanam obhasetva ^1- hatthikkhandhato oruyha bhagavantam upasankamitva abhivadetva annalim paggayha ekamantam atthasi. Tam bhagavato samipe thito ayasma vangiso bhagavato anunnaya ^2- imahi gathahi pucchi:- [968] "mahantam nagam abhiruyha sabbasetam gajuttamam vana vanam anupariyasi nariganapurakkhato obhasento disa sabba osadhi viya taraka. [969] Kena te'tadiso vanno kena te idha mijjhati uppajjanti ce te bhoga ye keci manaso piya. [970] Pucchami tam deva mahanubhava manussabhuto kimakasi punnam kenasi evanjalitanubhavo vanno ca te sabbadisa pabhasati"ti. Tatha pucchito sopi tassa gathahi eva byakasi. [971] So devaputto attamano vangiseneva pucchito panham puttho viyakasi yassa kammassidam phalam. [972] "aham manussesu manussabhuto upasako cakkhumato ahosim @Footnote: ¹ Si.,i. obhasento ² ka. anunnataya Panatipata virato ahosim loke adinnam parivajjayissam. [973] Amajjapo no ca musa abhanim ^1- sakena darena ca tuttho ahosim annanca pananca pasannacitto sakkacca danam vipulam adasim. [974] Tena me'tadiso vanno tena me idha mijjhati uppajjanti ca me bhoga ye keci manaso piya. [975] Akkhami te bhikkhu mahanubhava manussabhuto yamakasi punnam tenamhi evanjalitanubhavo vanno ca me sabbadisa pabhasati"ti. Tattha apubbam natthi. Sesam hettha vuttanayameva. Dutiyanagavimanavannana nitthita. --------------------

The Pali Atthakatha in Roman Book 30 page 296-298. http://84000.org/tipitaka/atthapali/read_rm.php?B=30&A=6251&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=6251&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=61 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2105 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2103 The Pali Tipitaka in Roman Character :- http://84000.org/tipitaka/read/roman_read.php?B=26&A=2103 Contents of The Tipitaka Volume 26 http://84000.org/tipitaka/read/?index_26