Atthakatha Book 16 : PALI ROMAN
An.A. (manoratha.3)

Udakasandharakavatam upacchindanti, tato akase udakam bhassati, tasmim bhassante
pathavi bhassati, puna vato attano balena antodhammakarake 1- viya udakam abandhitva
ganhati, tato udakam uggacchati, tasmim uggacchante pathavi uggacchati. Evam udakam
kampitam pathavim kampeti. Evanca 2- kampanam yavajjakalapi hotiyeva, bahubhavena 3- pana
ogacchanuggacchanam na pannayati.
     Mahiddhika mahanubhavati ijjhanassa mahantataya mahiddhika, anubhavitabbassa
mahantataya mahanubhava. Parittati dubbala. Appamanati balava. So imam pathavim
kampetiti so iddhim nibbattetva samvejento mahamoggallano viya, vimamsanto
va mahanagattherassa bhagineyyo samgharakkhitasamanero viya pathavim kampeti.
Sankampetiti samantato kampeti. Sampakampetiti tasseva vevacanam. Iti imesu atthasu
pathavikampesu pathamo dhatukopena,  dutiyo iddhanubhavena, tatiyacatuttha punnatejena,
pancamo nanatejena, chattho sadhukaradanavasena, sattamo karunnasabhavena, atthamo
arodanena. Matukucchim okkamante ca tato nikkhamante ca mahasatte tassa punnatejena
pathavi akampittha. Abhisambodhiyam nanatejabhihata hutva akampittha, dhammacakkappavattane
sadhukarabhavasanthita sadhukaram dadamana akampittha, ayusankharam ossajjane karunna-
sabhave santhita cittasankharam asahamana akampittha, parinibbane arodanavegatura 4-
hutva akampittha. Ayam panattho pathavidevataya vasena veditabbo. Mahabhutapathaviya panetam
natthi acetanatta. Sesam sabbattha uttanamevati.
                        Bhumicalavaggo sattamo.
@Footnote: 1 cha.Ma. antodhamakarane  2 cha.Ma. etanca
@3 su.vi. 2/171/161  4 cha.Ma. arodanavegatunna


             The Pali Atthakatha in Roman Book 16 page 279.
http://84000.org/tipitaka/atthapali/read_rm.php?B=16&A=6278&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=16&A=6278&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=22&i=143
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=3914
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=3930
             The Pali Tipitaka in Roman Character :-
http://84000.org/tipitaka/read/roman_read.php?B=22&A=3930
             Contents of The Tipitaka Volume 22
http://84000.org/tipitaka/read/?index_22