AtthaPali Vol.32

222. 5. Sunagattheragathavannana cittanimittassa kovidoti ayasmato sunagattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam kusalam upacinanto ito ekattimse kappe sikhissa bhagavato kale brahmanakule nibbattitva vayappatto tinnam vedanam paragu hutva arannayatane assame vasanto tini @Footnote: ¹ Si. abbhasa nama namena Brahmanasahassani mante vacesi. Athekadivasam tassa sattharam disva lakkhanani upadharetva lakkhanamante parivattentassa "idisehi lakkhanehi samannagato anantajino anantanano buddho bhavissati"ti buddhananam arabbha ularo pasado uppajji. So tena cittappasadena devaloke nibbatto aparaparam devamanussesu samsaranto imasmim buddhuppade nalakagame annatarassa brahmanassa putto hutva nibbatti, sunagotissa namam ahosi. So dhammasenapatissa gihisahayo therassa santikam gantva dhammam sutva dassanabhumiyam patitthito pabbajitva vipassanam patthapetva arahattam papuni. Tena vuttam apadane ^1- :- "himavantassavidure vasabho nama pabbato tasmim pabbatapadamhi assamo asi mapito. ^2- Tini sissasahassani vacesim brahmano tada samharitvana te sisse ekamantam upavisim. Ekamantam nisiditva brahmano mantaparagu buddhavedam gavesanto nane cittam pasadayim. Tattha cittam pasadetva nisidim pannasanthare pallankam abhujitvana tattha kalankato aham. Ekatimse ito kappe yam sannamalabhim tada duggatim nabhijanami nanasannayidam phalam. Sattavisati kappamhi raja siridharo ahu sattaratanasampanno cakkavatti mahabbalo. Kisela jhapita mayham .pe. katam buddhassa sasanan"ti. Arahattam pana patva bhikkhunam dhammadesanapakasena ^3- annam byakaronto:- @Footnote: ¹ khu.apa. 32/34/227 rahosannikattherapadana ² Si. assamosi sumapito @³ cha.Ma. dhammadesanapadesena [85] "cittanimittassa kovido pavivekarasam vijaniya jhayam nipako patissato adhigaccheyya sukham niramisan"ti gatham abhasi. Tattha cittanimittassa kovidoti bhavanacittassa nimittaggahane kusalo, "imasmim samaye cittam paggahetabbam, imasmim sampahamsitabbam, imasmim ajjhupekkhitabban"ti evam paggahanadiyogyassa cittanimittassa gahane cheko. Pavivekarasam vijaniyati kaya- vivekasamvaddhitassa ^1- cittavivekassa rasam sanjanitva, vivekasukham anubhavitvati attho. "pavivekarasam pitva"ti ^2- hi vuttam. Jhayanti pathamam arammanupanijjhanena paccha lakkhanupanijjhanena ca jhayanto. Nipakoti kammatthanapariharane kusalo. Patissatoti upatthitassati. Adhigaccheyya sukham niramisanti evam samathanimittadikosallena labbhe cittavivekasukhe patitthaya sato sampajano hutva vipassanajhaneneva ^3- jhayanto kamamisavattamisehi asammissataya niramisam nibbanasukham phalasukhanca adhigaccheyya samupagaccheyyati attho. Sunagattheragathavannana nitthita. --------------

The Pali Atthakatha in Roman Book 32 page 282-284. http://84000.org/tipitaka/atthapali/read_rm.php?B=32&A=6295&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=6295&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=222 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5470 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5676 The Pali Tipitaka in Roman Character :- http://84000.org/tipitaka/read/roman_read.php?B=26&A=5676 Contents of The Tipitaka Volume 26 http://84000.org/tipitaka/read/?index_26