AtthaPali Vol.31

130. 10. Ganapetavatthuvannana nagga dubbannarupatthati idam satthari jetavane viharante sambahule pete arabbha vuttam. Savatthiyam kira sambahula manussa ganabhuta assaddha appasanna maccheramalapariyutthitacitta danadisucaritavimukha hutva ciram jivitva kayassa bheda nagarassa samipe petayoniyam nibbattimsu. Athekadivasam ayasma mahamoggallano savatthiyam pindaya gacchanto antaramagge pete disva:- [782] "nagga dubbannarupattha kisa dhamanisanthata upphasulika kisika ke nu tumhettha marisa"ti gathaya pucchi. Tattha dubbannarupatthati dubbannasarira hotha. Ke nu tumhetthati tumhe ke nu nama bhavatha. Marisati te attano saruppavasena alapati. Tam sutva peta:- [783] "mayam bhadante petamha duggata yamalokika papakammam karitvana petalokam ito gata"ti gathaya attano petabhavam pakasetva puna therena:- [784] "kim nu kayena vacaya manasa dukkatam katam kissakammavipakena petalokam ito gata"ti gathaya katakammam pucchita:- [785] "anavatesu ^1- titthesu vicinimhaddhamasakam santesu deyyadhammesu dipam nakamha attano. [786] Nadim upema tasita rittaka parivattati chayam upema unhesu atapo parivattati. [787] Aggivanno ca no vato dahanto upavayati etanca bhante arahama annanca papakam tato. [788] Api yojanani ^2- gacchama chata aharagedhino ^3- aladdhava nivattama aho no appapunnata. [789] Chata pamucchita bhanta bhumiyam patisumbhita uttana patikirama avakujja patamase. [790] Te ca tattheva patita ^4- bhumiyam patisumbhita uram sisanca ghattema aho no appapunnata. [791] Etanca bhante arahama annanca papakam tato santesu deyyadhammesu dipam nakamha attano. [792] Te hi nuna ito gantva yonim laddhana manusim vadannu silasampanna kahama kusalam bahun"ti attana katakammam kathesum. #[788] Tattha api yojanani gacchamati anekanipi yojanani gacchama. Katham? chata aharagedhinoti, cirakalam jighacchaya jighacchita ahare giddha @Footnote: ¹ ka. anavajjesu ² Si.,Ma. adhiyojanani. evamuparipi @³ ka. aharagiddhino ⁴ Ma. tattha papatita Abhigijjhanta hutva, evam gantvapi kinci aharam aladdhayeva nivattama. Appapunnatati apunnata ^1- akatakalyanata. #[789] Uttana patikiramati kadaci uttana hutva vikiriyamanangapaccanga viya vattama. Avakujja patamaseti kadaci avakujja hutva patama. #[790] Te cati te mayam. Uram sisanca ghattemati avakujja hutva patita utthatum asakkonta vedhanta vedanappatta attano attano uram sisanca patighamsama ^2-. Sesam hettha vuttanayameva. Thero tam pavattim bhagavato arocesi. Bhagava tamattham atthuppattim katva sampattaparisaya dhammam desesi, tam sutva mahajano maccheramalam pahaya danadisucaritanirato ^3- ahositi. Ganapetavatthuvannana nitthita. ---------------

The Pali Atthakatha in Roman Book 31 page 289-291. http://84000.org/tipitaka/atthapali/read_rm.php?B=31&A=6409&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=6409&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=130 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4822 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5175 The Pali Tipitaka in Roman Character :- http://84000.org/tipitaka/read/roman_read.php?B=26&A=5175 Contents of The Tipitaka Volume 26 http://84000.org/tipitaka/read/?index_26