AtthaPali Vol.50

551/139. 9. Vanavacchattherapadanavannana navamapadane imamhi bhaddake kappetiadikam ayasmato vanavacchattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto kassapassa bhagavato kale kulagehe nibbatto vinnutam patva satthu dhammadesanam sutva saddhajato pabbajitva parisuddham brahmacariyam caritva tato cuto devaloke nibbatto, tato cuto arannayatane bhikkhunam Samipe kapotayoniyam nibbatto. Tesu mettacitto dhammam sutva tato cuto devamanussesu samsaranto imasmim buddhuppade kapilavatthusmim brahmanakule nibbatti. Tassa matukucchigatakaleyeva matu dohalo udapadi vane vasitum vane vijayitum. Tato icchanurupavasena vane vasantiya gabbhavutthanam ahosi. Gabbhato nikkhantanca nam kasavakhandena patiggahesum. Tada bodhisattassa uppannakalo, raja tam kumaram aharapetva saheva posesi. Atha bodhisatto mahabhinikkhamanam nikkhamitva pabbajitva chabbassani dukkarakarikam katva buddhe jate so mahakassapassa santikam gantva tassovade pasanno tassa santika buddhuppadabhavam sutva satthu santikam gantva dhammam sutva pabbajitva nacirasseva chalabhinno araha ahosi. [251] So arahattam patva attano pubbakammam saritva somanassajato pubbacaritapadanam pakasento imamhi bhaddake kappetiadimaha. Tattha brahmabandhu mahayasoti ettha brahmananam bandhu natakoti brahmanabandhuti vattabbe gathabandhasukhattham "brahmabandhu"ti vuttanti veditabbam. Lokattayabyapakayasatta mahayaso. ^1- Sesam sabbam suvinneyyamevati. Vanavacchattherapadanavannana nitthita. ----------------

The Pali Atthakatha in Roman Book 50 page 330-331. http://84000.org/tipitaka/atthapali/read_rm.php?B=50&A=7106&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=7106&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=139 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4023 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4900 The Pali Tipitaka in Roman Character :- http://84000.org/tipitaka/read/roman_read.php?B=32&A=4900 Contents of The Tipitaka Volume 32 http://84000.org/tipitaka/read/?index_32