AtthaPali Vol.39

Haritacajatakam sutametam mahabrahmeti idam sattha jetavane viharanto ukkanthita- bhikkhum arabbha kathesi. Tam hi bhikkhum ekam alankatam matugamam disva ukkanthitam dighakesanakhalomam vibbhamitukamam acariyupajjhayehi aruciya anitam sattha saccam kira bhikkhu ukkanthitositi pucchitva saccam Bhanteti kimkaranati alankatam matugamam disva kilesavasena bhanteti vutte bhikkhu kileso nama gunaviddhamsanato nirassado niraye nibbattapeti esa pana kileso kimkarana tam na kilamessati na hi sinerum paharitva paharanavato puranapannassa lujjati imam hi kilesam nissaya bodhinanassanupadam caramana pancabhinnaatthasamapattilabhino visuddhamahapurisapi satim upatthapetum asakkonta jhanam antaradhapesunti vatva atitam ahari atite baranasiyam brahmadatte rajjam karente bodhisatto ekasmim nigame asitikotivibhave brahmanakule nibbatti. Kancana- chavitaya tassa haritacakumarotissa namam karimsu. So vayappatto takkasilayam uggahitasippo kutumbam santhapetva matapitunam accayena dhanavilokanam katva dhanameva pannayati dhanassa uppadaka na pannayanti mayapi maranamukhe cunnavicunnena bhavitabbanti maranabhayabhito mahadanam datva himavantam pavisitva isipabbajjam pabbajitva sattame divase panca abhinna ca samapattiyo ca nibbattetva tattha ciram vanamulaphalaharo yapetva lonambilasevanattham pabbata otaritva anupubbena baranasim patva rajuyyane vasitva punadivase baranasiyam bhikkhaya caranto rajanganam sampapuni. Raja tam disva pasannacitto pakkosapetva samussitasetachatte rajapallanke nisida- petva nanaggarasabhojanam bhojetva anumodanavasane atirekataram pasiditva kaham bhante gacchathati pucchitva vassavasatthanam Upadharemi maharajati vutte sadhu bhanteti bhuttapataraso tam adaya uyyanam gantva tassa rattitthanadivatthanadini karapetva uyyanapalam paricarikam katva datva vanditva nikkhami. Mahasatto tato patthaya nibaddham ranno gehe bhunjanto dvadasa vassani vasi. Athekadivasam raja paccantam kupitam vupasametum gacchanto amhakam punnakkhettam ma pamajjiti mahasattam deviya niyyadetva agamasi. Tato patthaya sa mahasattam sahattha parivisati. Athekadivasam sa bhojanam sampadetva tasmim cirayamane gandhodakena nahatva sanhamatthasatakam nivasetva sihapanjaram vivarapetva sarire vatam paharapenti khuddakamancake nipajji. Mahasattopi sunivattho suparuto bhikkhabhajanam adaya akasenagantva sihapanjaram sampapuni. Deviya tassa vakacirasaddam sutva vegena utthahantiya matthasatako bhassi. Mahasattassa visabhagarammane cakkhum patihanni. Athassa anekavassakotisatasahassakalam abbhantare nivuttha- kileso karandake sayitaasiviso viya utthahitva jhanam antaradhapesi. So satim upatthapetum asakkonto gantva devim hatthe ganhi. Tavadeva sanim parikkhipimsu. So taya saddhim lokadhammam sevitva bhunjitva uyyanam gantva tato patthaya devasikam tatheva akasi. Tassa taya saddhim lokadhammapatisevanam sakalanagare pakatam jatam. Amacca haritacatapaso evamakasiti ranno pannam pahinimsu. Raja mam bhinditukama evam vadantiti asaddahitva Paccantam vupasametva baranasim paccagantva nagaram padakkhinam katva deviya santikam gantva saccam kira mama ayyo haritacatapaso taya saddhim lokadhammam patiseviti pucchi. Saccam devati. So tassapi asaddahitva tameva pucchissamiti uyyanam gantva vanditva ekamantam nisiditva tam pucchanto pathamam gathamaha sutametam mahabrahme kame bhunjati harito kaccetam vacanam tuccham kacci suddho iriyasiti. Tattha kaccetanti kacci etam harito kame bhunjatiti amhehi sutam vacanam tuccham abhutam kacci tvam suddho iriyasi viharasiti. So cintesi ayam raja naham paribhunjamiti vuttepi mama saddahissateva imasmim pana loke saccasadisi patittha nama natthi ujjhitasacca hi bodhimule nisiditva bodhim papunitum na sakkonti maya saccameva kathetum vattatiti. Bodhisattassa hi ekaccesu thanesu panatipatopi adinnadanampi micchacaropi surapanampi hotiyeva atthabhanjanakam visamvadanam purakkhitva musavado nama na hoti tasma so saccameva kathento dutiyam gathamaha evametam maharaja yatha te vacanam sutam kumaggam patipannosmi mohaneyyesu mucchitoti. Tattha mohaneyyesuti kamagunesu. Kamagune hi loka muyhanti tasma mohaneyyati vuccanti. Tam sutva raja tatiyam gathamaha adu panna kimatthiya nipuna sadhucintini yaya uppatitam ragam kimmano na vinodayeti. Tattha aduti nipato. Idam vuttam hoti bhante gilanassa nama bhesajjam patisaranam pipasitassa paniyam patisaranam tumhakam panesa nipuna sadhunam atthanam cintini panna kimatthiya yaya uppatitam ragam kimmano na vinodayeti kimcittam vinodetum nasakkhiti. Athassa kilesabalam dassento harito catuttham gathamaha cattarome maharaja loke atibala bhusa rago doso mado moho yattha panna na gadhatiti. Tattha yatthati yesu pariyutthanam pattesu mahoghe patito viya panna gadham patittham na labhati. Tam sutva raja pancamam gathamaha araha silasampanno suddho carati harito medhavi pandito ceva iti no sammato bhavanti. Tattha iti no sammatoti evam amhakam sammato sambhavito bhavam. Tam sutva tato harito chattham gathamaha medhavinampi himsanti isidhammagune ratam vitakka papaka raja subha ragupasanhitati. Tattha subhati subhanimittaggahanena pavatta. Atha nam kilesappahane ussahento raja sattamam gathamaha uppannayam sarirajo rago vannavidusano tava tam pajaha bhaddante bahunasi medhavi sammatoti. Tattha vannavidusano tavati tava sariravannassa ca guna- vannassa ca dusano. Bahunasiti bahunam asi tvam medhaviti sammato. Tam sutva tato mahasatto satim patilabhitva kamesu adinavam sallakkhetva atthamam gathamaha te andhakarane kame bahudukkhe mahavise tesam mulam gavesissam chejjam ragam sabandhananti. Tattha andhakaraneti pannacakkhuvinasanato andhabhavakare. Bahudukkheti ettha appassada kamati adini suttani aharitva tesam bahudukkhata dassetabba. Mahaviseti sampayuttakilesavisassa ceva vipakavisassa ca mahantataya mahavise. Tesam mulanti te vuttappakare kame pahatum tesam mulam gavesissam pariyesissami. Kim pana tesam mulanti. Ayonisomanasikaro. Chejjam ragam sabandhananti maharaja idani pannakhaggena paharitva subhanimitta- bandhanena sabandhanam ragam chindissamiti. Idanca pana vatva maharaja okasantava me karohiti okasam karetva pannalalam pavisitva kasinamandalam oloketva Puna nattham jhanam uppadetva pannasalato nikkhamitva akase pallankena nisiditva ranno dhammam desetva maharaja aham atthane vutthakarana mahajanamajjhe garahappatto appamatto hohi puna dani aham anitthigandhavanasandameva gamissamiti ranno rodantassa paridevantassa himavantameva gantva aparihinajjhano brahmalokupago ahosi. Sattha tam karanam natva idam vatvana harito isi saccaparakkamo kamaragam virajetva brahmalokupago ahuti abhisambuddho hutva imam gatham vatva saccani pakasetva jatakam samodhanesi. Saccapariyosane ukkanthitabhikkhu arahatte patitthahi. Tada raja anando ahosi haritacatapaso pana ahamevati. Haritacajatakam pancamam.

The Pali Atthakatha in Roman Book 39 page 358-364. http://84000.org/tipitaka/atthapali/read_rm.php?B=39&A=7226&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=7226&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1246 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=5217 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=5264 The Pali Tipitaka in Roman Character :- http://84000.org/tipitaka/read/roman_read.php?B=27&A=5264 Contents of The Tipitaka Volume 27 http://84000.org/tipitaka/read/?index_27