AtthaPali Vol.55

9. Aparinipphannakathavannana [917-918] Idani aparinipphannakatha nama hoti. Tattha "dukkhameva hi sambhoti dukkham titthati veti ca nannatra dukkha sambhoti ^*- nannatra dukkha nirujjhati"ti ^2- vacanam nissaya dukkhanneva parinipphannam, sesa khandhayatanadhatuindriyadhamma aparinipphannati yesam laddhi seyyathapi ekaccanam uttarapathakananceva hetuvadananca, te sandhaya rupam aparinipphannanti puccha sakavadissa, patinna itarassa. Atha nam "sace rupam aparinipphannam, na aniccadisabhavam siya"ti codetum rupam naniccantiadimaha. Itaro tatharupam rupam apassanto patikkhipati. Sakavadi nanu rupam aniccantiadivacanena tassa ekam laddhim patisedhetva dutiyam pucchanto dukkhanneva parinipphannantiadimaha. Athassa tampi laddhim patisedhetum nanu ^3- yadaniccantiadimaha. Tatrayam adhippayo:- na kevalanhi pathamasaccameva dukkham, yampana kinci aniccam, tam dukkhameva. Rupanca aniccam, tasma tampi parinipphannam. Iti yam tvam vadesi "rupam aparinipphannam, dukkhanneva parinipphannan"ti, tam no vata re vattabbe "dukkhanneva parinipphannan"ti. Vedanadimulikadisupi yojanasu eseva nayo. Dhammayatanadhammadhatusu pana thapetva nibbanam sesadhammanam vasena aniccata veditabba. Indriyani aniccanevati. Aparinipphannakathavannana nitthita. Tevisatimo vaggo samatto. ----------- @Footnote: ¹ cha.Ma. ragadipatirupaka naragadayopi ² sam.sa. 15/171/163 @³ cha.Ma. na ^* cha.Ma. nannam

The Pali Atthakatha in Roman Book 55 page 325. http://84000.org/tipitaka/atthapali/read_rm.php?B=55&A=7318&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=7318&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36