AtthaPali Vol.38

jambukajatakam braha pavaddhakayo soti idam sattha veluvane viharanto devadattassa sugatalayakaranam arabbha kathesi. Vatthu hettha vittharitameva. Ayam panettha sankhepattho. Satthara sariputta devadatto tumhe disva kim akasiti vutto thero aha bhante so tumhakam anukaronto mama hatthe vijanim datva nipajji atha nam kokaliko ure januna paharati iti so tumhakam anukaronto dukkham anubhotiti. Tam sutva sattha na sariputta devadatto idaneva mama kiriyam anukaronto dukkham anubhavati pubbepi anubhosiyevati vatva therena yacito atitam ahari. Atite baranasiyam brahmadatte rajjam karente bodhisatto sihayoniyam nibbattitva himavante guhayam vasamano ekadivasam mahisam vadhitva mamsam khaditva paniyam pivitva guham agacchati. Eko sigalo tam disva palayitum asakkonto urena nipajji. Kim jambukati vutte upatthahissami tam bhaddanteti aha. Siho tenahi ehiti tam attano Vasanatthanam netva divase divase mamsam aharitva posesi. Tassa sihavighasena thulasariram pattassa ekadivasam mano uppajji. So siham upasankamitva aha aham sami niccakalam tumhakam palibodho tumhe niccam mamsam aharitva mam posetha ajja tumhe idheva hotha aham ekam varanam vadhitva mamsam khaditva tumhakampi aharissamiti. Siho ma te jambuka etam ruci na tvam varanam vadhitva mamsam khadakayoniyam nibbatto aham te varanam vadhitva dassami varana nama maha pavaddhakaya ma vilomam ganha mama vacanam karohiti vatva pathamam gathamaha braha pavaddhakayo so dighadadhova jambuka na tvam tamhi kule jato yattha ganhanti kunjaranti. Tattha brahati mahanto. Pavaddhakayoti pavaddhauggatakayo ^1-. Dighadadhoti dighadanto tehi dantehi tumhadise paharitva jivitakkhayam papeti. Yatthati yasmim sihakule jata mattavaravaranam ganhanti tvam tattha na jato. Sigalakule pana jatoti attho. Sigalo sihe varente guha nikkhamitva tikkhattum hukka hukkati sigalikam naditva pabbatakute thito pabbatapadam olokento ekam kalavaranam pabbatapadena gacchantam disva ullanghitva tassa kumbhe patissamiti parivattitva padamule pati. Varano purimapadam ukkhipitva tassa matthake patitthapesi. Sisam bhijjitva @Footnote: ¹ uddhuggatakayo. Cunnavicunnam jatam. So tattheva anutthunanto sayi. Varano koncanadam karonto pakkami. Bodhisatto gantva pabbatamatthake thito tam vinasampattam disva attano manam nissaya nattho sigaloti vatva tisso gatha abhasi asiho sihamanena yo attanam vikubbati kutthuva gajamasajja seti bhumya anutthunam yasassino uttamapuggalassa sanjatakkhandhassa mahabbalassa asamekkhiya thamabalupapattim sa seti nagena hatoyam jambuko yovidha kammam kurute pamaya thamabalam attani samviditva jappena mantena subhasitena parikkhava so vipulam jinatiti. Tattha vikubbatiti parivatteti. Kutthuvati sigalo viya. Anutthunanti nitthunanto. Idam vuttam hoti yatha ayam kutthu mahantam vedanam ^1- patva anutthunanto bhumiyam seti evam yo annopi dubbalo balavata viggaham karoti sopi evarupova hotiti. Yasassinoti issariyavato. Uttamapuggalassati kayabalena nanabalena ca uttamapuggalassa. Sanjatakkhandhassati @Footnote: ¹ gajam. Susanthitamahakhandhassa. Mahabbalassati mahathamassa. Thamabalupapattinti evarupassa sihassa thamasankhatam balanceva sihajatisankhatam upapattinca ajanitva. Kayathamanca nanabalanca sihupapattinca ajanitvatipi attho. Sa setiti attanampi tena sadisam mannamano so ayam jambuko nagena hato matasayanam seti. Pamayati paminitva upaparikkhitva. Pamanatipi patho. Attano pamanam gahetva yo attano pamanena kuruteti attho. Thamabalanti thamasankhatam balam. Kayathamanca nanabalancatipi attho. Jappenati jappena ajjhenenati attho. Mantenati annehi panditehi saddhim mantetva karanena. Subhasitenati saccadigunayuttena anavajjavacanena. Parikkhavati parikkhasampanno. So vipulam jinatiti so evarupo hoti yamkinci kammam kurumano attano thamanca balanca natva jappamantavasena paricchinditva subhasitam bhasanto karoti so vipulanca mahantam attham jinati na parihayatiti ^1-. Evam bodhisatto imahi tihi gathahi imasmim loke kattabbayuttakam kammam kathesiti. Sattha imam dhammadesanam aharitva jatakam samodhanesi tada sigalo devadatto ahosi siho pana ahamevati. Jambukajatakam pancamam ---------- @Footnote: ¹ parajjhati.

The Pali Atthakatha in Roman Book 38 page 367-370. http://84000.org/tipitaka/atthapali/read_rm.php?B=38&A=7624&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=7624&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=638 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3099 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3065 The Pali Tipitaka in Roman Character :- http://84000.org/tipitaka/read/roman_read.php?B=27&A=3065 Contents of The Tipitaka Volume 27 http://84000.org/tipitaka/read/?index_27