AtthaPali Vol.32

250. 3. Vanavacchattheragathavannana acchodika puthusilati ayasmato vanavacchattherassa gatha. Ka uppatti? @Footnote: ¹ Si. vijjabhavassa, Ma. vijjasabhavassa ² Ma.mu. 12/9/6 mulapariyayasutta, @ an.tika. 20/38/138 catumaharajasutta ³ Ma. atthupanibandhatthena Ayampi purimabuddhesu katadhikaro tattha tattha bhave vivattupanissayam kusalabijam ropento vipassissa bhagavato kale kulagehe nibbattitva vinnutam patto parassa kammam katva jivanto kassaci aparadham katva maranabhayena tajjito palayanto antaramagge bodhirukkham disva pasannamanaso tassa mulam sammajjitva pindibandhehi asokapupphehi pujam katva vanditva bodhim abhimukho namassamano pallankena nisinno maretum agate paccatthike disva tesu cittam akopetva bodhimeva ^1- avajjento sataporise papate papati. ^2- So tena punnakammena devaloke nibbattitva aparaparam punnani katva devamanussesu samsaranto imasmim buddhuppade rajagahe vibhava- sampannassa brahmanassa putto hutva nibbatti, vacchotissa namam ahosi. So vayappatto bimbisarasamagame patiladdhasaddho pabbajitva arahattam papuni. Tena vuttam apadane ^3- :- "parakammayane yutto aparadham akasaham vanantam atidhavissam ^4- bhayaverasamappito. ^5- Pupphitam padapam disva pindibandham sunimmitam ^6- tambapuppham gahetvana bodhiyam okirim aham. Sammajjitvana tam bodhim patalim padaputtamam pallankam abhujitvana bodhimule upavisim. Gatamaggam gavesanta agacchum ^7- mama santikam te ca disvanaham tattha avajjim bodhimuttamam. Vanditvana aham bodhim vippasannena cetasa anekatale ^8- papatim giridugge bhayanake. Ekanavute ito ^9- kappe yam pupphamabhiropayim @Footnote: ¹ Si. bodhirukkhameva ² Si. pati ³ khu.apa. 32/7/241 tambapupphiyattherapadana @⁴ cha.Ma. abhidhavissam ⁵ Si. bhayabheravasamappito ⁶ Si. sunitthitam ⁷ pali. aganchum @⁸ Si. anekatala ⁹ cha.Ma. ekanavutito Duggatim nabhijanami bodhipujayidam phalam. Ito ca tatiye kappe raja susannato ^1- aham sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva vivekabhiratiya vaneyeva vasi, tena vanavacchoti samanna udapadi. Atha kadaci thero natijananuggahattham rajagaham gato tattha natakehi upatthiyamano katipaham vasitva gamanakaram sandassesi. Tam nataka "bhante amhakam anuggahattham dhuravihare vasatha, mayam upatthahissama"ti yacimsu. Thero tesam pabbataramaneyyakittanapadesena vivekabhiratim nivedento:- [113] "acchodika puthusila gonangulamigayuta ambusevalasanchanna te sela ramayanti man"ti gatham abhasi. Tattha acchodikati accham abahalam sukhumam udakam etesuti "acchodaka"ti vattabbe ^2- lingavipallasena "acchodika"ti vuttam. Etena tesam udakasampattim dasseti. Puthusilati puthula vitthata mudusukhasamphassa sila etesuti puthusila. Etena nisajjanatthanasampattim dasseti. Gunnam viya nangulam nanguttham etesanti gonangula, kalamakkata, "pakatimakkata"tipi vadantiyeva. Gonangulehi ca pasadadikehi migehi ca ^3- taham taham vicarantehi ayuta missitati gonangulamigayuta. Etena tesam amanussupacaritaya arannalakkhanupetatam dasseti. Ambusevalasanchannati pasavanato satatam ^4- paggharamanasalilataya taham taham udakasevalasanchadita. Te sela ramayanti manti yatthaham @Footnote: ¹ Si. santusito ² Si. etesuti acchodika, acchodakati vattabbe @³ Si. catuppadadikehi ca ⁴ Ma. pavaham Vasami, te edisa sela pabbata vivekabhiratiya mam ramayanti, tasma tatthevaham ^1- gacchamiti adhippayo. Idameva ca therassa annabyakaranam ahosi. Vanavacchattheragathavannana nitthita. -----------

The Pali Atthakatha in Roman Book 32 page 345-348. http://84000.org/tipitaka/atthapali/read_rm.php?B=32&A=7693&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=7693&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=250 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5626 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5803 The Pali Tipitaka in Roman Character :- http://84000.org/tipitaka/read/roman_read.php?B=26&A=5803 Contents of The Tipitaka Volume 26 http://84000.org/tipitaka/read/?index_26