Atthakatha Book 33 : PALI ROMAN
Thera.A.2 (paramatthadi.2)

                    334. 12. Muditattheragathavannana
         pabbajintiadika ayasmato muditattherassa gatha. Ka uppatti?
         ayampi purimabuddhesu katadhikaro tattha tattha bhave punnani upacinanto
vipassissa bhagavato kale kulagehe nibbattitva vinnutam patto ekadivasam sattharam
disva pasannamanaso ekam mancamadasi. 1- So tena punnakammena devamanussesu
samsaranto imasmim buddhuppade kosalaratthe gahapatikule nibbattitva muditoti
laddhanamo vinnutam papuni. Tena ca samayena tam kulam ranna kenacideva karaniyena
palibuddham ahosi. Mudito rajabhayabhito palayitva arannam pavittho annatarassa
khinasavattherassa vasanatthanam upagacchi. Thero tassa bhitabhavam natva "ma bhayi"ti
samassasesi. So "kittakena nu kho bhante kalena idam me bhayam vupasamessati"ti
pucchitva "sattatthamase atikkamitva"ti vutte "ettakam kalam adhivasetum na
sakkomi, pabbajissamaham bhante, pabbajetha man"ti jivitarakkhanattham pabbajjam yaci,
thero
@Footnote: 1 Si.,i. pacchimadasi
Tam pabbajesi. So pabbajitva sasane patiladdhasaddho bhaye vupasantepi samanadhammamyeva
rocento kammatthanam gahetva vipassanaya kammam karonto "arahattam apatva
imasma vasanagabbha bahi na nikkhamissami"tiadina patinnam katva vipassanam
ussukkapetva arahattam papuni. Tena vuttam apadane 1-:-
            "vipassino bhagavato          lokajetthassa tadino
             ekam mancam 2- maya dinnam    pasannena sapanina.
             Hatthiyanam assayanam         dibbayanam samajjhagam
             tena mancakadanena         pattomhi asavakkhayam.
             Ekanavutito kappe         yam mancamadadim tada
             duggatim nabhijanami         mancadanassidam phalam.
             Kilesa jhapita mayham .pe.  katam buddhassa sasanan"ti.
         Arahattam pana patva vimuttisukham patisamvedento sahayabhikkhuhi adhigatam
pucchito attano patipannakaram kathento:-
         [311] "pabbajim jivikatthoham       laddhana upasampadam
               tato saddham patilabhim        dalhaviriyo parakkamim.
         [312] Kamam bhijjatuyam kayo      mamsapesi visiyarum
               ubho jannukasandhihi        janghayo papatantu me.
         [313] Nasissam na pivissami      vihara  ca na nikkhame
               napi passam nipatessam      tanhasalle anuhate.
         [314] Tassa mevam viharato       passa viriyaparakkamam
               tisso vijja anuppatta   katam buddhassa sasanan"ti
catasso gatha abhasi.
@Footnote: 1 khu.apa. 33/112/164 veccakadayakattherapadana (sya)  2 pali. veccam. evamuparipi
         Tattha jivikatthoti jivikaya atthiko jivikappayojano. "ettha pabbajitva
nibbhayo sukhena akilamanto jivissami"ti evam jivikatthaya pabbajinti attho. Laddhana
upasampadanti pathamam samanerapabbajjayam thito natticatutthena kammena upasampadam
labhitva. Tato saddham patilabhinti tato upasampannakalato patthaya kalyanamitte
sevanto dve matika tisso anumodana ekaccam 1- suttam samathakammatthanam vipassana-
vidhinca ugganhanto buddhadinam mahanubhavatam disva "sammasambuddho bhagava,
svakkhato dhammo, supatipanno samgho"ti ratanattaye saddham patilabhim. Dalhaviriyo
parakkaminti evam patiladdhasaddho hutva vipassanaya kammam karonto na cirasseva
saccapativedhaya dalhaviriyo thiraviriyo hutva parakkamim, akusalanam dhammanam pahanaya
kusalanam dhammanam upasampadaya sammadeva padahim.
         Yatha pana parakkamim, tam dassetum "kaman"tiadi vuttam. Tattha kamanti yathakamam
ekamsato va bhijjatu. Ayam kayoti ayam mama putikayo, imina viriyapatapena
bhijjati ce, bhijjatu chinnabhinnam hotu. Mamsapesi visiyarunti imina dalhaparakkamena
imasma kaya mamsapesiyo visiyanti ce, visiyantu ito cito viddhamsantu. Ubho
jannukasandhihi, janghayo papatantu meti ubhohi jannukasandhihi saha mama ubho
janghayo satthiyo urubandhato bhijjitva bhumiyam papatantu. "man"tipi patho, so
evattho. Sesam hettha vuttanayameva.
                 Muditattheragathavannana nitthita.
                 Paramatthadipaniya  theragathasamvannanaya
                 catukkanipatassa atthavannana nitthita.
@Footnote: 1 Si.,i. ekam


             The Pali Atthakatha in Roman Book 33 page 36-38.
http://84000.org/tipitaka/atthapali/read_rm.php?B=33&A=814&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=33&A=814&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=334
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=6315
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=6430
             The Pali Tipitaka in Roman Character :-
http://84000.org/tipitaka/read/roman_read.php?B=26&A=6430
             Contents of The Tipitaka Volume 26
http://84000.org/tipitaka/read/?index_26