AtthaPali Vol.38

kuntinijatakam avasimha tavagareti idam sattha jetavane viharanto kosalaranno gehe nivuttham kuntinisakunikam ^1- arabbha kathesi. Sa kira ranno duteyyaharika. Dve potakapissa atthi. Raja tam sakunikam ekassa ranno pannam gahapetva pesesi. Tassa gatakale rajakule daraka te sakunapotake hatthena parimaddanta maresum. Sa agantva te potake mate passanti kena me puttaka maritati pucchi. Asukena ca asukena cati. Tasminca kale rajakule posavanikabyaggho atthi kakkhalo pharuso bandhanavasena titthati. Atha te daraka tam byaggham dassanaya agamamsu. Sapi sakunika tehi saddhim gantva yatha imehi mama puttaka marita tatheva ne karissamiti te darake gahetva byagghassa padamule khipi. Byaggho murumurapetva khadi. Sa idani @Footnote: ¹ kuntanisakunikam. Me manoratho paripunnoti uppatitva himavantameva gata. Tam karanam sutva bhikkhu dhammasabhayam katham samutthapesum avuso rajakule kira kuntinisakunika yehissa potaka marita te darake byagghassa padamule khipitva himavantameva gatati. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa attano potakaghatake darake khipitva himavantameva gatati vatva atitam ahari. Atite baranasiyam (brahmadatte rajjam karente) bodhisatto (baranasiyam) dhammena samena rajjam karesi. Nivesane eka kuntinisakunika duteyyaharika. Sabbam purimasadisameva. Ayam pana viseso. Ayam byagghena darake marapetva cintesi idani na sakka maya idha vasitum gamissami gacchanti ca ranno anarocetvava na gamissamiti. Sa rajanam upasankamitva ekamantam thita sami tumhakam pamadena mama puttake daraka maresum aham kodhavasika hutva te darake patimaresim idani maya idha vasitum na sakkati vatva pathamam gathamaha avasimha tavagare niccam sakkatapujita tvamevadanimakari handa raja vajamahanti. Tattha tvamevadanimakariti mam pannam gahapetva pesetva attano pamadena mama piyaputtake arakkhanto tvannevadani etam mama gamanakaranam akari. Handati upasaggatthe nipato. Rajati Bodhisattam alapati. Vajamahanti himavantam gacchamiti. Tam sutva raja dutiyam gathamaha yo ve kate patikate kibbise patikibbise evantam sammati veram vasa kuntini ma gamati. Tassattho yo puggalo parena kate kibbise attano puttamaranadike darunakamme kate puna attano tassa puggalassa patikate patikibbise patikatam maya tassati janati evantam sammati veranti ettakena tam veram sammati vupasantam hoti tasma vasa kuntini ma gamati. Tam sutva kuntini tatiyam gathamaha na katassa ca katta ca mitti sandhiyate puna hadayam nanujanati gacchanneva rathesabhati. Tattha na katassa ca katta cati pakatassa ca abhibhutassa ca uppilitassa puggalassa idani vibhattiparinamam katva yo katta tassa cati imesam dvinnam puggalanam puna mittabhavo nama na sandhiyati na ghatiyatiti attho. Hadayam nanujanatiti tena karanena mama hadayam idha vasam nanujanati. Gacchanneva rathesabhati tasma aham maharaja gamissamiyevati. Tam sutva raja catuttham gathamaha katassa ceva katta ca mitti sandhiyate puna dhiranam no ca balanam vasa kuntini ma gamati. Tassattho katassa ceva puggalassa yo ca katta tassa mitti sandhiyati puna sa pana dhiranam no ca balanam dhiranam hi metti bhinnapi puna ghatiyati balanam pana sakim bhinna bhinnava hoti tasma vasa kuntini ma gamati. Sakunika evam santepi na sakka maya vasitum samiti rajanam vanditva uppatitva himavantameva gata. Sattha imam dhammadesanam aharitva jatakam samodhanesi tada kuntiniyeva etarahi kuntini baranasiraja pana ahamevati. Kuntinijatakam tatiyam ---------

The Pali Atthakatha in Roman Book 38 page 395-398. http://84000.org/tipitaka/atthapali/read_rm.php?B=38&A=8205&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=8205&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=670 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3213 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3189 The Pali Tipitaka in Roman Character :- http://84000.org/tipitaka/read/roman_read.php?B=27&A=3189 Contents of The Tipitaka Volume 27 http://84000.org/tipitaka/read/?index_27