AtthaPali Vol.11

Saddhim yuddham hoti. Tasmim no pana yuddhe na kassaci chavi va cammam va chijjati, na lohitam uppajjati, kevalam kumarakanam darumendakayuddham viya annamannam santapanamattameva ^1- hoti. Kotisatapi kotisahassapi naga tehi saddhim yujjhitva te asurapuramyeva pavesetva nivattanti. Yada ^2- pana asura balavanto honti, atha naga osakkitva dutiye alinde supannehi saddhim ekatova hutva yujjhanti. Esa nayo supannadisupi. Yada pana tani pancapi thanani asura maddanti, tada ekato sampinditanipi panca balani osakkanti. Atha cattaro maharajano gantva sakkassa tam pavattim arocenti. Sakko tesam vacanam sutva diyaddhayojanasatikam vejayantaratham aruyha sayam va nikkhamati, ekam va puttam peseti. Imasmim pana kale puttam pesetukamo tata suviratiadimaha. Evam bhaddantavati khoti evam hotu bhaddam tava iti kho. Pamadam apadesiti pamadam akasi. Accharasanghaparivuto satthiyojanam vittharena suvannamahavithim otaritva nakkhattam kilanto nandanavanadisu vicaratiti attho. Anutthahanti anutthahanto. Avayamanti avayamanto. Alasvayanti ^3- alaso ayam. ^4- Na ca kiccani karayeti kinci kiccam nama na kareyya. Sabbakamasamiddhassati sabbakamehi samiddho assa. Tamme sakka varam disati sakka devasettha tam me varam uttamam thanam okasam disa acikkha kathehiti vadati. Nibbanassa hi so maggoti kammam akatva jivitatthanam nama nibbanassa maggo. Pathamam.

The Pali Atthakatha in Roman Book 11 page 323. http://84000.org/tipitaka/atthapali/read_rm.php?B=11&A=8335&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=8335&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=847 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6944 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=6201 The Pali Tipitaka in Roman Character :- http://84000.org/tipitaka/read/roman_read.php?B=15&A=6201 Contents of The Tipitaka Volume 15 http://84000.org/tipitaka/read/?index_15