AtthaPali Vol.11

3. Dhajaggasuttavannana [249] Tatiye samupabyulhoti sampindito rasibhuto. Dhajaggam ullokeyyathati sakkassa kira diyaddhayojanasatayamo ratho. Tassa hi pacchimanto pannasayojano, majjhe rathapanjaro pannasayojano, rathasandhito yava rathasisani ^1- pannasayojanani. Tadeva pamanam digunam katva tiyojanasatayamotipi vadantiyeva. Tasmim ^2- yojanapallanko attharito, ^2- tiyojanikam setacchattam matthake thapitam, ekasmimyeva yuge sahassajanna yutta, sesalankarassa pamanam natthi. Dhajo panassa addhatiyayojanasatani uggato, yassa vatahatassa pancangikaturiyasseva saddo niccharati, tam ullokeyyathati vadati. Kasma? tam passantanam hi raja no agantva parisapariyante nikhatathambho viya thito, kassa mayam bhayamati bhayam na hoti. Pajapatissati so kira sakkena samanavanno samanayuko dutiyasanam labhati. Tatha varuno isano ca. Varuno pana tatiyasanam labhati, isano catuttham. Palayiti asurehi parajito tasmim rathe thito appamattakampi rajam va ^3- disva palayanadhammo. Itipi so bhagavatiadini visuddhimagge vittharitaneva. Idamavocati idam dhajaggaparittam nama bhagava avoca, yassa anakhette kotisatasahassacakkavale anubhavo vattati. Idam avajjetva hi yakkhabhayacorabhayadihi dukkhehi muttanam anto natthi. Titthatu annadukkhavupasamo, idam avajjento ^4- hi pasannacitto akasepi patittham labhati. Tatridam vatthu:- dighavapicetiyampi kira sudhakamme kayiramane eko daharo muddhavedikapadato ^5- patitva cetiyakucchiya bhassati. Hettha thito bhikkhusamgho "dhajaggaparittam avuso avajjahi"ti aha. So maranabhayena tajjito "dhajaggaparittam mam rakkhatu"ti aha. Tavadevassa cetiyakucchito dve itthaka nikkhamitva @Footnote: ¹ cha.Ma., i. rathasisa ^2-2 cha.Ma., i. yojanikapallanko atthato @³ Si., i. rajam va dhajam va, cha.Ma. rajadhajam ⁴ cha.Ma., i. avajjamano @⁵ Si., i. mulavedikapadato, Ma. muddhavedikaparago Sopanam hutva atthamsu, uparitthita vallinissenim otaresum. Tasmim nisseniyam thite itthaka yathatthaneyeva atthamsu. Tatiyam.

The Pali Atthakatha in Roman Book 11 page 324-325. http://84000.org/tipitaka/atthapali/read_rm.php?B=11&A=8360&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=8360&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=863 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=7046 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=6275 The Pali Tipitaka in Roman Character :- http://84000.org/tipitaka/read/roman_read.php?B=15&A=6275 Contents of The Tipitaka Volume 15 http://84000.org/tipitaka/read/?index_15