AtthaPali Vol.11

3. Tatiyadevasuttavannana ^*- [259] Tatiye upasankamiti "sakko devarajati kathenti, atthi nu kho so sakko, yena so ditthapubboti imamattham dasabalam pucchissami"ti upasankami. Tanca pajanamiti bahuvacane ekavacanam, te ca dhamme pajanamiti attho. Sakko kira anantare attabhave magadharatthe acalagame magho nama manavo ahosi pandito byatto. Bodhisattacariya viyassa cariya ^3- ahosi. So tettimsa purise gahetva kalyanamakasi. Ekadivasam attanova pannaya upaparikkhitva gamamajjhe mahajanassa sannipatitatthane kacavaram ubhato ^4- apabyuhitva tam thanam ramaniyam @Footnote: ¹ cha.Ma. vatapadasuttavannana ² cha.Ma. sakkanamasuttavannana ³ cha.Ma. viya ca tassa cariya @⁴ cha.Ma., i ubhatopassesu ^* cha.Ma. mahalisutta... Akasi. Puna tatheva mandapam karesi. Puna gacchante kale salam karesi. Gamato ca nikkhamitva gavutampi addhayojanampi tigavutampi yojanampi vicaritva tehi sahayehi saddhim visamam samam akasi. Te sabbepi ^1- ekacchanda tattha tattha setuyuttatthane setum, mandapasalapokkharanimalavaccharopanadinam ^2- yuttatthanesu mandapadini ^3- karonta bahupunnamakamsu. Magho satta vattapadani puretva kayassa bheda saddhim sahayehi tavatimsabhavane nibbatti. Tam sabbam bhagava janati. Tenaha yesanca ^4- dhammanam samadinnatta sakko sakkattam ajjhaga, tanca pajanamati. Ayam sakkassa sakkattadhigame sankhepakatha, vittharo pana sumangalavilasiniya dighanikayatthakathaya sakkapanhavannanaya ^5- vutto. Tatiyam.

The Pali Atthakatha in Roman Book 11 page 330-331. http://84000.org/tipitaka/atthapali/read_rm.php?B=11&A=8530&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=8530&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=912 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=7417 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=6612 The Pali Tipitaka in Roman Character :- http://84000.org/tipitaka/read/roman_read.php?B=15&A=6612 Contents of The Tipitaka Volume 15 http://84000.org/tipitaka/read/?index_15