AtthaPali Vol.38

arannajatakam aranna gamamagammati idam sattha jetavane viharanto thulakumarikapalobhanam arabbha kathesi. Vatthu cullanaradakassapajatake avibhavissati. Atite baranasiyam brahmadatte rajjam karente bodhisatto brahmanakule nibbattitva vayappatto takkasilayam uggahitasippo bhariyaya kalakataya puttam gahetva isipabbajjam pabbajitva himavante vasanto puttam assamapade thapetva phalaphalatthaya gacchati. Tada coresu paccantagamam paharitva karamare gahetva gacchantesu Eka kumarika palayitva tam assamapadam patta tapasakumaram palobhetva silavinasam papetva ehi gacchamati aha. Pita tava me agacchatu tam passitva gamissamiti. Tenahi disva agacchati nikkhamitva antaramagge nisidi. Tapasakumaro pitari agate pathamam gathamaha aranna gamamagamma kimsilam kimvatam aham purisam tata seveyyam tam me akkhahi pucchitoti. Tattha aranna gamamagammati tata aham ito arannato manussapatham vasanatthaya gato vasanagamam patva kim karomiti. Athassa pita ovadam dadanto tisso gatha aha yo tam vissasaye tata vissasanca khameyya te sussusi ca titikkhi ca tam bhajehi ito gato yassa kayena vacaya manasa natthi dukkatam orasiva patitthaya tam bhajehi ito gato haliddaragam kapicittam purisam ragaviraginam tadisam tata ma sevi nimmanusampi ce siyati. Tattha yo tam vissasayeti yo puriso tam vissaseyya na parisankeyya. Vissasanca khameyya teti yo ca attani kayiramanam tava vissasampatto nirasanko tam khameyya. Sussusiti yo ca tava vissasavacanam sotum icchati. Titikkhiti yo ca taya katam aparadham khamati. Tam bhajehiti tam purisam bhajeyyasi payirupaseyyasi. Orasiva patitthayati yatha tassa urasi patitthaya vaddhito orasaputto tvam tadiso urasi patitthitaputto viya hutva evarupam purisam bhajeyyasiti attho. Haliddaraganti haliddaragasadisam athiracittam. Kapicittanti lahuparivattitaya makkatacittam. Ragaviraginanti muhutteneva rajjanavirajjanasabhavam. Nimmanussampi ce siyati sakalajambudipatalam kayaduccaritadirahitassa manussassa abhavena nimmanussam siya tathapi tadisam lahucittam ma sevi sabbampi manussapatham vicinitva hettha vuttagunasampannameva purisam seveyyasiti attho. Tam sutva tapasakumaro aham tata imehi gunehi samannagatam purisam kattha labhissami na gacchami tumhakamyeva santike vasissamiti vatva nivatti. Athassa pita kasinaparikammam acikkhi. Ubhopi aparihinajjhana brahmalokaparayana ahesum. Sattha imam dhammadesanam aharitva jatakam samodhanesi tada putto ca kumarika ca eteyeva ahesum pita tapaso pana ahamevati. Arannajatakam atthamam ---------

The Pali Atthakatha in Roman Book 38 page 412-414. http://84000.org/tipitaka/atthapali/read_rm.php?B=38&A=8563&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=8563&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=690 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3283 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3255 The Pali Tipitaka in Roman Character :- http://84000.org/tipitaka/read/roman_read.php?B=27&A=3255 Contents of The Tipitaka Volume 27 http://84000.org/tipitaka/read/?index_27