AtthaPali Vol.32

265. 8. Suradhattheragathavannana khina hi mayham jatitiadika ayasmato suradhattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto sikhissa bhagavato kale kulagehe nibbattitva vinnutam patto ekadivasam sattharam disva pasannamanaso matulungaphalam adasi. So tena punnakammena devaloke nibbattitva aparaparam punnani katva sugatisuyeva samsaranto imasmim buddhuppade anantaram vuttassa radhattherassa kanittho hutva nibbatti, suradhotissa namam ahosi. So jetthabhatari radhe ^1- pabbajite sayampi pabbajitva vipassanaya kammam karonto na cirasseva arahattam papuni. Tena vuttam apadane ^2- :- "kanikaramva jalitam punnamayeva candimam jalantam diparukkhamva addasam lokanayakam. Matulungaphalam gayha adasim satthuno aham dakkhineyyassa virassa pasanno sehi panibhi. Ekatimse ito kappe yam phalam adadim tada duggatim nabhijanami phaladanassidam phalam. Kilesa jhapita mayham .pe. katam buddhassa sasanan"ti. Arahattam pana patva sasanassa niyyanikabhavadassanattham annam byakaronto:- [135] "khina hi mayham jati vusitam jinasasanam pahino jalasankhato bhavanetti samuhata. @Footnote: ¹ i.,Ma. ayam patho na dissati ² khu.apa.33/96/147 matulungaphaladayakattherapadan(sya) [136] Yassatthaya pabbajito agarasma anagariyam so me attho anuppatto sabbasamyojanakkhayo"ti gathadvayamaha. ^1- Tattha khinati khayam pariyosanam gata. Jatiti bhavo bhavanibbatti va. ^2- Vusitam jinasasananti jinassa sammasambuddhassa sasanam maggabrahmacariyam vuttham parivuttham. Pahino jalasankhatoti sattasantanassa ottharanato nissaritum appadanato ca "jalasankhato"ti ca laddhanama ditthi avijja ca pahina maggena samucchinna. Bhavanetti samuhatati kamabhavadikassa bhavassa nayanato pavattanato bhavanettisannita tanha samugghatita. Yassatthaya pabbajitoti yassa atthaya yadattham aham agarasma gehato anagariyam pabbajjam pabbajito upagato. ^3- So sabbesam ^4- orambhagiyud- dhambhagiyappabhedanam samyojananam bandhananam khayabhuto attho nibbanasankhato paramattho arahattasankhato sadattho ca maya anuppatto adhigatoti attho. Suradhattheragathavannana nitthita. ---------------

The Pali Atthakatha in Roman Book 32 page 393-394. http://84000.org/tipitaka/atthapali/read_rm.php?B=32&A=8752&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=8752&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=265 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5718 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5883 The Pali Tipitaka in Roman Character :- http://84000.org/tipitaka/read/roman_read.php?B=26&A=5883 Contents of The Tipitaka Volume 26 http://84000.org/tipitaka/read/?index_26