AtthaPali Vol.33

394. 10. Parapariyattheragathavannana samanassa ahu cintatiadika ayasmato parapariyattherassa gatha. Imassa vatthu hettha agatameva, ta ca gatha satthari dharante attano puthujjanakale manacchatthanam indriyanam nigganhanacintaya pakasanavasena bhasita. Ima pana aparabhage satthari parinibbute attano ca parinibbane upatthite tada ayatinca bhikkhunam uddhammapatipattiya pakasanavasena bhasita. Tattha:- [920] "samanassa ahu cinta pupphitamhi mahavane ekaggassa nisinnassa pavivittassa jhayino"ti ayam gatha sangitikarehi thapita. Tassattho hettha vuttanayova. Ayam pana sambandho:- satthari aggasavakesu ekaccesu mahatheresu ca parinibbutesu atitasatthuke pavacane subbacesu sikkhakamesu bhikkhusu dullabhesu dubbacesu micchapatipattibahulesu bhikkhusu ca jatesu supupphite mahante salavane nisinnassa pavivittassa ekaggassa jhayanasilassa samitapapataya samanassa parapariyattherassa patipattim nissaya cinta vimamsa ahositi. Itara:- [921] "annatha lokanathamhi titthante purisuttame iriyam asi bhikkhunam annatha dani dissati. [922] Sitavataparittanam hirikopinachadanam mattatthiyam abhunjimsu santuttha itaritare. [923] Panitam yadi va lukham appam va yadi va bahum yapanattham abhunjimsu agiddha nadhimucchita. [924] Jivitanam parikkhare bhesajje atha paccaye na balham ussuka asum yatha te asavakkhaye. [925] Aranne rukkhamulesu kandarasu guhasu ca vivekamanubruhanta vihamsu tapparayana. [926] Nica nivittha subhara mudu athaddhamanasa abyaseka amukhara atthacintavasanuga. [927] Tato pasadikam asi gatam bhuttam nisevitam siniddha teladharava ahosi iriyapatho. [928] Sabbasavaparikkhina mahajhayi mahahita nibbuta dani te thera paritta dani tadisa. [929] Kusalananca dhammanam pannaya ca parikkhaya sabbakaravarupetam lujjate jinasasanam. [930] Papakananca dhammanam kilesananca yo utu upatthita vivekaya ye ca saddhammasesaka. [931] Te kilesa pavaddhanta avisanti bahum janam kilanti manne balehi ummattehiva rakkhasa. [932] Kilesehabhibhuta te tena tena vidhavita nara kilesavatthusu sasangameva ghosite. [933] Pariccajitva saddhammam annamannehi bhandare ditthigatani anventa idam seyyoti mannare. [934] Dhananca puttam bhariyanca chaddayitvana niggata katacchubhikkhahetupi akicchani nisevare. [935] Udaravadehakam bhutva sayantuttanaseyyaka katha vaddhenti patibuddha ya katha satthugarahita. [936] Sabbakarukasippani cittim katvana sikkhare avupasanta ajjhattam samannatthoti acchati. [937] Mattikam telacunnanca udakasanabhojanam gihinam upanamenti akankhanta bahuttaram. [938] Dantaponam kapitthanca puppham khadaniyani ca pindapate ca sampanne ambe amalakani ca. [939] Bhesajjesu yatha vejja kiccakicce yatha gihi ganikava vibhusayam issare khattiya yatha. [940] Nekatika vancanika kutasakkhi apatuka bahuhi parikappehi amisam paribhunjare. [941] Lesakappe pariyaye parikappenudhavita jivikattha upayena sankaddhanti bahum dhanam. [942] Upatthapenti parisam kammato no ca dhammato dhammam paresam desenti labhato no ca atthato. [943] Samghalabhassa bhandanti samghato paribahira paralabhopajivanta ahirika na lajjare. [944] Nanuyutta tatha eke munda sanghatiparuta sambhavanamyevicchanti labhasakkaramucchita. [945] Evam nanappayatamhi na dani sukaram tatha aphusitam va phusitum phusitam vanurakkhitum. [946] Yatha kantakatthanamhi careyya anupahano satim upatthapetvana evam game muni care. [947] Saritva pubbake yogi tesam vattamanussaram kincapi pacchimo kalo phuseyya amatam padam. [948] Idam vatva salavane samano bhavitindriyo brahmano parinibbayi isi khinapunabbhavo"ti ima gatha thereneva bhasita. Tattha iriyam asi bhikkhunanti purisuttame lokanathamhi sammasambuddhe titthante dharante etarahi patipattibhavato annatha annena pakarena bhikkhunam iriyam caritam ahosi yathanusittham patipattibhavato. Annatha dani dissatiti idani pana tato annatha bhikkhunam iriyam dissati ayathavapatipattibhavatoti adhippayo. ^1- Idani satthari dharante yenakarena bhikkhunam patipatti ahosi, tam tava dassetum "sitavataparittanan"tiadi vuttam. Tattha mattatthiyanti tam mattam payojanam. Yavadeva sitavataparittanam, yavadeva hirikopinapaticchadanam katva civaram paribhunjimsu. Katham? santuttha itaritare yasmim tasmim hine panite va yathaladdhe paccaye Santosam apanna. Panitanti ularam sappiadina samsattham, tadabhavena lukham. Appanti catupancalopamattampi. Bahum yapanattham abhunjimsuti panitam bahum bhunjantapi yapanamattameva aharam bhunjimsu. Tato eva agiddha gedham anapanna. Nadhimucchita na ajjhosita akkhabbhanjanam viya sakatika ^2- vanalepanam viya vanino abhunjimsu. Jivitanam parikkhare, bhesajje atha paccayeti jivitanam pavattiya parikkharabhute bhesajjasankhate paccaye gilanapaccaye. Yatha teti yatha te purimaka bhikkhu asavakkhaye ussuka yutta asum, tatha te rogabhibhutapi gilanapaccaye balham ativiya ussuka nahesunti attho. Tapparayanati vivekaparayana vivekapona. Evam catuhi gathahi catupaccayasantosam ^3- bhavanabhiratinca dassentena tesam ariyavamsapatipada dassita. Nicati "mayam pamsukulika pindapatika"ti attukkamsanaparavambhanani akatva nicavuttino, nivatavuttinoti attho. Nivitthati sasane nivitthasaddha. Subharati @Footnote: ¹ Si. ayam tava patipattibhavato viseso ² Si. sakatikanam ³ Si. paccayasantosam Appicchatadibhavena suposa. ^1- Muduti vattapatipattiyam sakale ca brahmacariye mudu, suparikammakatasuvannam viya viniyogakkhama. Muduti va abhakutika uttanamukha pupphitamukhena patisantharavuttino, sutittham viya ^2- sukhavahati vuttam hoti. Athaddhamanasati akathinacitta, tena subbacabhavamaha. Abyasekati sativippavasabhavato kilesabyasekarahita, antarantara tanhaditthimanadihi avokinnati attho. Amukharati na mukhara, na mukhena khara vacipagabbhiyarahitati va attho. Atthacintavasanugati hitacintavasanuga hitacintavasika attano paresanca hitacintameva ^3- anuparivattanaka. Tatoti tasma nicavuttadihetu. Pasadikanti pasadajanikam ^4- patipattim passantanam sunantananca pasadavaham. Gatanti abhikkantapatikkantaparivattanadigamanam. Gatanti va kayavacapavatti. Bhuttanti catupaccayaparibhogo. Nisevitanti gocaranisevanam. Siniddha teladharavati yatha anivattita kusalajanabhisincita savanti teladhara avicchinna siniddha mattha dassaniya pasadika hoti, evam tesam akappasampannanam iriyapatho acchiddo sanho mattho dassaniyo pasadiko ahosi. Mahajhayiti mahantehi jhanehi jhayanasila, mahantam va nibbanam jhayantiti mahajhayi. Tato eva mahahita, mahantehi hitehi samannagatati attho. Te therati te yathavuttappakara patipattiparayana thera idani parinibbutati attho. Paritta dani tadisati idani pacchime kale tadisa tatharupa thera paritta appaka katipaya evati ^5- vuttam hoti. Kusalananca dhammananti vivattassa upanissayabhutanam vimokkhasambharanam anavajja- dhammanam. Pannaya cati tatharupaya pannaya ca. Parikkhayati abhavato anuppattito. Kamancettha pannapi siya anavajjadhamma 6-, bahukarabhavadassanattham panassa visum @Footnote: ¹ Si. supposa ² Si. suhitam viya, cha.Ma. subhittham ³ Si. cintanameva @⁴ Si.,Ma. pasadajanakam ⁵ Si. appaka evati ⁶ Si. anuvajjadhammesu Gahanam yatha punnananasambharati. Sabbakaravarupetanti adikalyanatadihi sabbehi akaravarehi pakaravisesehi upetam yuttam jinassa bhagavato sasanam lujjati vinassatiti ^1- attho. Papakananca dhammanam, kilesananca yo ututi kayaduccaritadinam papadhammanam lobhadinanca kilesanam yo utu yo kalo, so ayam vattatiti vacanaseso. Upatthita vivekaya, ye ca saddhammasesakati ye pana evarupe kale kayacittaupadhivivekatthaya upatthita araddhaviriya, te ca sesapatipattisaddhammaka honti. Ayam hettha adhippayo:- suvisuddhasilacarapi samana idani ekacce bhikkhu iriyapathasanthapanam, samathavipassanabhavanavidhanam, mahapalibodhupacchedo, khuddakapalibodhupacchedoti evamadipubbakiccam sampadetva bhavanamanuyunjanti. Te sesapatipattisaddhammaka, ^2- patipattim matthakam papetum na sakkontiti te kilesa pavaddhantati ye bhagavato orasaputtehi ca tada parikkhayam pariyadanam gamita kilesa, te etarahi laddhokasa bhikkhusu vuddhim virulhim vepullam apajjanta. Avisanti bahum jananti kalyanamittarahitam ayonisomanasikarabahulam andha- balajanam abhibhavitva avasam karonta avisanti santanam anupavisanti. Evambhuta ca te kilanti manne balehi, ummattehiva rakkhasa yatha nama kelisila rakkhasabhisakkarahite ummatte avisitva te anabyasanam apadenta tehi kilanti, evam te kilesa sammasambuddhabhisakkarahite andhabale bhikkhu avisitva tesam dittha- dhammikadibhedam anattham uppadenta tehi saddhim kilanti manne, kilanta viya hontiti attho. Tena tenati tena tena arammanabhagena. Vidhavitati virupam dhavita asaruppa- vasena patipajjanta. Kilesavatthusuti pathamam uppannam kilesa paccha uppajjanakanam @Footnote: ¹ Ma. lujjati bhijjati vinassatiti ² Si. bhavanamanuyunjanta sesapatipattika @saddhammakata Karanabhavato kilesava kilesavatthuni, tesu kilesavatthusu samuhitesu. Sasangameva ghositeti hirannasuvannamanimuttadikam dhanam vippakiritva "yam yam hirannasuvannadi yassa yassa hatthagatam, tam tam tassa tasseva hotu"ti evam kamaghosana sasangamaghosana nama. Tatthayamattho:- kilesavatthusu "yo yo kileso yam yam sattam ganhati abhibhavati, so so tassa tassa hotu"ti kilesasenapatina marena sasangame ghosite viya. Tehi tehi kilesehi abhibhuta te balaputhujjana tena tena arammanabhagena vidhavita vositati te evam vidhavita kim karontiti aha "pariccajitva saddhammam, annamannehi bhandare"ti. Tassattho:- patipattisaddhammam chaddetva amisakinjakkhahetu anna- mannehi bhandare kalaham karontiti. Ditthigataniti "vinnanamattameva atthi, nattheva rupadhamma"ti "yatha puggalo nama paramatthato natthi, evam sabhavadhammapi paramatthato natthi, voharamattameva"ti ca evamadini ditthigatani micchagahe anventa anugacchanta idam seyyo idameva settham, annam micchati mannanti. Niggatati gehato nikkhanta. Katacchubhikkhahetupiti katacchumattabhikkhanimittampi. Tam dadantassa gahatthassa ananulomikasamsaggavasena akiccani pabbajitena akattabbani kammani nisevare karonti. Udaravadehakam bhutvati "unudaro mitaharo"ti ^1- vuttavacanam acintetva udarapuram bhunjitva. Sayantuttanaseyyakati "dakkhinena passena sihaseyyam kappeti pade padam accadhaya sato sampajano"ti ^2- vuttavidhanam ananussaritva uttanaseyyaka sayanti. Ya katha satthugarahitati rajakathaditiracchanakatham sandhaya vadati. @Footnote: ¹ khu.thera. 26/982/395 sariputtattheragatha @² an.atthaka. 23/99(9)/170 nandasutta, abhi.vibhanga. 35/519/300 jhanavibhanga Sabbakarukasippaniti sabbehi vessadihi karukehi kattabbani bhattatala- vantakaranadini hatthasippani. Cittim katvanati sakkaccam sadaram katva. Avupasanta ajjhattanti kilesavupasamabhavato gadduhanamattampi ^1- samadhanabhavato ca ajjhattam avupasanta, avupasantacittati attho. Samannatthoti samanadhammo. Atiacchatiti tesam ajivakiccapasutataya ekadesampi aphusanato visumyeva nisidati, analliyatiti vuttam hoti. Mattikanti pakatikam va pancavannam va gihinam viniyogakkhamam mattikam. Telacunnancati pakatikam abhisankhatam va telanca cunnanca. ^2- Udakasanabhojananti udakanca asananca bhojananca. Akankhanta bahuttaranti bahum pindapatadiuttaruttaram akankhanta "amhehi mattikadisu dinnesu manussa dalhabhattika hutva bahum uttaruttaram catupaccayajatam dassanti"ti adhippayena gihinam upanamentiti attho. Dante punanti sodhenti etenati dantaponam, dantakattham. Kapitthanti kapitthaphalam. Pupphanti sumanacampakadipuppham. Khadaniyaniti attharasavidhepi khajjakavisese. Pindapate ca sampanneti byanjanadisampayutte ^3- odanavisese. Ambe amalakani cati casaddena matulungatalanalikeradiphalani avuttani sanganhati. Sabbattha gihinam upanamenti akankhanta bahuttaranti yojana. Bhesajjesu yatha vejjati gihinam bhesajjappayogesu yatha vejja, tatha bhikkhu patipajjantiti adhippayo. Kiccakicce yatha gihiti gahatthanam khuddake ceva mahante ca kicce kattabbe gihi viya. Ganikava vibhusayanti attano sarirassa vibhusane rupupajiviniyo viya. Issare khattiya yathati issare issariyapavattane yatha khattiya, evam kulapati hutva vattantiti attho. Nekatikati nikatiyam niyutta, amanimyeva manim, asuvannamyeva suvannam katva @Footnote: ¹ Ma. gandhuhanamattampi ² Si. nahaniyacunnanca ³ cha.Ma. vannadisampayutte Patirupasaciyoganirata. Vancanikati kutamanadihi vippalambaka. Kutasakkhiti ayathavasakkhino. Apatukati vamaka, asamyatavuttiti attho. Bahuhi parikappehiti yathavuttehi annehi ca bahuhi micchajivappakarehi. Lesakappeti kappiyalese kappiyapatirupe. Pariyayeti paccayesu pariyayassa yoge. Parikappeti vaddhiadivikappane, sabbattha visaye bhummam. Anudhavitati mahicchatadihi papadhammehi anudhavita vosita. ^1- Jivikattha jivikappayojana ajivahetuka. Upayenati parikathadina upayena paccayuppadananayena. Sankaddhantiti samharanti. Upatthapenti parisanti parisaya attanam upatthapenti, yatha parisa attanam upatthapenti, evam parisam sanganhantiti attho. Kammatoti kammahetu. Te hi attano kattabbaveyyavaccanimittam upatthapenti. No ca dhammatoti dhammanimittam no ca upatthapenti. Yo satthara ullumpanasabhavasanthitaya parisaya sangaho ^2- anunnato, tena na sanganhantiti attho. Labhatoti labhahetu, "ayyo bahussuto, bhanako, dhammakathikoti evam sambhavento mahajano mayham labhasakkare upanayissati"ti icchacare thatva labhanimittam paresam dhammam desenti. No ca atthatoti yo so vimuttayatanasise thatva saddhammam kathentena pattabbo attho, na tamditthadhammikadi- bhedahitanimittam dhammam desentiti ^3- attho. Samghalabhassa bhandantiti samghalabhahetu bhandanti ^4- "mayham papunati, na tuyhan"ti- adina kalaham karonti. Samghato paribahirati ariyasamghato bahibhuta ariyasamghe tadabhavato. Paralabhopajivantati sasane labhassa andhabalaputhujjanehi pare siladigunasampanne sekkhe uddissa uppannatta tam paralabham parato va dayakato laddhabbalabham upajivanta bhandanakaraka bhikkhu papajigucchaya abhavato ahirika samana ca "mayam paralabham bhunjama, parapatibaddhajivika"tipi na lajjare na hiriyanti. @Footnote: ¹ Ma. anu anu dhavita javapita ² Si. parisalangaho @³ Si. attho na tena atthena ditthadhammikadibhedahitanimittam dhammam na desenti @⁴ Si.,Ma. bhandenti Nanuyuttati samanakaranehi dhammehi ananuyutta. Tathati yatha pubbe vutta bandhanakarakadayo, tatha. Eketi ekacce. Munda sanghatiparutati kevalam munditakesataya munda pilotikakhandehi ^1- sanghatitatthena "sanghati"ti laddhanamena civarena parutasariRa. Sambhavanamyevicchanti, labhasakkaramucchitati labhasakkarasaya ^2- mucchita ajjhosita hutva "pesalo dhutavado bahussuto"ti va madhuravacanamanuyutta "ariyo"ti ca kevalam sambhavanam bahumanamyeva icchanti esanti, na tannimitte guneti attho. Evanti "kusalananca dhammanam pannaya ca parikkhaya"ti vuttanayena. Nanappayatamhiti nanappakare bhedanadhamme payate samakate nanappakarena va sankilesadhamme payatum pavattitum araddhe. Na dani sukaram tathati idani imasmim dullabhakalyanamitte dullabhasappayasaddhammassavane ca kale yatha satthari dharante aphusitam aphuttham anadhigatam jhanavipassanam phusitam adhigantum, phusitam va hanabhagiyam thitibhagiyameva va ahutva yatha visesabhagiyam hoti, tatha anurakkhitum paletum sukaram, tatha na sukaram, tatha sampadetum na sakkati attho. Idani attano parinibbanakalassa asannatta sankhittena ovadena sabrahmacarim ovadanto "yatha kantakatthanamhi"tiadimaha. Tassattho:- yatha puriso kenacideva payojanena kantakanicite padese anupahano vicaranto "ma mam kantako vijjhi"ti satim upatthapetvava vicarati, evam kilesakantakanicite gocaragame payojanena caranto muni satim upatthapetvana satisampajannayutto appamattova careyya kammatthanam avijahantoti vuttam hoti. Saritva pubbake yogi, tesam vattamanussaranti purimake yoge bhavanaya yuttataya yogi araddhavipassake saritva tesam vattam agamanusarena sammapatipatti- bhavanavidhim anussaranto dhuranikkhepam akatva yathapatipajjanto. Kincapi pacchimo @Footnote: ¹ Si. pilotikakhande ² Si. labhasakkaresu Kaloti yadipayam atitasatthuko carimo kalo, tathapi yathadhammameva patipajjanto vipassanam ussukkapento phuseyya amatam padam nibbanam adhigaccheyya. Idam vatvati yathadassitam sankilesavodanesu imam patipattividhim kathetva. Ayanca osanagatha sangitikarehi therassa parinibbanam pakasetum vuttati veditabba. Parapariyattheragathavannana nitthita. Paramatthadipaniya theragathasamvannanaya visatinipatassa atthavannana nitthita. ------------------

The Pali Atthakatha in Roman Book 33 page 384-394. http://84000.org/tipitaka/atthapali/read_rm.php?B=33&A=8850&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=8850&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=394 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=7899 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=8007 The Pali Tipitaka in Roman Character :- http://84000.org/tipitaka/read/roman_read.php?B=26&A=8007 Contents of The Tipitaka Volume 26 http://84000.org/tipitaka/read/?index_26