AtthaPali Vol.38

dhankajatakam anne socanti rodantiti idam sattha jetavane viharanto kosalaranno ekam amaccam arabbha kathesi. Vatthu hettha kathitasadisameva. Idha pana raja attano upakarakassa amaccassa mahantam yasam datva paribhedakanam katham gahetva tam bandhitva bandhanagare karesi. So tassa nisinnova sotapattimaggam nibbattesi. Raja tassa gunam sallakkhetva mocapesi. So gandhamalam adaya satthu santikam gantva vanditva nisidi. Atha nam sattha anattho kira te uppannoti pucchi. Ama bhante anatthena me attho agato sotapattimaggo nibbattitoti vutte na kho upasaka tvanneva anatthena attham ahari poranakapanditapi aharimsuti vatva tena yacito atitam ahari. Atite baranasiyam brahmadatte rajjam karente bodhisatto Tassa aggamahesiya kucchimhi nibbatti. Ghatakumarotissa namam karimsu. So aparena samayena takkasilayam uggahitasippo dhammena rajjam karesi. Tassa antepure eko amacco dubbhi. Tam so paccakkhato natva rattha pabbajesi. Tada savatthiyam dhankaraja ^1- rajjam karesi. So tassa santikam gantva tam upatthahitva hettha vuttanayeneva attano vacanam ganhapetva baranasirajjam ganhapesi. So rajjam gahetva bodhisattam sankhalikahi bandhapetva bandhanagaram pavesesi. Bodhisatto jhanam nibbattetva akase pallankena nisidi. Dhankassa sarire daho utthahi. So gantva bodhisattassa suvannadasaphullapadumasassirikam mukham disva bodhisattam pucchanto pathamam gathamaha anne socanti rodanti anne assumukha jana pasannamukhavannosi kasma ghata na socasiti. Tattha anneti tam thapetva sesa manussa. Athassa bodhisatto asocanakaranam kathento sesagatha abhasi nabbhatitaharo soko anagatasukhavaho tasma dhanka na socami natthi soke dutiyata socam pandukiso hoti bhattancassa na ruccati amitta sumana honti sallaviddhassa ruppato @Footnote: ^1. vankaraja. Game va yadivaranne ninne va yadiva thale thitam mam nagamissati evam ditthapado aham yassatta nalamekova sabbakamarasaharo sabbapi pathavi tassa na sukham avahissatiti. Tattha nabbhatitaharoti nabbhatitaharo. Ayameva va patho. Soko nama abbhatitam atikkantam niruddham atthangatam puna naharati. Dutiyatati sahayata. Atitaharane va anagataharane va soko nama kassaci sahayo na hoti tenapi karanenaham na socamiti vadati. Socanti socanto. Sallaviddhassa ruppatoti sokasallena viddhassa teneva ghattiyamanassa dittha vata no paccatthikassa pitthiti amitta sumana hontiti attho. Thitam mam nagamissatiti samma dhankaraja etesu gamadisu yatthakatthaci thitam mam pandukisasabhavadikasokamulakam byasanam na agamissati. Evam ditthapadoti yatha tam byasanam nagacchati evam maya jhanapadam dittham. Atthalokadhammam padantipi vadantiyeva. Paliyam pana na mattam nagamissatiti likhitam. Tam atthakathasupi natthi. Pariyosanagathaya. Icchitapatthitatthena jhanasukhasankhatam sabbakamarasam aharatiti sabbakamarasaharo. Idam vuttam hoti yassa ranno sahaya sabbe ^1- sahaye atta ca eko sabbakamarasaharova hoti nalam sabbajjhanasukhasankhatam kamarasam aharitum asamattho tassa @Footnote: ¹ pahaya annasahaye. Ranno sabbapi pathavi na sukham avahissati kamaturassa hi sukham nama natthi yo kilesadaratharahitam pana jhanasukham aharitum samattho so raja sukhito hotiti. Yo panetaya gathaya (attho) yassattha nalamekotipi patho tassattho na dissatiti. Iti dhanko catasso gatha sutva bodhisattam khamapetva rajjam paticchapetva pakkami. Mahasattopi rajjam amaccanam niyyadetva himavantappadesam gantva isipabbajjam pabbajitva aparihinajjhano brahmalokaparayano ahosi. Sattha imam dhammadesanam aharitva jatakam samodhanesi tada dhankaraja anando ahosi ghataraja pana ahamevati. Dhankajatakam ^1- pancamam ---------

The Pali Atthakatha in Roman Book 38 page 438-441. http://84000.org/tipitaka/atthapali/read_rm.php?B=38&A=9095&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=9095&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=722 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3436 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3399 The Pali Tipitaka in Roman Character :- http://84000.org/tipitaka/read/roman_read.php?B=27&A=3399 Contents of The Tipitaka Volume 27 http://84000.org/tipitaka/read/?index_27