AtthaPali Vol.55

Tattha dhammatoti:- imesu hi paccayesu hetupaccayo tava namarupadhammesu namadhammekadeso. Arammanapaccayo saddhim pannattiya ca abhavena sabbepi namarupadhamma. Adhipatipaccaye sahajatadhipati namadhammekadeso. Tatha kammajhana- maggapaccaya. Arammanadhipati sabbepi garukatabba arammanadhamma. Anantarasamanantara- pacchajatasevanavipakasampayuttanatthivigatapaccaya namadhammava. Nibbanassa asangahitatta namadhammekadesotipi vattum vattati. Purejatapaccayo rupekadeso. Sesa yathalabhavasena namarupadhammati evam tavettha dhammato vinnatabbo vinicchayo. Kalatoti:- paccuppannava hontettha paccaya dasa panca ca atitaeva panceko te kale dvepi nissito tayo tikalika ceva vimutta capi kalatoti. Etesu hi hetupaccayo sahajataannamannanissayapurejatapacchajatavipaka- aharaindriyajhanamaggasampayuttavippayuttaatthiavigatapaccayoti ime pannarasa paccaya paccuppannadhammava honti. Anantarapaccayo samanantarasevananatthivigatapaccayoti ime panca atitayeva honti. Eko pana kammapaccayova ^1- te paccuppannatite dvepi kale nissito hoti. Sesa arammanapaccayo adhipatipaccayo upanissaya- paccayoti ime tayo paccaya tekalikapi honti, ime tayo ^2- pannattiya saddhim nibbanassa sangahitatta kalavinimuttapiti evamettha kalatopi vinnatabbo vinicchayo. Nanappakarabhedato paccayuppannatoti imesam pana dvinnam padanam attho niddesavare avibhavissatiti. Paccayuddesavannana nitthita. ----------- @Footnote: ¹ cha.Ma. va-saddo na dissati ² cha.Ma. "ime tayo"ti patho na dissati

The Pali Atthakatha in Roman Book 55 page 405. http://84000.org/tipitaka/atthapali/read_rm.php?B=55&A=9122&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9122&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=1 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=1 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=1 The Pali Tipitaka in Roman Character :- http://84000.org/tipitaka/read/roman_read.php?B=36&A=1 Contents of The Tipitaka Volume 36 http://84000.org/tipitaka/read/?index_36