AtthaPali Vol.32

272. 5. Sabbamittattheragathavannana jano janasmim sambaddhoti ayasmato sabbamittattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto ito dvanavute kappe tissassa bhagavato kale nesadakule nibbattitva vanacariko ^1- hutva vane mige vadhitva mamsam khadanto jivati. Athassa bhagava anugganhanattham vasanatthanasamipe tini padacetiyani dassetva pakkami. So atitakale samma- sambuddhesu kataparicayatta cakkankitani ^2- disva pasannamanaso korandapupphehi pujam katva tena punnakammena tavatimsabhavane nibbattitva aparaparam sugatisuyeva samsaranto imasmim buddhuppade savatthinagare brahmanakule nibbatti, sabbamittotissa namam ahosi. So vinnutam patto jetavanapatiggahane buddhanubhavam disva patiladdhasaddho pabbajitva kammatthanam gahetva aranne viharanto vassam upagantva vutthavasso @Footnote: ¹ Si.,i. vanacarako ² Si. cakkaratanani Bhagavantam vanditum savatthim gacchanto antaramagge magavikehi oddite pase migapotakam baddham addasa. ^1- Mata panassa migi pasam appavitthapi puttasinehena duram na gacchati, maranabhayena pasasamipampi na upagacchati, migapotako ca bhito ito cito ca parivattento karunam vilapati, tam disva thero "aho sattanam snehahetukam dukkhan"ti gacchanto tato param sambahule core ekam purisam jivagaham gahetva palalaveniya sariram ^2- vethetva jhapente, tanca mahaviravam viravantam disva tadubhayam nissaya sanjatasamvego tesam coranam sunantanamyeva:- [149] "jano janasmim ^3- sambaddho ^4- janamevassito jano jano janena hethiyati hetheti ca jano janam. [150] Ko hi tassa janenattho janena janitena va janam ohaya gaccham tam ^5- hethayitva bahum janan"ti gathadvayam abhasi. Tattha janoti andhabalajano. Janasminti anne jane. ^6- Sambaddhoti tanhabandhanena baddho. "ayam me putto, mata"tiadina ^7- patibaddho. Ayameva va patho, "ime mam posenti, aham ime nissaya jivami"ti patibaddhacittoti attho. Janamevassito janoti "ayam me putto, dhita"tiadina annameva janam anno jano assito ^8- tanhaya allino pariggayha thito. Jano janena hethiyati, hetheti ca jano jananti kammassakataya yathabhutavabodhassa ca ^9- abhavato ajjhupekkhanam akatva lobha- vasena yatha jano janam assito, evam dosavasena jano janena hethiyati vibadhiyati. "tayidam mayhamva uparihethanaphalavasena paripatissati"ti ajananto hetheti ca jano janam. @Footnote: ¹ Ma. migapotako baddho ahosi ² Si. sakalasariram ³ cha.Ma. janamhi ⁴ pali. sambandho @⁵ pali. gaccheyya ⁶ Si.,i. annena janena ⁷ Si. ayam me puttoti matapituadina @⁸ Ma. asito ⁹ Si. yathabhutathetabhavato bodhassa ca Ko hi tassa janenatthoti tassa annajanassa annena janena tanhavasena assitena dosavasena hethitena va ko attho. Janena janitena vati matapita hutva tena annena janena ^1- janitena va ko attho. Janam ohaya gaccham tam, hethayitva bahum jananti yasma samsare carato janassa ayamevanurupa ^2- patipatti, tasma tam janam, tassa ca badhika ya sa tanha ca, yo ca so dosoeva bahum janam badhayitva thito, ^3- tanca ohaya sabbaso pahaya pariccajitva gaccham, tehi ^4- anupaddutam thanam gaccheyyam papuneyyanti attho. Evam pana vatva thero tavadeva vipassanam ussukkapetva arahattamapapuni. Tena vuttam apadane ^5- :- "vanakammiko pure asim pitumatumatenaham pasumarena ^6- jivami kusalam me na vijjati. Mama asayasamanta tisso lokagganayako padani tini dassesi anukampaya cakkhuma. Akkante ca pade disva tissanamassa satthuno hattho hatthena cittena pade cittam pasadayim. Korandam pupphitam disva padapam dharaniruham sakosakam ^7- gahetvana padasetthamapujayim. Tena kammena sukatena cetanapanidhihi ca jahitva manusam deham tavatimsamagacchaham. Yam yam yonupapajjami devattam atha manusam korandavannakoyeva ^8- suppabhaso bhavamaham. Dvenavute ito kappe yam kammamakarim tada @Footnote: ¹ Ma. janakena ² Si. ayameva evarupa, i. ayamevarupa ³ Ma. thitam ⁴ i. gacchatehi, @ Ma. gacchantehi ⁵ khu.apa. 33/15/31 korandapupphiyattherapadana (sya) @⁶ Si. pararuhirena ⁷ Si. sakotakam, pali. sakotikam ⁸ cha.Ma. korandakachavi homi Duggatim nabhijanami padapujayidam phalam. Kilesa jhapita mayham .pe. katam buddhassa sasanan"ti. Te pana cora therassa santike dhammam sutva samvegajata pabbajitva dhammanudhammam patipajjimsuti. Sabbamittattheragathavannana nitthita. ----------------

The Pali Atthakatha in Roman Book 32 page 414-417. http://84000.org/tipitaka/atthapali/read_rm.php?B=32&A=9243&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=9243&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=272 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5777 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5930 The Pali Tipitaka in Roman Character :- http://84000.org/tipitaka/read/roman_read.php?B=26&A=5930 Contents of The Tipitaka Volume 26 http://84000.org/tipitaka/read/?index_26