Atthakatha Book 30 : PALI ROMAN
Vimana.A. (paramatthadi.)

                      7.  Dutiyanavavimanavannana
     suvannacchadanam navanti dutiyanavavimanam. Tassa ka uppatti? bhagavati
savatthiyam viharante annataro khinasavatthero upakatthaya vassupanayikaya
gamakavase vassam upagantukamo savatthito tam gamam uddissa pacchabhattam
addhanamaggapatipanno maggaparissamena kilanto tasito antaramagge annataram
gamam sampatto bahigame tadisam chayudakasampannam thanam apassanto
parissamena ca abhibhuyyamano civaram parupitva gamam pavisitva dhuragehasseva
dvare atthasi. Tattha annatara itthi theram passitva "kuto bhante
agatattha"ti pucchitva maggaparissamam pipasitabhavanca natva "etha bhante"ti
geham pavesetva "idha nisidatha"ti asanam pannapetva adasi. Tattha nisinne
padodakam padabbhanjanatelanca datva talavantam gahetva viji. Parilahe
vupasante madhuram sitalam sugandham panakam yojetva adasi. Thero tam pivitva
patippassaddhakilamatho anumodanam katva pakkami. Sa aparabhage kalam katva
tavatimsabhavane nibbattiti sabbam anantaravimanasadisanti veditabbam. Gathasupi
apubbam natthi. Tena vuttam:-
     [53]  "suvannacchadanam navam        nari aruyha titthasi
           ogahasi pokkharanim        padmam chindasi panina.
        1- Kutagara nivesa te     vibhatta bhagaso mita
           daddallamana abhanti      samanta caturo disa. 1-
     [54]  Kena te'tadiso vanno    kena te idha mijjhati
           uppajjanti ca te bhoga    ye keci manaso piya.
@Footnote: 1-1 cha.Ma. ayam gatha na dissati
     [55]             Pucchami tam devi mahanubhave
                      manussabhuta kimakasi punnam
                      kenasi evanjalitanubhava
                      vanno ca te sabbadisa pabhasatiti.
     [56]  Sa devata attamana      moggallanena pucchita
           panham puttha viyakasi      yassa kammassidam phalam.
     [57]             Aham manussesu manussabhuta
                      purimaya jatiya manussaloke
                      disvana bhikkhum tasitam kilantam
                      utthaya patum udakam adasim.
     [58]             Yo ve kilantassa pipasitassa
                      utthaya patum udakam dadati
                      sitodaka tassa bhavanti najjo
                      pahutamalya bahupundarika.
     [59]             Tam apaga anupariyanti sabbada
                      sitodaka valukasanthata nadi
                      amba ca sala tilaka ca jambuyo
                      uddalaka pataliyo ca phulla.
     [60]             Tam bhumibhagehi upetarupam
                      vimanasettham bhusa sobhamanam
                      tasseva kammassa ayam vipako
                      etadisam punnakata labhanti.
     [61]  Tena me'tadiso vanno    tena me idha majjhati
           uppajjanti ca me bhoga    ye keci manaso piya.
     [62]             Akkhami te bhikkhu mahanubhava
                      manussabhuta yamakasi punnam
                      tenamhi evanjalitanubhava
                      vanno ca me sabbadisa pabhasati"ti.
Atthavannanasupi idha ekova theroti apubbam natthi.
                    Dutiyanavavimanavannana  nitthita.
                          ------------


             The Pali Atthakatha in Roman Book 30 page 45-47.
http://84000.org/tipitaka/atthapali/read_rm.php?B=30&A=966&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=30&A=966&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=7
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=153
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=169
             The Pali Tipitaka in Roman Character :-
http://84000.org/tipitaka/read/roman_read.php?B=26&A=169
             Contents of The Tipitaka Volume 26
http://84000.org/tipitaka/read/?index_26