AtthaPali Vol.29

Nitthite pana ajitapanhe "katham lokam avekkhantam, maccuraja na passati"ti ^1- evam mogharaja pucchitum arabhi, tam "na tavassa indriyani paripakam gatani"ti natva bhagava "tittha tvam mogharaja, anno pucchatu"ti patikkhipi. Tato tissametteyyo attano samsayam pucchanto "kodha"ti gathamaha. Tattha kodha santussitoti ko idha tuttho. Injitati tanhaditthivipphanditani. Ubhantamabhinnayati ubho ante abhijanitva. Manta na limpatiti ^2- pannaya na limpati. [1048-9] Tassetamattham byakaronto bhagava "kamesu"ti gathadvayamaha. Tattha kamesu brahmacariyavati kamanimittam brahmacariyava, kamesu adinavam disva maggabrahmacariyena samannagatoti vuttam hoti. Ettavata santusitam dasseti, "vitatanho"tiadihi aninjitam. Tattha sankhaya nibbutoti aniccadivasena dhamme vimamsitva ragadinibbanena nibbuto. Sesam tattha tattha vuttanayatta pakatameva. Evam bhagava imampi suttam arahattanikuteneva desesi, desanapariyosane ayampi brahmano arahatte patitthasi saddhim antevasisahassena, annesanca anekasahassanam dhammacakkhum udapadi. Sesam pubbasadisamevati. Paramatthajotikaya khuddakatthakathaya suttanipatatthakathaya tissametteyyasuttavannana nitthita. --------------- @Footnote: ¹ khu.su. 25/1126/549, khu.cula. 30/504/245 (sya) ² cha.Ma. lippatiti

The Pali Atthakatha in Roman Book 29 page 436. http://84000.org/tipitaka/atthapali/read_rm.php?B=29&A=9806&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=9806&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=426 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=11006 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=11035 The Pali Tipitaka in Roman Character :- http://84000.org/tipitaka/read/roman_read.php?B=25&A=11035 Contents of The Tipitaka Volume 25 http://84000.org/tipitaka/read/?index_25