|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Evam nanappakarato apattibhedam dassetva idani
anapattim dassento anapatti asanciccatiadimaha. Tattha
asanciccati imina upakkamena imam maremiti acetetva. Evam
hi acetetva katena upakkamena pare matepi anapatti. Vakkhati
ca anapatti bhikkhu asanciccati. Ajanantassati imina
ayam marissatiti ajanantassa. Upakkamena pare matepi anapatti.
Vakkhati ca visapindapatavatthusmim anapatti bhikkhu ajanantassati.
Na maranadhippayassati maranam anicchantassa. Yena hi upakkamena
paro marati tena upakkamena tasmim maritepi na maranadhippayassa
anapatti. Vakkhati ca anapatti bhikkhu na maranadhippayassati.
Ummattakadayo pubbe vuttanayaeva. Idha pana adikammika
annamannam jivita voropitabhikkhu tesam anapatti. Avasesanam
maranavannasamvannanakadinam apattiyevati.
Padabhajaniyavannana nitthita.
Samutthanadisu. Idam sikkhapadam tisamutthanam kayacittato ca
vacacittato ca kayavacacittato ca samutthati kiriya
sannavimokkham sacittakam lokavajjam kayakammam vacikammam akusalacittam
dukkhavedanam. Sacepi hi sirisayanam arulho rajjasampattisukham
anubhavanto raja coro deva anitoti vutte gacchatha nam
marethati hasamanova bhanati domanassacitteneva bhanatiti
veditabbo. Sukhavokinnatta pana anuppabandhabhava ca
dujjanametam puthujjanehiti.
{180} Vinitavatthugathasu pathamavatthusmim. Karunnenati te bhikkhu
tassa mahantam gelannadukkham disva karunnam uppadetva silava
tvam katakusalo kasma miyamano bhayasi nanu silavato saggo
nama maranamattapatibaddhoyevati evam maranatthikava hutva
maranatthikabhavam ajananta maranavannam samvannesum. Sopi
bhikkhu tesam samvannanaya aharupacchedam katva antarava
kalamakasi. Tasma apattim apanna. Voharavasena pana
vuttam karunnena maranavannam samvannesunti. Tasma idanipi
panditena bhikkhuna gilanassa bhikkhuno evam maranavanno na
samvannetabbo. Sace hi tassa samvannanam sutva aharupacchedadina
upakkamena ekajavanavaravasesepi ayusmim antara kalam karoti
iminava marito hoti. Imina pana nayena anusatthi databba
silavato nama anacchariya maggaphaluppatti tasma viharadisu
Asattim akatva buddhagatam dhammagatam sanghagatam kayagatanca satim
upatthapetva manasikare appamado katabboti. Maranavanne
ca samvannitepi yo taya samvannanaya kanci upakkamam akatva
attano dhammataya yathayuna yathanusandhina ca marati tappaccaya
samvannako apattiya na karetabboti.
Dutiyavatthusmim na ca bhikkhave apativekkhitvati ettha. Kidisam
asanam pativekkhitabbam kidisam na pativekkhitabbam. Yam suddham
asanameva hoti apaccattharanakam yanca agantva thitanam
passatamyeva atthariyati tam na paccavekkhitabbam nisiditum vattati.
Yampi manussa sayam hatthena akkamitva idha bhante nisidathati
denti tasmimpi vattati. Sacepi pathamameva agantva nisinna
paccha uddham va adho va sankamanti pativekkhanakiccam natthi.
Yampi tanukena vatthena yatha talam dissati evam paticchannam
hoti tasmimpi pativekkhanakiccam natthi. Yampana patikacceva
pavarakojavakadihi atthatam hoti tam hatthena paramasitva
sallakkhetva nisiditabbam. Mahapaccariyam pana ghanasatakenapi atthate
yasmim vali na pannayati tam na pativekkhitabbanti vuttam.
Musalavatthusmim. Asanciccoti avadhakacetano. Viraddhappayogo
hi so tenaha asancicco ahanti. Udukkhalavatthu
uttanatthameva. Vuddhapabbajitavatthusu pathamavatthusmim. Bhikkhusanghassa
palibuddham ma akasiti panamesi. Dutiyavatthusmim. Sanghamajjhepi
Ganamajjhepi mahallakattherassa puttoti vuccamano tena vacanena
attiyamano maratu ayanti panamesi. Tatiyavatthusmim. Tassa
dukkhuppadanena thullaccayam. {181} Tato parani tini vatthuni uttanatthaneva.
Visagatapindapatavatthusmim. Saraniyadhammapurako so bhikkhu
aggapindam sabrahmacarinam datvava bhunjati. Tena vuttam aggakarikam
adasiti. Aggakarikanti aggakiriyam pathamaladdhapindapatam aggaggam
va panitappanitam pindapatanti attho. Ya pana tassa
danasankhata aggakiriya sa na sakka datum. Pindapatampi
hi so therasanato patthaya adasi. Te bhikkhuti te therasanato
patthaya paribhuttapindapata bhikkhu. Te kira sabbepi kalamakamsu.
Sesamettha uttanameva. Asaddhesu pana micchaditthikakulesu
sakkaccam panitabhojanam labhitva anupaparikkhitva neva attana
paribhunjitabbam na paresam databbam. Yampi abhidosikam bhattam va
khajjakam va tato labhati tampi na paribhunjitabbam. Apihitavatthumpi
hi sappavicchikadihi adhisayitam chaddaniyadhammam tani kulani denti.
Gandhahaliddadimakkhitopi tato pindapato na gahetabbo.
Sarire rogatthanani punchitva thapitabhattampi hi tani databbam
mannantiti. Vimamsanavatthusmim. Vimamsamano dve vimamsati sakkoti
nukho idam maretum noti visam va vimamsati mareyya nukho ayam
imam visam khaditva noti puggalam va. Ubhayathapi vimamsadhippayena
dinne maratu va ma va thullaccayam. Imam visam etam maretuti
Va imam visam khaditva ayam maratuti va evam dinne pana sace
marati parajikam no ce thullaccayam.
{182-183} Ito parani tini silakammavatthuni tini itthakavasigopanasivatthuni
ca uttanatthaneva. Na kevalanca siladinamyeva vasena
ayam apattanapattibhedo hoti. Dandamuggaranikhadanavemadinampi
vasena hotiyeva. Tasma paliyam anagatampi agatanayeneva
veditabbam. Attakavatthusu. Attakoti vehasamanco vuccati yam
setakammamalakammalatakammadinam atthaya bandhanti. Tattha avuso
atra thito bandhahiti maranadhippayo yatra thito patitva khanuna
va bhijjeyya sobbhapapatadisu va mareyya tadisam thanam
sandhayaha. Ettha ca koci uparitthanam niyameti ito patitva
marissatiti koci hetthathanam idha patitva marissatiti koci
ubhayampi ito idha patitva marissatiti. Tatra yo upariniyamitatthana
apatitva annato patati hetthaniyamitatthane va apatitva
annattha patati ubhayaniyame va yankinci ekam viradhetva patati
tasmim mate visanketatta anapatti. Viharacchadanavatthusmimpi
eseva nayo.
Anabhiratavatthusmim. So kira bhikkhu kamavitakkadinam samudacaram
disva nivaretum asakkonto sasane anabhirato gihibhavabhimukho
jato tato cintesi yava silabhedam na papunami tava
marissamiti. Atha nam pabbatam abhiruhitva papate patanto
Annataram vilivakaram ottharitva maresi. Vilivakaranti venukaram.
Na ca bhikkhave attanam patetabbanti na atta patetabbo.
Vibhattibyattayena panetam vuttam. Ettha ca na kevalam na patetabbam
annenapi yenakenaci upakkamena antamaso aharupacchedanenapi
na maretabbam. Yopi hi gilano vijjamane bhesajje upatthakesu
ca maritukamo aharam upacchindati dukkatameva. Yassa pana
mahaabadho ciranubandho bhikkhu upatthahanta kilamanti jigucchanti
kada nukho gilanato muccissamati attiyanti. Sace so ayam
attabhavo patijaggiyamanopi na titthati bhikkhu ca kilamantiti
aharam upacchindati bhesajjam na sevati vattati. Yo pana
ayam rogo kharo ayusankhara na titthanti ayanca me
visesadhigamo hatthappatto viya dissatiti upacchindati vattatiyeva.
Agilanassapi uppannasamvegassa aharapariyesanannama papanco
kammatthanameva anuyunjissamiti kammatthanasisena upacchindantassa
vattati. Visesadhigamam byakaritva aharam upacchindati na
vattati. Sabhaganam hi lajjibhikkhunam kathetum vattati.
Silavatthusmim. Davayati davena hassena khiddayati
attho. Silati pasano. Na kevalanca pasano
annampi yankinci darukhandam va itthakakhandam va hatthena va
yantena va pavijjhitum na vattati. Cetiyadinam atthaya pasanadayo
hasanta hasanta pavattentipi ukkhipantipi kammasamayoti vattati.
Annampi idisam navakammam va karonta bhandakam va dhovanta
rukkham va dhovanadandakam va ukkhipitva pavijjhanti vattati.
Bhattavisaggakaladisu kake va sone va kattham va kathalam va
khipitva palapeti vattati.
{184} Sedanadivatthuni sabbaneva uttanatthani. Ettha ca aham
kukkuccakoti gilanupatthanam na katabbam. Hitakamataya sabbam
gilanassa balabalanca rucinca sappayanca upalakkhetva katabbam.
{185} Jaragabbhinivatthusmim. Pavutthapatikati pavasangatapatika.
Gabbhapatananti yena paribhuttena gabbho patati tadisam bhesajjam.
Dvipajapatikavatthuni uttanatthaneva. Gabbhamandanavatthusmim.
Madditva patehiti vutte annena maddapetva pateti visanketam.
Maddapetva patapehiti vuttepi sayam madditva pateti
visanketameva. Manussaviggahe pariyayo nama natthi tasma gabbho
nama maddito patatiti vutte sa sayam va maddatu annena
va maddapetva patetu visanketo natthi parajikameva.
Tapanavatthusmimpi eseva nayo. Vanjhitthivatthusmim vanjhitthi
nama ya gabbham na ganhati. Gabbhaaganhanakaitthi nama
natthi yassa pana gahitopi gabbho na santhati tam sandhayetam
vuttam. Utusamaye kira sabbitthiyo gabbham ganhanti ya panayam
vanjhati vuccati tassa kucchiyam nibbattasattanam akusalavipako
sampapunati. Te parittakusalavipakena gahitapatisandhika
Akusalavipakena abhibhuta vinassanti. Abhinavapatisandhiyamyeva hi kammanubhavena
dvihakarehi gabbho na santhati vatena va panakehi va.
Vato sosetva antaradhapeti. Panaka khaditva. Tassa
pana vatassa panakanam va patighataya bhesajje kate gabbho
santhaheyya. So bhikkhu tam akatva annam kharam bhesajjam
adasi. Tena sa kalamakasi. Bhagava bhesajjassa katatta
dukkatam pannapesi. Dutiyavatthusmimpi eseva nayo.
Tasma agatagatassa parajanassa bhesajjam na katabbam.
Karonto dukkatam apajjati. Pancannam pana sahadhammikanam
katabbam bhikkhussa bhikkhuniya sikkhamanaya samanerassa samaneriya.
Samasilasaddhapannanam hi etesam tisu sikkhasu yuttanam bhesajjam
akatum na labhati. Karontena ca sace tesam atthi tesam
santakam gahetva yojetva databbam. Sace natthi attano
santakam katabbam. Sace attanopi natthi bhikkhacaravattena
va natakapavaritatthanato va pariyesitabbam. Alabhantena
gilanassatthaya akatavinnattiyapi aharitva katabbam. Aparesampi
pancannam katum vattati matapitunam tadupatthakanam attano
veyyavaccakarassa pandupalasassati. Pandupalaso nama yo
pabbajjapekkho yava pattacivaram patiyadiyati tava vihare vasati. Tesu
sace matapitaro issara honti na paccasimsanti akatum vattati.
Sace pana rajje thita paccasimsanti akatum na vattati. Bhesajjam
Paccasimsantanam bhesajjam databbam. Yojetum ajanantanam yojetva
databbam. Sabbesam atthaya sahadhammikesu vuttanayeneva pariyesitabbam.
Sace pana mataram vihare anetva patijaggati sabbam parikammam
anamasantena katabbam. Khadaniyabhojaniyam sahattha databbam.
Pita pana yatha samanero evam sahatthena nahapanasambahanadini
katva upatthatabbo. Ye matapitaro upatthahanti patijagganti
tesampi evameva katabbam. Veyyavaccakaro nama yo vettanam
gahetva aranne daruni va chindati annam va kinci kammam
karoti. Tassa roge uppanne yava nataka passanti tava
bhesajjam katabbam. Yo pana bhikkhunissitakova hutva sabbakammani
karoti tassa bhesajjam katabbameva. Pandupalasepi samanere
viya patipajjitabbam. Aparesampi dasannam katum vattati jetthabhatu
kanitthabhatu jetthabhaginiya kanitthabhaginiya culamatuya mahamatuya
culapituno mahapituno pitucchaya matulassati. Tesampana
sabbesampi karontena tesamyeva santakam bhesajjam gahetva kevalam
yojetva databbam. Sace pana nappahonti yacanti ca detha
no bhante tumhakam patidassamati tavakalikam databbam.
Sacepi na yacanti amhakam bhesajjam atthi tavakalikam
ganhathati vatva va yada tesam bhavissati tada dassantiti
abhogam va katva databbam. Sace patidenti gahetabbam no
ce denti 1- na codetabba. Ete dasa natake thapetva
@Footnote: 1. patidenti.
Annesam na databbam. Etesam puttaparamparaya pana yava sattamo
kulaparivatto tava cattaro paccaye aharapentassa akatavinnatti
va bhesajjam karontassa vejjakammam va kuladusakapatti va
na hoti. Sace bhatujaya bhaginisamiko va gilana honti
nataka ce tesampi vattati. Anataka ce bhatu ca
bhaginiya ca katva databbam tumhakam jagganatthane dethati.
Athava tesam puttanam katva databbam tumhakam matapitunam
dethati. Etena upayena sabbapadesu vinicchayo veditabbo.
Tesam atthaya samanerehi arannato bhesajjam aharapentena
natisamanerehi va aharapetabbam attano atthaya va
aharapetva databbam. Tehipi upajjhayassa aharamati
vattasisena aharitabbam. Upajjhayassa matapitaro gilana
viharam agacchanti. Upajjhayo ca disapakkanto hoti.
Saddhiviharikena upajjhayassa santakam bhesajjam databbam. No
ce atthi attano bhesajjam upajjhayassa pariccajitva databbam.
Attanopi asante vuttanayena pariyesitva upajjhayassa santakam
katva databbam. Upajjhayenapi saddhiviharikassa matapitusu
evameva patipajjitabbam. Esa nayo acariyantevasikesu.
Annopi yo agantuko va coro va yuddhaparajito va issaro
va natakehi pariccatto gamiyamanusso va gilano hutva viharam
pavisati. Sabbesam apaccasimsantena bhesajjam katabbam. Saddham kulam
Hoti catuhi paccayehi upatthayakam bhikkhusanghassa matapitutthaniyam.
Tatra ce koci gilano hoti tassatthaya vissasena bhesajjam
katva bhante dethati vadanti neva databbam na katabbam. Atha
pana kappiyam natva evam pucchanti bhante asukassa nama
rogassa kim bhesajjam karontiti idancidanca gahetva karontiti
vattum vattati. Bhante mayham mata gilana bhesajjam tava
acikkhathati evam pucchitena pana na acikkhitabbam. Annamannam
pana katha katabba avuso asukassa nama bhikkhuno imasmim
roge kim bhesajjam karimsuti idancidanca bhanteti. Tam sutva
itaro matu bhesajjam karoti vattati. Mahapadumattheropi
kira vasabharanno deviya roge uppanne ekaya itthiya agantva
pucchito na janamiti avatva evameva bhikkhuhi saddhim samullapesi.
Tam sutva tassa bhesajjamakamsu. Vupasante ca roge ticivarena
tihi ca kahapanasatehi saddhim bhesajjacankotakam puretva aharitva
therassa padamule thapetva bhante pupphapujam karothati ahamsu.
Thero acariyabhago nama ayanti kappiyavasena gahapetva
pupphapujam akasi. Evam tava bhesajje patipajjitabbam.
Paritte pana gilanassa parittam karotha bhanteti vuttena
na katabbam. Bhanathati vutte pana katabbam. Sacepissa hoti
manussa nama na jananti akariyamane vipatisarino bhavissantiti
katabbam. Parittodakam parittasuttam katva dethati vuttena pana
Tesamyeva udakam hatthena caletva suttam parimajjetva 1- databbam.
Sace viharato udakam attano santakam va suttam deti dukkatam.
Manussa udakanca suttanca gahetva nisiditva parittam bhanathati
vadanti katabbam. No ce jananti acikkhitabbam.
Bhikkhunam nisinnanam padesu udakam akiritva suttanca thapetva
gacchanti parittam karotha parittam bhanathati na pada apanetabba.
Manussa hi vipatisarino honti. Antogame gilanassatthaya
viharam pesenti parittam bhanantuti bhanitabbam. Antogame
rajagehadisu roge va upaddave va uppanne pakkosapetva
bhanapenti. Atanatiyasuttadini bhanitabbani. Agantva
gilanassa sikkhapadani dentu dhammam kathentu rajantepure va
amaccagehe va agantva sikkhapadani dentu dhammam kathentuti
pesitepi gantva sikkhapadani databbani dhammo kathetabbo.
Matanam parivarattham agacchantuti pakkosanti na gantabbam.
Sivatthikadassane 2- asubhadassane ca maranassatim patilabhissamati
kammatthanasisena gantum vattati. Evam paritte patipajjitabbam.
Pindapate pana. Anamatthapindapato kassa databbo
kassa na databbo. Matapitunam tava databbo. Sace pana
kahapanagghanako hoti saddhadeyyavinipatanam natthi. Matapituupatthakanam
veyyavaccakarassa pandupalasassati etesampi databbo.
@Footnote: 1. parimajjituva . 2. sivathika...iti yebhuyyena dissati.
Tattha pandupalasassa thalake nikkhipitva datum vattati. Tam
thapetva annesam agarikanam matapitunampi na vattati.
Pabbajitaparibhogo hi agarikanam cetiyatthaniyo. Apica
anamatthapindapato namesa sampattassa damarikacorassapi
issarassapi databbo. Kasma. Te hi adiyamanepi na
dentiti amasitva diyamanepi ucchitthakam dentiti kujjhanti.
Kuddha jivita voropenti sasanassapi antarayam karonti. Rajjam
patthayamanassa vicarato coranagassa vatthu cettha kathetabbam. Evam
pindapate patipajjitabbam.
Patisanthare pana. Patisantharo kassa katabbo kassa na
katabbo. Patisantharo nama viharam sampattassa yassa kassaci
agantukassa va daliddassa va corassa va issarassa va
katabboyeva. Katham. Agantukam tava khinaparibbayam viharasampattam
disva paniyam pivati databbam. Padamakkhanatelam databbam.
Kale agatassa yagubhattam. Vikale agatassa sace tandula
atthi tandula databba. Avelaya sampattosi gacchahiti na
vattabbo. Sayanatthanam databbam. Sabbam apaccasimsanteneva
katabbam. Manussa nama catuppaccayadayaka evam sangahe
kariyamane punappunam pasiditva upakaram karissantiti cittam na
uppadetabbam. Coranam pana sanghikampi databbam.
Patisantharanisamsadipanatthanca coranagavatthu bhatara saddhim jambudipagatassa
Mahanagaranno vatthu piturajassa rajje catunnam amaccanam vatthu
abhayacoravatthutievamadini bahuni vatthuni mahaatthakathayam vittharato vuttani.
Tatrayam ekavatthudipana. Sihaladipe kira abhayo nama coro
pancasataparivaro ekasmim thane khandhavaram bandhitva samanta
tiyojanam ubbasetva vasati. Anuradhapuravasino kalambanadim na
uttaranti. Cetiyagirimagge janasancaro upacchinno. Athekadivasam
coro cetiyagirim vilumpissamiti agamasi. Aramika disva
dighabhanakaabhayattherassa arocesum. Thero sappiphanitadini
atthiti pucchi. Atthi bhanteti. Coranam detha tandula
atthiti. Atthi bhante sanghassatthaya ahata tandula ca
pakkasakanca goraso cati. Bhattam sampadetva coranam dethati.
Aramika tatha karimsu. Cora bhattam bhunjitva kenayam
patisantharo katoti pucchimsu. Amhakam ayyena abhayattherenati.
Cora therassa santikam gantva vanditva ahamsu mayam sanghassa
ca cetiyassa ca santakam acchinditva gahessamati agata
tumhakam pana imina patisantharenamha pasanna ajjato patthaya
vihare dhammika rakkha amhakam ayatta hotu nagara agantva
danam dentu cetiyam vandantuti. Tato patthaya ca nagare danam
datum agacchante naditireyeva paccuggantva rakkhanta viharam
nenti viharepi danam dentanam rakkham katva titthanti. Tepi
bhikkhunam bhuttavasesam coranam denti. Gamanakalepi te cora
Naditiram papetva nivattanti. Athekadivasam bhikkhusanghe khiyanakatha
uppanna thero issaravataya sanghassa santakam coranam adasiti.
Thero sannipatam karapetva aha cora sanghassa pakativattanca
cetiyasantakanca acchinditva ganhissamati agamimsu atha nesam
maya evam na harissantiti ettako nama patisantharo kato
tam sabbampi ekato sampindetva agghapetha tena karanena
aviluttam bhandam ekato sampindetva agghapethati. Tato
sabbampi therena dinnakam cetiyaghare ekam varapotthakacittattharakam na
agghi. Tato ahamsu therena katapatisantharo sukato codetum va
saretum va na labhati giva va avaharo va natthiti. Evam mahanisamso
patisantharoti sallakkhetva kattabbo panditena bhikkhunati.
{187} Angulipatodavatthusmim. Uttasantoti kilanto. Anassasakoti
nirassaso. Imasminca pana vatthusmim yaya apattiya bhavitabbam
sa khuddakesu nidditthati idha na vutta.
Tadanantare vatthusmim. Ottharitvati akkamitva. So
kira tehi akaddhiyamano patito. Eko tassa udaram aruhitva
nisidi. Sesapi pannarasa jana pathaviyam ajjhottharitva
aduhalapasana viya migam maresum. Yasma pana te kammadhippaya
na maranadhippaya tasma parajikam na vuttam.
Bhutavejjakavatthusmim. Yakkham maresiti bhutavejjakapathaka
yakkhagahitakam mocetukama yakkham avahetva muncati vadanti.
No ce muncati pitthena va mattikaya va rupam katva
hatthapadadini chindanti. Yamyam tassa chijjati tamtam yakkhassa
chinnameva hoti. Sise chinne yakkhopi marati. Evam sopi
maresi. Tasma thullaccayam vuttam. Na kevalanca yakkhameva. Yopi
hi sakkam devarajanam mareyaya sopi thullaccayameva apajjati.
Valayakkhavatthusmim. Valayakkhaviharanti yasmim vihare
valo cando yakkho vasati tam viharam. Yo hi evarupam
viharam ajananto kevalam vasanatthaya peseti anapatti. Yo
maranadhippayo peseti so itarassa marane parajikam amarane
thullaccayam apajjati. Yatha ca valayakkhaviharam evam yattha
valasihabyagghadimiga va ajagarakanhasappadayo dighajatika va
vasanti tam valaviharam pesentassapi apattanapattibhedo
veditabbo. Ayam palimuttakanayo. Yatha ca bhikkhum valayakkhaviharam
pesentassa evam valayakkhampi bhikkhusantikam pesentassa
apattanapattibhedo veditabbo. Eseva nayo valakantaradisu
vatthusu. Kevalam hettha yasmim kantare valamiga va dighajatika va
atthi so valakantaro yasmim cora atthi so corakantaroti
evam padatthamattameva namam. Manussaviggahaparajikanca nametam
sanham pariyayakathaya na muccati. Tasma yo vadeyya asukasmim
nama okase coro nisinno yo tassa sisam chinditva
aharati so rajato sakkaravisesam labhatiti tassa ce vacanam
Sutva koci nam gantva mareti ayam parajiko hotiti.
{188} Tam mannamanotiadisu. So kira bhikkhu attano
veribhikkhum maretukamo cintesi imam me diva marentassa
na sukaram bhaveyya sotthina gantum rattim nam maressamiti
sallakkhetva rattim agamma bahunam sayitatthane tam mannamano
tameva jivita voropesi aparo tam mannamano annam 1- aparo
annam tasseva sahayam mannamano tam aparo annam tasseva
sahayam mannamano annam tassa sahayameva jivita voropesi
sabbesampi parajikameva.
Amanussagahitavatthusu. Yakkham palapessamiti paharam adasi.
Itaro na danayam virajjhitum samattho ma rassami nanti. Ettha
ca namaranadhippayassa anapatti vuttati na ettakeneva
amanussagahitassa paharo databbo talapannam pana parittasuttam va hatthe
va pade va bandhitabbam ratanasuttadini parittani bhanitabbani
ma silavantam bhikkhum vihethehiti dhammakatha katabba. Saggakathadini
uttanatthani. Yam hettha vattabbam tam vuttameva.
{189} Rukkhacchedanavatthu attabandhanavatthusadisam. Ayam pana viseso.
Yo rukkhena otthatopi na marati sakka ca hoti ekena
passena rukkham chetva pathavim va khanitva nikkhamitum hatthe
cassa vasi va kudhari va atthi tenapi jivitam pariccajitabbam
@Footnote: 1. tasseva sahayanti padadvayam nattham khayati.
Na ca rukkho va chinditabbo na pathavi va khanitabba.
Kasma. Evam karonto hi pacittiyam apajjati buddhassa
anam bhanjati na jivitapariyantam silam karoti tasma api
jivitam pariccajitabbam na ca silanti pariganetva na evam katabbam.
Annassa pana bhikkhuno rukkham va chinditva pathavim va khanitva
tam niharitum vattati. Sace udukkhalayantakena rukkham pavattetva
niharitabbo hoti tamyeva rukkham chinditva udukkhalam gahetabbanti.
Mahasumatthero aha annampi chinditva gahetum vattatiti.
Mahapadumatthero sobbhadisu patitassapi nissenim bandhitva
uttarane eseva nayo attana bhutagamam chinditva nisseni
na katabba annesam katva uddharitum vattatiti.
{190} Dayalimpanavatthusu. Dayam limpesunti vane aggim adamsu. Ettha
pana uddissanuddissavasena parajikanantariyathullaccayapacittiyavatthunam
anurupato parajikadini akusalarasibhavo ca pubbe vuttanayeneva
veditabbo. Allatinavanappatayo dayhantuti alimpentassa ca
pacittiyam dabbupakaranani vinassantuti alimpentassa dukkatam
khiddadhippayenapi dukkatanti sankhepatthakathayam vuttam. Yankinci
allasukkham saindriyanindriyam dayhatuti alimpentassa vatthuvasena
parajikathullaccayapacittiyadukkatani veditabbani. Pataggidanam
pana parittakarananca bhagavata anunnatam. Tasma aranne
vanakammikehi dinnam sayam va utthitam aggim agacchantam disva
Tinakutiyo ma vinassantuti tassa aggino patiaggim datum vattati
yena saddhim agacchanto aggi ekato hutva nirupadano
nibbati. Parittampi katum vattati tinakutikanam samanta
bhumitacchanam parikkhakhananam va yatha agato aggi upadanam
alabhitva nibbati. Etanca sabbam utthiteyeva aggismim katum
vattati. Anutthite anupasampannehi kappiyavoharena karetabbam.
Udakena ca nibbapentehi appanakameva udakam asincitabbam.
{191} Aghatanavatthusmim. Yatha ekappaharavacane evam dvihi
paharehitiadivacanesupi parajikam veditabbam. Dvihiti vutte ca
ekena paharena maritepi khettameva otinnatta parajikam.
Tihi marite pana visanketam. Iti yathaparicchede va paricchedabbhantare
va avisanketam. Paricchedatikkame pana sabbattha visanketam hoti
anapako muccati vadhakasseva doso. Yatha ca paharesu
evam purisesupi eko ekam maretuti vutte ekeneva marite
parajikam dvihi marite visanketam dve marentuti vutte
ekena va dvihi va marite parajikam tihi marite visanketanti
veditabbam. Eko sangame vegena dhavato purisassa asina sisam
chindi asisakabandham dhavati tamanno paharitva patesi kassa
parajikanti vutte upaddhatthera gamanupacchedakassati ahamsu.
Abhidhammikagodattatthero sisacchedakassati. Evarupanipi vatthuni
imassa vatthussa atthadipane vattabbaniti.
{192} Takkavatthusmim aniyametva takkam payethati vutte yam va
tam va takkam payetva marite parajikam. Niyametva pana gotakkam
mahisatakkam ajikatakkanti va sitam unham dhupitam adhupitanti
va vutte yam vuttam tato annam payetva marite visanketam.
Lonasocirakavatthusmim. Lonasocirakannama sabbasassabhisankhatam
ekam bhesajjam. Tam kira karonto haritakamalakavibhitakakasave 1-
sabbadhannani sabbaaparannani sattannampi dhannanam odanam
kadaliphaladini sabbaphalani vettaketakakhajjurikaliradayo sabbakalire
macchamamsakhandani anekani ca madhuphanitasindhavalonatikatukadini
bhesajjani pakkhipitva kumbhimukham vilimpitva ekam va dve va
tini va samvaccharani thapenti. Tam paripacitva jamburasavannam
hoti vatakasakutthapandubhagandaradinam 2- siniddhabhojanam bhuttananca
uttarapanam. Bhattajiranakabhesajjam tadisam natthi. Tam panetam
bhikkhunam pacchabhattampi vattati. Gilananam pakatikameva agilananam
pana udakasambhinnam panaparibhogenati.
Samantapasadikaya vinayasamvannanaya tatiyaparajikavannana
nitthita.
------------
@Footnote: 1. vibhidakaiti va vibhedaka iti va likhiyati . 2. bhagandalatipi likhiyati.
The Pali Atthakatha in Roman Book 1 page 567-586.
http://84000.org/tipitaka/atthapali/read_rm.php?B=1&A=11910&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=1&A=11910&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=1&i=203
เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=7852
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=2861
The Pali Tipitaka in Roman Character :-
http://84000.org/tipitaka/read/roman_read.php?B=1&A=2861
Contents of The Tipitaka Volume 1
http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]