ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 1 : PALI ROMAN Vinaya.A. (samanta.1)

     Tattha suddhikavaro vattukamavaro paccayapatisamyuttavaroti
tayo mahavara. Tesu suddhikavare pathamam jhanam adim katva
yava moha cittam vinivaranatapadam 1- tava ekamekasmim 2- pade
samapajjim samapajjami samapanno labhimhi vasimhi sacchikatam
@Footnote: 1. ettha itisaddo icchitababo .   2. ekekasmim.
Mayati imesu chasu padesu ekamekam padam tihakarehi catuhi pancahi
chahi sattahakarehiti evam pancakkhattum yojetva suddhikanayo
nama vutto. Tato pathamam jhanam dutiyam jhananti evam
pathamajjhanena saddhim ekamekam padam ghatentena sabbapadani ghatetva
teneva vittharena khandacakkannama vuttam. Tam hi puna anetva
pathamajjhanadihi saddhim na yojitam tasma khandacakkanti vuccati.
Tato dutiyam jhanam tatiyam jhananti evam dutiyajjhanena saddhim
ekamekam padam ghatetva puna anetva pathamajjhanena saddhim
sambandhitva teneva vittharena baddhacakkannama vuttam. Tato
yatha dutiyajjhanena saddhim evam tatiyajjhanadihi saddhim ekamekam
padam ghatetva puna anetva dutiyajjhanadihi saddhim sambandhitva
teneva vittharena annanipi ekunattimsam baddhacakkani vatva
ekamulakanayo nitthapito. Patho pana sankhepena dassito.
So asammuyhantena vittharato veditabbo. Yatha ca ekamulako
evam dumulakadayopi sabbamulapariyosana catunnam satanam upari
pancattimsa naya vutta. Seyyathidam. Dvimulaka ekunatimsa
timulaka atthavisa catummulaka sattavisa. Evam pancamulakadayopi
ekekam unam katva yava timsamulaka tava veditabba. Pathe
pana tesam namampi sankhipitva idam sabbamulakanti timsamulakanayova
eko dassito. Yasma ca sunnagarapadam jhanena aghatitam
sisam na otarati tasma tam anamasitva moha cittam
Vinivaranapadapariyosanayeva sabbattha yojana dassitati veditabba.
Evam pathamajjhanadini patipatiya va uppatipatiya va
dutiyajjhanadihi ghatetva va aghatetva va samapajjintiadina
nayena ullapato mokkho natthi parajikam apajjatiyevati
imassa atthassa dassanavasena vutte ca panekasmim suddhikamahavare
ayam sankhepato atthavannana.
     Tihakarehiti sampajanamusavadassa angabhutehi tihi karanehi.
Pubbevassa hotiti pubbabhageyeva assa puggalassa evam hoti
musa bhanissanti. Bhanantassa hotiti bhanamanassa hoti.
Bhanitassa hotiti bhanite assa hoti. Yam vattabbam tasmim
vutte hotiti attho. Athava bhanitassati vuttavato
nitthitavacanassa hotiti. Evam yo pubbabhagepi janati bhanantopi
janati pacchapi janati musa maya bhanitanti so pathamam
jhanam samapajjinti bhananto parajikam apajjatiti ayamettha
attho dassito. Kincapi dassito athakho ayamettha viseso.
Puccha tava hoti musa bhanissanti pubbabhago atthi musa
maya bhanitanti pacchabhago natthi vuttamattameva hi koci
pamussati kintassa parajikam hoti na hotiti. Sa evam
atthakathasu vissajjita pubbabhage musa bhanissanti ca bhanantassa
musa bhanamiti ca janato pacchabhage musa maya bhanitanti na
sakka na bhavitum sacepi na hoti parajikameva. Purimameva hi
Angadvayam pamanam. Yassapi pubbabhage musa bhanissanti
abhogo natthi bhananto pana musa bhanamiti janati bhanitepi
musa maya bhanitanti janati so apattiya na karetabbo.
Pubbabhago hi pamanataram tasmim asati davabhanitam va ravabhanitam
va hotiti. Ettha ca tamnanata ca nanasamodhananca
pariccajitabbam. Tam nanata pariccajitabbati yena cittena musa
bhanissanti janati teneva musa bhanamiti ca musa maya
bhanitanti ca janatiti evam ekacitteneva tisu khanesu janatiti
ayam tam nanata pariccajitabba. Na hi sakka teneva cittena
cittam janitum yatha na sakka teneva asina so asi chinditunti.
Purimam purimam pana cittam pacchimassa pacchimassa cittassa tatha
uppattiya paccayo hutva nirujjhati. Tenetam vuccati
       pamanam pubbabhagova     tasmim sati na hessati
       sesadvayanti natthetam    iti vaca tivangikati.
Nanasamodhanam pariccajitabbanti etani tini cittani ekakkhane
uppajjantiti na gahetabbani. Idam hi cittam nama
       aniruddhamhi pathame      na uppajjati pacchimam
       nirantaruppajjanato      ekam viya pakasatiti.
Ito param pana yvayam pathamam jhanam samapajjinti sampajanamusa
bhanati yasma so natthi me pathamam jhananti evam ditthiko
hoti tassa hi attheva ayam laddhi tatha natthi me pathamam jhananti
Evamassa khamati ceva ruccati ca evamsabhavameva cassa cittam natthi
me pathamam jhananti yada pana musa vattukamo hoti tada
tam ditthim va ditthiya saha khantim va ditthikhantihi saddhim rucim va
ditthikhantirucihi saddhim bhavam va vinidhaya nikkhipitva paticchadetva
abhutam katva bhanati tasma tesampi vasena angabhedam dassetum catuhi
akarehitiadi 1- vuttam. Parivare ca atthangiko musavadoti
vuttatta tattha adhippetaya sannaya saddhim annopi idha
atthahakarehiti eko nayo yojetabbo. Ettha ca vinidhaya
ditthinti balavadhammavinidhanavasena vuttam. Vinidhaya khantintiadini
tato dubbaladubbalanam vinidhanavasena. Vinidhaya sannanti idam
panettha sabbadubbaladhammavinidhanasannamattampi nama. Avinidhaya
sampajanamusa bhanissatiti netam thanam vijjati. Yasma pana
samapajjissamitiadina anagatavacanena parajikam na hoti tasma
samapajjintiadini atitavattamanapadanevapathevuttanitiveditabbani.
     {207} Ito param sabbampi imasmim suddhikamahavare uttanatthameva. Na
hettha atthi yam imina vinicchayena na sakka bhaveyya vinnatum thapetva
kilesappahanapadassa padabhajane rago me catto vantotiadinam
padanam attham. Svayam vuccati. Ettha hi cattoti idam
sakabhavapariccajanavasena vuttam. Vantoti idam puna anadiyanabhavadassanavasena.
Muttoti idam santatito vimocanavasena. Pahinoti idam
@Footnote: 1. catuhakarehiti.
Muttassapi kvaci anavatthanadassanavasena. Patinissatthoti idam pubbe
adinnapubbassa patinissaggadassanavasena. Ukkhetitoti idam
ariyamaggena uttasitatta puna analiyanabhavadassanavasena. Svayamattho
saddasatthato pariyesitabbo. Samukkhetitoti idam sutthu uttasetva
anusahagatassapi puna analiyanabhavadassanavasena vuttanti.
                  Suddhikavarakatha nitthita.
     {215} Vattukamavarepi tihakarehitiadinam attho varapeyyalappabhedo
ca sabbo idha vuttanayeneva veditabbo. Kevalam hi yam
idam maya virajjhitva annam vattukamena annam vuttam tasma
natthi mayham apattiti evam okasagavesakanam papapuggalanam
okasanisedhanattham vutto. Yatheva hi buddham paccakkhamiti vattukamo
dhammam paccakkhamitiadisu sikkhapaccakkhanapadesu yam va tam va
vadanto khette otinnatta sikkhapaccakkhatakova hoti evam
pathamajjhanadiuttarimanussadhammapadesu yankinci ekam vattukamo tato
annam yam va tam va vadantopi khette otinnatta parajikova
hoti sacepi yassa vadati so tamattham tamkhanamyeva janati.
Jananalakkhanancettha sikkhapaccakkhane vuttanayeneva veditabbam.
Ayam pana viseso. Sikkhapaccakkhanam hatthamuddhaya sisam na otarati.
Idam abhutarocanam hatthamuddhayapi otarati. Yo hi hatthavikaradihi
angapacacangacopanehi abhutam uttarimanussadhammam vinnattipathe thitassa
puggalassa arocesi so ca tam attham janati parajikova
Hoti. Atha pana yassa aroceti so na janati va kim ayam
bhanatiti samsayam va apajjati ciram vimamsitva va paccha janati
apativijananto icceva sankham gacchati. Evam apativijanantassa
vutte thullaccayam hoti. Yo pana jhanadini attana adhigamanavasena
va uggahaparipucchadivasena va na janati kevalam jhananti va
vimokkhoti va vacanamattameva sutam hoti sopi tena vutte
jhanam kira samapajjinti esa vadatiti yadi ettakamattampi janati
janaticceva sankham gacchati tassa vutte parajikameva. So 1- ekassa
va dvinnam va bahunam va niyamitaniyamitavasena viseso sabbopi
sikkhapaccakkhanakathayam vuttanayeneva veditabboti.
                 Vattukamavarakatha nitthita.
     {220} Paccayapatisamyuttavarepi sabbam varapeyyalappabhedam pubbe
agatapadananca attham vuttanayeneva natva palikkamo tava evam
janitabbo. Ettha hi yo te vihare vasi yo te civaram
paribhunji yo te pindapatam paribhunji yo te senasanam
paribhunji yo te gilanapaccayabhesajjaparikkharam paribhunjiti ime
panca paccattavacanavara yena te viharo paribhuttotiadayo
panca karanavacanavara yam tvam agamma viharam adasitiadayo
panca upayogavacanavara vutta tesam vasena idha vuttena
sunnagarapadena saddhim pubbe vuttesu pathamajjhanadisu sabbapadesu
@Footnote: 1. atireko manne.
Varapeyyalabhedo veditabbo. Yo te vihare yena te viharo
yam tvam agamma viharanti evam pariyayena vuttatta pana ahanti
avuttatta ca pativijanantassa vuttepi idha thullaccayam apativijanantassa
dukkatanti ayamettha vinicchayo 1-.



             The Pali Atthakatha in Roman Book 1 page 607-614. http://84000.org/tipitaka/atthapali/read_rm.php?B=1&A=12758&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=1&A=12758&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=237              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=8761              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=3438              The Pali Tipitaka in Roman Character :- http://84000.org/tipitaka/read/roman_read.php?B=1&A=3438              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]