|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Dutiyaparajikavannana
dutiyam adutiyena yam jinena pakasitam
parajikantassa dani patto samvannanakkamo
yasma tasma suvinneyyam yam pubbe ca pakasitam
tam sabbam vajjayitvassa hoti samvannana ayam.
{84} Tena samayena buddho bhagava rajagahe viharati gijjhakute
pabbateti. Rajagaheti evam namake nagare. Tam hi
mandhatumahagovindadihi pariggahitatta rajagahanti vuccati. Annepettha
pakare vannayanti. Kintehi namametam tassa nagarassa. Tam
panetam buddhakale cakkavattikale ca nagaram hoti. Sesakale
sunnam hoti yakkhapariggahitam. Tesam vasanavanam hutva titthati.
Evam gocaragamam dassetva nivasanatthanamaha. Gijjhakute pabbateti
so ca gijjha vassa kute vasimsu gijjhasadisani vassa kutani
tasma gijjhakutoti vuccati. Sambahulati vinayapariyayena tayo
jana sambahulati vuccanti tato param sangho. Suttantapariyayena
tayo tayo eva tato patthaya sambahula. Idha suttantapariyayena
sambahulati veditabba. Sanditthati nativissasika na dalhamitta
vuccanti. Tattha tattha sangamma ditthatta hi te sanditthati
vuccanti. Sambhattati vissasika dalhamitta vuccanti. Te hi
sutthu bhatta bhajamana ekasambhogaparibhogani katva sambhattati
Vuccanti. Isigilipasseti isigili nama pabbato tassa passe.
Pubbe kira pancasatamatta paccekasambuddha kasikosaladisu janapadesu
pindaya caritva pacchabhattam tasmim pabbate sannipatitva samapattiya
vitinamenti. Manussa te pavisanteyeva passanti na nikkhamante
tato ahamsu ayam pabbato ime isi gilatiti. Tadupadaya
tassa isigilitveva samanna udapadi. Tassa passe pabbatapade.
Tinakutikayo karitvati tinakutiyo tinacchadana sadvarabandha kutiyo
katva. Vassam upagacchantena hi nalakapatipadam patipannenapi
pancannam chadananam annatarena channeyeva sadvarabandhe senasane
upagantabbam. Vuttam hetam na bhikkhave asenasanikena vassam
upagantabbam yo upagaccheyya apatti dukkatassati. Tasma
vassakale sace senasanam labhati iccetam kusalam no ce labhati
hatthakammam pariyesitvapi katabbam. Hatthakammam alabhantena samampi
katabbam. Na tveva asenasanikena vassam upagantabbam.
Ayamanudhammata. Tasma te bhikkhu tinakutiyo karitva
rattitthanadivatthanadini paricchinditva katikavattani ca khandhakavattani ca
adhitthaya tisu sikkhasu sikkhamana vassam upaganchimsu. Ayasmapi
dhaniyoti na kevalam te thera imassa sikkhapadassa adikammiko
ayasma dhaniyopi. Kumbhakaraputtoti kumbhakarassa putto.
Tassa hi namam dhaniyoti pita kumbhakaro tena vuttam dhaniyo
kumbhakaraputtoti. Vassam upaganchiti tehi therehi saddhim
Ekatthaneyeva tinakutikam karitva vassam upaganchi. Vassam vutthati
purimikaya upagata mahapavaranaya pavarita patipadadivasato patthaya
vutthavassati vuccanti evam vassam vuttha hutva. Tinakutiyo
bhinditvati na muggarappaharadihi cunnavicunnam katva vattasisena
pana tinanca daruvalliadini ca oropetvati attho. Yena hi
viharapaccante kuti kata hoti tena sace avasika bhikkhu
honti te apucchitabba sace imam kutim patijaggitva koci
vasitum ussahati tasseva dethati vatva pakkamitabbam. Yena
aranne va kata hota patijagganakam va na labhati tena annesampi
paribhogam bhavissatiti patisametva gantabbam. Te pana bhikkhu aranne
kutiyo katva patijagganakam alabhanta tinanca katthanca patisametva
sangopitvati attho. Yatha ca thapitam upacikadihi na khajjati
anovassakanca hoti tatha thapetva imam thanam agantva
vasitukamanam sabrahmacarinam upakaraya bhavissatiti gamiyavattam
puretva. Janapadacarikam pakkamimsuti attano attano cittanukulam
janapadam agamamsu. Ayasma dhaniyo kumbhakaraputto tattheva vassam
vasitiadi uttanatthameva. Yavatatiyakanti yavatatiyakam varam.
Anavayoti anuavayo. Sandhivasena ukaralopo. Anuavayo yamyam
kumbhakarehi kattabbannama atthi sabbattha anuno paripunnasippoti
attho. Saketi attano santake. Acariyaketi acariyakamme.
Kumbhakarakammeti kumbhakaranam kamme. Kumbhakarehi kattabbeti
Attho. Etena sakam acariyakam sarupato dassitam hoti.
Pariyodatasippoti parisuddhasippo. Anavayattepi sati
annehi asadisasippoti vuttam hoti. Sabbamattikamayanti
pitthisanghatakavatasucighatikavatapanakavatamattam thapetva avasesam
bhitticchadanakatthakammadibhedam sabbam gehasambharam mattikamayameva katvati
attho. Tinanca katthanca gomayanca sankaddhitva tam kutikam paciti
sabbamattikamayam katva panikaya ghamsitva sukkhapetva
telatambamattikaya parimajjitva anto ca bahi ca tinadihi puretva
yatha pakka supakka hoti evam paci. Evam pakka ca pana
sa ahosi kutika. Abhirupati surupa. Pasadikati
pasadajanika. Lohitakati lohitavanna. Kimkinikasaddoti
kimkinikajalassa saddo. Yatha kira nanaratanehi katassa kimkinikajalassa
saddo hoti evam tassa kutiya vatapanantarikadihi pavitthena
vatena samahataya saddo ahosi. Etenassa anto ca bahi
ca supakkabhavo dassito hoti. Mahaatthakathayam pana kimkinikati
kamsabhajanam tasma abhihatassa kamsabhajanassa saddo evamassa
vatahataya saddo ahositi vuttam. {85} Kim etam bhikkhaveti ettha
janantova bhagava kathasamutthapanattham pucchi. Bhagavato etamattham
arocesunti sabbamattikamayaya kutikaya karanabhavam adito patthaya
bhagavato arocesum. Katham hi nama so bhikkhave .pe. Kutikam
karissatiti idam atitatthe anagatavacanam. Akasiti vuttam hoti.
Tassa lakkhanam saddasatthato pariyesitabbam. Na hi nama bhikkhave
tassa moghapurisassa panesu anudaya anukampa avihesa bhavissatiti
ettha anudayati anurakkhana. Etena mettapubbabhagam dasseti.
Anukampati paradukkhena cittakampana. Avihesati avihimsana.
Etehi karunapubbabhagam dasseti. Idam vuttam hoti bhikkhave
tassa moghapurisassa pathavikhananacikkhallamaddanaaggidanesu bahu
khuddanukhuddake pane byabadhentassa vinasentassa tesu panesu
mettakarunanam pubbabhagamattapi anudaya anukampa avihesa na
hi nama bhavissati appamattakapi nama na bhavissatiti. Ma
pacchima janata panesu patabyatam apajjatiti pacchimo janasamuho
panesu patabyabhavam ma apajji. Buddhakalepi bhikkhuhi evam
katam idisesu thanesu panesu panatipatam karontanam natthi
dosoti mannitva imassa ditthanugatim apajjamana pacchima
janata ma panesu patabbe ghamsitabbe evam manniti vuttam
hoti. Evam dhaniyam garahitva na ca bhikkhave sabbamattika maya kutika
katabbati ayatim tadisaya kutikaya karanam patikkhipi. Patikkhipitva
ca yo kareyya apatti dukkatassati sabbamattikamayakutikakarane
apattim thapesi. Tasma yopi pathavikhananadina panesu patabyatam
anapajjanto tadisam kutikam karoti sopi dukkatam apajjati.
Pathavikhananadihi pana panesu patabyatam apajjanto yamyam vatthum
vitikkamati tattha tattha vuttameva apattim apajjati. Idha
Dhaniyattherassa adikammikatta anapatti. Sesanam sikkhapadam
atikkamitva karontanampi katam labhitva tattha vasantanampi
dukkatameva. Dabbasambharamissaka pana yatha tatha va missa
hotu vattati. Suddhamattikamayava na vattati. Sapi itthakahi
ginjakavasathasankhepena kata vattati. Evambhanteti kho .pe. Tam
kutikam bhindimsuti bhagavato vacanam sampaticchitva katthehi ca pasanehi
ca tam kutikam vikiranta bhindimsu. Athakho ayasma dhaniyotiadimhi
ayam sankhepattho. Dhaniyo ekapasse divaviharam nisinno tena
saddena agantva te bhikkhu kissa me tumhe avuso kutikam
bhindathati pucchitva no 1- bhagava bhedapetiti sutva suvacataya
sampaticchi. Kasma pana bhagava imina atimahantena ussahena
attano vasanattham katam kutikam bhedapesi nanu etassettha vayakammampi
atthiti. Kincapi atthi athakho tam bhagava akappiyati bhindapesi
titthiyaddhajoti bhindapesi. Ayamettha vinicchayo. Atthakathayampana
annanipi karanani vuttani sattanudayaya pattacivaraguttatthaya
senasanabahullapatisedhanatthayatiadini. Tasma idanipi yo
bhikkhu bahussuto vinayannu annam bhikkhum akappiyaparikkharam gahetva
vicarantam disva tam chindapeyya va bhindapeyya va anupavajjo
so neva codetabbo na saretabbo na tam labbha vattum mama
parikkharo taya nasito tam me dehiti.
@Footnote: 1. bhagavati padassa parato likhitabbam.
Tatrayam palimuttako kappiyakappiyaparikkharavinicchayo. Keci
talapannacchattam anto va bahi va pancavannena suttena
sibbetva vannamattham karonti tam na vattati. Ekavannena
pana nilena va pitena va yena kenaci suttena anto va bahi
va sibbitum chattadandaggahanakam salakapanjaram va vinaddhitum vattati.
Tanca kho thirakaranattham na vannamatthatthaya. Chattapannesu
makaradantakam va addhacandakam va chinditum na vattati. Chattadande
gehatthambhesu viya ghatako va balarupakam va na vattati. Sacepi
sabbattha araggena lekha dinna hoti sapi na vattati. Ghatakampi
balarupakampi bhinditva dharetabbam. Lekhapi ghamsitva va apanetabba
suttakena va dando vethetabbo . Dandabundhe pana
ahicchattakasanthanam vattati. Vatappaharena acalanattham chattamandalikam
rajjukehi gahetva dande bandhanti. Tasmim bandhanatthane
valayamiva ukkiritva lekham thapenti sa vattati. Civaramandanatthaya
nanasuttakehi satapadisadisam sibbanta agantukapatam thapenti annampi
yankinci sucikammavikaram karonti patamukhe va pariyante va venim
va sankhalikam va evamadi sabbam na vattati. Pakatisucikammameva
vattati. Ganthikapatakanca pasakapatakanca atthakonampi solasakonampi
karonti tattha agghiyagayamuggaradini dassenti kakkatakakkhini
ukkiranti sabbam na vattati. Catukkonameva vattati.
Konasuttakapilakava civare ratte duvinneyyarupa vattanti.
Kanajikapitthakhaliadisu civaram pakkhipitum na vattati. Civarakammakale pana
hatthamalasucimaladinam dhovanattham kilitthakale ca dhovanattham vattati.
Gandham va lakham va telam va rajane pakkhipitum na vuttati. Civaram
rajitva sankhena va manina va yena kenaci na ghattetabbam.
Bhumiyam janukani nihantva hatthehi gahetva doniyampi na ghamsitabbam.
Doniyam va phalake va thapetva ante gahapetva hatthena paharitum
pana vattati. Tampi mutthina na katabbam. Poranakatthera pana
doniyampi na thapesum eko hatthena gahetva titthati aparo
hatthe katva hatthena paharati. Civarassa kannasuttakam na vattati.
Rajitakale chinditabbam. Yam pana anujanami bhikkhave kannasuttakanti
evam anunnatam tam anuvate pasakam katva bandhitabbam rajanakale
lagganatthaya. Ganthikepi sobhakaranattham lekha va pilaka va
na vattati nasetva paribhunjitabbam. Patte va thalake va
araggena lekham karonti anto va bahi va na vattati.
Pattam bhamam aropetva majjitva pacanti manivannam karissamati
na vattati. Telavanno pana vattati. Pattamandale bhattikammam
na vattati. Makaradantakam pana vattati. Dhamakarakacchattakassa upari
va hettha va dhamakarakakucchiyam va lekha na vattati. Chattamukhavattiyam
panassa lekha vattati. Kayabandhanassa sobhanattham tahim tahim digunam
suttam kottenti kakkatakakkhini utthapenti na vattati. Ubhosu
pana antesu dasamukhassa thirabhavaya digunam kottetum vattati.
Dasamukhe pana ghatakam va makaramukham va deddubhasisam va yankinci
vikararupam katum na vattati. Tattha tattha acchini dassetva
malakammadini va katva kottitakayabandhanampi na vattati.
Ujukameva pana macchakantakam va khajjuripattakam va matthapatikam va
katva kottitum vattati. Kayabandhanassa dasa eka vattati
dve tini cattaripi vattanti. Tato param na vattanti.
Rajjukakayabandhanam ekameva vattati. Pamangasanthanam pana ekampi na
vattati. Dasa pana pamangasanthanapi vattati. Bahu rajjuke
ekato katva ekena nirantaram vethetva katam bahurajjukanti na
vattabbam tam vattati. Kayabandhanavithe atthamangaladikam yankinci
vikararupam na vattati. Paricchedalekhamattam vattati. Vithakassa
ubhosu antesu thirakaranatthaya ghatakampi karonti ayampi vattati.
Anjaniyam itthipurisacatuppadasakunarupam va malakammalatakamma-
makaradantakagomuttakaaddhacandakadibhedam va vikararupam na vattati.
Ghamsitva va chinditva va yatha va na pannayati tatha
suttakena vethetva valanjetabba. Ujukameva pana caturassa va
atthamsa va solasamsa va anjani vattati. Hetthatopissa dve
va tisso va vattalekhayo vattanti. Givayampissa
pidhanakabandhanattham eka vattalekha vattati. Anjanisalakayampi
vannamatthakammam na vattati. Anjanithavikayampi yankinci nanavannena
suttena vannamatthakammam na vattati. Eseva nayo kuncikakosakepi.
Kuncikaya vannamatthakammam na vattati. Tatha sipatikaya.
Ekavannasuttena panettha yena kenaci yankinci sibbitum vattati.
Arakantakepi vattamanikam va annam va vannamattham na vattati.
Givayam pana paricchedalekha vattati. Pipphalakepi manikam va pilakam
va yankinci thapetum na vattati. Dandake pana paricchedalekha
vattati. Nakhacchedanam valitakamyeva karonti tasma tam vattati.
Uttararaniyam va araniyam va dhanuke va uparipellanadandake va
malakammadikam yankinci vannamattham na vattati .pellanadandakassa
pana vemajjhe mandalam hoti tattha paricchedalekhamattam vattati.
Sucisandasam karonti yena sucim damsapetva ghamsanti. Tattha
makaramukhadikam yankinci vannamattham na vattati. Sucidamsanattham pana
mukhamattam hoti tam vattati. Dantakatthacchedanavasiyampi yankinci
vannamattham na vattati. Ujukameva kappiyalohena ubhosu va
passesu caturassam va atthamsam va bandhitum vattati. Kattaradandepi
yankinci vannamattham na vattati. Hettha eka va dve va
vattalekha upari ahicchattakamakulamattanca vattati. Telabhajanesu
visane naliyam va alabuke va amandasarake va thapetva
itthirupam purisarupanca avasesam sabbampi vannamatthakammam vattati.
Mancapithe bhisibimbohane bhummattharane padapunchane cankamanabhisiyam
sammunjaniyam kacavarachaddanake rajanadonikaya paniyaulunke paniyaghate
padakatthalikaya phalakapithake valayadharake dandadharake pattapidhane
Talavante ca vijane etesu sabbam malakammadivannamatthakammam
vattati. Senasane pana dvarakavatavatapanakavatadisu
sabbaratanamayampi vannamatthakammam vattati. Senasane kinci patisedhetabbam
natthi annatra viruddhasenasana. Viruddhasenasanannama annesam
simaya rajavallabhehi katam senasanam vuccati. Tasma ye tadisam
senasanam karonti te vattabba ma amhakam simaya senasanam
karothati. Anadiyitva karontiyeva. Punapi vattabba ma evam
akattha ma amhakam uposathappavarananam antarayamakattha ma
samaggim bhindittha tumhakam senasanam katampi katatthane na
thassatiti. Sace balakkarena karontiyeva yada tesam lajjiparisa
ussanna hoti sakka hoti laddhum dhammiko vinicchayo tada
tesam pesetabbam tumhakam avasam harathati. Sace yavatatiyam pesite
haranti sadhu no ce haranti thapetva bodhinca cetiyanca
avasesasenasanani bhinditabbani no ca kho aparibhogam karontehi.
Patipatiya pana chadanagopanasiitthakadini apanetva tesam pesetabbam
tumhakam dabbasambhare harathati. Sace haranti sadhu no ce haranti
atha tesu sambharesu himavassatapadihi putibhutesu va corehi va hatesu
aggina va daddhesu simasamika bhikkhu anupavajja na labbha codetum
tumhehi amhakam dabbasambhara nasitati va tumhakam givati va.
Yam pana simasamikehi bhikkhuhi katam tam sukatameva hotiti.
Palimuttakavinicchayo nitthito.
{86} Evam bhinnaya pana kutikaya dhaniyassa parivitakkanca punareva
kutikaranatthaya ussahanca dassetum athakho ayasmatotiadi vuttam.
Tattha darugaheganakoti ranno darubhandagare darugopako.
Gahanadaruniti devena gahitadaruni rajapariggahabhutani daruniti
attho. Nagarapatisankharikaniti nagarassa patisankharupakaranani.
Apadatthaya nikkhittaniti aggidahena va puranabhavena va
patirajuparundhanadina va gopurattalakarajantepurahatthisaladinam vipatti
apadati vuccati tadattham nikkhittaniti vuttam hoti. Khandakhandikam
chedapetvati attano kutikaya pamanam sallakkhetva kinci agge
kinci majjhe kinci mule khandakhandam karonto chedapesi.
{87} Vassakaroti tassa brahmanassa namam. Magadhamahasattoti
magadharatthe mahamatto mahatiya issariyamattaya samannagato
magadharanno va mahamatto mahamaccoti vuttam hoti.
Anusannayamanoti tattha tattha gantva paccavekkhamano. Bhaneti issaranam
nicatthanikapurisalapanam. Bandham anapesiti brahmano pakatiyapi
tasmim issapakatova so ranno anapehiti vacanam sutva
yasma pakkosapehiti ranna na vuttam tasma nam hatthesu ca
padesu ca bandham katva anapessamiti bandham anapesi.
Addasa kho ayasma dhaniyoti katham addasa. So kira attano
lesena darunam hatabhavam natva nissamsayam esa darunam karana
rajakulato vadham va bandham va papunissatiti tada nam ahameva
Mocessamiti niccakalam tassa pavuttim sunantoyeva vicarati tasma
tamkhanamyeva gantva addasa. Tena vuttam addasa kho ayasma
dhaniyoti. Darunam kiccati darunam karana. Puraham hannamiti
aham pura hannami. Yava aham na hannami tava tvam eyyasiti
attho. {88} Ingha bhante sarapehiti ettha inghati codanatthe
nipato. Pathamabhisittoti 1- abhisitto hutva pathamam. Evarupim
vacam bhasitati dinnanneva samanabrahmananam tinakatthodakam
paribhunjantuti imam evarupim vacam abhisitto hutva pathamameva yam
tvam abhasi tam sayameva bhasitva idani sarasi na sarasiti vuttam
hoti. Rajano kira abhisittamattayeva dhammabherincarapenti
dinnanneva samanabrahmananam tinakatthodakam paribhunjantuti tam
sandhaya esa vadati. Tesam maya sandhaya bhasitanti tesam
appamattakepi kukkuccayantanam samitabahitapapanam samanabrahmananam
tinakatthodakaharanam sandhaya maya evam bhasitam na tumhadisananti
adhippayo. Tanca kho aranne apariggahitanti tanca
tinakatthodakam yam aranne apariggahitam hoti etam sandhaya maya
bhasitanti dipeti. Lomena tvam muttositi ettha lomamiva lomam
kim pana tam pabbajjalingam. Kim vuttam hoti. Yatha nama
dhutta mamsam khadissamati mahagghalomakam elakam ganheyyum tamenam
anano vinnupuriso disva imassa elakassa mamsam kahapanamattam
@Footnote: 1. sampaccabhisittoti amhakam mati. pathamabhisambuddhoti sadhakam.
Agghati lomani pana lomavare lomavare aneke kahapane agghantiti
dve alomake elake datva ganheyya evam so elako
vinnupurisamagamma lomena mucceyya evameva tvam imassa kammassa
katatta vadhabandhanaraho yasma pana arahaddhajo sabbhi avajjharupo
tvanca sasane pabbajitatta pabbajjalingabhutam arahaddhajam dharesi
tasma tvam imina pabbajjalingalomena elako viya vinnupurisam
agamma muttosi.
Manussa ujjhayantiti ranno parisati bhasamanassa sammukha
ca parammukha ca sutva tattha tattha manussa ujnayanti avajjhayanti
avajananta tam jhayanti olokenti lamakato va cintentiti
attho. Khiyantiti tassa avannam kathenti pakasenti. Vipacentiti
vittharikam karonti sabbattha pattharanti. Ayanca attho
saddasatthanusarena veditabbo. Ayam panettha yojana alajjino ime
samana sakyaputtiyatiadini cintenta ujjhayanti natthi imesam
samannantiadini bhananta khiyanti apagata ime samannatiadini
tattha tattha vittharenta vipacentiti. Etena nayena imesam
padanam ito parampi tattha tattha agatapadanurupena yojana
veditabba. Tattha brahmacarinoti setthacarino. Samannanti
samanabhavo. Brahmannanti setthabhavo. Sesam uttanatthameva.
Ranno darunitiadimhi adinnam adiyissatiti ayam ujjhayanattho.
Yam pana adinnam adiyi tam dassetum ranno daruniti vuttam.
Iti vacanabhede asammuyhantehi attho veditabbo.
Puranavohariko mahamattoti bhikkhubhavato purane gihikale
vinicchayavohare niyuttatta voharikoti sankham gato mahaamacco.
Athakho bhagava tam bhikkhum etadavocati bhagava samanneva
lokavoharampi janati atitabuddhanam pannattampi janati pubbepi
buddha ettakena parajikam pannapenti ettakena thullaccayam
ettakena dukkatanti evam santepi sace annehi lokavoharannuhi
saddhim asamsandetva padamattena parajikam pannapeyya tenassa
siyum vattaro silasamvaro nama ekabhikkhussapi appameyyo asankheyyo
mahapathavisamuddaakasani viya ativitthinno tam nama bhagava
padamattakena nasesiti tato tathagatassa nanabalam ajananta
sikkhapadam kopeyyum pannattampi sikkhapadam yathathane na tittheyya
lokavoharannuhi pana saddhim samsandetva pannatte so upavado
na hoti annadatthum evam vattaro honti ime hi nama
agarikapi padamattena coram hanantipi bandhantipi pabbajentipi
kasma bhagava pabbajitam na nasessati yena parasantakam
tinasalakamattampi na gahetabbanti tathagatassa ca nanabalam janissanti
pannattampi ca sikkhapadam akuppam bhavissati yathathane thassati.
Tasma lokavoharannuhi saddhim samsandetva pannapetukamo
sabbavantam parisam anuvilokento athakho bhagava avidure nisinnam
disva tam bhikkhum etadavocati etam avoca kittakena nukho
Bhikkhu raja magadho seniyo bimbisaro coram gahetva hanati va
bandhati va pabbajeti vati. Tattha magadhoti magadhanam issaro.
Seniyoti senaya sampanno. Bimbisaroti tassa namam.
Pabbajeti vati ratthato nikkhameti. Sesamettha uttanatthameva.
Pancamasako padoti tada rajagahe visatimasako kahapano hoti
tasma pancamasako pado. Etena lakkhanena sabbajanapadesu
kahapanassa catuttho bhago padoti veditabbo. So ca kho
poranassa nilakahapanassa vasena na itaresam rudradamakadinam.
Tena padena atita buddhapi parajikam pannapesum anagatapi
pannapessanti. Sabbabuddhanam hi parajikavatthumhi va parajike
va nanattam natthi. Imaneva cattari parajikavatthuni imaneva
cattari parajikani ito unam va atirittam va natthi. Tasma
bhagavapi dhaniyam vigarahitva padeneva dutiyam parajikam pannapento
yo pana bhikkhu adinnam theyyasankhatantiadimaha.
Evam mulacchejjavasena dalham katva dutiyaparajike pannatte
aparampi anuppannattatthaya rajakabhandikavatthu udapadi.
Tassuppattidipanatthametam vuttam evancidam bhagavata bhikkhunam sikkhapadam
pannattam hotiti. Tassattho ca anuppannattisambandho ca
pathamaparajikavannanayam vuttanayeneva veditabbo. Yatha ca idha
evam ito param sabbasikkhapadesu. Yamyam hi pubbe vuttam tamtam
sabbam vajjetva uparupari apubbameva vannayissama. Yadi hi
Yamyam vuttanayam tamtam punapi vannayissama kada vannanaya antam
gamissama. Tasma yamyam pubbe vuttam tamtam sabbam sadhukam
upalakkhetva tattha tattha attho ca yojana ca veditabba.
Apubbam pana yankinci anuttanattham sabbam mayameva vannayissama.
The Pali Atthakatha in Roman Book 1 page 342-358.
http://84000.org/tipitaka/atthapali/read_rm.php?B=1&A=7185&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=1&A=7185&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=1&i=79
เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=6087
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=1459
The Pali Tipitaka in Roman Character :-
http://84000.org/tipitaka/read/roman_read.php?B=1&A=1459
Contents of The Tipitaka Volume 1
http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]