|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Balapanditasuttavannana
[246] Evamme sutanti balapanditasuttam. Tattha balalakkhananiti
balo ayanti etehi lakkhiyati nayatiti balalakkhanani. Taneva tassa
sanjananakarananiti balanimittani. Balassa apadananiti balapadanani.
Duccintitacintiti cintayanto abhijjhabyapadamicchadassanavasena duccintitameva
cinteti. Dubbhasitabhasiti bhasamanopi musavadadibhedam dubbhasitameva bhasati.
Dukkatakammakariti karontopi panatipatadirasena dukkatakammameva karoti. Tatra
ceti yattha nisinno, tassam parisati. Tajjam tassaruppanti tajjatikam
tadanucchavikam, pancannam veranam ditthadhammikasamparayikaadinavappatisamyuttanti
adhippayo. Tatrati taya kathaya kacchamanaya. Balantiadini samiatthe
upayogavacanam.
[248] Olambantiti upatthahanti. Sesapadadvayam tasseva vevacanam.
Olambanadiakarena hi tani upatthahanti, tasma evam vuttam. Pathaviya
olambantiti pathavitale pattharanti. Sesapadadvayam tasseva vevacanam.
Pattharanakaroyeva hesa. Tatra bhikkhave balassati tasmim upatthanakare apathagate
balassa evam hoti.
@Footnote: 1 Si., ka. caritapadananiti
[249] Etadavocati anusandhikusalo bhikkhu "nirayassa upama katum
na sakka"ti na bhagava vadati, "na sukara"ti pana vadati, na sukaram pana
sakka hoti katum, handaham dasabalam upamam karapemiti cintetva etam
"sakka bhante"ti vacanam avoca. Haneyyunti vinivijjhitva gamanavasena yatha
ekasmim thane dve pahara nipatanti, evam haneyyum. Tenassa dve
vanamukhasatani honti. Ito uttaripi eseva nayo.
[250] Panimattanti antomutthiyam santhahanamattam. 1- Sankhampi na
upetiti gananamattampi na gacchati. Kalabhagampiti satimam kalam sahassimam kalam
satasahassimam va kalam upagacchatitipi vattabbatam na upeti. Upanidhampiti
upanikkhepanamattampi na upeti, olokentassa olokitamattampi natthi.
Tattam ayokhilanti tigavutam attabhavam sampajjalitaya lohapathaviya uttanakam
nipajjapetva tassa dakkhinahatthe talappamanam ayasulam pavesenti, tatha
vamahatthadisu. Yatha ca uttanakam nipajjapetva, evam urenapi dakkhinapassenapi
vamapassenapi nipajjapetva tam kammakaranam karontiyeva. Samvesetvati
sampajjalitaya lohapathaviya tigavutam attabhavam nipajjapetva. Kutharihiti mahatihi
gehassa ekapakkhachadanamattahi kutharihi tacchanti. Lohitam nadi hutva sandati,
lohapathavito jala utthahitva tacchitatthanam ganhanti. Mahadukkham uppajjati,
tacchanta pana suttahatam karitva daru viya atthamsampi chalamsampi karonti.
Vasihiti mahasuppappamanahi vasihi. Tahi tacchanta tacato yava atthini
sanikam tacchanti, tacchitam tacchitam patipakatikam hoti. Rathe yojetvati saddhim
yugayottapancaracakkakubbarapacanehi sabbato sampajjalite rathe yojetva.
Mahantanti mahakutagarappamanam. Aropentiti sampajjalitehi ayamuggarehi
pothenta aropenti. Sakimpi uddhanti supakkuthitaya ukkhaliya pakkhittatandula
viya uddham adho tiriyanca gacchati.
@Footnote: 1 cha.Ma. thapanamattam
Bhagaso mitoti bhage thapetva thapetva vibhatto. Pariyantoti
parikkhitto. Ayasati upari ayapattena chadito.
Samanta yojanasatam pharitva titthatiti evam pharitva titthati, yatha
samanta yojanasate thane thatva olokentassa akkhini yakamagolaka viya
nikkhamanti.
Na sukara akkhanena papunitunti nirayo nama evampi dukkho
evampi dukkhoti vassasatam vassasahassam kathentenapi matthakam papetva kathetum
na sukarati attho.
[251] Dantullehakanti dantehi ullehitva, 1- luncitvati vuttam
hoti. Rasadoti rasagedhena paribhuttaraso.
[252] Annamannakhadikati annamannakhadanam.
Dubbannoti duruPo. Duddasikoti darakanam bhayapanattham katayakkho viya
duddaso. Okotimakoti lakundako pavitthagivo mahodaro. Kanoti ekakkhikano
va ubhayakkhikano va. Kuniti ekahatthakuni va. Pakkhahatoti 2- pithasappi. So
kayenati idamassa dukkhanupabandhadassanattham araddham.
Kaliggahenati parajayena. Adhibandham nigaccheyyati yasma bahum jito
sabbasapateyyampissa nappahoti, tasma attanapi bandham nigaccheyya. 3- Kevala
paripura balabhumiti balo tini duccaritani puretva niraye nibbattati, tattha
pakkavasesena manussattam agato pancasu nicakulesu nibbattitva puna tini
duccaritani puretva niraye nibbattatiti ayam sakala paripunna balabhumi.
[253] Panditalakkhananitiadi vuttanusareneva veditabbam.
Sucintitacintitiadini cettha manosucaritadinam vasena yojetabbani.
Cakkaratanavannana
[256] Sisamnhatassati sisena saddhim gandhodakena nhatassa.
Uposathikassati samadinnauposathangassa. Uparipasadavaragatassati pasadavarassa
@Footnote: 1 Ma. ullihitva 2 Ma. pakkhapadoti 3 Ma. attanopi bandhanam gaccheyya
Upari gatassa. Subhojanam bhunjitva pasadavarassa upari mahatale sirigabbham
pavisitva silani avajjantassa. Tada kira raja patova satasahassam
vissajjetva mahadanam datva punapi solasahi gandhodakaghatehi sisam nhayitva
katapataraso suddham uttarasangam ekamsam katva upari pasadassa sirisayane
pallankam abhujitva nisinno attano danamayapunnasamudayam avajjetva
nisidati, ayam sabbacakkavattinam dhammata.
Tesam tam avajjantanamyeva vuttappakarapunnakammapaccayam utusamutthanam
nilamanisanghatasadisam pacinasamuddajalatalam chindamanam viya akasam alam kurumanam 1-
viya dibbam cakkaratanam patubhavati. Tayidam dibbanubhavayuttatta dibbanti vuttam.
Sahassam assa arananti sahassaram. Saha nemiya saha nabhiya cati sanemikam
sanabhikam. Sabbehi akarehi paripuranti sabbakaraparipuram.
Tattha cakkam ca tam ratijananatthena ratanancati cakkaratanam. Yaya pana tam
nabhiya "sanabhikan"ti vuttam, sa indanilamanimaya hoti. Majjhe panassa
rajatamaya panali, yaya suddhasiniddhadantapantiya hasamanam viya virocati. Majjhe
chiddena viya candamandalena ubhosupi bahirantesu rajatapattena kataparikkhepo
hoti. Tesu panassa nabhipanaliparikkhepapattesu yuttatthane paricchedalekha
suvibhattava hutva pannayanti. Ayam tavassa nabhiya sabbakaraparipurata.
Yehi pana tam arehi "sahassaran"ti vuttam, te sattaratanamaya
suriyarasmiyo viya pabhasampanna honti. Tesampi ghatamanikaparicchedalekhadini
suvibhattaneva pannayanti. Ayamassa aranam sabbakaraparipurata.
Yaya pana tam nemiya saha "sanemikan"ti vuttam, sa balasuriyarasmikalapasirim
avahasamana viya surattasuddhasiniddhapavalamaya hoti. Sandhisu panassa
sanjharagasassirikarattajambonadapatta vattaparicchedalekha ca suvibhatta
pannayanti. Ayamassa nemiya sabbakaraparipurata.
@Footnote: 1 Ma. alam karamanam
Nemimandalapitthiyam panassa dasannam dasannam aranamantare dhamanavamso
viya anto susiro chiddamandalacitto vatagahi pavaladando hoti, yassa
vatena paharitassa sukusalasamannahatassa pancangikassa turiyassa viya saddo vaggu
ca rajaniyo ca kamaniyo hoti. Tassa kho pana pavaladandassa upari setacchattam,
ubhosu passesu samosaritakusumadamapantiyoti evam samosaritakusumadamapantisatadvaya-
parivarena setacchattasatadharina pavaladandasatena samupasobhitanemiparikkhepassa
dvinnampi nabhipanalinam anto dve sihamukhani honti, yehi talakkhandhappamana
punnacandakiranakalapasassirika tarunaravisamanarattakambalagendukapariyanta
akasagangagatisobham abhibhavamana viya dve muttakalapa olambanti, yehi
cakkaratanena saddhim akase samparivattamanehi tini cakkani ekato parivattantani
viya khayanti. Ayamassa sabbaso sabbakaraparipurata.
Tam panetam evam sabbakaraparipuram pakatiya sayamasabhattam bhunjitva
attano attano gharadvare pannattasanesu nisiditva pavattakathasallapesu
manussesu vithicatukkadisu kilamane darakajane natiuccena natinicena
vanasandamatthakasannena akasappadesena upasobhayamanam viya rukkhasakhaggani,
dvadasayojanato patthaya suyyamanena madhurassarena sattanam sotani
odhapayamanam yojanato patthaya nanappabhasamudayasamujjalena vannena nayanani
samakaddhantam ranno cakkavattissa punnanubhavam ugghosayantam viya rajadhaniabhimukham
agacchati.
Atha tassa cakkaratanassa saddassavaneneva "kuto nu kho, kassa
nu kho ayam saddo"ti avajjitahadayanam puratthimadisam olokayamananam tesam
manussanam annataro annataram evamaha "passa bho acchariyam, ayam punnacando
pubbe 1- eko uggacchati, ajja pana dutiyo uggato, etam hi rajahamsamithunam
viya punnacandamithunam pubbapariyena gaganatalam abhilanghati"ti. Tamanno aha
"kim kathesi samma kaham nama taya dve punnacanda ekato uggacchanta
@Footnote: 1 ka. sabbada
Ditthapubba, nanu esa tapaniyaramsidharo pinjarakirano divakaro uggato"ti.
Tamanno sitam katva evamaha "kim ummattosi, nanu kho idanimeva
divakaro atthangato, so katham imam punnacandam anubandhamano uggacchissati,
addha panetam anekaratanappabhasamujjalam ekassa punnavato vimanam bhavissati"ti.
Te sabbepi apasadayanta 1- anne evamahamsu "kim bahum vippalapatha, nevesa
punnacando, na suriyo na devavimanam. Nahetesam evarupa sirisampatti atthi,
cakkaratanena panetena bhavitabban"ti.
Evam pavattasallapasseva tassa janassa candamandalam ohaya tam
cakkaratanam abhimukham hoti. Tato tehi "kassa nu kho idam nibbattan"ti vutte
bhavanti vattaro "na kassaci annassa, 2- nanu amhakam raja
puritacakkavattivatto, tassetam nibbattan"ti. Atha so ca mahajano, yo ca anno
passati, sabbo cakkaratanameva anugacchati. Tampi cakkaratanam rannoyeva atthaya
attano agatabhavam napetukamam viya sattakkhattum pakaramatthakeneva nagaram
anusamyayitva ranno antepuram padakkhinam katva antepurassa
uttarasihapanjaraasanne 3- thane yatha gandhapupphadihi sukhena sakka
hoti pujetum, evam akkhahatam viya titthati.
Evam thitassa panassa vatapanacchiddadihi pavisitva nanaviraga-
ratanappabhasamujjalam antopasadam alam kurumanam pabhasamuham disva dassanatthaya
sanjatabhilaso raja hoti. Parijanopissa piyavacanapabhatena agantva
tamattham nivedeti. Atha raja balavapitipamojjaphutthasariro pallankam mocetva
utthayasana sihapanjarasamipam gantva tam cakkaratanam disva "sutam kho
pana metan"tiadikam cintanam cintesi. 4- Tena vuttam "disvana ranno
khattiyassa .pe. Assam nu kho aham raja cakkavatti"ti. Tattha so
hoti raja cakkavattiti kittavata cakkavatti hoti? ekanguladvangulamattampi
cakkaratane akasam abbhuggantva pavattate. 5-
@Footnote: 1 Ma. avahasanta 2 Si.,Ma. kassannassa 3 ka....sadise 4 ka. tam cintayati
@5 ka. pavatteti
Idani tassa pattapanattham 1- yam katabbam, tam 2- dassento atha kho
bhikkhavetiadimaha. Tattha utthayasanati nisinnasanato utthahitva
cakkaratanasamipam agantva. Bhingaram gahetvati hatthisondasadisapanalim
suvannabhingaram ukkhipitva vamena hatthena udakam gahetva. Pavattatu bhavam
cakkaratanam, abhivijinatu bhavam cakkaratananti. Anvadeva raja cakkavatti saddhim
caturanginiya senayati sabbacakkavattinam hi udakena abhisincitva "abhivijanatu
bhavam cakkaratanan"ti vacanasamanantarameva vehasam abbhuggantva cakkaratanam
pavattati, yassa pavattisamakalameva so raja cakkavatti nama hoti.
Pavatte pana cakkaratane tam anubandhamanova raja cakkavatti yanavaram
aruyha vehasam abbhuggacchati. Athassa chattacamaradihattho 3- parijano ceva
antepurajano ca. Tato nanappakarakancukakavacadisannahavibhusitena
vividhabharanappabhasamujjalitena 4- dhajapatakapatimanditena attano balakayena 5- saddhim
uparajasenapatippabhutayopi vehasam abbhuggantva rajanameva parivarenti.
Rajayutta pana janasangahattham nagaravithisu bheriyo carapenti "tata amhakam
ranno nibbattam cakkaratanam 6- attano attano vibhavanurupena manditapasadhita
sannipatatha"ti. Mahajano pana pakatiya cakkaratanasaddeneva sabbakiccani
pahaya gandhapupphadini adaya sannipatitova, sopi sabbo vehasam abbhugganatva
rajanameva parivareti. Yassa yassa hi ranna saddhim gantukamata uppajjati.
So so akasagato hoti. Evam dvadasayojanayamavitthara parisa hoti.
Tattha ekapurisopi chinnabhinnasariro va kilitthavattho va natthi. Suciparivaro
hi raja cakkavatti. Cakkavattiparisa nama vijjadharaparisa 7- viya akase
gacchamana indanilamanitale vippakinnaratanasadisa hoti. Tena vuttam "anvadeva
raja cakkavatti saddhim caturanginiya senaya"ti.
@Footnote: 1 ka. pattavidhane 2 Ma. pavattividhane katabbam 3 Ma. chattacamarihattho
@4 Ma. vividhasamhara... 5 Ma. kayalankarena 6 cha.Ma. cakkaratanam nibbattam
@7 vijjadharapurisa, su.vi. 2/244/230
Tampi cakkaratanam rukkhagganam uparupari natiuccena gaganappadesena
pavattati, yatha rukkhanam pupphaphalapallavehi atthika tani sukhena gahetum
sakkonti, bhumiyam thita "esa raja, esa uparaja, esa senapati"ti
sallakkhetum sakkonti. Thanadisupi iriyapathesu yo yena icchati, so teneva
gacchati. Cittakammadisippapasuta cettha attano attano kiccam karontayeva
gacchanti. Yatheva hi bhumiyam, tatha nesam sabbakiccani akase ijjhanti. Evam
cakkavattiparisam gahetva tam cakkaratanam vamapassena sinerum pahaya samuddassa
uparibhagena atthayojanasahassappamanam pubbavideham gacchati.
Tattha yo vinibbedhena dvadasayojanaya parikkhepato chattimsayojanaparisaya
sannivesakkhamo sulabhaharupakarano chayudakasampanno sucisamatalo ramaniyo
bhumibhago, tassa uparibhage tam cakkaratanam akase akkhahatam viya titthati.
Atha tena sannanena so mahajano otaritva yatharuci nhanabhojanadini
sabbakiccani karonto vasam kappeti, tena vuttam "yasmim kho pana bhikkhave
padese tam cakkaratanam patitthati, tattha raja cakkavatti vasam upeti saddhim
caturanginiya senaya"ti.
Evam vasam upagate cakkavattimhi ye tattha rajano, te "paracakkam
agatan"ti sutvapi na balakayam sannipatetva yuddhasajja honti.
Cakkaratanassa hi uppattisamanantarameva natthi so satto nama, yo
paccatthikasannaya rajanam arabbha avudham ukkhipitum visaheyya. Ayam anubhavo
cakkaratanassa.
Cakkanubhavena hi tassa ranno
ari asesa damatham upenti
arindamam nama naradhipassa
teneva tam vuccati tassa cakkam.
Tasma sabbepi te rajano attano attano rajjasirivibhavanurupam
pabhatam 1- gahetva tam rajanam arabbha 2- upagamma onatasira 3- attano
@Footnote: 1 ka. vibhavam 2 cha.Ma. ayam patho na dissati 3 Si. panatasira
Moliyamanippabhabhisekenassa padapujam karonta "ehi kho maharaja"tiadihi
vacanehi tassa kinkarappatissavitam apajjanti. Tena vuttam ye kho pana
bhikkhave puratthimaya anusasa maharajati.
Tattha svagatanti suagamanam. Ekasmim hi agate socanti, gate nandanti.
Ekasmim agate nandanti, gate socanti. Tadiso tvam agatanandano
gamanasocano, tasma tava agamanam suagamananti vuttam hoti. Evam vutte pana
cakkavatti napi "ettakam nama me anuvassam balim upakappetha"ti vadati, napi
annassa bhogam acchinditva annassa deti. Attano pana dhammarajabhavassa
anurupaya pannaya panatipatadini upaparikkhitva pemaniyena manjuna sarena
"passatha tata, panatipato namesa asevito bhavito bahulikato nirayasamvattaniko
hoti"tiadina nayena dhammam desetva "pano na hantabbo"tiadikam
ovadam deti. Tena vuttam raja cakkavatti evamaha pano na hantabbo
.pe. Yathabhuttanca bhunjathati
kim pana sabbepi ranno imam ovadam ganhantiti. Buddhassapi tava
sabbe na ganhanti, ranno kim ganhissanti. Tasma ye pandita vibhavino,
te ganhanti. Sabbe pana anuyanta bhavanti. Tasma "ye kho pana
bhikkhave"tiadimaha.
Atha tam cakkaratanam evam pubbavidehavasinam ovade dinne katapatarase 1-
cakkavattibalena vehasam abbhuggantva puratthimam samuddam ajjhogahati. Yatha
yatha ca tam ajjhogahati, tatha tatha agadagandham ghayitva sankhittaphano
nagaraja viya sankhittaumivippharam hutva ogacchamanam mahasamuddasalilam
yojanamattam ogantva antosamudde veluriyabhitti viya titthati. Tamkhananneva
ca tassa ranno punnasirim datthukamani viya mahasamuddatale vippakinnani
nanaratanani tato tato agantva tam desam purayanti. Atha sa rajaparisa
tam nanaratanaparipuram mahasamuddatalam disva yatharuci ucchangadihi adiyati,
@Footnote: 1 Si.,Ma. katapataraso
Yatharuci adinnaratanaya pana parisaya tam cakkaratanam patinivattati. Patinivattamane
ca tasmim parisa purato 1- hoti, majjhe raja, ante cakkaratanam. Tampi
jalanidhijalam palobhayamanamiva cakkaratanasiriya, asahamanamiva ca tena viyogam,
nemimandalapariyantam atihanantam nirantarameva upagacchati.
[257] Evam raja cakkavatti puratthimasamuddapariyantam pubbavideham
abhivijinitva dakkhinasamuddapariyantam jambudipam vijetukamo cakkaratanadesitena
maggena dakkhinasamuddabhimukho gacchati. Tena vuttam atha kho tam bhikkhave cakkaratanam
puratthimasamuddam ajjhogahetva paccuttaritva dakkhinam disam pavattatiti. Evam
pavattamanassa pana tassa parivattanavidhanam senasanniveso patirajagamanam 2- tesam
anusasanippadanam dakkhinasamuddam ajjhogahanam samuddasalilassa ogacchanam
ratanadananti sabbam purimanayeneva veditabbam.
Vijinitva pana tam dasasahassayojanappamanam jambudipam dakkhinasamuddatopi
paccuttaritva sattayojanasahassappamanam amaragoyanam vijetum pubbe vuttanayeneva
gantva tampi samuddapariyantam tatheva abhivijinitva pacchimasamuddatopi
paccuttaritva atthayojanasahassappamanam uttarakurum vijetum tatheva gantva tampi
samuddapariyantam tatheva abhivijiya uttarasamuddatopi paccuttarati.
Ettavata ranna cakkavattina caturantaya pathaviya adhipaccam adhigatam
hoti. So evam vijitavijayo attano rajjasirisampattidassanattham sapariso uddham
gaganatalam abhilanghitva suvikasitapadumuppalapundarikavanavicitte cattaro jatassare
viya pancasatapancasataparittadipaparivare cattaro mahadipe oloketva
cakkaratanadesiteneva 3- maggena yathanukkamam attano rajadhanimeva paccagacchati.
Atha tam cakkaratanam antepuradvaram sobhayamanam viya hutva titthati.
Evam patitthite pana tasmim cakkaratane rajantepure ukkahi va
dipikahi va kinci karaniyam na hoti, cakkaratanobhasoyeva rattim andhakaram
vidhamati. Ye ca pana rattim andhakaratthika honti, tesam andhakarameva hoti.
@Footnote: 1 cha.Ma. aggato 2 patirajagamanam su.vi. 2/245/233 3 ka. cakkuddesiteneva
Tena vuttam dakkhinasamuddam ajjhogahetva .pe. Evarupam cakkaratanam
patubhavatiti.
Hatthiratanavannana
[258] Evam patubhutacakkaratanassa panassa cakkavattino amacca
pakatimangalahatthitthanam sucibhumibhagam karetva haricandanadihi surabhigandhehi
upalimpapetva hettha vicittavannasurabhikusumasamakinnam upari suvannatarakanam
antarantara samosaritamanunnakusumadamappatimanditavitanam devavimanam viya
abhisankharitva "evarupassa nama deva hatthiratanassa agamanam cintetha"ti vadanti.
So pubbe vuttanayeneva mahadanam datva silani samadaya tam punnasampattim
avajjanto nisidati, athassa punnanubhavacodito chaddantakula va uposathakula
tam sakkaravisesam anubhavitukamo tarunaravimandalabhirattacaranagivamukhappatimandita-
visuddhasetasariro sattappatittho susanthitangapaccangasanniveso vikasitarattapaduma-
carupokkharo iddhima yogi viya vehasam gamanasamattho manosilacunnaranjitapariyanto
viya rajatapabbato hatthisettho tasmim padese patitthati. So chaddantakula
agacchanto sabbakanittho agacchati, uposathakula sabbasettho. Paliyam pana
"uposatho nagaraja"icceva agacchati. Svayam puritacakkavattivattanam cakkavattinam
sutte 1- vuttanayeneva cintayantanam agacchati, na itaresam. Sayameva
pakatimangalahatthitthanam agantva mangalahatthim apanetva tattha titthati. Tena
vuttam puna caparam bhikkhave .pe. Nagarajati.
Evam patubhutam pana tam hatthiratanam disva hatthigopakadayo hatthatuttha
vegena gantva ranno arocenti, raja turitaturitam agantva tam disva
pasannacitto "bhaddakam vata bho hatthiyanam, sace damatham upeyya"ti cintayanto
hattham pasareti. Atha so gharadhenuvacchako viya kanne olambetva suratabhavam 2-
dassento rajanam upasankamati, raja tam abhiruhitukamo hoti. Athassa parijana
adhippayam natva tam hatthiratanam sovannaddhajam sovannalankaram hemajalapaticchannam
@Footnote: 1 Ma. cakkavattisutte 2 Ma. mudutabhavam
Katva upanenti. Raja tam anisidapetvava 1- sattaratanamayaya nisseniya
abhiruyha akasam gamananinnacitto hoti, tassa saha cittuppadeneva so
hatthiraja rajahamso viya indanilamanippabhajalanilagaganatalam abhilanghati, tato
cakkacarikaya vuttanayeneva sakalarajaparisa. Iti sapariso raja antopataraseyeva
sakalapathavim anusamyayitva rajadhanim paccagacchati, evam mahiddhikam cakkavattino
hatthiratanam hoti. Tena vuttam disvana ranno cakkavattissa .pe. Evarupam
hatthiratanam patubhavatiti.
Assaratanavannana
evam patubhutahatthiratanassa pana cakkavattino parisa pakatimangalaassatthanam
sucisamatalam karetva alankaritva ca purimanayeneva ranno tassa
agamanacintanattham ussaham janenti. So purimanayeneva katadanasakkaro
samadinnasilova pasadatale nisinno punnasampattim samanussarati, athassa
punnanubhavacodito sindhavakulato vijjullatavinaddhasaradakalasetavalahakarasisassiriko 2-
rattapado rattatundo candappabhapunjasadisasuddhasiniddhaghanasanghatasariro kakagiva
viya ca indanilamani viya ca kalavannena sisena samannagatatta kakasiso
sutthu kappetva thapitehi viya munjasadisehi sanhavattaujugatigatehi kesehi
samannagatatta munjakeso vehasangamo valahako nama assaraja
agantva tasmim thane patitthati. Sesam sabbam hatthiratane vuttanayeneva
veditabbam. Evarupam assaratanam sandhaya bhagava puna caparantiadimaha.
Maniratanavannana
evam patubhutaassaratanassa pana ranno cakkavattissa catuhatthayamam
sakatanabhisamappamanam ubhosu antesu kannikapariyantato viniggatasuparisuddha-
muttakalapehi dvihi kancanapadumehi alankatam caturasitimanisahassapparivaram
taraganaparivutassa punnacandassa sirim patippharamanam viya vepullapabbatato
@Footnote: 1 Ma. asannisidapetva, ka. sannisidapetvava 2 Si.,Ma....saradakale...
Maniratanam agacchati. Tassevam agatassa muttajalake thapetva veluparamparaya
satthihatthappamanam akasam aropitassa rattibhage samanta yojanappamanam
okasam abha pharati, yaya sabbo so okaso arunuggamanavela viya
sanjataloko hoti. Tato kassaka kasikammam, vanija apanugghatanam, te
te ca sippino tam tam kammantam payojenti divati mannamana. Tena vuttam
puna caparam bhikkhave .pe. Maniratanam patubhavatiti.
Itthiratanavannana
evam patubhutamaniratanassa pana ranno cakkavattissa visayasukhavisesakaranam
itthiratanam patubhavati. Maddarajakulato va hissa aggamahesim anenti,
uttarakuruto va punnanubhavena sayam agacchati. Avasesa panassa sampatti
"puna caparam bhikkhave ranno cakkavattissa itthiratanam patubhavati abhirupa
dassaniya"tiadina nayena paliyamyeva agata.
Tattha santhanaparipuriya adhikam rupam assati abhirupa. Dissamana ca
cakkhuni pinayati, tasma annam kiccavikkhepam hitvapi datthabbati dassaniya.
Dissamana ca somanassavasena cittam pasadetiti pasadika. Paramayati evam
pasadavahatta uttamaya. Vannapokkharatayati vannasundarataya. Samannagatati
upeta. Abhirupa va yasma natidigha natirassa, dassaniya yasma natikisa
natithula, pasadika yasma natikalika naccodata. Paramaya
vannapokkharataya samannagata yasma atikkanta manusam vannam appatta
dibbavannam. Manussanam hi vannabha bahi na niccharati, devanam atiduram
niccharati, tassa pana dvadasahatthappamanam padesam sarirabha obhaseti.
Natidighadisu cassa pathamayugalena arohasampatti, dutiyayugalena
parinahasamapatti, tatiyayugalena vannasampatti vutta. Chahi vapi etehi
kayavipattiya abhavo, atikkanta manusam vannanti imina kayasampatti vuttam.
Tulapicuno va kappasapicuno vati sappimande pakkhipitva thapitassa
satavihatassa tulapicuno va satavihatassa kappasapicuno va kayasamphasso hoti.
Siteti ranno sitakale. Unheti ranno unhakale. Candanagandhoti
niccakalameva supisitassa abhinavassa catujjatisamayojitassa haricandanassa gandho
kayato vayati. Uppalagandhoti hasitakathitakalesu mukhato nikkhanto tankhanam
vikasitasseva niluppalassa atisurabhigandho vayati.
Evam rupasamphassagandhasampattiyuttaya 1- panassa sarirasampattiya anurupam
acaram dassetum tam kho panatiadi vuttam. Tattha rajanam disva
nisinnasanato aggidaddha viya pathamameva utthatiti pubbutthayini. Tasmim
nisinne tassa ranno talavantena vijanadikiccam katva paccha nipatati
nisidatiti pacchanipatini. Kim karomi devati tassa kimkaram patissavetiti
kimkarapatissavini. Ranno manapameva carati karotiti manapacarini. Yam ranno
piyam, tadeva vadatiti piyavadini.
Idani svassa acaro bhavasuddhiya eva, na satheyyenati dassetum
tam kho panatiadimaha. Tattha no aticaratiti na atikkamitva carati, annam
purisam cittenapi na patthetiti vuttam hoti. Tattha ye tassa adimhi
"abhirupa"tiadayo ante "pubbutthayini"tiadayo guna vutta, te pakatiguna
eva. "atikkanta manusam vannan"tiadayo pana cakkavattino punnam
upanissaya cakkaratanapatubhavato patthaya purimakammanubhavena nibbattantiti
veditabba. Abhirupatadikapi va cakkaratanapatubhavato patthaya sabbakaraparipura
jata. Tenaha evarupam itthiratanam patubhavatiti.
Gahapatiratanavannana
evam patubhutaitthiratanassa pana ranno cakkavattissa dhanakaraniyanam
kiccanam yathasukhappavattanattham gahapatiratanam patubhavati. So pakatiyava mahabhogo
@Footnote: 1 Si. evarupa...
Mahabhogakule jato ranno dhanarasivaddhako setthi gahapati hoti.
Cakkaratananubhavasahitam panassa kammavipakajam dibbacakkhu patubhavati, yena
antopathaviyam yojanabbhantare nidhim passati. So tam sampattim disva tutthahadayo
gantva rajanam dhanena pavaretva sabbani dhanakaraniyani sampadeti. Tena
vuttam puna caparam bhikkhave .pe. Evarupam gahapatiratanam patubhavatiti
parinayakaratanavannana
evam patubhutagahapatiratanassa pana ranno cakkavattissa
sabbakiccasamvidhanasamattham parinayakaratanam patubhavati. So ranno jetthaputtova hoti,
pakatiya eva pandito byatto medhavi, ranno punnanubhavam nissaya panassa
attano kammanubhavena paracittananam uppajjati. Yena dvadasayojanaya
rajaparisaya cittavaram 1- natva ranno ahite hite ca vavatthapetum samattho
hoti. Sopi tam attano anubhavam disva tutthahadayo rajanam sabbakiccanusarena 2-
pavareti. Tena vuttam puna caparam .pe. Parinayakaratanam patubhavatiti. Tattha
thapetabbam thapetunti tasmim tasmim thanantare thapetabbam thapetum.
[259] Samavepakiniyatiadi hettha vuttameva.
[260] Kataggahenati jayaggahena. Mahantam bhogakkhandhanti
ekappahareneva dve va tini va satasahassani. Kevala paripura panditabhumiti
pandito tini sucaritani puretva sagge nibbattati, tato manussalokam
agacchanto kularupabhogasampattiyam nibbattati, tattha thito tini ca sucaritani
puretva puna sagge nibbattatiti ayam sakala paripunna panditabhumi. Sesam
sabbattha uttanamevati.
Papancasudaniya majjhimanikayatthakathaya
balapanditasuttavannana nitthita.
--------------
@Footnote: 1 cha.Ma. cittacaram 2 cha. sabbakiccanusasanena
The Pali Atthakatha in Roman Book 10 page 152-166.
http://84000.org/tipitaka/atthapali/read_rm.php?B=10&A=3876&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=10&A=3876&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=14&i=467
เนื้อความพระไตรปิฎกฉบับหลวง :-
http://84000.org/tipitaka/read/r.php?B=14&A=6312
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=14&A=6209
The Pali Tipitaka in Roman Character :-
http://84000.org/tipitaka/read/roman_read.php?B=14&A=6209
Contents of The Tipitaka Volume 14
http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]