AtthaPali Vol.10

3. Kintisuttavannana [34] Evamme sutanti kintisuttam. tattha kusinarayanti ^3- evamnamake mandalappadese. Baliharaneti tasmim vanasande bhutanam balim aharanti, tasma so baliharananti vutto. Civarahetuti civarakarana, civaram paccasimsamanoti attho. Iti bhavabhavahetuti evam imam desanamayam punnakiriyavatthum nissaya tasmim tasmim bhave sukham vedissamiti dhammam desetiti kim tumhakam evam hotiti attho. [35] Cattaro satipatthanatiadayo sattatimsa bodhipakkhiyadhamma lokiyalokuttarava kathita. Tatthati tesu sattatimsaya dhammesu. Siyunti ^4- bhaveyyum. @Footnote: ¹ sam. sa. 15/27/18 ² di.Si. 9/498/223 ³ cha.Ma. pisinarayanti @⁴ cha.Ma. siyamsuti, ka. satta Abhidhammeti abhivisitthe dhamme, imesu sattatimsabodhipakkhiyadhammesuti attho. Tatra ceti idampi bodhipakkhiyadhammesveva bhummam. Atthato ceva nanam byanjanato ca nananti ettha "kayova satipatthanam vedanava satipatthanan"ti vutte atthato nanam hoti, "satipatthana"ti vutte pana byanjanato nanam nama hoti. Tadiminapiti tam tumhe iminapi karanena janathati. Atthanca byanjananca samanetva atthassa ca annatha gahitabhavo byanjanassa ca miccha ropitabhavo dassetabbo. Yo dhammo yo vinayoti ettha attho ca byanjananca vinnapanakaranameva dhammo ca vinayo ca. [37] Atthato hi kho sametiti satiyeva satipatthananti gahita. Byanjanato nananti kevalam byanjanameva satipatthanoti va satipatthanati va miccha ropitam. ^1- Appamattakam khoti suttantam patva byanjanam appamattakam nama hoti. Parittamattakam ^2- dhanitam katva aropitepi hi nibbutim pattum sakka hoti. Tatridam vatthu:- vijayaramaviharavasi kireko khinasavatthero dvinnam bhikkhunam suttam aharitva kammatthanam kathento "samuddho samuddhoti bhikkhave assutava puthujjano bhasati"ti dhanitam katva aha. Eko bhikkhu "ko ^3- samuddho nama bhante"ti aha. Avuso samuddhoti vuttepi samuddoti vuttepi mayam lonasagarameva janama, tumhe pana no atthagavesaka, byanjanagavesaka, gacchatha mahavihare pagunabyanjananam bhikkhunam santike byanjanam sodhapethati kammatthanam akathetvava utthapesi. So aparabhage mahavihare bherim paharapetva bhikkhusamghassa catusu maggesu panham kathetvava parinibbuto. Evam sutantam patva byanjanam appamattakam nama hoti. Vinayam pana patva no appamattakam nama. Samanerapabbajjapi hi ubhato suddhikato vattati, upasampadadikammanipi sithiladinam dhanitadikaranamatteneva kuppanti. Idha pana suttantabyanjanam sandhayetam vuttam. @Footnote: ¹ cha.Ma. ropetha ² cha.Ma. parittamattam ³ cha.Ma. ayam patho na dissati [38] Atha catutthavare ^1- vivado kasma? sannaya ^2- vivado. "aham satimyeva satipatthanam vadami, ayam `kayo satipatthanan'ti vadati"ti hi nesam sanna ^3- hoti. Byanjanepi eseva nayo. [39] Na codanaya coditabbanti ^4- na codanatthaya codayitabbam. ^5- Ekacco hi puggalo "nalate te sasapamatta pilaka"ti vutto "mayham nalate sasapamattam pilakam passasi, attano nalate talapakkamattam mahagandam na passasi"ti vadati. Tasma puggalo upaparikkhitabbo. Adalhaditthiti anadanaditthi sumsumaram hadaye ^6- pakkhipanto viya dalham na tanhati. Upaghatoti candabhavena vanaghattitassa viya dukkhuppatti. Supatinissaggiti "kim namaham apanno, kada apanno"ti va "tuvam apanno, tava upajjhayo apanno"ti va ekam dve vare vatvapi "asukam nama asukadivase nama bhante apannattha, sanikam anussaratha"ti saritva tavadeva vissajjissati. Videsati bahum atthanca karananca aharantassa kayacittakilamatho. Sakkomiti evarupo hi puggalo okasam karetva "apattim apannattha bhante"ti vutto "kada kismim vatthusmin"ti vatva "asukadivase asukasmim vatthusmin"ti vutte "na sarami avuso"ti vadati, tato "sanikam bhante saratha"ti bahum vatva sarito saritva vissajjeti. Tenaha "sakkomi"ti. Imina nayena sabbattha attho veditabbo. Upekkha natimannitabbati upekkha na atikkamitabba, kattabba janetabbati attho. Yo hi evarupam puggalam thitakamyeva passavam karontam disvapi "nanu avuso nisiditabban"ti vadati, so upekkham atimannati nama. [40] Vacisamharoti vacanasancaro. Imehi kathitam amulam antaram paveseyya, tumhe imehi idancidanca vuttati amuhi kathitam imesam antaram paveseyyati attho. Ditthipalasotiadihi cittassa anaradhaniyabhavo kathito. Tam janamano samano garaheyyati tam sattha janamano samano nindeyya amheti. Etam panavuso dhammanti etam kalahabhandanadhammam. @Footnote: ¹ Ma. catutthavade ² Ma. pannaya ³ Si. gantabbam, Ma. panna @⁴ cha.Ma. taritabbanti ⁵ cha.Ma. vegayitabbam @⁶ Si. sumsumarahadaye, cha.Ma. samsumarahadaye Tanceti tam sannattikarakam ^1- bhikkhum. Evam byakareyyati maya ete suddhante patitthapitati avatva yena karanena sannatti ^2- kata, tameva dassento evam byakareyya. Tassaham ^3- dhammam sutvati ettha dhammoti saraniyadhammo adhippeto. Na cevattanantiadisu "brahmalokappamano hesa aggi utthasi, ko etamannatra maya nibbapetum samattho"ti hi vadanto attanam ukkamseti nama. "ettaka jana vadanti, ^4- okaso laddhum na sakka, ekopi ettakamattam nibbapetum samattho nama natthi"ti vadamano param vambheti nama. Tadubhayampesa na karoti. Dhammo panettha sammasambuddhassa byakaranam, tesam bhikkhunam sannattikaranam anudhammo, tameva byakaroti nama. Na ca koci sahadhammikoti anno cassa koci sahetuko parehi vutto vado va anuvado va garahitabbabhavam agacchanto nama natthi. Sesam sabbattha uttanamevati. Papancasudaniya majjhimanikayatthakathaya kintisuttavannana nitthita. -----------------

The Pali Atthakatha in Roman Book 10 page 18-21. http://84000.org/tipitaka/atthapali/read_rm.php?B=10&A=459&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=459&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=14&i=42 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=793 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=803 The Pali Tipitaka in Roman Character :- http://84000.org/tipitaka/read/roman_read.php?B=14&A=803 Contents of The Tipitaka Volume 14 http://84000.org/tipitaka/read/?index_14