ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 10 : PALI ROMAN Ma.A. (papa–ca.4)

                       10. Dhatuvibhangasuttavannana
      [342] Evamme sutanti dhatuvibhangasuttam. Tattha carikanti
turitagamanacarikam. Sace te bhaggava agaruti sace tuyham bhariyam aphasukam kinci natthi.
@Footnote: 1 an ekaka. 20/201, 202/24
Sace so anujanatiti bhaggavassa kira etadahosi "pabbajita nama
nanajjhasaya, eko ganabhirato hoti, eko ekabhirato. Sace so
ekabhirato bhavissati, `avuso ma pavisi, maya sala laddha'ti vakkhati. Sace
ayam ekabhirato bhavissati, `avuso nikkhama, maya sala laddha'ti vakkhati. Evam
sante aham ubhinnam vivadam kareta nama bhavissami, dinnam nama dinnameva
vattati, katam katameva"ti. Tasma evamaha.
      Kulaputtoti jatikulaputtopi acarakulaputtopi. Vasupagatoti vasam
upagato. Kuto agantvati? takkasilanagarato.
      Tatrayam anupubbikatha:- majjhimadese kira rajagahanagare bimbisare
rajjam karente paccante takkasilanagare pukkusati raja rajjam karesi. Atha
takkasilato bhandam gahetva vanija rajagaham agata pannakaram gahetva
rajanam addasamsu. Raja te vanditva thite "kattha vasino tumhe"ti pucchi.
Takkasilavasino devati. Atha ne raja janapadassa khemasubhikkhatadini
nagarassa ca pavattim pucchitva "ko nama tumhakam raja"ti pucchi. Pukkusati
nama devati. Dhammikoti? ama deva dhammiko, catuhi sangahavatthuni janam
sanganhati, lokassa matapititthane thito, anke nipannam darakam viya janam
tosetiti. Katarasmim vaye vattatiti. Athassa vayam acikkhimsu. Vayesupi bimbisarena
samavayo jato. Atha te raja aha "tata tumhakam raja dhammiko, ca
vayena ca me samano, sakkuneyyatha tumhakam rajanam mama mittam katun"ti.
Sakkoma devati. Raja tesam sunkam vissajjetva geham ca dapetva "gacchatha
bhandam vikkinitva gamanakale mam disva gaccheyyatha"ti aha. Te tatha
katva gamanakale rajanam addasamsu. Raja "gacchatha tumhakam mama vacanena
punappunam arogyam pucchitva `raja tumhehi saddhim mittabhavam icchati'ti
vadatha"ti aha.
      Te sadhuti patissunitva gantva bhandam patisametva bhuttapatarasa
rajanam upasankamitva vandimsu. Raja "kaham bhane tumhe ettake ime
Divase na dissatha"ti pucchi. Te sabbam pavuttim arocesum. Raja "sadhu
tata tumhe nissaya majjhimadese raja mitto laddho"ti attamano ahosi.
Aparabhage rajagahavasinopi vanija takkasilam agamamsu. Te pannakaram
gahetva agate pukkusatiraja "kuto agatattha"ti pucchitva "rajagahato"ti
sutva "mayham sahayassa nagarato agata tumhe"ti. Ama devati. Arogyam
me sahayassati arogyam pucchitva "ajjato patthaya ye mayham sahayassa
nagarato janghasatthena va sakatasatthena va vanija agacchanti, sabbesam mama
visayam pavitthakalato patthaya vasanagehani, rajakotthagarato nivapanca
dentu, sunkam vissajjentu, kinci upaddavam ma karontu"ti bherincarapesi.
Bimbisaropi attano nagare tatheva bherincarapesi.
       Atha bimbisaro pukkusatissa pannam pahini "paccantadese nama
manimuttadini ratanani uppajjanti, yam mayham sahayassa rajje dassaniyam va
savaniyam va ratanam uppajjati, tattha me ma maccharayatu"ti. Pukkusatipi
"majjhimadeso nama mahajanapado, yam tattha evarupam ratanam uppajjati, tattha
me sahayo ma maccharayatu"ti patipannam pahini. Evam te gacchante gacchante
kale annamannam adisvapi dalhamitta ahesum.
      Evam tesam kathitam katva vasantanam pathamataram pukkusatissa pannakaro
uppajjati. Raja kira attha pancavanne anagghe kambale labhi, so
"atisundara ime kambala, aham sahayassa me pesissami"ti lakhagulamatte
atthasarakarandake likhapetva tesu te kambale pakkhipetva lakhaya
vattapetva setavatthena vethetva samugge pakkhipetva vatthena vethetva
rajamuddikaya lancitva "mayham sahayassa detha"ti amacce pesesi. Sasananca
adasi "ayam pannakaro nagaramajjhe amaccadiparivutena datthabbo"ti. Te
gantva bimbisarassa adamsu.
      So sasanam sutva amaccadayo sannipatantuti bherincarapetva
nagaramajjhe amaccadiparivuto setacchattena dhariyamanena pallankavare nisinno
Lancanam bhinditva vattham apanetva samuggam vivaretva anto bhandikam
muncetva lakhagule disva "mayham sahayo pukkusati `jutavittako 1- me
sahayo'ti mannamano manne imam pannakaram pahini"ti ekam gulam gahetva
hatthena vattetva tulayantova anto dussabhandikam atthiti annasi. Atha nam
pallankapade paharitva tavadeva lakha paripati. So nakhena karandakam vivaretva
anto kambalaratanam disva itarepi vivarapesi, sabbepi kambala ahesum. Atha
ne pattharapesi, te vannasampanna phassasampanna dighato solasahattha
tiriyam atthahattha ahesum. Mahajano disva anguliyo pothesi, celukkhepam
akasi, "amhakam ranno aditthasahayo pukkusati adisvava evarupam
pannakaram pesesi, yuttam evarupam mittam katun"ti attamana ahosi raja
ekamekam kambalam agghapesi, sabbe anaggha ahesum. Tesu cattaro
sammasambuddhassa pesesi, cattaro attano ghare akasi. Tato cintesi "paccha
pesentena pathamam pesitapannakarato atirekam pesetum vattati, sahayena ca
me anaggho pannakaro pesito, kim nu kho pesemi"ti.
      Kim pana rajagahe tato adhikam ratanam natthiti? no natthi, mahapunno
Raja, apica kho panassa sotapannakalato patthaya thapetva tini ratanani
annataram somanassam janetum samattham nama natthiti. 2- So ratanam vicinitum
araddho:- ratanam nama savinnanakam avinnanakanti duvidham, tattha avinnanakam
suvannarajatadi, savinnanakam indriyabaddham, avinnanakam savinnanakassevam
alankaradivasena paribhogam hoti, iti imesu dvisu ratanesu savinnanakam settham.
Savinnanakampi duvidham tiracchanaratanam manussaratananti. Tattha tiracchanaratanam,
tampi manussanam upabhogatthameva nibbattati, iti imesupi dvisu manussaratanam
settham. Manussaratanampi duvidham itthiratanam purisatarananti. Tattha cakkavattino
ranno uppannam itthiratanampi purisasseva upabhogam, iti imesupi dvisu
purisaratanameva settham.
@Footnote: 1 Si. dutamittako          2 cha.Ma. natthi
      Purisaratanampi duvidham agariyaratanam anagariyaratananca. Tattha agariyaratanesupi
cakkavattiraja 1- ajja pabbajitasamaneram pancapatitthitena vandati,
iti imesupi dvisu anagariyaratanameva settham. Anagariyaratanampi duvidham
sekkharatananca asekkharatananca. Tattha satasahassampi sekkhanam asekkhassa
padesam na papunati, iti imesupi dvisu asekkharatanameva settham. Tampi duvidham
buddharatanam savakaratananti. Tattha satasahassampi savakaratananam buddharatanassa
padesam na papunati, iti imesupi dvisu buddharatanameva settham.
      Buddharatanampi duvidham paccekabuddhanam sabbannubuddharatananti. Tattha
satasahassampi paccekabuddhanam sabbannubuddhassa padesam na papunati, iti imesupi
dvisu sabbannubuddharatanamyeva settham. Sadevakasmim hi loke buddharatanasamam
ratanam nama natthi. Tasma asadisameva ratanam mayham sahayassa pesessamiti
cintetva takkasilavasino pucchi "tata tumhakam janapade buddho dhammo
samghoti imani tini ratanani dissanti"ti. 2- Ghosopi maharaja tava natthi
dassanam pana kutoti.
      "sundaram tata"ti raja tuttho cintesi "sakka bhaveyya janasangahatthaya
mayham sahayassa vasanatthanam sammasambuddham pesetum, buddha pana paccantimesu
janapadesu na arunam utthapenti. Tasma satthara gantum na sakka.
Sariputtamoggallanadayo mahasavake pesetum sakka bhaveyya. 3- Maya pana `thera
paccante vasanti'ti sutvapi manusse pesetva te attano samipam anapetva
upatthatumeva yuttam. Tasma na therehipi sakka gantum. Yena panakarena
sasane pesite sattha ca mahasavaka ca gata viya honti, tenakarena
sasanam pahinissami"ti cintetva caturatanayamam vidatthimattam puthulam natitanum
natibahalam suvannapattam karapetva "tattha ajja akkharani likhissami"ti
patova sisam nhayitva uposathangani adhitthaya bhuttapataraso apanitagandhamalabharano
suvannasarakena jatihingulikam adaya hetthato patthaya dvarani
@Footnote: 1 agariyaratanesu api cakkavattiraja (?)     2 Ma. nibbattantiti   3 Ma. bhaveyyum
Pidahanto pasadam aruyha pubbadisabhimukham sihapanjaram vivaritva akasatale
nisiditva suvannapatte akkharani likhanto "idha tathagato loke uppanno
araham sammasambuddho vijjacaranasampanno sugato lokavidu anuttaro
purasadammasarathi sattha devamanussanam buddho bhagava"ti buddhagune tava
ekadesena likhi.
      Tato "evam dasa paramiyo puretva tusitabhavanato cavitva matukucchimhi
patisandhim ganhi, evam lokavivaranam ahosi, matukucchiyam vasamane idam nama
ahosi, agaramajjhe vasamane idam nama ahosi, evam mahabhinikkhamanam nikkhanto
evam mahapadhanam padahi, evam dukkarakarikam katva mahabodhimandam aruyha
aparajitapallanke nisinno sabbannutannanam pativijjhi, sabbannutannanam
pativijjhantassa evam lokavivaranam ahosi. Sadevake loke annam evarupam ratanam
nama natthiti.
                 "yankinci vittam idha va huram va
                  saggesu va yam ratanam panitam
                  na no samam atthi tathagatena
                  idampi buddhe ratanam panitam.
                  Etena saccena suvatthi hotu"ti 1-
      evam ekadesena buddhagunepi likhitva dutiyam dhammaratanam thomento
"svakkhato bhagavata dhammo .pe. Paccattam veditabbo vinnuhi"ti. "cattaro
satipatthana .pe. Ariyo atthangiko maggo"ti. "satthara desitadhammo nama
evarupo ca evarupo ca"ti sattatimsabodhipakkhiye ekadesena likhitva:-
                 "yambuddhasettho parivannayi sucim
                  samadhimanantarikannamahu
                  samadhina tena samo na vijjati
                  idampi dhamme ratanam panitam
@Footnote: 1 khu.khu. 25/3/5, khu.su. 25/226/377
                Etena saccena suvatthi hotu"ti 1-
      evam ekadesena dhammagune likhitva tatiyam samgharatanam thomento
"supatipanno bhagavato savakasamgho .pe. Punnakkhettam lokassa"ti "kulaputta
nama satthu dhammakatham sutva evam nikkhamitva pabbajanti, keci setacchattam
pahaya pabbajanti, keci uparajjam, keci senapatitthanadini pahaya pabbajanti.
Pabbajitva ca pana imanca patipattim purenti"ti culasilamajjhimasilamahasiladini
ekadesena likhitva chadvarasamvaram satisampajannam catupaccayasantosam navavidham,
nivaranappahanam parikammam jhanabhinna atthatimsa kammatthanani yava asavakkhaya
ekadesena likhi, solasavidham anapanassatikammatthanam vitthareneva likhitva
"satthu savakasamgho nama evarupehi ca evarupehi ca gunehi samannagato.
                Ye puggala atthasatam pasattha
                cattari etani yugani honti
                te dakkhineyya sugatassa savaka
                etesu dinnani mahapphalani
                idampi samghe ratanam panitam
                etena saccena suvatthi hotu"ti 2-
     evam ekadesena samghagune likhitva "bhagavato sasanam svakkhatam
niyyanikam, sace mayham sahayo sakkoti, nikkhamitva pabbajatu"ti likhitva
suvannapattam samharitva sukhumakambalena vethetva sarasamugge pakkhipitva tam
samuggam suvannamaye suvannamayam rajatamaye, rajatamayam manimaye, manimayam pavalamaye,
pavalamayam lohitankamaye, lohitankamayam, masaragallamaye, masaragallamayam phalikamaye,
phalikamayam dantamaye, dantamayam sabbaratanamaye, sabbaratanamayam kilanjamaye,
kilanjamayam samuggam sarakarandake thapesi.
     Puna sarakarandakam suvannakarandaketi purimanayeneva haritva sabbaratanamayam
karandakam kilanjamaye karandake thapesi. Tato kilanjamayakarandakam saramayapelayati
@Footnote: 1 khu.khu. 25/3/5, khu.su. 25/226/377   2 khu.khu. 25/5/6, khu.su. 25/228/377
Puna vuttanayeneva haritva sabbaratanamayapelam kilanjamayapelaya thapetva
bahivatthena vethetva rajamuddikaya lanchetva amacce anapesi "mama
anapavattitthane maggam alankarapetha, maggo atthausabhavitthato hotu,
majjhe catuusabham rajanubhavena patiyadetha"ti. Tato mangalahatthim alankarapetva
tassa upari pallankam pannapetva setacchattam ussapetva nagaravithiyo
vicittasamuttha 1- samussitadhajapataka kadalipunnaghatagandhadhupapupphadihi supatimandita
karetva "attano attano visayappadese evarupam pujam karentu"ti
antarabhogikanam javanadute pesetva sayam sabbalankarena alankaretva
"sabbatalavacarasammissabalakayaparivuto pannakaram pesemi"ti attano visayapariyantam
gantva amaccassa mukhasasanam adasi "tata mayham sahayo pukkusati imam
pannakaram paticchanto orodhamajjhe apaticchitva pasadam aruyha paticchatu"ti
aha. Evam sasanam datava paccantadesam sattha gacchatiti pancapatitthitena
vanditva nivatti. Antarabhogika ca teneva niyamena maggam patiyadetva
pannakaram nayimsu.
     Pukkusatipi attano rajjasimato patthaya teneva niyamena maggam
patiyadetva nagaram alankarapetva pannakarassa paccuggamanam akasi.
Pannakaro takkasilam papunanto uposathadivase papuni, pannakaram gahetva
gataamaccopi ranno vuttasasanam arocesi. Raja tam sutva pannakarena
saddhim agatanam kattabbakiccam vicaretva pannakaram adaya pasadam aruyha
"ma idha koci pavisatu"ti dvare arakkham karetva sihapanjaram vivaritva
pannakaram uccasayane thapetva sayam nicasane nisinno lanchanam bhinditva
nivasanam apanetva kilanjapelato patthaya anupubbena vivaranto saramayam
samuggam disva cintesi "mahaparivaro nayam na annassa ratanassa bhavissati,
addha majjhimadese sotabbayuttakam ratanam uppannan"ti. Atha tam samuggam
vivaritva rajalanchanam bhinditva sukhumakambalam ubhato viyuhitva suvannapattam
addasa.
@Footnote: 1 cha.Ma. sittasapmuttha
     So tam pasaretva 1- "manapani vata 2- akkharani samasisani samapantini
caturassani"tiadito patthaya vacetum arabhi. Tassa "idha tathagato loke
uppanno"ti buddhagune vacentassa balavasomanassam uppajji, navanavutilomakupasahassani
uddhaggalomani ahesum. Attano thitabhavam va nisinnabhavam
va na janati. Athassa "kappakotisatasahassehipi etam dullabhasasanam sahayam
nissaya sotum labhamiti bhiyyo balavapiti udapadi. So hi vacetum asakkonto
yava pitivegapassaddhiya nisiditva purato 3- "svakkhato bhagavata dhammo"ti
dhammagune arabhi. Tatrapissa tatheva ahosi. So puna yava pitivegapassaddhiya
nisiditva purato 3- supatipanno"ti  samghagune arabhi. Tatrapissa tatheva ahosi.
Atha sabbapariyante anapanasatikammatthanam vacetva catukkapancakajjhanani
nibbattesi, so jhanasukheneva vitinamesi, anno koci datthum na labhati, ekova
culupatthako pavisati. Evam addhamasamattam vitinamesi.
     Nagara rajangane sannipatitva ukkutthim akamsu "pannakaram
paticchitadivasato patthaya nagaradassanam va natakadassanam va natthi, vinicchayadanam
natthi, raja sahayena pahitapannakaram yassicchasi, 4- tassa dassetu, rajano
nama ekaccassa pannakaravasenapi vancetva rajjam attano katum vayamanti.
Kim nama amhakam raja karoti"ti raja ukkutthisaddam sutva "rajjam nu kho
dharemi, udahu sattharan"ti cintesi. Athassa etadahosi "rajjakaritaattabhavo
nama neva ganakena, na ganakamahamattena ganetum sakka satthu sasanam dharessami"ti.
Sayane thapitam asim gahetva kese chinditva sihapanjaram vivaritva  "etam gahetva
rajjam karetha"ti saddhim culamanina kesakalapam parisamajjhe patesi, mahajano
tam ukkhipitva "sahayasantika laddhapannakara nama rajano tumhadisa
honti deva"ti ekappahareneva vivari. Rannopi dvangulamattam kesamassu ahosi.
Bodhisattassa pabbajjasadisameva kira jatam.
@Footnote: 1 Ma. paharitva    2 Ma. tattha    3 cha.Ma. parato   4 ka. yam paticchati
     Tato culupatthakam pesetva antarapana dve kasavavatthani mattikapattanca
aharapetva "ye loke arahanto, te uddissa mayham pabbajja"ti sattharam
uddissa ekam kasavam nivasetva ekam parupitva pattam vamaamsakute katva
kattaradandam gahetva "sobhati va nu kho me pabbajja no va"ti mahatale
katipaye vare aparaparam cankamitva "sobhati me pabbajja"ti dvaram vivaritva
pasada otari. Otarantam pana nam tisu dvaresu 1- thitanatakadini disva na
sanjanimsu. "eko paccekabuddho amhakam ranno dhammakatham kathetum agato"ti
kira cintayimsu. Uparipasadam pana aruyha ranno thitanisinnatthanadini disva
raja gatoti natva samuddamajjhe osidamanaya navaya jano viya ekappahareneva
viravimsu. Kulaputtam bhumitalam otinnamattam attharasaseniyo sabbe nagara
balakaya ca parivaretva mahaviravam viravimsu. Amaccapi tam etadavocum "deva
majjhimappadese rajano nama bahumaya, sasanam pesetva buddharatanam nama
loke uppannam va no vati natva gamissatha, nivattatha deva"ti. Saddahamaham
mayham sahayakassa, tassa maya saddhim dvejjhavacanam nama natthi, titthatha tumheti.
Te anugacchantiyeva,
     kulaputto kattaradandena lekham katva "idam rajjam kassa"ti aha.
Tumhakam devati. Yo imam lekham antaram karoti, rajanaya karetabboti.
Mahajanakajatake bodhisattena katalekham sivalidevi antaram katum avisahanti
vivattamana agamasi. Tassa gatamaggena mahajano agamasi. Tam pana lekham
mahajano antaram katum na visahi, lekham ussisakam katva vivattamana viravimsu.
Kulaputto "ayam me gatatthane dantakattham va mukhodakam va dassati"ti
antamaso ekacetakampi aggahetva pakkami. Evam kirassa ahosi "mama sattha
ca mahabhinikkhamanam nikkhamitva ekakova pabbajito"ti ekakova agamasi. "satthu
lajjami"ti ca "sattha kira me pabbajitva yanam narulho"ti ca antamaso
ekatalikampi upahanam narulhi, pannacchattakampi na dharesi. Mahajano
@Footnote: 1 Si. vayesu
Rukkhapakarattalakadini aruyha esa amhakam raja gacchatiti olokesi.
Kulaputto "duram gantabbam, na sakka ekena maggo nittharitun"ti ekam
satthavaham anubandhi. Sukhumalassa kulaputtassa kathinatattaya pathaviya gacchantassa
padatalesu phota utthahitva bhijjanti, dukkha vedana uppajjanti. Satthavahe
khandhavaram bandhitva nisinne kulaputto magga okkamma ekasmim rukkhamule
nisidati. Nisinnatthane padaparikammam va pitthiparikammam va katta nama
natthi, kulaputto anapanacatutthajjhanam samapajjitva maggadarathakilamathaparilaham
vikkhambhitva jhanaratiya vitinameti.
     Punadivase utthite arune sarirapatijagganam katva puna satthavaham
anubandhati, patarasakale kulaputtassa pattam gahetva khadaniyabhojaniyam
patte pakkhipitva denti. Tam uttandulampi hoti kilinnampi samasakkharampi
alonatilonampi, kulaputto pavisanatthanam paccavekkhitva amatam viya paribhunjitva
etena niyamena atthahi unakani dveyojanasatani gato. Jetavanadvarakotthakassa
pana samipena gacchantopi "kaham sattha vasati"ti na pucchi, kasma? satthugaravena
ceva ranno pesitasasanavasena ca. Ranno hi "idha tathagato loke uppajjati"ti
sattharam rajagahe uppannam viya katva sasanam pesitam, tasma nam apucchitva
imam pancacattalisayojanamattam magagam atikkanto. So suriyatthangamanavelaya rajagaham
patva sattha kaham vasatiti pucchi. Kuto nu bhante agatoti. Ito uttaratoti.
Sattha tuyham agatamagge ito pancacattalisayojanamatte savatthi nama atthi,
tattha vasatiti. Kulaputto cintesi "idani akalo na sakka gantum ajja idheva
vasitva sve satthu santikam gamissami"ti. Tato "vikale sampattapabbajita kaham
vasanti"ti pucchi. Imaya kumbhakarasalaya bhanteti. Atha so tam kumbhakaram yacitva
tattha vasatthaya pavisitva nisidi.
     Bhagavapi tamdivasam paccusakale lokam volokento pukkusatim disva
cintesi "ayam kulaputto sahayena pesitam sasanamattakam vacetva atirekayojanasatikam
maharajjam pahaya mam uddissa pabbajitva atthahi unakani dviyojanasatani
Atikkamma rajagaham papunissati, mayi agacchante pana tini samannaphalani
appativijjhitva ekarattivasena anathakalakiriyam karissati, mayi pana gate tini
samannaphalani pativijjhissati. Janasangahatthayeva pana maya satasahassakappadhikani
cattari asankhyeyyani paramiyo purita, karissami tassa sangahan"ti  patova
sarirapatijagganam katva bhikkhusamghaparivuto savatthiyam pindaya caritva pacchabhattam
pindapatapatikkanto gandhakutim pavisitva muhuttam attadarathakilamatham 1-
patipassambhetva "kulaputto mayi garavena dukkaram akasi, atirekatiyojanasatam 2- rajjam
pahaya antamaso mukhadhovanadayakampi cetakam aggahetva ekakova nikkhanto"ti
sariputtamoggallanadisu kanci anamantetva sayameva attano pattacivaram gahetva
ekakova nikkhanto. Gacchanto ca neva akase uppati, na pathavim sankhipi,
"kulaputto mama lajjamano hatthiassarathasuvannasivikadisu ekayanepi anisiditva
antamaso ekapatalikam upahanampi anaruyha pannacchattakampi aggahetva
nikkhanto, mayapi padasava gantum vattati"ti puna cintetva padasava agamasi.
     So asiti anubyanjanani byamappabha dvattimsa mahapurisalakkhananiti
imam buddhasirim paticchadetva balahakapaticchanno punnacando viya annatarabhikkhuvesena
gacchanto ekapacchabhatteneva pancacattalisa yojanani atikkamma
suriyatthangamanavelaya kulaputte pavitthamatteyeva tam kumbhakarasalam papuni. Tam
sandhaya vuttam "tena kho pana samayena pukkusati nama kulaputto bhagavantam
uddissa saddhaya agarasma anagariyam pabbajito, so tasmim kumbhakaranivesane
pathamam vasupagato hoti"ti.
     Evam gantvapi pana bhagava "aham sammasambuddho"ti pasayha kumbhakarasalam
pavisitva dvare thitakova kulaputtam okasam karento sace te bhikkhutiadimaha.
Urundanti vivittam asambadham. Viharatayasma yathasukhanti yena yena iriyapathena
phasu hoti, tena tena yathasukham ayasma viharatuti okasam akasi.
Atirekayojanasatam hi rajjam pahaya pabbajito kulaputto parassa chadditapatitam
@Footnote: 1 ka. maggakilamatham               2 ka. atirekayojanasatam
Kumbhakarasalam kim annassa brahmacarino maccharayissati. 1- Ekacce pana
moghapurisa sasane pabbajitva avasamacchariyadihi abhibhuta attano vasanatthane
mayham kuti mayham parivenanti annesam avasaya parakkamanti. Nisiditi
accantasukhumalo lokanatho devavimanasadisam gandhakutim pahaya tattha tattha
vippakinnacharikaya bhinnabhajanatinapalasakukkutasukaravaccadisankilitthaya
sankaratthanasadisaya kumbhakarasalaya tinasantharam santharitva pamsukulacivaram pannapetva
devavimanasadisam dibbagandhasugandham gandhakutim pavisitva nisidanto viya nisidi.
     Iti bhagavapi asambhinnamahasammatavamse uppanno, kulaputtopi khattiyagabbhe
vaddhito. Bhagavapi abhiniharasampanno, kulaputtopi abhiniharasampanno. Bhagavapi
rajjam pahaya pabbajito, kulaputtopi. Bhagavapi suvannavanno, kulaputtopi.
Bhagavapi samapattilabhi, kulaputtopi. Iti dvepi khattiya dvepi abhiniharasampanna
dvepi rajapabbajita dvepi suvannavanna dvepi samapattilabhino kumbhakarasalam
pavisitva nisinnati tehi kumbhakarasala ativiya sobhati, dvihi sihadihi
pavitthaguhadini aharitva dipetabbam. Tesu pana dvisu bhagava "sukhumalo aham
paramasukhumalo ekapacchabhattena pancacattalisa yojanani agato, muhuttam tava
sihaseyyam kappetva maggadaratham patipassambhemi"ti cittampi anuppadetva
nisidantova phalasamapattim samapajji. Kulaputtopi "dvanavutiyojanasatam agatomhi,
muhuttam tava nipajjitva maggadaratham vinodemi"ti cittam anuppadetva
nisidamanova anapanacatutthajjhanam samapajji. Idam sandhaya atha kho bhagava
bahudeva rattintiadi vuttam.
     Nanu ca bhagava kulaputtassa dhammam desessamiti agato, kasma na
desesiti. Kulaputtassa maggadaratho appatipassaddho, na sakkhissati dhammadesanam
sampaticchitum, so tavassa patipassambhatuti na desesi. Apare "rajagaham nama
akinnamanussam avivittam dasahi saddehi, so saddo diyaddhayamamattena
sannisidati, tam agamento na desesi"ti vadanti. Tam akaranam,
@Footnote: 1 Ma. macchariyayati
Brahmalokappamanampi hi saddam bhagava attano anubhavena vupasametum sakkoti,
maggadarathavupasamam agamentoyeva pana na desesi.
     Tattha bahudeva rattinti diyaddhayamamattam. Etadahositi bhagava
phalasamapattito vutthaya suvannavimane manisihapanjaram vivaranto viya
pancapasadappatimanditani akkhini ummiletva olokesi, athassa hatthakukkuccapada-
kukkuccasisakampanavirahitam sunikhataindakhilam viya niccalam avibbhantam suvannapatimam
viya nisinnam kulaputtam disva etam "pasadikam kho"tiadimaha. 1- Tattha pasadikanti
pasadavaham. Bhavanapumsakam panetam, pasadikena iriyapathena iriyati. Yatha iriyato
iriyapatho pasadiko hoti, evam iriyatiti ayamettha attho. Catusu hi iriyapathesu
tayo iriyapatha na sobhanti. Gacchantassa hi bhikkhuno hattha calanti, pada
calanti, sisam calati, thitassa kayo thaddho 2- hoti, nipannassapi iriyapatho
amanapo hoti, pacchabhatte pana divatthanam sammajjitva cammakkhandam
pannapetva sudhotahatthapadassa catusandhikapallankam abhujitva nisinnasseva
iriyapatho sobhati. Ayanca kulaputto pallankam abhujitva anapanacatutthajjhanam
appetva nisidi. Itissa iriyapatheneva sampanno bhagava "pasadikam kho"ti
parivitakkesi. Yannunaham puccheyyanti kasma pucchati? kim bhagava attanam
uddissa pabbajitabhavam na janatiti. No na janati, apucchite pana katha na
patitthati, appatitthitaya kathaya katha na sanjayatiti kathapatitthapanattham pucchi.
     Disva ca pana janeyyasiti tathagatam buddhasiriya virocantam ayam
buddhoti sabbe jananti. Anacchariyametam jananam, buddharamsim pana paticchadetva
annatarapindapatikavasena caranto dujjano hoti. Iccayasma pukkusati "na
janeyyan"ti sabhavameva katheti. Tatha hi nam ekakumbhakarasalaya nisinnampi na
janati.
     Etadahositi maggadarathassa vupasamabhavam natva ahosi. Evamavusoti
kulaputto sahayena pesitam sasanamattam 3- vacetva rajjam pahaya pabbajanto 4-
@Footnote: 1 cha.Ma. ahosi  2 Ma. baddho   3 Si. sasanapattam   4 cha.Ma. pabbajamano
"dasabalassa madhuradhammadesanam sotum labhissami"ti pabbajito, pabbajitva ettakam
addhanam agacchanto "dhammam te bhikkhu desessami"ti padamattassa vattaram
nalattha, so "dhammam te bhikkhu desessami"ti vuttam kim 1- sakkaccam na sunissati.
Pipasitasondo viya hi pipasitahatthi viya cayam, tasma sakkaccam savanam
patijananto "evamavuso"ti aha.
     [343] Chadhaturo ayanti bhagava kulaputtassa pubbabhagapatipadam akathetva
aditova arahattassa padatthanabhutam accantasunnatam vipassanalakkhanameva
acikkhitum araddho. Yassa hi pubbabhagapatipada aparisuddha hoti, tassa
pathamameva silasamvaram indriyesu guttadvaratam bhojane mattannutam jagariyanuyogam
satta saddhamme cattari jhananiti imam pubbabhagapatipadam acikkhati. Yassa
panesa parisuddha, tassa tam 2- akathetva arahattassa padatthanabhutam vipassanameva
acikkhati. Kulaputtassa ca pubbabhagapatipada parisuddha. Tatha hi anena sasanam
vacetva pasadavaragateneva anapanacatutthajjhanam nibbattitam, yadassa 3-
dvanavutiyojanasatam agacchantassa yanakiccam sadheti, samanerasilampissa paripunnam.
Tasma pubbabhagapatipadam akathetva arahattassa padatthanabhutam accantasunnatam
vipassanalakkhanamevassa acikkhitum araddho.
     Tattha chadhaturoti cha dhatuyo vijjamana, puriso avijjamano. Bhagava
hi katthaci vijjamanena avijjamanam dasseti, katthaci avijjamanena vijjamanam,
katthaci vijjamanena vijjamanam, katthaci avijjamanena avijjamananti sabbasave
vuttanayeneva vittharetabbam. Idha pana vijjamanena avijjamanam dassento
evamaha. Sace hi bhagava purisoti pannattim vissajjetva dhatuyoicceva
vatva cittam thapapeyya, 4- kulaputto sandeham kareyya, sammoham apajjeyya,
desanam sampaticchitum na sakkuneyya. Tasma tathagato anupubbena purisoti
pannattim pahaya "sattoti va purisoti va puggaloti va pannattimattameva,
@Footnote: 1 Ma. vutte tam  2 Si. tam katham  3 Ma. tanca tassa   4 cha.Ma. upatthapeyya
Paramatthato satto nama natthi, dhatumatteyeva cittam thapapetva tini phalani
pativijjhapessami"ti ananganasutte 1- vuttabhasantarakusalo taya taya bhasaya 2-
sippam ugganhapento acariyo viya evamaha.
     Tattha cha dhatuyo assati chadhaturo. Idam vuttam hoti:- yam tvam
purisoti sanjanasi, so chadhatuko, 3- na cettha paramatthato puriso atthi,
purisoti pana pannattimattamevati. Sesapadesupi eseva nayo. Caturadhitthanoti
ettha adhitthanam vuccati patittha, catupatitthanoti attho. Idam vuttam hoti:-
svayam bhikkhu puriso chadhaturo chaphassayatano attharasamanopavicaroti, so
ettova vivattitva  uttamasiddhibhutam arahattam ganhamano imesu catusu thanesu
patitthaya ganhatiti caturadhitthanoti. Yatthatthitanti yesu adhitthanesu patitthitam.
Mannassa va nappavattantiti mannassa va manassa va nappavattanti. Muni
santoti vuccatiti khinasavamuni upasanto nibbutoti vuccati. Pannam
nappamajjeyyati arahattaphalapannaya pativijjhanattham aditova samadhivipassanapannam
nappamajjeyya. Saccamanurakkheyyati  paramatthasaccassa nibbanassa sacchikiriyattham
aditova vacisaccam rakkheyya. Cagamanubruheyyati arahattamaggena
sabbakilesapariccagakaranattham aditova kilesapariccagam bruheyya. Santimeva so
sikkheyyati arahattamaggena sabbakilesavupasamanattham aditova kilesavupasamanam
sikkheyya. Iti pannadhitthanadinam adhigamanatthaya imani samathavipassanapannadini
pubbabhagadhitthanani vuttani.
     [345] Phassayatananti phassassa ayatanam, akaroti attho.
Pannadhitthanantiadini pubbe vuttanam arahattaphalapannadinam vasena veditabbani.
     [348] Idani nikkhittamatikavasena "yatthatthitam mannassa va
nappavattanti"ti vattabbam bhaveyya, arahatte pana patte puna "pannam
nappamajjeyya"tiadihi kiccam natthi. Iti bhagava matikam uppatipatidhatukam
@Footnote: 1 Ma.mu. 12/57/32  2 Ma.,ka. vuttabhasantarakusalataya bhasaya  3 Ma. so ca chamatumattameva
Thapetvapi yathadhammavaseneva 1- vibhangam vibhajanto pannam nappamajjeyyatiadimaha.
Tattha ko pannam pamajjati, ko nappamajjati? yo tava imasmim sasane
Pabbajitva vejjakammadivasena ekavisatividhaya anesanaya jivikam kappento
pabbajjanurupena cittuppadam thapetum na sakkoti, ayam pannam pamajjati nama.
Yo pana sasane pabbajitva sile patitthaya buddhavacanam ugganhitva sappayam
dhutangam samadaya cittarucitam kammatthanam gahetva vivittam senasanam nissaya
kasinaparikammam katva samapattim nibbattetva 2- ajjeva arahattanti vipassanam
vaddhetva vicarati, ayam pannam nappamajjati nama. Imasmim pana sutte
dhatukammatthanavasena esa pannaya appamado vutto. Dhatukammatthane
panettha yam vattabbam, tam hettha hatthipadopamasuttadisu vuttameva.
     [354] Athaparam vinnanamyeva avasissatiti ayampettha patiyekko
anusandhi. Hetthato hi rupakammatthanam kathitam, idani arupakammatthanam
vedanavasena nibbattetva 2- dassetum ayam desana araddha. Yam va panetam
imassa bhikkhuno pathavidhatuadisu agamaniyavipassanavasena kammakarakavinnanam,
tam vinnanadhatuvasena bhajetva dassentopi imam desanam arabhi. Tattha
avasissatiti kimatthaya avasissati? satthu kathanatthaya kulaputtassa ca
pativijjhanatthaya avasissati. Parisudadhanti nirupakkilesam. Pariyodatanti pabhassaram.
Sukhantipi pajanatiti sukhavedanam vedayamano sukhavedanam vedayamiti pajanati.
Sesapadadvayesupi eseva nayo. Sace panayam vedanakatha hettha na kathita
bhaveyya, idha thatva kathetum vatteyya. Satipatthane panesa  kathitavati tattha
kathitanayeneva veditabba. Sukhavedaniyantievamadi paccayavasena udayatthangamanadassanattham
vuttam. Tattha sukhavedaniyanti sukhavedanaya paccayabhutam. Sesapadesupi
eseva nayo.
     [360] Upekkhayeva avasissatiti ettavata hi yatha nama chekena
manikaracariyena vajirasuciya vijjhitva cammakkhande patetva patetva dinnam
@Footnote: 1 Si. yathadhammaraseneva           2 Si. nibbethetva
Muttam antevasiko gahetva gahetva luttagatam karonto muttolambakamuttajaladini
karoti, evameva bhagavata kathetva kathetva dinnam kammatthanam ayam kulaputto
manasi karonto manasi karonto pagunam akasiti rupakammatthanampi arupakammatthanampi
pagunam jatam, atha bhagava "athaparam upekkhayeva avasissati"ti aha.
     Kimattham pana avasissatiti. Satthu kathanattham. Kulaputtassa ca 1- pativijjhanatthantipi
vadanti, tam na gahetabbam. Kulaputtena hi sahayassa sasanam vacetva
pasadatale thiteneva anapanacatutthajjhanam nibbattitam, yadassa 2- ettakam maggam
agacchantassa yanakiccam sadheti. Tasma 3- satthu kathanatthamyeva avasissati. Imasmim
hi thane sattha kulaputtassa rupavacarajjhane vannam kathesi. Idanhi vuttam
hoti "bhikkhu pagunam tava idam rupavacaracatutthajjhanan"ti. Parisuddhatiadi
tassayeva upekkhaya vannabhananam. Ukkam bandheyyati angarakapallam sajjeyya.
Alimpeyyati tattha angare pakkhipitva aggim datva nalikaya dhamento
aggim jaleyya. Ukkamukhe pakkhipeyyati angare viyuhitva angaramatthake va
thapeyya, tattake va pakkhipeyya. Nihatanti 4- nihatadosam. Ninnitakasavanti
apanitakasavam evameva khoti yatha tam suvannam icchiticchitaya pilandhanavikatiya
samvattati, evameva ayam tava catutthajjhanupekkha vipassana abhinna nirodho
bhavokkantiti imesu yam icchati, tassatthaya 5- hotiti vannam kathesi.
     Kasma pana bhagava imasmim rupavacaracatutthajjhane nikantipariyadanattham
avannam akathetva vannam kathesiti. Kulaputtassa hi catutthajjhane
nikantipariyutthanam balavam. Sace avannam katheyya, "mayham pabbajitva dvanavutiyojanasatam
agacchantassa idam catutthajjhanam yanakiccam sadheti, aham ettakam maggam
agacchanto jhanasukhena jhanasukharatiya 6- agato, evarupassa nama panitadhammassa
avannam katheti, janam nu kho katheti ajanan"ti kulaputto samsayam sammoham
apajjeyya, tasma bhagava vannam kathesi.
@Footnote: 1 cha.Ma. casaddo na dissati   2 ka. tam panassa       3 cha.Ma. ayam patho na dissati
@4 tika. nihatanti          5 Ma. tadatthaya       6 cha.Ma. jhanaratiya
     [361] Tadanudhammanti ettha arupavacarajjhanam dhammo nama, tam anugatatta
rupavacarajjhanam anudhammoti vuttam. Vipakajjhanam va dhammo, kusalajjhanam
anudhammo. Tadupadanati taggahana. Ciram dighamaddhananti visatikappasahassani.
Vipakavasena hetam vuttam. Ito uttarampi eseva nayo.
     [362] Evam catuhi varehi arupavacarajjhanassa vannam kathetva
idani tasseva adinavam dassento so evam pajanatitiadimaha. Tattha
sankhatametanti kincapi ettha visatikappasahassani ayu atthi, etam pana sankhatam
pakappitam ayuhitam, karontena kariyati, aniccam adhuvam asassatam tavakalikam,
cavanaparibhedanaviddhamsanadhammam, jatiya anugatam, jaraya anusatam, maranena abbhahatam,
dukkhe patitthitam, atanam alenam asaranam asaranibhutanti. Vinnanayatanadisupi
eseva nayo.
     Idani arahattanikutena desanam ganhanto so neva abhisankharotitiadimaha.
Yatha hi cheko bhisakko visavikaram disvava manam karetva visam thanato
cavetva upari aropetva khandham va sisam gahetum adatva visam otaretva
pathaviyam pateyya, evameva bhagava kulaputtassa arupavacarajjhane vannam kathesi.
Tam sutva kulaputto rupavacarajjhane nikantim pariyadaya arupavacarajjhane
patthanam thapesi.
     Bhagava tam natva tam asampattassa appatiladdhasseva bhikkhuno
"atthesa akasanancayatanadisu sampatti nama. Tesam hi pathamabrahmaloke
visatikappasahassani ayu, dutiye cattalisam, tatiye satthi, catutthe
caturasitikappasahassani aYu. Tam pana aniccam adhuvam asassatam tavakalikam,
cavanaparibhedanaviddhamsanadhammam, jatiya anugatam, jaraya anusatam, maranena abbhahatam,
dukkhe patitthitam, atanam alenam asaranam asaranibhutam, ettakam kalam tattha
sampattim anubhavitvapi puthujjanakalakiriyam katva puna catusu apayesu
patitabban"ti sabbametam adinavam ekapadeneva "sankhatametan"ti kathesi.
Kulaputto tam sutva arupavacarajjhane nikantim pariyadiyi. Bhagava tassa
rupavacararupavacaresu nikantiya pariyadinnabhavam natva arahattanikutam "so neva
tam abhisankharoti"tiadimaha.
     Yatha va paneko mahayodho ekam rajanam aradhetva satasahassutthanakam
gamavaram labheyya, puna raja tassanubhavam saritva "mahanubhavo yodho, appakam
tena laddhan"ti "nayam tata gamo tuyham anucchaviko, annam catusata-
sahassutthanakam ganhahi"ti dadeyya. So sadhu devati tam vissajjetva itaram
gamam ganheyya. Raja asampattameva ca nam pakkosapetva "kinte tena,
ahivatakarogo ettha uppajjati, asukasmim pana thane mahantam nagaram atthi,
tattha chattam ussapetva rajjam karehi"ti pahineyya, so tatha kareyya.
     Tattha raja viya sammasambuddho datthabbo, mahayodho viya pukkusati
kulaputto. Pathamaladdhagamo viya anapanacatutthajjhanam, tam vissajjetva itaram
gamam ganhahiti vuttakalo viya anapanajjhane nikantipariyadanam karetva
aruppakathanam, tam  gamam asampattameva pakkosapetva "kim te tena, ahivatakarogo
ettha uppajjati, asukasmim thane nagaram atthi, tattha chattam ussapetva
rajjam karehi"ti vuttakalo viya aruppe sankhatametanti adinavakathanena tena
appattasuyeva tasu samapattisu patthanam nivattapetva upari arahattanikutena
desanagahanam.
     Tattha neva abhisankharotiti na ayuhati na rasim karoti. Na abhisancetayatiti
na kappeti. Bhavaya va vibhavaya vati vuddhiya va parihaniya va.
Sassatucchedavasenapi yojetabbam. Na kinci loke upadiyatiti loke rupadisu kinci
ekadhammampi tanhaya na ganhati, na paramasati. Naparam itthattayati pajanatiti
bhagava attano buddhavisaye thatva desanaya arahattanikutam ganhi. Kulaputto
pana attano yathopanissayena tini samannaphalani pativijjhi. Yatha nama raja
suvannabhajanena nanarasabhojanam bhunjanto attano pamanena pindam
vattetva anke nisinnena rajakumarena pindamhi alaye dassite tam pindam
Upanameyya, kumaro attano mukhappamanena kabalam kareyya, sesam raja
sayam va bhunjeyya, patiyam va pakkhipeyya, evam dhammaraja tathagato attano
pamanena arahattanikutam ganhanto desanam desesi, kulaputto attano
yathopanissayena tini samannaphalani pativijjhi.
     Ito pubbe panassa khandha dhatuyo ayatananiti evarupam accantasunnatam
tilakkhanahatam katham kathentassa neva kankha, na vimati, napi "evam kira tam
evam me acariyena vuttan"ti iti kira na dandhayitattam vitthayitattam atthi.
Ekaccesu ca kira thanesu buddha annatakavesena vicaranti, sammasambuddho nu
kho esoti ahudeva samsayo, ahu vimati. Yato anena anagamiphalam patividdham, atha
ayam me satthati nittham gato. Yadi evam kasma accayam na desesiti. Okasabhavato.
Bhagava hi yathanikkhittaya matikaya acchinnadharam katva akasagangam
otarento viya desanam desesiyeva.
     [363] Soti araha. Anajjhositati gilitva parinitthapetva gahetum
na yuttati pajanati. Anabhinanditati tanhaditthivasena abhinanditum na
yuttati pajanati.
     [364] Visamyutto nam vedetiti sace hissa sukhavedanam arabbha
raganusayo, dukkhavedanam arabbha patighanusayo, itaram arabbha avijjanusayo
uppajjeyya, samyutto vediyeyya nama. Anuppajjanato pana visamyutto nam
vedeti nissato 1- vippamutto. Kayapariyantikanti kayakotikam. Yava kayappavatta
uppajjitva tato param anuppajjanavedananti attho. Dutiyapadepi eseva nayo.
Anabhinanditani sitibhavissantiti dvadasasu ayatanesu kilesanam visevanassa 2-
natthitaya anabhinanditani hutva idha dvadasasuyeva ayatanesu nirujjhissanti.
Kilesa hi nibbanam agamma niruddhapi yattha natthi, tattha niruddhatipi
vuccanti. Svayamattho "etthesa tanha nirujjhamana nirujjhati"ti samudayapanhena
dipetabbo. Tasma bhagava nibbanam agamma sitibhutanipi idheva sitibhavissantiti
@Footnote: 1 Ma. niyutto               2 Ma. visesanassa
Aha. Nanu  ca idha vedayitani vuttani, na kilesati. Vedayitanipi
kilesabhaveneva sitibhavanti. Itaratha nesam sitibhavo nama natthiti suvuttametam.
     [365] Evameva khoti ettha idam opammasamsandanam:- yatha hi eko
puriso telappadipassa jhayato tele khine telam asincati, vattiya khinaya
vattim pakkhipati, evam dipasikhaya anupacchedova hoti, evameva puthujjano ekasmim
bhave thito kusalakusalam karoti, so tena sugatiyanca apayesu ca nibbattatiyeva,
evam vedananam anupacchedova hoti. Yatha paneko dipasikhaya ukkanthito "imam
purisam agamma dipasikha na upacchijjati"ti nilino tassa sisam chindeyya,
evam vattiya ca telassa ca anupahara dipasikha anahara nibbayati, evameva
pavatte ukkanthito yogavacaro arahattamaggena kusalakusalam samucchindati,
tassa samucchinnatta khinasavassa bhikkhuno kayassa bheda puna vedayitani na
uppajjantiti.
     Tasmati yasma adimhi samadhivipassanapannahi arahattaphalapanna
uttaritara, tasma. Evam samannagatoti imina uttamena arahattaphalapannadhitthanena
samannagato. Sabbadukkhakkhaye nanam nama arahattamagge nanam,
imasmim pana sutte arahattaphale nanam adhippetam. Tenevaha tassa sa vimuttisacce
thita akuppa hotiti.
     [366] Ettha hi vimuttiti arahattaphalavimutti. Saccanti paramatthasaccam
nibbanam. Iti akupparammanakaranena akuppati vutta. Musati vitatham. Mosadhammanti
nassanasabhavam. Tam saccanti tam avitatham sabhavo. Amosadhammanti anassanasabhavam.
Tasmati yasma adito samathavipassanavasena vacisaccato dukkhasaccasamudayasaccehipi
paramatthasaccam nibbanameva uttaritaram, tasma. Evam samannagatoti imina uttamena
paramatthasaccadhitthanena samannagato.
     [367] Pubbeti puthujjanakale. Upadhi hontiti khandhupadhi kilesupadhi
abhisankharupadhi pancakamagunupadhiti ime upadhayo honti. Samatta samadinnati
paripura gahita paramattha. Tasmati yasma adito samathavipassanavasena
Kilesapariccagato, sotapattimaggadihi ca kilesapariccagato arahattamaggeneva
kilesapariccago uttaritaro, tasma. Evam samannagatoti imina uttamena
cagadhitthanena samannagato.
     [368] Aghatotiadisu aghatakaranavasena aghato, byapajjhanavasena
byapado, sampadussanavasena sampadosoti tihi padehi dosakusalamulameva vuttam.
Tasmati yasma adito samathavipassanavasena kilesavupasamato, sotapattimaggadihi
ca kilesavupasamato arahattamaggeneva kilesavupasamo uttaritaro, tasma. Evam
samannagatoti imina uttamena upasamadhitthanena samannagato.
     [369] Mannitametanti tanhamannitam manamannitam ditthimannitanti
tividhampi vattati. Ayamahamasmiti ettha pana ayamahanti ekam tanhamannitameva
vattati. Rogotiadisu abadhatthena rogo, antodosatthena gando,
anupavisanatthena sallam. Muni santoti vuccatiti khinasavamuni santo nibbutoti
vuccati. Yattha thitanti yasmim thane thitam. Sankhittenati buddhanam kira sabbapi
dhammadesana sankhittava, vittharadesana nama natthi, samantapatthanakathapi
sankhittayeva. Iti bhagava desanam yathanusandhim papesi. Ugghatitannutiadisu pana
catusu puggalesu pukkusati kulaputto vipancitannu, iti vipancitannuvasena
bhagava imam dhatuvibhangasuttam kathesi.
     [370] Na kho me bhante paripunnam pattacivaranti kasma kulaputtassa
iddhimayapattacivaram na nibbattanti. Pubbe atthannam parikkharanam adinnatta.
Kulaputto hi dinnadano katabhiniharo, na dinnattati na vattabbam.
Iddhimayapattacivaram pana pacchimabhavikanamyeva nibbattati, ayanca puna patisandhiko tasma na
nibbattanti. Atha bhagava sayam pariyesetva kasma na upasampadesiti. Okasabhavato.
Kulaputtassa ayu parikkhinam, suddhavasiko anagami mahabrahma kumbhakarasalam
agantva nisinno viya ahosi. Tasma sayam na pariyesesi.
     Pattacivarapariyesanam pakkamiti taya velaya pakkami? utthite
Arune. Bhagavato kira dhammadesanaparinitthananca arunutthananca rasmivissajjananca
Ekakkhane ahosi, bhagava kira desanam nitthapetvava chabbanna rasmiyo vissajji,
sakalakumbhakaranivesanam  ekappajjotam ahosi, chabbannarasmiyo jalajala
punjapunja hutva vidhavantiyo sabbadisabhage suvannapatipariyonaddhe viya
nanavannakusumaratanavisalasamujjale viya ca akamsu. Bhagava "nagaravasino mam
passantu"ti  adhitthasi. Nagaravasino bhagavantam disvava "sattha kira agato,
kumbhakarasalaya kira nisinno"ti annamannassa arocetva ranno arocesum.
     Raja agantva sattharam vanditva "bhante kaya velaya agatattha"ti
pucchi. Hiyyo suriyatthangamanavelaya maharajati. Kena kammena bhagavati. Tumhakam
sahayo pukkusati raja tumhehi pahitasasanam sutva nikkhamitva pabbajitva mam
uddissa agacchanto savatthim atikkamma pancacattalisa yojanani agantva
imam kumbhakarasalam pavisitva nisidi, aham tassa sangahattham  agantva dhammakatham
kathesim, kulaputto tini phalani pativijjhi maharajati. Idani kaham bhanteti.
Upasampadam yacitva aparipunnapattacivarataya pattacivaram pariyesanattham gato maharajati
aha. Raja kulaputtassa gatadisabhagena agamasi. Bhagavapi akasenagantva
jetavanagandhakutimhiyeva paturahosi.
     Kulaputtopi pattacivaram pariyesamano neva bimbisararanno na takkasilakanam
janghavanijanam santikam agamasi. Evam kirassa ahosi "na kho me kukkutassa
viya tattha tattha manapamanapameva vicinitva pattacivaram pariyesitum yuttam, mahantam nagaram
vajjitva udakatitthasusanasankaratthanaantaravithisu pariyesissami"ti antaravithiyam
sankarakutesu tava pilotikam pariyesitum araddho.
     Jivita voropesiti ekasmim sankarakute pilotikam olokentam vibbhanta
tarunavaccha gavi upadhavitva upadhavitva singena vijjhitva ghatesi,
chatakajjhatto kulaputto akaseyeva ayukkhayam patva patito, sankaratthane
adhomukhatthapito suvannapatima viya ahosi, kalakato ca pana avihabrahmaloke
nibbatti, nibbattamattova arahattam papuni. Avihabrahmaloke kira nibbattamattava
satta jana arahattam papunimsu. Vuttam hetam;-
       "aviham upapannase            vimutta satta bhikkhavo
        ragadosaparikkhina            tinna loke visattikam.
        Ke ca te atarum pankam         maccudheyyam suduttaram
        ke hitva manusam deham        dibbayogam upajjhagum.
        Upako palagando ca           pukkusati ca te tayo
        bhaddiyo khandadevo ca         bahuraggi ca pingiyo
        te hitva manusam deham        dibbayogam upaccagun"ti. 1-
     Bimbisaropi "mayham sahayo maya pesitasasanamattam vacetva hatthagatam
rajjam pahaya ettakam addhanam agato, dukkaram katam kulaputtena,
pabbajitasakkarena tam sakkarissami"ti "pariyesatha me sahayakan"ti tattha tattha pesesi.
Pesita tam addasamsu sankaratthane patitam, disva agamma ranno arocesum.
Raja gantva kulaputtam disva "na vata bho labhimha sahayassa sakkaram
katum, anatho me jato sahayako"ti  paridevitva kulaputtam mancakena
ganhapetva yuttokase thapetva anupasampannassa sakkaram katum jananabhavena
nhapakakappakadayo pakkosapetva kulaputtam sisam nhapetva suddhavatthadini 2-
nivasapetva rajavesena  alankarapetva sovannasivikam aropetva
sabbatalavacaragandhamaladihi pujam karonto nagara niharitva bahuhi gandhakatthehi
mahacitakam karetva kulaputtassa sarirakiccam katva dhatuyo adaya cetiyam
patitthapesi. Sesam sabbattha uttanamevati.
                    Papancasudaniya majjhimanikayatthakathaya
                     dhatuvibhangasuttavannana nitthita.
                        ----------------
@Footnote: 1 sam.sa.  15/105/71            2 cha.Ma. suddhavatthani



             The Pali Atthakatha in Roman Book 10 page 198-222. http://84000.org/tipitaka/atthapali/read_rm.php?B=10&A=5049&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=5049&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=14&i=673              เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=8748              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=8655              The Pali Tipitaka in Roman Character :- http://84000.org/tipitaka/read/roman_read.php?B=14&A=8655              Contents of The Tipitaka Volume 14 http://84000.org/tipitaka/read/?index_14

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]