AtthaPali Vol.10

6. Chachakkasuttavannana [420] Evamme sutanti chachakkasuttam. Tattha adikalyananti adimhi kalyanam bhaddakam niddosam katva desessami. Majjhapariyosanesupi eseva nayo. Iti bhagava ariyavamsam navahi, mahasatipatthanam sattahi, mahaassapuram sattahi padehi thomesi, imam pana suttam navahi padehi thomesi. Veditabbaniti saha vipassanamaggena janitabbani. Manayatanena tebhumakacittameva kathitam, dhammayatanena bahiddha tebhumakadhamma ca, manovinnaneneva thapetva dvipancavinnanani sesam bavisatividham lokiyavipakacittam. Phassavedana yathavuttavipakavinnanasampayuttava. Tanhati vipakavedanapaccaya javanakkhane uppannatanha. [422] Cakkhu attati patiyekko anusandhi. Hettha kathitanam hi dvinnam saccanam anattabhavadassanattham ayam desana araddha. Tatta na upapajjatiti na yujjati. Vetiti vigacchati nirujjhati. @Footnote: ¹ Ma.Ma. 13/69/46 ² Ma.Ma. 13/206/182 ³ Ma. (asivisupamasuttesu) @⁴ Ma.Ma. 13/395/378 [424] Ayam kho pana bhikkhaveti ayampi patiyekko anusandhi. Ayam hi desana tinnam gahanam vasena vattam dassetum araddha. Dukkham samudayoti dvinnam saccanam vasena vattam dassetuntipi vadantiyeva. Etam mamatiadisu tanhamanaditthigahava veditabba. Samanupassatiti gahattayavasena passati. Evam vattam dassetva idani tinnam gahanam patipakkhavasena, nirodho maggoti imesam va dvinnam saccanam vasena vivattam dassetum ayam kho panatiadimaha. Netam mamatiadini tanhadinam patisedhavacanani. Samanupassatiti aniccam dukkham anattati passati. [425] Evam vivattam dassetva idani tinnam anusayanam vasena puna vattam dassetum cakkhunca bhikkhavetiadimaha. Tattha abhinandatitiadini tanhaditthivaseneva vuttani. Anusetiti appahino hoti. Dukkhassati vattadukkhakilesadukkhassa. [426] Evam tinnam anusayanam vasena vattam kathetva idani tesam patikkhepavasena vivattam dassento puna cakkhuncatiadimaha. Avijjam pahayati vattamulikam avijjam pajahitva vijjanti arahattamaggavijjam uppadetva. [427] Thanametam vijjatiti ettakeneva kathamaggena vattavivattavasena desanam matthakam papetva puna tadeva sampindetva dassento evam passam bhikkhavetiadimaha. Satthimattanam bhikkhunanti ettha anacchariyametam, yam sayameva tathagate desente satthi bhikkhu arahattam patta. Imam hi suttam dhammasenapatimhi kathentepi satthi bhikkhu arahattam patta, mahamoggallane kathentepi, asitimahatheresu kathentesupi patta eva. Etampi anacchariyam. Mahabhinnappatta hi te savaka. Aparabhage pana tambapannidipe maleyyadevatthero ^1- nama hettha lohapasade imam suttam kathesi. Tadapi satthi bhikkhu arahattam patta. Yatha ca lohapasade evam thero mahamandapepi imam suttam kathesi. Mahavihara nikkhamitva pana cetiyapabbatam gato, tatthapi kathesi. Tato sakiyavankavihare, ^2- kutalivihare, @Footnote: ¹ Si. maliyadevatthero ² Ma. sakiyacankavihare, cha. sakiyavamsavihare Antarasobbhe, muttangane, ^1- patakapabbate, ^2- pacinagharake, dighavapiyam, lokandare, nomandalatale ^3- kathesi. Tesupi thanesu satthi satthi bhikkhu arahattam patta. Tato nikkhamitva pana thero cittalapabbatam gato. Tada ca cittalapabbatavihare atirekasatthivasso mahathero, pokkharaniyam kuruvakatittham nama paticchannatthanam atthi, tattha thero nhayissamiti otinno. Devatthero tassa santikam gantva nhapemi bhanteti aha. Thero patisanthareneva "maleyyadevo nama atthiti vadanti, so ayam bhavissati"ti natva tvam devoti aha. Ama bhanteti. Satthivassasaddhanam me avuso koci sariram hatthena phusitum nama na labhati, tvam pana nhapehiti uttaritva tire nisidi. Thero sabbampi hatthapadadiparikammam katva mahatheram nhapesi. Tamdivasanca dhammassavanadivaso hoti. Atha mahathero "deva amhakam dhammadanam datum vattati"ti aha. Thero sadhu bhanteti sampaticchi. Atthangate suriye dhammassavanam ghosesum. Atikkantasatthivassava satthi mahathera dhammassavanattham agamimsu. Devatthero sarabhanavasane imam suttam arabhi, suttantapariyosane satthi mahathera arahattam papunimsu. Tato tissamahaviharam gantva kathesi, tasmimpi satthi theRa. Tato nagamahavihare kalakacchagame kathesi, tasmimpi satthi theRa. Tato kalyanim gantva tattha catuddase hetthapasade kathesi, tasmimpi satthi theRa. Uposathadivase uparipasade kathesi, tasmimpi satthi therati evam devatthereyeva idam suttam kathente satthitthanesu satthi satthi jana arahattam patta. Ambilakalakavihare pana tipitakaculanagatthere imam suttam kathente manussaparisa gavutam ahosi, devaparisa yojanika. Suttapariyosane sahassabhikkhu arahattam patta, devesu pana gato tato ekekova ^4- puthujjano ahositi. Papancasudaniya majjhimanikayatthakathaya chachakkasuttavannana nitthita. --------------- @Footnote: ¹ Si. mutingane ² Ma. hitankapabbate ³ Si. gamendavale ⁴ tika. ekova

The Pali Atthakatha in Roman Book 10 page 250-252. http://84000.org/tipitaka/atthapali/read_rm.php?B=10&A=6371&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=6371&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=14&i=810 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=10324 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=10161 The Pali Tipitaka in Roman Character :- http://84000.org/tipitaka/read/roman_read.php?B=14&A=10161 Contents of The Tipitaka Volume 14 http://84000.org/tipitaka/read/?index_14