AtthaPali Vol.11

5. Jantusuttavannana [106] Pancame kosalesu viharantiti bhagavato santike kammatthanam gahetva tattha gantva viharanti. Uddhatati akappiye kappiyasannitaya ca kappiye akappiyasannitaya ca anavajje vajjasannitaya ^1- ca vajje ^2- anavajjasannitaya ca uddhaccapakatika hutva. Unnalati uggatanala, utthitatucchamanati vuttam hoti. Capalati pattacivaramandanadina capalena ^3- yutta. Mukharati mukhakhara, kharavacanati vuttam hoti. Vikinnavacati asamyatavacana, divasampi niratthakavacanappalapino. Mutthassatinoti natthasati ^4- sativirahita, idha katam ettha pamussanti. Asampajanati nippanna. Asamahitati appanaupacarasamadhirahita, candasote bandhanavasadisa. Vibbhantacittati anavatthitacitta, patharulhabalamigasadisa. ^5- Pakatindriyati samvarabhavena gihikale viya vivataindriya. Jantuti evam namako devaputto. Tadahuposatheti tasmim ahu uposathe, uposathadivaseti attho. Pannaraseti catuddasikadipatikkhePo. Upasankamiti codanatthaya upagato. So kira cintesi "ime bhikkhu satthu santike kammatthanam gahetva nikkhanta, idani pamatta hutva viharanti, na kho panete patiyekkam nisinnatthane codiyamana katham ganhissanti, samagamakale ^6- codissami"ti uposathadivase tesam sannipatitabhavam natva upasankami. Gathahi ajjhabhasiti sabbesam majjhe thatva gatha abhasi. Tattha yasma gunakathaya saddhim niggunassa aguno pakato hoti, tasma gunam tava kathento sukhajivino pure asuntiadimaha. Tattha sukhajivino pure asunti pubbe bhikkhu supposa subhara ahesum, uccanicakulesu sapadanancaritva laddhena missakapindena yapesunti adhippayena evamaha. Anicchati nittanha hutva. Evam poranakabhikkhunam vannam kathetva idani tesam avannam kathento dupposantiadimaha. Tattha game gamanika viyati yatha game gamakuta @Footnote: ¹ cha.Ma. savajja.... ² cha.Ma. savajje ³ cha.Ma., i. capallena ⁴ cha.Ma. natthassatino @⁵ cha.Ma., i. pantha.... Si. pantha.... valamiga.... ⁶ cha.Ma. samagamana..... Nanappakarena janam piletva khiradadhitanduladini aharapetva bhunjanti, evam tumhepi anesanaya thita tumhakam jivitam kappethati adhippayena vadati. Nipajjantiti uddesaparipucchamanasikarehi anatthika hutva sayanamhi hatthapade vissajjetva nipajjanti. Paragaresuti paragehesu, kulasunhadisuti attho. Mucchitati kilesamucachaya mucchita. Ekacceti vattabbayuttakeyeva. Apaviddhati chadditaka. Anathati apatittha. Petati susane chaddita kalakatamanussa. Yatha hi susane chaddita nanasakunadihi khajjanti, natakapi nesam nathakiccam na karonti, na rakkhanti na gopayanti, evameva ^1- evarupapi acariyupajjhayadinam santika ovadanusasanim na labhantiti apaviddha anatha, yatha peta, tatheva honti. Pancamam.

The Pali Atthakatha in Roman Book 11 page 110-111. http://84000.org/tipitaka/atthapali/read_rm.php?B=11&A=2877&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=2877&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=293 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=1947 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=1641 The Pali Tipitaka in Roman Character :- http://84000.org/tipitaka/read/roman_read.php?B=15&A=1641 Contents of The Tipitaka Volume 15 http://84000.org/tipitaka/read/?index_15