AtthaPali Vol.11

2. Pancarajasuttavannana [123] Dutiye rupati nilapitadibhedam ruparammanam. Kamanam agganti etam kamanam uttamam setthanti rupagaruko aha. Sesesupi eseva nayo. Yatoti yada. Manapapariyantanti manapanipphattikam manapakotikam. Tattha dve manapani puggalamanapam sammatimanapanca. Puggalamanapam nama yam ekassa puggalassa ittham kantam hoti, tadeva annassa anittham akantam. Paccantavasinanhi gandupadapi ittha honti kanta manapa, majjhimapadesavasinam atijeguccha. Tesanca moramamsadini itthani honti, itaresam tani atijegucchani. Idam puggalamanapam. Itaram sammatimanapam. @Footnote: ^1-1 cha.Ma., i. advaragharam ² cha.Ma., i. gendu ³ cha.Ma. anantaram @⁴ ka. cara, Si., i. cora ⁵ cha.Ma. lohaddhamasako Itthanittharammanam nama loke pativibhattam natthi, vibhajitva pana dassetabbam. Vibhajantena pana ^1- atiissaranam mahasammatamahasudassanadhammasokadinam vasena vibhajitabbam. Tesam hi dibbakappampi arammanam amanapam upatthati. Atiduggatanam dullabhannapananam vasena ^2- na vibhajitabbam. Tesam hi kanajakabhattasitthanipi putimamsassa rasopi atimadhuro amatasadiso hoti. Majjhimanampana ganikamahamattasetthikutumbikavanijadinam kalena ittham kalena anittham labhamananam vasena vibhajitabbam. Tanca panetam arammanam javanam paricchinditum na sakkoti. Javanam hi itthepi rajati anitthepi, itthepi dussati anitthepi. Ekantato pana vipakacittam itthanittham paricchindati. Kincapi hi micchaditthika buddham ^3- va samgham va mahacetiyadini va ularani arammanani disva akkhini pidahanti domanassam apajjanti, dhammasaddam sutva kanne thakenti, cakkhuvinnanasotavinnanani ^4- pana tesam kusalavipakaneva honti. Kincapi guthasukaradayo guthagandham ghayitva khaditum labhissamati somanassajata honti, guthadassane pana nesam cakkhuvinnanam, tassa gandhaghayane ghanavinnanam, rasasayane jivhavinnananca akusalavipakameva hoti. Bhagava pana puggalamanapatam sandhaya te ca maharaja rupatiadimaha. Candanangaliyoti ^5- idam tassa upasakassa namam. Patibhati mam bhagavati mayham ^6- ekam karanam upatthati pannayati. Tassa panca ^7- rajano amuttamanikundale sajjitaya apanabhumiya sanniveseneva ^8- mahata rajanubhavena paramena issariyavibhavena agantvapi dasabalassa santike thitakalato patthaya diva padipe viya udakabhisitte angare viya suriyutthane khajjopanake viya ca hatappabhe hatasobhe tam tathagatanca tehi satagunehi virocamanam ^9- disva "mahanta vata bho buddha nama"ti patibhanam udapadi. Tasma evamaha. @Footnote: ¹ cha.Ma., i. ca na ² cha.Ma., i. vasenapi ³ Si. sambuddham @⁴ Ma. cakkhuvinnanadini ⁵ cha.Ma., i. candanangaliko ⁶ cha.Ma. bhagava mayham @⁷ cha.Ma., i. tassa te panca, Si. tassa te ca ⁸ cha.Ma., i. nisinnavaseneva @⁹ cha.Ma., i. tehi sattagunena sahassagunena virocamanam Kokanadanti padumassevetam vevacanam. Patoti kalasseva. Siyati bhaveyya. Avitagandhanti avigatagandham. Angirasanti sammasambuddham. Bhagavato hi angato ramsiyo ^1- nikkhamanti, tasma angirasoti vuccati. Yatha kokanadasankhatam padumam patova phullam avitagandham sugandham ^2- siya, evameva bhagavantam angirasam tapantam adiccamiva antalikkhe virocamanam passati ayamettha sankhepattho. Bhagavantam acchadesiti bhagavato adasiti attho. Lokavoharato panettha idisam vacanam hoti. So kira upasako "ete tathagatassa gunesu pasiditva mayham panca uttarasange denti, aham ete ^3- bhagavatova dassami"ti cintetva adasi. Dutiyam.

The Pali Atthakatha in Roman Book 11 page 143-145. http://84000.org/tipitaka/atthapali/read_rm.php?B=11&A=3744&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=3744&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=359 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=2575 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=2223 The Pali Tipitaka in Roman Character :- http://84000.org/tipitaka/read/roman_read.php?B=15&A=2223 Contents of The Tipitaka Volume 15 http://84000.org/tipitaka/read/?index_15