AtthaPali Vol.11

12. Alavakasuttavannana [246] Dvadasame alaviyanti alaviti tam ratthampi nagarampi vuccati. ^4- Tanca bhavanam nagarassa avidure gavutamatte thitam, bhagava tattha viharanto tam nagaram upanissaya alaviratthe ^5- viharatiti vutto. Alavakassa yakkhassa bhavaneti ettha pana ayam anupubbikatha:- alavako kira raja vividhanatakupabhoge chaddetva corapatibahanattham patirajanisedhanattham byayamakaranatthanca ^6- sattame divase ^7- migavam gacchanto ekadivasam balakayena saddhim katikam akasi "yassa passena migo palayati, tasseva so bharo"ti. Atha tasseva passena migo palayi, javasampanno raja dhanum gahetva pattikova tiyojanam tam migam anubandhi. Enimiga ca tiyojanavegaeva honti. Atha parikkhinajavam tam migam udakatthanam ^8- pavisitva thitam vadhitva dvidha chetva anatthikopi mamsena "nasakkhi migam gahetun"ti apavadamocanattham kajenadaya agacchanto nagarassavidure bahalapattapalasam mahanigrodham disva parissamavinodanattham tassa mulamupagato. Tasmim ca nigrodhe alavako yakkho maharajasantika bhavanam labhitva majjhantikasamaye tassa rukkhassa chayaya phutthokasam pavitthe panino khadanto pativasati. So tam disva khaditum upagato. Raja tena saddhim katikam akasi "munca mam, aham te divase divase manussanceva ^9- thalipakanca pesessami"ti. Yakkho "tvam rajupabhogena pamatto na sarissasi, aham @Footnote: ¹ Si. valahakamivaddhaguti ² cha.Ma., i. ghammabhitatta ³ Si. pasaviti @⁴ cha.Ma., i. ayampatho na dissati ⁵ cha.Ma. alaviyam, i. alaviyam viharantoti @⁶ i. byamakaranatthanca ⁷ cha.Ma., i. sattame sattame divase @⁸ cha.Ma. parikkhinajavam tam udakam viya ⁹ cha.Ma., i. manussanca

--------------------------------------------------------------------------------------------- page301.

Pana bhavanam anupagatanca ananunnatanca khaditum na labhami, svaham bhavantampi jiyeyyan"ti na munci. Raja "yam divasam na pesemi, tam divasam ^1- mama geham gantva ^1- mam gahetva khada"ti attanam anujanitva tena mutto nagarabhimukho agamasi, balakayo magge khandhavaram bandhitva thito rajanam disva "kim maharaja ayasamattabhaya evam kilantosi"ti vadanto paccuggantva patiggahesi. Raja tam pavattim anarocetva nagaram gantva katapataraso nagaraguttikam amantetva etamattham arocesi. Nagaraguttiko "kim deva kalaparicchedo kato"ti aha. Na kato bhaneti. Dutthu katam deva, amanussa hi paricchinnamattameva labhanti, aparicchinne pana janapadassabadho bhavissati, hotu deva, kincapi evamakasi, appossukko tvam rajjasukhamanubhohi, ahamettha katabbam karissamiti. So kalasseva vutthaya bandhanagaradvare thatva ye ye vajjha honti, te te sandhaya "yo jivitatthiko, so nikkhamatu"ti bhanati. Yo pathamam nikkhamati, tam geham netva nhapetva bhojetva ca "imam thalipakam yakkhassa dehi"ti peseti. Tam rukkhamulam pavitthamattamyeva yakkho bheravam attabhavam nimminitva mulakandam viya khadi. Yakkhanubhavena kira manussanam kesadini upadaya sakalasariram navanitapindam viya hoti, yakkhassa bhattam gahapetum gatapurisa tam disva bhita yathamittam arocesum. Tato pabhuti "raja core gahetva yakkhassa deti"ti manussa corakammato pativirata. Tato aparena samayena navacoranam abhavena puranacorananca parikkhayena bandhanagarani sunnani ahesum. Atha nagaraguttiko ranno arocesi. Raja attano dhanam nagararacchasu chaddapesi "appevanama koci lobhena ganheyya"ti. Tam padenapi koci nacchupi. So core alabhanto amaccanam arocesi. Amacca "kulapatipatiya ekamekam jinnakam pesema, so pakatiyapi maccupathe vattati"ti ahamsu. Raja "amhakam pitaram amhakam pitamaham pesetiti manussa khobham karissanti, ma vo etam ruci"ti @Footnote: ^1-1 cha.Ma. ime patha na disasanti

--------------------------------------------------------------------------------------------- page302.

Nivaresi. ^1- "tenahi deva darakam pesema uttanaseyyakam, tathavidhassa hi `mata me'ti `pita me'ti sineho natthi"ti ahamsu. Raja anujani. Te tatha akamsu. Nagare darakamataro ca darake gahetva gabbhiniyo ca palayitva parajanapade darake samvaddhetva anenti. Evam dvadasa vassani gatani. Tato ekadivasam sakalanagaram vicinitva ekampi darakam alabhitva amacca ranno arocesum "natthi deva nagare darako thapetva antepure tava puttam alavakakumaran"ti. Raja "yatha mama putto piyo, evam sabbalokassa, attana pana piyataram natthi, gacchatha ^2- tampi datva mama jivitam rakkhatha"ti. Tena ca samayena alavakakumarassa mata puttam nhapetva mandetva dukulacumbatake katva anke sayapetva nisinna hoti. Rajapurisa ranno anaya tattha gantva tam vippalapantiya ^3- tassa solasannanca devisahassanam saddhim dhatiya tam adaya pakkamimsu "sve yakkhabhakkho bhavissati"ti. Tamdivasanca bhagava paccusasamaye paccutthaya jetavanavihare mahagandhakutiyam ^4- mahakarunasamapattim samapajjitva buddhacakkhuna lokam volokento ^5- addasa alavakassa kumarassa anagamiphalupapattiya ^6- upanissayam yakkhassa ca sotapattiphalupapattiya, ^6- desanapariyosaneva ^7- caturasitiya panasahassanam dhammacakkhum patilabhassati. So vibhataya rattiya purimabhattakiccam katva sunitthitabhattakicco kalapakkhuposathadivase vattamane okkante ^8- suriye eko adutiyo pattacivaramadaya padamatteneva ^9- savatthito timsayojanani gantva tassa yakkhassa bhavanam pavisi. Tena vuttam "alavakassa yakkhassa bhavane"ti. Kim pana bhagava yasmim nigrodhe alavakassa bhavanam, tassa mule vihasi, udahu bhavaneyevati? bhavaneyeva. Yatheva hi yakkha attano bhavanam passanti, tatha bhagavapi. So tattha gantva bhavanadvare atthasi. Tada alavako himavante yakkhasamagamam tato hoti. Tato alavakassa dvarapalo gadrabho nama yakkho @Footnote: ¹ cha.Ma., i. rucciti varesi ² Ma. gacchatha re ³ Si. vilapantiya ⁴ cha.Ma. gandhakutiyam @⁵ cha.Ma. olokento ⁶ cha.Ma., i....phaluppattiya ⁷ cha.Ma., i. desanapariyosane ca @⁸ Si., i. ogate, Ma. uggate, cha.oggate, ⁹ cha.Ma., i. padamaggeneva

--------------------------------------------------------------------------------------------- page303.

Bhagavantam upasankamitva vanditva "kim bhante bhagava vikale agato"ti aha. Ama gadrabha agatomhi, sace te agaru, vihareyyamekarattim ^1- alavakassa bhavaneti. Na me bhante garu, apica kho so yakkho kakkhalo pharuso, matapitunampi abhivadanadini na karoti, ma ruci ^2- bhagavato idha vasoti. Janami gadrabha tassa bhavanam, ^3- na koci mamantarayo bhavissati. Sace te agaru, vihareyyamekarattinti. Dutiyampi gadrabho yakkho bhagavantam etadavoca "aggitattakapalasadiso bhante alavako, matapitaroti va samanabrahmanati va dhammoti va na janati, idhagatanam pana cittakkhepampi karoti, hadayampi phaleti, padepi gahetva parasamuddam va paracakkavalam va khipati"ti. Dutiyampi bhagava aha "janami gadrabha, sacepi te agaru, vihareyyamekarattin"ti. Na me bhante garu, apica kho so yakkho attano anarocetva anujanantam mam jivitapi voropeyya, arocemi bhante tassati. Yathasukham gadrabha arocehiti. "tenahi bhante tvameva janahi"ti bhagavantam abhivadetva himavantabhimukho pakkami. Bhavanadvarampi sayameva bhagavato vivaramadasi. Bhagava antobhavanam pavisitva yattha abhilakkhitesu mangaladivasadisu nisiditva alavako sirim anubhoti, tasmimyeva dibbaratanamaye pallanke nisiditva suvannabham munci. Tam disva yakkhassa itthiyo agantva bhagavantam vanditva samparivaretva nisidimsu. Bhagava "pubbe tumhe danam datva silam samadiyitva pujaneyye ^4- pujetva imam sampattim patta, idanipi tatheva karotha, ma annamannam issamacchariyabhibhuta viharatha"tiadina nayena tasam pakinnakadhammakatham kathesi. Ta bhagavato madhuranigghosam sutva sadhukarasahassani datva bhagavantam samparivaretva nisidimsuyeva. Gadrabhopi himavantam gantva alavakassarocesi "yagghe marisa janeyyasi, vimane te bhagava nisinno"ti. So gadrabhassa sannam akasi ^5- "tunhi ^6- hohi, gantva kattabbam karissama"ti ^7- purisamanena kira lajjito ahosi, tasma "ma koci parisamajjhe suneyya"ti evamakasi. @Footnote: ¹ cha.Ma.....rattam, evamuparipi ² cha.Ma. rucci ³ cha.Ma., i. sabhavam @⁴ cha.Ma. pujaneyyam ⁵ Ma. sannamadasi ⁶ Ma. tunhibhuto ⁷ cha.Ma., i. karissamiti

--------------------------------------------------------------------------------------------- page304.

Tada satagirihemavata ^1- bhagavantam jetavaneyeva vanditva "yakkhassa samagamam gamissama"ti saparivara nanayanehi akasena gacchanti. Akase ca yakkhanam sabbattha maggo natthi, ^2- akasatthani vimanani pariharitva maggatthaneneva maggo hoti. Alavakassa pana vimanam bhummattham suguttam pakaraparikkhittam susamvihitadvaraattalakagopuram uparikamsajalasanchannamanjusasadisam tiyojanam ubbedhena, tassa upari maggo hoti. Te tam padesam agamma gantum nasakkhimsu. Buddhananhi nisinnokasassa uparibhage ^3- yava bhavagga koci gantum na sakkoti. Te "kimidan"ti avajjitva ^4- bhagavantam disva akase khittaleddukam ^5- viya oruyha vanditva dhammam sutva padakkhinam katva "yakkhasamagamam gacchama bhagava"ti tini vatthuni pasamsanta yakkhasamagamam agamamsu. Alavako te disva "idha nisidatha"ti patikkamma okasamakasi. ^6- Te alavakassa nivedesum "labha te alavaka, ^7- yassa te bhavane bhagava viharati, gacchavuso bhagavantam payirupasassu"ti. Evam bhagava bhavaneyeva vihasi, na yasmim nigrodhe alavakassa bhavanam, tassa muleti, tena vuttam "ekam samayam bhagava alaviyam viharati alavakassa yakkhassa bhavane"ti. Athakho alavako yakkho .pe. Etadavoca "nikkhama samana"ti kasma panayam etadavoca? rosetukamataya. Tatrevam adito pabhuti sambandho veditabbo:- ayam hi yasma asaddhassa saddhakatha dukkatha hoti dussiladinam siladikatha viya, tasma tesam yakkhanam santika bhagavato pasamsam sutvayeva aggimhi pakkhittalonasakkhara viya abbhantare kopena tatatatayamanahadayo hutva "ko so bhagava nama, yo mama bhavanam pavittho"ti aha. Te ahamsu "na tvam avuso janasi bhagavantam amhakam sattharam, yo tusitabhavane thito pancamahavilokitam viloketva"tiadina nayena yava dhammacakkappavattana kathenta patisandhiadisu dvattimsapubbanimittani vatva "imanipi tvam avuso acchariyani na addasa"ti codesum. So disvapi kodhavasena "naddasan"ti aha. Avuso alavaka @Footnote: ¹ cha.Ma., i. satagirahemavata ² Si. neva yakkhanam sabbattha maggo atthi @³ cha.Ma., i. uparibhagena ⁵ cha.Ma. avajjetva ⁵ cha.Ma., i. khittaleddu @⁶ cha.Ma., i. okasamadasi ⁷ i. labha vata te alavaka, yassa te

--------------------------------------------------------------------------------------------- page305.

Passeyyasi va tvam, na va, ko taya attho passata va apassata va, kim tvam karissasi amhakam satthuno, yo tvam tam upanidhaya calakkakudhamahausabhasamipe tadahujatavacchako viya, tidha pabhinnamattavaranasamipe bhinkapotako viya, bhasuravilambitakesarasobhitakkhandhassa samipe jarasingalo viya, migaranno diyaddhayojanasatapavaddhakayasupannarajasamipe chinnapakkhakakapotako viya khayasi, gaccha yante karaniyam, tam karohiti. Evam vutte duttho alavako utthahitva manosilatale vamapadena thatva "passathadani tumhakam va sattha mahanubhavo, aham va"ti dakkhinapadena satthiyojanamattam kelasapabbatakutam akkami, tam ayokutapahato viya niddhantaayopindo papatika ^1- munci, so tatra thatva "aham alavako"ti ugghosesi. Sakalajambudipam saddo phari. Cattaro kira sadda sakalajambudipe suyyimsu ^2- :- yanca punnako yakkhasenapati dhananjayam korabyarajanam jutam khanitva appothetva ^3- "aham jinin"ti ugghosesi, yanca sakko devanamindo kassapassa bhagavato sasane osakkante vissukammadevaputtam sunakham karitva "aham papabhikkhu ca papabhikkhuniyo ca upasakupasikayo ca sabbeva ca adhammavadino khadami"ti ugghosesi, ^4- yanca kusajatake pabhavatihetu sattahi rajuhi nagare uparuddhe pabhavatim attana saha hatthikkhandhe aropetva nagara nikkhamma "aham sihassarakusamaharaja"ti ^5- mahapuriso ugghosesi, yanca kelasamuddhani thatva alavakoti. Tada hi sakalajambudipe dvare thatva ugghositasadiso ^6- ahosi. Tiyojanasahassavittharato ^7- ca himavapi sankampi yakkhassanubhavena. So vatamandalam samutthapesi "eteneva samanam palapessami"ti. Te puratthimadibheda vata samutthahitva addhayojanayojanadviyojanatiyojanappamanani pabbatakutani padaletva vanagaccharukkhadini uppiletva ^8- alavinagaram pakkhanta ^9- @Footnote: ¹ cha.Ma., i. papatikayo ² cha.Ma., i. suyimsu ³ cha.Ma., i. apphotetva @⁴ cha.Ma. ugghosapesi ⁵ cha.Ma. sihassaramahakusaraja ⁶ cha.Ma., i. ugghositasadisam @⁷ cha.Ma., i....vitthato ⁸ cha.Ma. ummulam katva, i. ummuletva ⁹ ka. pakkhanda

--------------------------------------------------------------------------------------------- page306.

Jinnahatthisaladini cunnanta ^1- chadanitthaka akase bhamanta. ^2- Bhagava "ma kassaci uparodho hotu"ti adhitthasi. Te vata dasabalam patva civarakannamattampi caletum nasakkhimsu. Tato mahavassam samutthapesi "udakena ajjhottharitva samanam maremi"ta. ^3- Tassanubhavena uparupari satapatalasahassapataladibheda valahaka utthahitva pavassimsu. Vutthidharavegena pathavi chidda ahosi. Vanarukkhadinam upari mahogho agantva dasabalassa civare ussavabindumattampi temetum nasakkhi. Tato pasanavassam samutthapesi. Mahantani mahantani pabbatakutani dhumayantani pajjalantani akasenagantava dasabalam patva dibbamalagulani sampajjimsu. Tato paharanavassam samutthapesi. Ekatodhara ubhatodhara asisattikhurappadayo dhumayanta pajjalanta akasenagantva dasabalam patva dibbapupphani ahesum. Tato angaravassam samutthapesi. Kimsukavanna angara akasenagantva dasabalassa padamule dibbapupphani hutva vikirayimsu tato kukkulavassam samutthapesi. Accunho kukkulo ^4- akasenagantva dasabalassa padamule candanacunnam hutva nipati. ^5- Tato valikavassam samutthapesi. Atisukhuma valika dhumayanta pajjalanta akasenagantva dasabalassa padamule dibbapupphani hutva nipatimsu. Tato kalalavassam samutthapesi. Tam kalalavassam dhumayantam pajjalantam akasenagantva dasabalassa padamule dibbagandham hutva nipati. Tato andhakaram samutthapesi "bhimsetva samanam palapessami"ti. Tam caturangasamannagatam andhakarasadisam hutva dasabalam patva suriyappabhavihatamiva andhakaram antaradhayi. Evam yakkho imahi navahi vatavassapasanapaharanangarakukkulavalikakalalandhakaravutthihi bhagavantam palapetum asakkonto nanavidhapaharanatthaya anekappakararupabhutaganasamakulaya caturanginiya senaya sayameva bhagavantam abhigato, te bhutagana anekappakare vikare katva "ganhatha hanatha"ti bhagavato upari agacchanta viya honti, apica kho niddhantalohapindam viya makkhika, bhagavantam alliyitum asamatthava @Footnote: ¹ cha.Ma. cunnenta ² cha.Ma., i. vidhamenta ³ cha.Ma., i. maressamiti @⁴ cha.Ma., i. accunha kukkula ⁵ cha.Ma., i. nipatimsu

--------------------------------------------------------------------------------------------- page307.

Ahesum. Evam santepi yatha bodhimande maro agatavelayameva nivatto, tatha anivattitva upaddharattimattam byakulamakamsu. Evam upaddharattimattam anekappakaravibhimsanakadassanenapi bhagavantam ca caletum asakkonto alavako cintesi "yannunaham kenaci ajeyyam dussavudham munceyyan"ti. Cattari kira avudhani lokasmim setthani:- sakkassa vajiravudham vessavannassa gadavudham yamassa nayanavudham alavakassa dussavudhanti. Yadi hi sakko ruddho ^1- vajiravudham sinerumatthake pahareyya, atthasatthisahassadhikayojanasatasahassam vinivijjhitva hetthato gaccheyya. Vessavannena kujjhanakale vissajjita gada ^2- bahunnam yakkhasahassanam sisam patetva puna hatthapasam agantva titthati. Yamena ruddhena nayanavudhena olokitamattena ^3- anekani kumbhandasahassani tattakapale tila viya pharantani vinassanti. Alavako ruddho sace akase dussavudham munceyya, dvadasavassani devo na vasseyya. Sace pathaviyam munceyya. Sabbarukkhatinadini sussitva dvadasavassantare na puna viruheyyum. Sace samudde munceyya, tattakapale udakabindu viya sabbamudakam susseyya. Sace sinerusadisepi pabbate munceyya, khandakhandam hutva vikireyya, so evam mahanubhavam dussavudham uttariyakatam ^4- muncitva aggahesi. Yebhuyyena dasasahassilokadhatudevata vegena sannipatimsu "ajja bhagava alavakam damessati, tattha dhammam sossama"ti. Yuddhadassanakamapi devata sannipatimsu. Evam sakalampi akasam devatahi punnam ahosi. ^5- Atha alavako bhagavato samipe uparupari vicaritva vatthavudham munci. Tam asanivicakkam viya akase bheravasaddam karontam dhumayantam pajjalantam bhagavantam patva yakkhassa manamaddanattham padapunjacolam ^6- hutva padamule nipati. Alavako tam disva chinnavisano viya usabho uddhatadatho viya sappo nittejo nimmado @Footnote: ¹ cha.Ma. duttho, i. ruttho, evamuparipi ² i. visajjitam tadavudham @³ cha.Ma. olokitamatte ⁴ cha.Ma. uttarisatakam, i. uttarasatakam @⁵ cha.Ma., i. paripunnam ⁶ cha.Ma., i. padapunchanacolam

--------------------------------------------------------------------------------------------- page308.

Nipatitamanatthaddho ^1- hutva cintesi "dussavudham ^2- me samanam nabhibhosi, ^3- kim nu kho karanan"ti "idam karanam, mettaviharayutto samano, handa nam rositva mettaya viyojemi"ti imina sambandhenetam vuttam:- athakho alavako yakkho yena bhagava .pe. Nikkhama samanati. Tatthayamadhippayo:- kasma maya ananunnato mama bhavanam pavisitva gharasamiko viya itthagarassa majjhe nisinnosi, ananuyuttametam samanassa yadidam adinnaparibhogo itthisamsaggo ca. Tasma yadi tvam samanadhamme thito, nikkhama samanati. Eke pana "etani annani ca pharusavacanani vatva evayam etadavoca"ti bhananti. Atha bhagava "yasma thaddho patithaddhabhavena vinetum na sakka, so hi patithaddhabhave kayiramane seyyathapi candassa kukkurassa nasaya pittam bhindeyya, ^4- so bhiyyoso mattaya candataro assa, evam thaddhataro hoti, muduna pana so sakka vinetun"ti natva sadhavusoti piyavacanena tassa piyavacanam ^5- sampaticchitva nikkhami. Tena vuttam sadhavusoti bhagava nikkhamiti. Tato alavako "subbaco vatayam samano ekavacaneneva nikkhanto, evam nama nikkhametum sukham samanam akaranenaham ^6- sakalarattim yuddhena abbhuyyasin"ti muducitto hutva puna cintesi "idanipi na sakka janitum, kim nu kho subbacataya nikkhanto udahu kodhano, handaham vimamsami"ti. Tato pavisa samanati aha. Atha subbacoti mudubhutacittassa cittavavatthanakaranattham ^7- puna piyavacanam vadanto sadhavusoti bhagava pavisi. Alavako punappunam tameva subbacabhavam vimamsanto dutiyampi tatiyampi nikkhama pavisati aha. Bhagavapi tatha akasi. Yadi na kareyya, pakatiyava ^8- thaddhayakkhassa cittam thaddhataram hutva dhammakathaya bhajanam na bhaveyya. Tasma yatha nama mata rodantam puttakam yam so icchati, tam datva va katva va sannapesi, tatha bhagava kilesarodanena rodantam yakkham sannapetum yam so bhanati, tam akasi. Yatha ca dhati thannam apivantam darakam yankinci ^9- datva @Footnote: ¹ cha.Ma., i. nipatitamanaddhajo ² cha.Ma., i. dussavudhampi ³ ka. navibhosi, @Ma. nadhibhosi ⁴ tika. yasinceyyati ⁵ cha.Ma., i. vacanam ⁶ cha.Ma., i. akaranenevaham @⁷ cha.Ma. mudubhutacittavavatthanakaranattham ⁸ cha.Ma., i. pakatiyapi ⁹ cha.Ma. kinci

--------------------------------------------------------------------------------------------- page309.

Upalaletva payeti, tatha bhagava yakkham lokuttaradhammakhiram payetum tassa kathitavacanakaranena ^1- upalalento evamakasi. Yatha ca puriso labumhi catumadhuram puretukamo tassa abbhantaram sodheti, evam bhagava yakkhassa citte lokuttaracatumadhuram puretukamo tassabbhantare kodhamalam sodhetum yava tatiyam nikkhamanapavisanam akasi. Athalavako "subbaco ayam samano, `nikkhama'ti vutto nikkhamati, `pavisa'ti vutto pavisati, yannunaham imam samanam evameva sakalarattim kilametva pade gahetva paragangaya khipeyyan"ti papakam cittam uppadetva catutthavaram aha nikkhama samanati. Tam natva bhagava na khvahantanti aha. Evam ^2- vutte taduttarikaraniyam pariyesamano panham pucchitabbam mannissati, tam dhammakathaya sukham bhavissatiti natva na khvahantanti aha. Tattha naiti patikkhepe. Khoti avadharane. Ahanti attanidassanam. Tanti hetuvacanam. Tenevettha "yasma tvam evam cintesi, tasma aham avuso neva nikkhamissami, yam te karaniyam, tam karohi"ti evamattho datthabbo. Tato alavako yasma pubbepi akasena gamanavelayam "kim nu kho evam ^3- suvannavimanam, udahu rajatamanivimananam annataram, handa nam passama"ti ^4- evam attano vimanam agate iddhimante tapasaparibbajake panham pucchitva vissajjetum asakkonte cittakkhepadihi vihetheti, tasma bhagavantampi tatha vihethessamiti mannamano panham tantiadimaha. Kuto panassa panhoti? ^5- tassa kira matapitaro kassapabhagavantam Payirupasitva attha panhe saha vissajjanena uggahesum, te daharakale alavakam pariyapunapesum, so kalaccayena vissajjanam sammussi. Tato "ime panhapi ma vinassantu"ti suvannapatte jatihingulakena lekhapetva vimane nikkhipi. Evameva te ^6- putthapanha buddhavisayava honti. Bhagava tam sutva yasma buddhanam @Footnote: ¹ cha.Ma. patthitavacanakaranena ² cha.Ma. evam va ³ cha.Ma., i. etam @⁴ Ma. passissamati ⁵ cha.Ma., i. panhati ⁶ cha.Ma., i. evamete

--------------------------------------------------------------------------------------------- page310.

Pariccattalabhantarayo va jivitantarayo va sabbannutananabyamappabhanam patighato ^1- va na sakka kenaci katum, tasma nam loke asadharanam buddhanubhavam dassento na khvahantam avuso passami sadevake loketiadimaha. Evam bhagava tassa badhanacittam patisedhetva panhapucchane ussaham janento aha apica tvam avuso puccha, yadakankhasiti. Tassattho:- puccha, yadi akankhasi, na me panhavissajjane bharo atthi. Athava puccha yam akankhasi, sabbantam te ^2- vissajjessamiti sabbannupavaranam pavareti ^3- asadharanam paccekabuddhaaggasavakamahasavakehi. Evam bhagavata sabbannupavaranaya pavaritaya athakho alavako yakkho bhagavantam gathaya ajjhabhasiti. Tattha kimsudha vittanti kimsu idha vittam. Vittanti dhanam. Tam hi pitisankhatam vittim karoti, tasma "vittan"ti vuccati. Sucinnanti sukatam. Sukhanti kayikacetasikam satam. Avahatiti avahati aneti deti appeti. Haveiti dalhatthe nipato. Sadutaranti atisayena sadu. "sadhutaran"tipi patho. Rasananti rasasannitanam dhammanam. Kathanti kena pakarena. Kathamjivino jivitam kathamjivijivitam. ^4- Gathabandhasukhattham pana sanunasikam vuccati. Kathamjivijivitanti va patho, tassa "jivantanam kathamjivin"ti attho. Evam imaya gathaya "kimsu idha loke purisassa vittam settham, kimsu sucinnam sukhamavahati, ^5- kimsu have sadhutaram rasanam, kathamjivijivitam setthamahu"ti ^5- ime cattaro panhe pucchi. Athassa bhagava kassapadasabalena vissajjitanayeneva vissajjento imam gathamaha saddhidha vittanti. Tattha yatha hirannasuvannadivittam upabhogasukham avahati, khuppipasadidukkham patibahati, daliddiyam vupasameti, muttadiratanapatilabhahetu hoti, lokasantatim ca avahati, evam lokiyalokuttara saddhapi yathasambhavam lokiyalokuttaram vipakasukhamavahati, saddhadhurena patipannanam jatijaradidukkham patibahati, gunadaliddiyam vupasameti, satisambojjhangadiratanapatilabhahetu hoti. @Footnote: ¹ cha.Ma....byamappabhadipatighato, i....byamappabhadipatighate ² cha.Ma., i. sabbam te @³ cha.Ma., i. sabbannupavaranam pavaresi ⁴ cha.Ma., i. kathamjivi jivitam, evamuparipi @^5-5 cha.Ma. kim rasanam sadutaram, katham jivitam setthamahuti, @i. kim .pe. katham jivino jivitam

--------------------------------------------------------------------------------------------- page311.

"saddho silena sampanno yasobhogasamappito yam yam padesam bhajati tattha tattheva pujito"ti ^1- vacanato lokasantatim ca avahatiti katva "vittan"ti vuttam. Yasma panetam ^2- saddhavittam anugamikam anannasadharanam sabbasampattihetu, lokiyassa hirannasuvannadivittassapi nidanam. Saddhoyeva hi danadini punnani katva vittam adhigacchati, assaddhassa pana vittam yavadeva anatthaya hoti, tasma setthanti vuttam. Purisassati ukkatthaparicchedadesana. Tasma na kevalam purisassa, itthiadinampi saddhavittameva setthanti veditabbam. Dhammoti dasakusaladhammo, danasiladidhammo va. ^3- Sucinnoti sukato sucarito. Sukhamavahatiti sonasetthiputtaratthapaladinam viya manussasukham, sakkadinam viya dibbasukham, pariyosane mahapadumadinam viya nibbanasukhanca avahati. Saccanti ayam saccasaddo anekesu atthesu dissati. Seyyathidam? "saccam bhane Na kujjheyya"tiadisu ^4- vacasacce. "sacce thita samanabrahmana ca"tiadisu ^5- viratisacce. "kasma nu saccani vadanti nana, pavadiyase kusalavidana"tiadisu ^6- ditthisacce. Cattarimani bhikkhave brahmanasaccani"tiadisu ^7- brahmanasacce. "ekam hi saccam na dutiyamatthi"tiadisu ^8- paramatthasacce. "catunnam saccanam kusala"tiadisu ^9- ariyasacce. Idha pana paramatthasaccam nibbanam viratisaccanca abbhantaram katva vacasaccam adhippetam, yassanubhavena udakadini vase vattenti, jatijaramanaparam taranti. Yathaha:- @Footnote: ¹ khu. dhamMa. 25/303/68 cittagahapativatthu ² cha.Ma. pana tesam @³ cha.Ma. danasilabhavanadhammo va, i. dasakusalakammapathadhammo, danasilabhavanadhammo va @⁴ khu. dhamMa. 25/234/56 mahamoggallanattherapanhavatthu @⁵ khu. ja. 28/358/140 mahasutasomajataka (sya) @⁶ khu. sutta. 25/892/508 culaviyuhasutta ⁷ an. catukka. 21/185/201 samanasaccasutta @⁸ khu. sutta. 25/991/508, khu. maha. 29/549/351 culaviyuhasuttaniddesa (sya) @⁹ abhi. vibhanga. 35/216/134

--------------------------------------------------------------------------------------------- page312.

"saccavadena udakam ^1- pidhayati ^2- visampi saccena hananti pandita saccena devo thanayam pavassati sacce thita nibbutim patthayanti. Yekecime atthi rasa pathabya saccam tesam sadutaram rasanam sacce thita samanabrahmana ca taranti jatimaranassa paran"ti. ^3- Sadutaranti sadutaram madhurataram panitataram. Rasananti ye ime "mularaso khandharaso"tiadina ^4- nayena sayaniyadhamma, yekecime ^5- "anujanami bhikkhave sabbam phalarasam, ^6- arasarupo bhavam gotamo, ye te brahmana ruparasa saddarasa, ^7- anapatti. Rasarase, ^8- ayam dhammavinayo ekaraso vimuttiraso, ^9- bhagi va bhagava attharasassa dhammarasassa"tiadina ^10- nayena dhutavasupavajjaavasesabyanjanadayo ^11- "dhammarasa"ti vuccanti, tesam rasanam saccam have sadutaram saccameva sadutaram. Sadhutaranti va setthataramuttamataram. Mularasadayo hi sariramupabruhenti, sankilesikanca sukhamavahanti. Saccarase viratisaccavacasaccaraso ^12- samathavipassanadihi cittamupabruheti, asankilesikanca sukhamavahanti. Vimuttiraso paramatthasaccarasaparibhavitatta sadu, attharasadhammarasa ca tadadhigamupayabhutam atthanca dhammanca nissaya pavatti hoti. ^13- Pannajivim jivitanti ^14- ettha pana svayam ^15- andhekacakkhudvicakkhukesu dvicakkhupuggalo gahattho va @Footnote: ¹ Ma. saccena vadenudakampi, cha. saccena vacenudakamhi ² Si., i. gadhati, cha.Ma. dhavati @³ khu.ja. 28/358/140 (sya) ⁴ abhi. sangani. 34/628/193 rupavibhatti @⁵ cha.Ma., i. yecime ⁶ vinaYu. maha. 5/300/84 @⁷ vinaYu. mahavi. 1/3/2, an. atthaka. 23/101(11)/175(sya) ⁸ vinaYu. @mahavi. 2/609/398 ⁹ vinaYu. cula. 7/385/209, an. atthaka. 23/109(19)/205(sya) @¹⁰ khu. maha. 29/698/407, khu. cula. 30/65/11 (sya) ¹¹ cha.Ma. rupacararasupavajja @avasesabyanjanadayo, i. dravacarasupakhajjaavasesabyanjanadayo @¹² i. saccarase viratisaccavacasaccarasa ¹³ cha.Ma., i. pavattitoti @¹⁴ ka. pannajivinti ¹⁵ cha.Ma., i. yvayam

--------------------------------------------------------------------------------------------- page313.

Kammantanutthanasaranagamanadanasamvibhagasilasamadanuposathakammadigahatthapatipadam, pabbajito va avipatisarakasilasankhatam taduttaricittavisuddhiadibhedam ^1- pabbajitapatipadam pannaya aradhetva jivati, tassa pannaya jivino jivitam, tam pannajivim jivitam ^2- setthamahuti evamattho datthabbo. Evam bhagavata vissajjite cattaropi panhe sutva attamano yakkho avasesepi cattaro panhe pucchanto kathamsu tarati oghanti gathamaha. Athassa bhagava purimanayeneva vissajjento saddhaya taratiti gathamaha. Tattha kincapi yo catubbidhamogham tarati so samsarannavampi tarati, vattadukkhampi acceti, kilesamalampi ^3- parisujjhati, evam santepi pana yasma assaddho oghataranam asaddahanto na pakkhandati, pancasu kamagunesu cittavossaggena pamatto tattheva sattataya ^4- samsarannavam na tarati, kusito dukkham viharati vokinno akusalehi dhammehi, appanno suddhimaggam ajananto na parisujjhati, tasma tappatipakkham dassentena bhagavata ayam gatha vutta. Evam vuttaya cetaya yasma sotapattiyangapadatthanam saddhindriyam, tasma saddhaya tarati oghanti imina padena ditthoghataranam sotapattimaggam sotapannanca pakaseti. Yasma pana sotapanno kusalanam dhammanam bhavanaya sataccakiriyasankhatena appamadena samannagato dutiyamaggam aradhetva thapetva sakidevimam lokam agamanamaggam avasesam sotapattimaggena atinnam bhavoghavatthum samsarannavam tarati, tasma appamadena annavanti imina padena bhavoghataranam sakadagamimaggam sakadagaminca pakaseti. Yasma ca sakadagami viriyena tatiyamaggam aradhetva sakadagamimaggena anatitam kamoghavatthum kamoghasannitanca kamadukkhamacceti, tasma viriyena dukkhamaccetiti imina ^5- padena kamoghataranam anagamimaggam anagaminca pakaseti. Yasma pana anagami vigatakamasannaya parisuddhaya pannaya ekantaparisuddham catutthamaggapannam aradhetva anagamimaggena appahinam avijjasankhatam paramamalam pajahati, tasma pannaya parisujjhatiti imina padena @Footnote: ¹ cha.Ma....bhedampi, i....bhedam va ² cha.Ma. tam va pannajivitam @³ cha.Ma., i. kilesamalapi ⁴ cha.Ma. visattatta, i. tatrevasattavisattatta @⁵ Si.iminapi

--------------------------------------------------------------------------------------------- page314.

Avijjoghataranam arahattamagganca arahattanca pakaseti. Imaya ca arahattanikutena kathitaya gathaya pariyosane yakkho sotapattiphale patitthasi. Idani tameva "pannaya parisujjhati"ti ettha vuttam pannapadam gahetva attano patibhanena lokiyalokuttaramissakam panham pucchanto kathamsu labhate pannanti imam chappadam gathamaha. Tattha kathamsuti sabbattheva atthayuttipuccha hoti. Ayam hi pannadiattham natva tassa yuttim pucchati "katham kaya yuttiya kena karanena pannam labhati"ti. Esa nayo dhanadisu. Athassa bhagava catuhi karanehi pannalabham dassento saddahanotiadimaha. Tassattho:- yena pubbabhage kayasucaritadibhedena aparabhage ca sattatimsabodhipakkhiyabhedena dhammena arahanto buddhapaccekabuddhasavaka nibbanappatta, tam saddahano arahatam dhammam nibbanapattiya lokiyalokuttarapannam labhati, tanca kho na saddhamattakeneva. Yasma pana saddhajato upasankamati, upasankamanto payirupasati, payirupasanto sotam odahati, ohitasoto dhammam sunati, tasma upasankamanato pabhuti yava dhammassavanena sussusam labhati. Kim vuttam hoti:- tam dhammam saddahitvapi acariyupajjhaye kalena upasankamitva vattakaranena payirupasitva yada payirupasanaya aradhitacitta kinci vattukama honti, atha adhigataya sotukamataya sotam odahitva sunanto labhatiti. Evam sussusampi ca satiavippavasena appamatto subhasitadubbhasitannutaya vicakkhanoeva labhati, na itaro. Tenaha "appamatto vicakkhano"ti. Evam yasma saddhaya pannalabhasamvattanikam patipadam patipajjati, sussusaya sakkaccam pannadhigamupayam sunati, appamadena gahitam na pammussati, ^1- vicakkhanataya anunadhikam aviparitanca gahetva vittharikam karoti. Sussusaya va ohitasoto pannapatilabhahetum dhammam sunati, appamadena sutadhammam dhareti, vicakkhanataya dhatanam dhammanam atthamupaparikkhati, anupubbena ^2- paramatthasaccam sacchikaroti, tasmassa @Footnote: ¹ cha.Ma., i. pamussati ² cha.Ma., i. athanupubbena

--------------------------------------------------------------------------------------------- page315.

Bhagava "kathamsu labhate pannan"ti puttho imani cattari karanani dassento imam gathamaha:- ^1- saddahano .pe. Vicakkhanoti. ^1- Idani tato pare tayo panhe vissajjento patirupakariti imam gathamaha. Tattha desakaladini ahapetva lokiyassa lokuttarassa va dhanassa patirupam adhigamupayam karotiti patirupakari. Dhuravati cetasikaviriyavasena anikkhittadhuro. Utthatati "yo ca sitanca unhanca, tina bhiyyo na mannati"tiadina ^2- nayena kayikaviriyavasena utthanasampanno asithilaparakkamo. Vindate dhananti ekamusikaya nacirasseva catusatasahassasankham culakantevasi viya lokiyadhananca mahallakamahatissatthero ^3- viya lokuttaradhananca labhati. So "tihiyeva iriyapathehi viharissami"ti vattam katva thinamiddhagamavelaya palalacumbatakam temetva sise katva galappamanam udakam pavisitva thinamiddham patibahanto dasahi vassehi arahattam papuni. Saccenati vacisaccenapi "saccavadi bhutavadi"ti, paramatthasaccenapi "buddho paccekabuddho ariyasavako"ti evam kittim pappoti. Dadanti yankinci icchitapatthitam dadanto mattani ganthati, sampadeti karotiti attho. Duddadam va dadam tam ganthati. Danamukhena va cattaripi sangahavatthuni gahitaniti veditabbani, tehi mittani karotiti vuttam hoti. Evam gahatthapabbajitanam sadharanena lokiyalokuttaramissakena nayena cattaro panhe vissajjetva idani "katham pecca na socati"ti imam pancamam panham gahatthavasena vissajjento yassetetiadimaha. Tassattho:- yassa "saddahano arahatan"ti ettha vuttaya sabbakalyanadhammuppadikaya saddhaya samannagatatta saddhassa, gharamesinoti ettha ^4- gharavasam panca va kamagune esantassa gavesantassa kamabhogino gahatthassa "saccena kittim pappoti"ti ettha vuttappakaram saccam, "sussusam labhate pannan"ti ettha sussusapannanamena vuttova dhammo, "dhurava utthata"ti ettha dhuranamena utthananamena ca vutta dhiti, @Footnote: ^1-1 cha.Ma., i. ime patha na dissanti ² khu. thera. 26/232/308 @matangaputtattheragatha ³ Ma. mallakamahatissatthero ⁴ cha.Ma. ayam patho na dissati

--------------------------------------------------------------------------------------------- page316.

"dadam mittani ganthati"ti ettha vuttappakaro cago cati ete caturo dhamma santi, sa ve pecca na socatiti idhaloka paralokam gantva sa ve pecca na socatiti. Evam bhagava pancamampi panham vissajjetva tam yakkham codento ingha annepitiadimaha. Tattha inghati codanatthe nipato. Annepiti annepi dhamme puthu samanabrahmane pucchassu. Annepi va puranadayo sabbannupatinne puthu samanabrahmane pucchassu, yadi amhehi "saccena kittim pappoti"ti ettha vuttappakara sacca bhiyyo kittippattikaranam va, "sussusam labhate pannanti ettha sussusati pannapadesena vutta damma bhiyyo lokiyalokuttarapannapatilabhakaranam va, "dadam mittani ganthati"ti ettha vuttappakara caga bhiyyo mittaganthanakaranam va, "dhurava utthata"ti ettha tam tam atthavasam paticca dhuranamena utthananamena ca vuttaya mahabharaharanatthena ^1- ussolhibhavappattaya viriyasankhataya khantya bhiyyo lokiyalokuttaradhanavindanakaranam va, "saccam dhammo dhiti cago"ti evam vuttehi imeheva catuhi dhammehi bhiyyo asma loka paralokam gantva ^2- pecca asocanakaranam va idha vijjatiti ayamettha saddhim sankhepayojanaya atthavannana. Vittharato pana ekamekam padam atthuddharapaduddharapadavannananayehi vibhajitva veditabba. Evam vutte yakkho yena samsayena anne puccheyya, tassa pahinatta katham nu dani puccheyyam, puthu samanabrahmaneti vatva yepissa apucchanakaranam na jananti, tepi janapento yoham ^3- ajja pajanami, yo attho samparayikoti aha. Tattha ajjati ajjadikam ^4- katvati adhippayo. Pajanamiti yathavuttena pakarena janami. Yo atthoti ettavata "sussusam labhate pannan"tiadina nayena vuttam ditthadhammikam dasseti. Samparayikoti imina "yassete caturo dhamma"ti vuttam pecca sokabhavakaram ^5- samparayikam. Atthoti ca karanassetam @Footnote: ¹ cha.Ma., i. mahabharasahanatthena ² cha.Ma. ayam patho na dissati ³ Si. soham @⁴ cha.Ma., i. ajjadim ⁵ cha.Ma. sokabhavakaranam

--------------------------------------------------------------------------------------------- page317.

Adhivacanam. Ayanhi atthasaddo "sattham sabyanjanan"ti ^1- evamadisu pathatthe ^2- vattati. "attho me gahapati hirannasuvannena"tiadisu ^3- vikkhane. ^4- "hoti silavatam attho"tiadisu ^5- vuddhimhi. "bahujano bhajate atthahetu"tiadisu dhane. "ubhinnamattham carati"tiadisu ^6- hite. "atthe jate ca panditan"tiadisu ^7- karane. Idha pana karane. Tasma yam pannadilabhadinam ^8- karanam ditthadhammikam, yanca pecca sokabhavassa karanam samparayikam, tam yoham ajja bhagavata vuttanayena samamyeva pajanami, so katham ^9- nu dani puccheyyam puthu samanabrahmaneti evamettha sankhepato attho veditabbo. Evam yakkho "pajanami yo attho samparayiko"ti vatva tassa nanassa bhagavammulakattam dassento atthaya vata me buddhoti aha. Tattha atthayati hitaya vuddhiya va. ^10- Yattha dinnam madapphalanti "yassete caturo dhamma"ti ettha vuttacagena yattha dinnam mahapphalam, tam aggadakkhineyyam buddham pajanamiti attho. Keci pana "samgham sandhaya evamaha"ti bhananti. Evam imaya gathaya attano hitadhigamam dassetva idani sahitapatipattim dipento so aham vicarissami"tiadimaha. Tattha gama gamanti devagama devagamam. Pura puranti devanagarato devanagaram. Namassamano sambuddham, dhammassa ca sudhammatanti "sammasambuddho vata bhagava, svakkhato vata bhagavata dhammo"tiadina nayena buddhasubodhitanca, dhammasudhammatanca, casaddena "supatipanno vata bhagavato savakasamgho"tiadina samghasuppatipattinca ^11- abhitthavitva namassamano dhammaghosako hutva vicarissamiti vuttam hoti. @Footnote: ¹ vinaYu. mahavi. 1/1/1 veranjakanda, di.sila. 9/255/37 ambatthasutta ² Si. padatthe @³ di. maha. 10/250/153 gahapatiratana, Ma. upari. 14/258/227 balapanditasutta @⁴ i. acikkhane ⁵ khu. ja. ekaka. 27/11/4 lakkhanajataka (sya) @⁶ khu. ja. sattaka. 27/1033/221 kapijataka, sam. saga. 15/250/267 vepacittisutta, @khu.thera. 26/443/337 brahmadattattheragatha ⁷ khu. ja. ekaka. 27/92/30 @madasarajataka (sya) ⁸ Ma. pannaya labhadinam, i. pannadilabhakaranam @⁹ i. so aham katham ¹⁰ Si. samghasuppannatanca ¹¹ cha.Ma., i. ca

--------------------------------------------------------------------------------------------- page318.

Evamimaya gathaya pariyosanam ca rattivibhavanam ca sadhukarasaddutthananca alavakakumarassa yakkhabhavanam anayananca ekakkhaneyeva ahosi. Rajapurisa sadhukarasaddam sutva "evarupo sadhukarasaddo thapetva buddhe na annesam abbhuggacchati, agato nu kho bhagava"ti avajjenta bhagavato sarirappabham disva pubbe viya bahi athatva nibbisanka ^1- antoyeva pavisitva addasamsu bhagavantam yakkhassa bhavane nisinnam, yakkham ca anjalim paggahetva thitam. Disvana yakkham ahamsu "ayam te mahayakkha rajakumaro balikammaya anito, handa nam khada va bhunja va, yathapaccayam va karohi"ti. So sotapannataya ^2- lajjito visesena ca bhagavato purato evam vuccamano atha tam kumaram ubhohi hatthehi patiggahetva bhagavato upanamesi "ayam bhante kumaro mayham pesito, imaham bhagavato dammi, hitanukampaka buddha, patigganhatu bhante bhagava imam darakam imassa hitatthaya sukhatthaya"ti. Imanca gathamaha:- "imam kumaram satapunnalakkhanam sabbangupetam paripunnabyanjanam udaggacitto sumano dadami te patiggaha lokahitaya cakkhuma"ti. Patiggahesi bhagava kumaram. Patigganhanto ca yakkhassa ca kumarassa ca mangalakaranattham padunagatham abhasi. Tam yakkho kumaram saranam gamenno tikkhattum catutthapadena puresi. Seyyathidam:- "dighayuko hotu ayam kumaro tuvanca yakkha sukhito bhavahi abyadhita lokahitaya titthatha ayam kumaro saranamupeti buddham. @Footnote: ¹ Ma.nirasanka ² cha.Ma., i. sotapannatta

--------------------------------------------------------------------------------------------- page319.

Dighayuko hotu ayam kumaro tuvanca yakkha sukhito bhavahi abyadhita lokahitaya titthatha ayam kumaro saranamupeti dhammam. Dighayuko hoti ayam kumaro tuvanca yakkha sukhito bhavahi abyadhita lokahitaya titthatha ayam kumaro saranamupeti samghan"ti. Atha bhagava kumaram rajapurisanam adasi "imam vaddhetva puna mameva detha"ti. Evam so kumaro rajapurisanam hatthato yakkhassa hattham, yakkhassa hatthato bhagavato hattham, bhagavato hatthato puna rajapurisanam hattham gatatta namato "hatthako alavako"ti jato. Tam adaya patinivatte rajapurise disva kassakavanakammikadayo "kim yakkho kumaram atidaharatta na icchi"ti bhita pucchimsu. Rajapurisa "ma bhayatha, khemam katanca ^1- bhagavata"ti sabbamarocesum. Tato "sadhu sadhu"ti sakalam alavinagaram ekakolahalena yakkhabhimukham ahosi. Yakkhopi bhagavato bhikkhacarakale anuppatte pattacivaram gahetva upaddhamaggam agantva ^2- nivatti. Atha bhagava nagare pindaya caritva katabhattakicco nagaradvare annatarasmim vivitte rukkhamule pannattapavarabuddhasane ^3- nisidi. Tato mahajanakayena saddhim raja ca nagara ca ekato sampinditva bhagavantam upasankamma vanditva parivaretva nisinna "katham bhante evam darunam yakkham damayittha"ti pucchimsu. Tesam bhagava yuddhamadim katva "evam navavidham vassam vassitva ^4- evam vibhimsanakam akasi, evam panham pucchi, tassaham evam vissajjesin"ti tamevalavakasuttam kathesi. @Footnote: ¹ cha.Ma., i. patam ² cha.Ma. anugantva, i. gantva @³ cha.Ma. pannattavara..., i. pannattabuddhasane ⁴ cha.Ma. vassetva, i. vassi

--------------------------------------------------------------------------------------------- page320.

Kathapariyosane ^1- caturasitipanasahassani dhammabhisamayo ahositi. ^2- Tato raja ceva nagara ca vessavannamaharajassa bhavanasamipe yakkhassa bhavanam katva pupphagandhadisakkarupetam niccabalim pavattesum. Tanca kumaram vinnutam pattam "tvam bhagavantam nissaya jivatam labhi, gaccha bhagavantamyeva payirupasassu bhikkhusamghanca"ti vissajjesum. So bhagavantanca bhikkhusamghanca payirupasamano nacirasseva anagamiphale patitthaya sabbam buddhavacanam uggahetva pancasataupasakaparivaro ahosi. Bhagava ca nam etadagge niddisi "etadaggam bhikkhave mama savakanam upasakanam catuhi sangahavatthuhi ^3- parisam sanganhantanam yadidam hatthako alavako"ti. ^4- Dvadasama. Iti yakkhasamyuttavannana nitthita. ------------- @Footnote: ¹ i. suttapariyosane ² cha.Ma., i. ahosi ³ ka. vatthuhi @⁴ an. ekaka. 20/251/27 etadagga...chatthavagga

The Pali Atthakatha in Roman Book 11 page 300-320. http://84000.org/tipitaka/atthapali/read_rm.php?B=11&A=7749&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=7749&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=838 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=6878 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=6146 The Pali Tipitaka in Roman Character :- http://84000.org/tipitaka/read/roman_read.php?B=15&A=6146 Contents of The Tipitaka Volume 15 http://84000.org/tipitaka/read/?index_15