AtthaPali Vol.11

3. Natthiputtasamasuttavannana [13] Tatiye natthi puttasamam pemanti virupepi hi attano putte ^2- suvannabimbakam viya mannanti, malagule viya sisadisu katva pariharamana tehi ohanitapi ^3- opitihitapi gandhavilepanam paticchanta ^3- viya somanassam apajjanti. Tenaha "natthi puttasamam peman"ti. Puttapemena samam pemam nama natthiti vuttam hoti. Gosamikam ^4- dhananti gohi samam godhanasamam godhanasadisam annam dhanam nama natthi bhagavati aha. Suriyasama abhati suriyabhaya sama anna abha nama natthiti dasseti. Samuddaparamati ye keci anne sara nama, sabbe te samuddaparama, samuddo tesam uttamo, samuddasadisam annam udakanidanannama natthi bhagavati. Yasma pana attapemena samam pemam nama natthi. Matapitadayo ^5- hi chaddetvapi puttadhitadayo ^6- ca chaddetva avasetvapi ^7- satta attanameva posenti. Dhannena ca samam dhanam nama natthi. Yada hi satta dubbhikkha honti, tatharupe hi kale ^8- hirannasuvannadinipi gomahisadinipi dhannaggahanattham dhannasamikanameva santikam gahetva gacchanti. Pannaya ca sama abha nama natthi. Suriyadayopi ^9- ekadesamyeva obhasenti, paccuppannameva ca tamam vinodenti. Panna pana dasasahassilokadhatum ^10- ekappajotam katum sakkoti, atitamsadipaticchadakanca @Footnote: ¹ cha.Ma., i. itisaddo na dissati ² cha.Ma., i. puttake @^3-3 cha.Ma. ohaditapi omuttikapi gandhavilepanapatita, i. opatitapi omuttitapi @ohanitapi gandhavilepanam patitam ⁴ cha. gosamitam dhananti i. gosamitanti @⁵ Ma. matapitaro ⁶ Ma. puttadhitaro ⁷ cha.Ma., i. amosetvapi ⁸ i. kule. @⁹ cha.Ma., i. hi. ¹⁰ cha.Ma., i. dasasahassimpi lokadhatum Tamam vidhamati. Meghavutthiya ca samo saro nama natthi. Nadi vapi hotu talakadini va, vutthisamo saro nama natthi. Meghavutthiya hi pacchinnaya mahasamudde ^1- angulipabbatemanamattampi udakam na hoti, vutthiya pana pavattamanaya yava abhassarabhavanapi ekodakam hoti. Tasma bhagava devataya patigatham vadanto natthi attasamam pemantiadimaha. Natthiputtasamasuttavannana nitthita. -----------------------

The Pali Atthakatha in Roman Book 11 page 32-33. http://84000.org/tipitaka/atthapali/read_rm.php?B=11&A=831&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=831&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=28 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=170 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=154 The Pali Tipitaka in Roman Character :- http://84000.org/tipitaka/read/roman_read.php?B=15&A=154 Contents of The Tipitaka Volume 15 http://84000.org/tipitaka/read/?index_15