บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Vepacittisuttavannana [250] Catutthe vepacittiti so kira asuranam sabbajetthako. Yenati nipatamattam nanti tam. 1- Kanthapancamehiti dvisu hatthesu padesu kanthe cati evam pancahi bandhanehi. Tani pana nalinasuttam viya makkatakasuttam viya ca cakkhussapatham agacchanti, iriyapatham rumhanti 2- tehi pana citteneva bajjhati. Citteneva muccati. Akkosatiti corosi balosi mulhosi thenosi otthosi gonosi gadrabhosi nerayikosi tiracchanagatosi, natthi tuyham sugati, duggatiyeva tuyham sugati, duggatiyeva tuyham patikankhati imehi dasahi akkosavatthuhi akkosati. Paribhasatiti jarasakka na tvam sabbakalam jinissasi, yada asuranam jayo bhavissati, tada tampi evam bandhitva asurabhavanassa dvare nipajjapetva pothapessamitiadini 3- vatva tajjeti. Sakko vijitavijayo na tam manasikaroti, mahapatiggahanam panassa matthake vidhunanto sudhammam devasabham pavisati ceva nikkhamati ca. Ajjhabhasiti "kim nu kho esa sakko imani pharusavacanani bhayena titikkhati, udahu adhivasanakhantiya samannagatatta"ti vimamsanto abhasi. Dubbalya noti dubbalabhavena nu. Patisamyujeti patisamyujjeyya patipphareyya. Pabhijjeyyunti virajjeyyum. Pakujjeyyuntipi patho. Paranti paccatthikam. Yo sato upasammatiti yo satima hutva upasammati, tassa upasamamyevaham balassa patisedhanam manneti attho. Yada nam mannatiti yasma tam manneti. Ajjharuhatiti ajjhottharati. Gova bhiyyo palayinanti yatha goyuthe 4- tavadeva dve gavo yujjhante gogano olokento titthati, 5- yava na eko palayati, 5- yada pana eko palayati, atha nam palayantam sabbo gogano bhiyyo ajjhottarati, evam dummedho khamantam bhiyyo ajjhottharatiti attho. @Footnote: 1 cha.Ma., i. ca 2 Si., i. rundhanti, rujjhanti 3 Ma. thapessamitiadini @4 cha.Ma. goyuddhe, i.yodha yuddhe 5-5 cha.Ma. ime patha na dissanti Sadatthaparamati sakatthaparama. Khantya bhiyyo na vijjatiti tesu sakaatthaparamesu atthesu khantito uttaritaro anno attho na vijjati. Tamahu paramam khantinti yo balava titikkhati, tassa tam khantim paramam ahu. Balabalam nama ananabalam. Tam yassa balam, abalameva tam balanti ahu kathenti dipenti. 1- Dhammaguttassati dhammena rakkhitassa, dhammam va rakkhantassa. Pativattati patippharitva vatta, patippharitva va yam va tam vati 2- vadeyyapi, dhammattham pana caletum samattho nama natthi. Tasseva tena papiyoti tena kodhena tasseva puggalassa papam hoti, 3- katarassati? 4- yo kuddham patikujjhati. Tikicchantananti ekavacane bahuvacanam, tikicchantanti attho. Jana mannantiti evarupam attano ca parassa cati ubhinnam attham tikicchantam nipphadentam puggalam "andhabalo ayan"ti andhabalaputhujjanayeva evam mannanti. Dhammassa akovidati catusaccadhamme accheka. Idhati imasmim sasane. Khoti nipatamattam. Catuttham.The Pali Atthakatha in Roman Book 11 page 325-326. http://84000.org/tipitaka/atthapali/read_rm.php?B=11&A=8388&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=8388&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=15&i=867 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=7113 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=6333 The Pali Tipitaka in Roman Character :- http://84000.org/tipitaka/read/roman_read.php?B=15&A=6333 Contents of The Tipitaka Volume 15 http://84000.org/tipitaka/read/?index_15
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]