AtthaPali Vol.11

3. Tatiyadevasuttavaṇṇanā ^*- [259] Tatiye upasaṅkamīti "sakko devarājāti kathenti, atthi nu kho so sakko, yena so diṭṭhapubboti imamatthaṃ dasabalaṃ pucchissāmī"ti upasaṅkami. Tañca pajānāmīti bahuvacane ekavacanaṃ, te ca dhamme pajānāmīti attho. Sakko kira anantare attabhāve magadharaṭṭhe acalagāme magho nāma māṇavo ahosi paṇḍito byatto. Bodhisattacariyā viyassa cariyā ^3- ahosi. So tettiṃsa purise gahetvā kalyāṇamakāsi. Ekadivasaṃ attanova paññāya upaparikkhitvā gāmamajjhe mahājanassa sannipatitaṭṭhāne kacavaraṃ ubhato ^4- apabyūhitvā taṃ ṭhānaṃ ramaṇīyaṃ @Footnote: ¹ cha.Ma. vatapadasuttavaṇṇanā ² cha.Ma. sakkanāmasuttavaṇṇanā ³ cha.Ma. viya ca tassa cariyā @⁴ cha.Ma., i ubhatopassesu ^* cha.Ma. mahālisutta... Akāsi. Puna tatheva maṇḍapaṃ kāresi. Puna gacchante kāle sālaṃ kāresi. Gāmato ca nikkhamitvā gāvutampi aḍḍhayojanampi tigāvutampi yojanampi vicaritvā tehi sahāyehi saddhiṃ visamaṃ samaṃ akāsi. Te sabbepi ^1- ekacchandā tattha tattha setuyuttaṭṭhāne setuṃ, maṇḍapasālāpokkharaṇīmālāvaccharopanādīnaṃ ^2- yuttaṭṭhānesu maṇḍapādīni ^3- karontā bahupuññamakaṃsu. Magho satta vattapadāni pūretvā kāyassa bhedā saddhiṃ sahāyehi tāvatiṃsabhavane nibbatti. Taṃ sabbaṃ bhagavā jānāti. Tenāha yesañca ^4- dhammānaṃ samādinnattā sakko sakkattaṃ ajjhagā, tañca pajānāmāti. Ayaṃ sakkassa sakkattādhigame saṅkhepakathā, vitthāro pana sumaṅgalavilāsiniyā dīghanikāyaṭṭhakathāya sakkapañhavaṇṇanāya ^5- vutto. Tatiyaṃ.

The Pali Atthakatha in Roman Book 11 page 330-331. http://84000.org/tipitaka/atthapali/read_rm.php?B=11&A=8530 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=8530 อ่านอรรถกถาแปลไทย :- http://84000.org/tipitaka/attha/attha.php?b=15&i=912 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=7417 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=6612 The Pali Tipitaka in Roman Character :- http://84000.org/tipitaka/read/roman_read.php?B=15&A=6612 Contents of The Tipitaka Volume 15 http://84000.org/tipitaka/read/?index_15