AtthaPali Vol.12

6. Dukkhavagga 1. Parivimamsanasuttavannana [51] Dukkhavaggassa pathame parivimamsamanoti upaparikkhamano. Jaramarananti kasma jaramaranam ekameva "anekavidham nanappakarakan"ti vatva gahitanti ce? tasmim gahite sabbadukkhassa gahitatta. Yatha hi culaya gahite purise so puriso gahitova hoti, evam jaramarane gahite sabbam dukkham gahitameva hoti. Tasma "yam kho idam anekavidham nanappakarakam dukkham loke uppajjati"ti nhatva ^2- thitam purisam viya sabbam dukkham dassetva tam culaya ganhanto viya jaramaranam ganhi. Jaramarananirodhasaruppagaminiti jaramarananirodhassa saruppabhavena nikkilesataya parisuddhataya sadisava hutva gaminiti attho. Tatha patipanno ca hotiti @Footnote: ¹ cha.Ma.,i.........dassanam ² Ma. vatva, cha. nhatva

--------------------------------------------------------------------------------------------- page88.

Yatha tam patipannoti vuccati, evam patipanno hoti. Anudhammacariti nibbanadhammam anugatam patipattidhammam carati, puretiti attho. Dukkhakkhayaya patipannoti silam adim katva jaramaranadukkhassa nirodhatthaya patipanno. Sankharanirodhayati sankharadukkhassa nirodhatthaya. Ettavata yava arahatta ^1- desana kathita. Idani arahattaphalapaccavekkhanam satataviharanca dassetva desana nivattetabba siya, tatha akatva avijjagatoti idam kasma ganhatiti? khinasavassa samatikkantavattadukkhadassanattham. Apica puna vattam arabhitva vivatte kathiyamane bujjhanakasatto cettha atthi, tassa ajjhasayavasenapi idam ganhatiti veditabbo. Tattha avijjagatoti avijjaya gato upagato samannagato. Purisapuggaloti purisoyeva puggalo. Ubhayenapi sammatikatham katheti. Buddhanam hi sammatikatha paramatthakathati dve katha honti. Tattha "satto naro puriso puggalo tisso nago"ti evam pavatta sammatikatha nama. "khandha dhatuyo ayatanani"ti evam pavatta paramatthakatha nama. Paramatthakatham kathentapi sammatim amuncitvava kathenti. Te sammatim ^5- kathentapi paramattham kathentapi saccameva kathenti. Teneva vuttam:- duve saccani akkhasi sambuddho vadatam varo sammatim paramatthanca tatiyam nupalabbhati. Sanketavacanam saccam lokasammatikarana ^2- paramatthavacanam saccam dhammanam ^*- bhutalakkhanan"ti. ^3- @Footnote: ¹ Si. arahattam ² cha.Ma....karanam @^* Si. bhutalakkhanati ³ pa.su. 1/57/150

--------------------------------------------------------------------------------------------- page89.

Punnance sankharanti terasacetanabhedam punnabhisankharam. Abhisankharotiti karoti. ^1- Punnupagam hoti vinnananti kammavinnanam kammapunnena upagatam sampayuttam hoti, vipakavinnanampi vipakapunnena. Apunnance sankharanti dvadasacetanabhedam apunnabhisankharam. ^2- Anenjance sankharanti catucetanabhedam anenjabhisankharam. Anenjupagam hoti vinnananti kammanenjena kammavinnanam, vipakanenjena vipakavinnanam upagatam hoti. Ettha ca tividhassa kammabhisankharassa gahitatta dvadasapadiko paccayakaro gahitova hoti. Ettavata vattam dassitam. Idani vivattam dassento yato kho bhikkhavetiadimaha. Tattha avijjati catusu saccesu annanam. Vijjati arahattamaggananam. Ettha ca ^3- pathamameva avijjaya pahinaya vijja uppajjatiti. ^4- Yatha pana caturangepi tame rattim padipujjalanena andhakaro pahiyyati, evam vijjuppada avijjaya pahanam veditabbam. Na kinci loke upadiyatiti loke kinci dhammam na ganhati na paramasati. Anupadiyam na paritassatiti anupadiyanto agganhanto neva tanhaparitassanaya. Bhayaparitassanaya paritassati, na tanhayati ^5- na bhayatiti attho. Paccattamyevati sayameva attanava parinibbayati, na annassa anubhavena. So sukhance vedananti idam kasma arabhi? khinasavassa paccavekkhanam ^6- Dassetva satataviharam dassetum arabhi. Anajjhositati tanhaya gilitva parinitthapetva aggahita. Atha dukkhavedana kasma vutta, kinatampi abhinandanto atthiti? ama atthi. Sukham abhinandantoyeva hi dukkham abhinandati nama dukkham patva @Footnote: ¹ Si.,i. pakaroti ² cha.Ma.,i. apunnabhisankharam abhisankharoti @³ Si.,i. ettha ca pana ⁴ cha.Ma.,i. uppajjati @⁵ ka. na tanhiyati. ⁶ cha.Ma.,i. paccavekkhanananam

--------------------------------------------------------------------------------------------- page90.

Sukham patthanato sukhassa ca viparinamadukkhatoti. Kayapariyantikanti kayaparicchinnam, ^1- yava pancadvarakayo vattati, ^2- tava pavattam pancadvarikavedananti attho. Jivitapariyantikanti jivitaparicchinnam, ^3- yava jivitam pavattati, tava pavattam manodvarikavedananti attho. Tattha pancadvarikavedana paccha uppajjitva pathamam nirujjhati, manodvarikavedana pathamam uppajjitva paccha nirujjhati. Sa hi patisandhikkhane vatathurupasmimyeva patitthati. Pancadvarika pavatte pancadvaravasena pavattamana pathamavaye visativassakale rajanadussanamuyhanavasena adhimatta balavati hoti, pannasavassakale thita hoti, satthivassakalato patthaya parihayamana asitinavutivassakale manda hoti. Tada hi satta "cirarattam ekato nisidimha nipajjimha"ti vadantepi "na sanjanama"ti vadanti. Adhimattanipi rupadiarammanani "na passama na sunama," "sugandham duggandham va sadhum asadhum va thaddham mudukanti va na janama"ti vadanti. Iti nesam pancadvarikavedana bhagga hoti, manodvarikava pavattati. Sapi anupubbena parihayamana maranasamaye hadayakotimyeva nissaya vattati. ^2- Yava panesa vattati, ^2- tava satto jivatiti vuccati. Yada nappavattati, tada mato niruddhoti vuccati. Svayamattho vapiya dipetabbo:- yatha hi puriso pancaudakamaggasampannam vapim kareyya, pathamam deve vutthe pancahi udakamaggehi udakam pavisitva antovapiyam avatesu pureyya, punappunam deve vassante udakamagge puretva gavutaddhayojanamaggam @Footnote: ¹ Si.,i. kayantikam kayaparicchinnam ² cha.Ma.,i. pavattati @³ Si. jivitantikam jivitaparicchinnam ⁴ cha.Ma.,i. avate

--------------------------------------------------------------------------------------------- page91.

Otaritva ^1- udakam tittheyya tato tato vissandamanam, atha niddhamanatumbe vivaritva khettesu kamme kayiramane udakam nikkhamantam, sassapakakale udakam nikkhamantam, udakam parihinam "macche ganhama"ti vattabbatam apajjeyya, tato tato ^2- katipahena avatesuyeva udakam santhaheyya. Yava pana tam avatesu hoti, tava "mahavapiyam udakam atthi"ti sankham gacchati. Yada pana tattha chijjati, tada "vapiyam udakam natthi"ti vuccati, evam sampadamidampi veditabbam. Pathamam deve vassante pancahi maggehi udake pavisante avatanam ^3- puranakalo viya hi pathamameva patisandhikkhane manodvarikavedanaya vatthurupe patitthitakalo, punappunam deve vassante pancannam magganam puritakalo viya pavatte pancadvarikavedanaya pavattikalo, gavutaddhayojanamaggam ^4- ajjhottharanam viya pathamavaye visativassakale rajanadivasena tassa adhimattabalavabhavo, yava vapito udakam na niggacchati, tava puranavapiya ^5- thitakalo viya pannasavassakale tassa thitakalo, niddhamanatumbesu vivatesu kammante kayiramane udakassa nikkhamanakalo viya satthivassakalato patthaya tassa parihani, udake vutthe ^6- udakamaggesu parittodakassa thitakalo viya asitinavutivassakale pancadvarikavedanaya mandakalo, avatesuyeva udakassa patitthanakalo viya hadayavatthukotim nissaya manodvarikavedanaya pavattikalo, avatesu parittepi udake sati "vapiyam udakam atthi"ti vattabbakalo viya yava sa pavattati, tava "satto jivati"ti vuccatiti. ^7- Yatha pana avatesu udake chinne "natthi vapiyam udakan"ti vuccati, evam @Footnote: ¹ cha.Ma.,i. gavutaddhayojanamattam ottharitva @² cha. tato ³ Si.,i.,Ma. antoavatanam @⁴ cha.Ma.,i....mattam ⁵ cha.Ma.,i. puraya vapiya @⁶ cha.Ma.i. bhatthe ⁷ cha.Ma.,i. vuccati

--------------------------------------------------------------------------------------------- page92.

Manodvarikavedanaya avattamanaya ^1- "satto mato"ti vuccati. Idam ^2- vedanam sandhaya vuttam "jivitapariyantikam vedanam vedayamano"ti. Kayassa bhedati kayassa bhedena. Jivitapariyadana uddhanti jivitakkhayato uddham. Idhevati patisandhivasena purato ^3- agantva idheva. Sitibhavissantiti pavattavipphandaratharahitani ^4- sitani appavattanadhammani bhavissanti. Sariraniti dhatusarirani. Avasissantiti avasitthani bhavissanti. Kumbhakarapakati kumbhakarassa bhajanapacanatthanato. Patitthapeyyati ^5- thapeyya. Kapallaniti saha mukhavattiya ekabaddhani ^6- kumbhakapalani. ^7- avasisseyyunti tittheyyum. Evameva khoti ettha idam opammasamsandanam:- adittakumbhakarapako viya hi tayo bhava datthabba, kumbhakaro viya yogavacaro, pakato. Kumbhakarabhajananam niharanadandako viya arahattamaggananam, samo bhumibhago viya asankhatam nibbanatalam, ^9- dandakena unhakumbham akaddhitva same bhumibhage kumbhassa thapitakalo viya araddhavipassakassa rupasattakam arupasattakam vipassantassa kammatthane ^9- pagune vibhute upatthahamane tatharupam utusappayadim labhitva ekasane nisinnassa vipassanam vaddhetva aggaphalam arahattam patva catuhi apayehi attabhavam uddharitva phalasamapattivasena asankhate amate ^10- nibbanakalo ^11- datthabbo. Khinasavo pana unhakumbho viya na arahattapattadivaseyeva na parinibbayati, ^12- sasanappavenim pana ghatayamano pannasasatthivassani vicaritva ^13- purimakacittappavattiya upadinnakakkhandhabheda anupadisesaya @Footnote: ¹ cha.Ma.,i. appavattamanaya ² cha.Ma.,i. imam ³ cha.Ma.,i. parato @⁴ cha.Ma.,i. pavatti..... ⁵ Si. pativiseyya, cha.Ma. patisisseyya, i. pativiseyya @⁶ Ma. ekabandhanani ⁷ cha.Ma.,i. kumbhakapallani ⁸ Ma. nibbanathalam @⁹ cha.Ma. kammatathane ca ¹⁰ cha.Ma.,i. ayam patho na dissati @¹¹ cha.Ma.,i. nibbanatale thitakalo ¹² cha.Ma. na parinibbati @¹³ Si. caritva, cha.Ma. thatva

--------------------------------------------------------------------------------------------- page93.

Nibbanadhatuya parinibbayati. ^1- Athassa kumbhassa viya kapalani ^2- anupadinnakasariraneva avasissantiti. Sarirani avasissantiti pajanatiti idam pana khinasavassa anuyogaropanattham vuttam. Vinnanam pannayethati patisandhivinnanam pannayetha. Sadhu sadhuti theranam byakaranam sampahamsati. Evametanti yadetam tividhe abhisankhare asati patisandhivinnanassa apannanantiadi, evameva etam. Adhimuncathati nitthanasankhatam ^3- adhimokkham patilabhatha. Esevanto dukkhassati ayameva vattadukkhassa anto ayam paricchedo, yadidam nibbananti. Pathamam.

The Pali Atthakatha in Roman Book 12 page 87-93. http://84000.org/tipitaka/atthapali/read_rm.php?B=12&A=1937&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=1937&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=188 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=2166 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=1953 The Pali Tipitaka in Roman Character :- http://84000.org/tipitaka/read/roman_read.php?B=16&A=1953 Contents of The Tipitaka Volume 16 http://84000.org/tipitaka/read/?index_16