|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Yamakasuttavannana
[85] Tatiye ditthigatanti sace hissa evam bhaveyya "sankhara
uppajjanti ceva nirujjhanti ca, sankharappavattameva appavattam hoti"ti, ditthigatam
nama na bhaveyya, sasanavacarikam nanam bhaveyya. Yasma panassa "satto
ucchijjati vinassati"ti ahosi, tasma ditthigatam nama jatam. Thamasa paramasati
ditthithamena ceva ditthiparamasena ca.
Yenayasma sariputtoti yatha nama paccante kupite tam vupasametum asakkonta
rajapurisa senapatissa va ranno va santikam gacchanti, evam ditthigatavasena
@Footnote: 1 Si. natthi
Tasmim there kupite tam vupasametum asakkonta te bhikkhu yena dhammarajassa
dhammasenapati ayasma sariputto, tenupasankamimsu. Evam khvahanti 1- tesam bhikkhunam
santike viya therassa sammukha paggayha vattum asakkonto olambantena hadayena
"evam khvahan"ti aha. Tam kim mannasi avusoti idam thero tassa vacanam sutva "nayam
attano laddhiyam dosam passati, dhammadesanayassa tam pakatam karissami"ti
cintetva tiparivattadesanam desetum arabhi.
Tam kim mannasi avuso yamaka, rupam tathagatoti idam kasma araddham?
Anuyogavattam dapanattham. Tiparivattadesanavasanasmim hi thero sotapanno jato.
Atha nam anuyogavattam dapetum "tam kim mannasi"tiadimaha. Tathagatoti satto.
Rupam vedana sanna sankhara vinnananti ime pancakkhandhe sampindetva
"tathagato"ti samanupassiti pucchati. Ettha ca te avusoti idam therassa
anuyoge bhummam. Idam vuttam hoti:- ettha ca te ettake thane dittheva dhamme
saccato thirato satte anupalabbhiyamaneti. Sace tam avusoti idametam annam
byakarapetukamo pucchati. Yam dukkham tam niruddhanti yam dukkham, tadeva niruddham,
anno satto nirujjhanako nama natthi, evam byakareyyanti attho.
Etasseva atthassati etassa pathamamaggassa. Bhiyyoso mattaya nanayati
atirekappamanassa nanassa atthaya, sahavipassanakanam upari ca tinnam magganam
avibhavatthayati attho. Arakkhasampannoti antoarakkhena ceva bahiarakkhena
ca samannagato. Ayogakkhemakamoti catuhi yogehi khemabhavam anicchanto.
Pasayhati pasayhitva abhibhavitva. Anupakhajjati anupavisitva.
Pubbutthayitiadisu duratova agacchantam disva asanato pathamataram
vutthatiti pubbutthayi. Tassa asanam datva tasmim nisinne paccha nipatati
@Footnote: 1 cha.Ma. evam byakhoti, evamuparipi
Nisidatiti pacchanipati. Patova vutthaya "ettaka kasitum gacchatha, ettaka
vapitun"ti va sabbapathamam vutthatiti pubbutthayi. Sayam sabbesu attano attano
vasanatthanam gatesu gehassa samantato arakkham samvidhaya dvarani thaketva
sabbapaccha nipajjananatopi pacchanipati. "kim karomi ayyaputta, kim karomi
ayyaputta"ti mukham olokento kim karam patisavetiti kimkarapatissavi. Manapam
caratiti manapacari. Piyam vadatiti piyavadi. Mittatopi nam saddaheyyati
mitto me ayanti saddaheyya. Vissasam apajjeyyati ekato panabhojanadim
karonto vissasiko bhaveyya. Samvissatthoti sutthu vissattho.
Evameva khoti ettha idam opammasamsandanam:- balagahapatiputto viya hi
vattasannissitakale assutava balaputhujjano, 1- vadhakapaccamitto viya abaladubbala
pancakkhandha, vadhakapaccamittassa "balagahapatiputtam upatthahissami"ti upagatakalo
viya patisandhikkhane upagata pancakkhandha, tassa hi "na me ayam sahayo,
vadhakapaccatthiko ayan"ti ajananakalo viya vattanissitaputhujjanassa pancakkhandhe
"na ime mayhan"ti aggahetva "mama rupam, mama vedana, mama sanna, mama
sankhara mama vinnanan"ti gahitakalo, vadhakapaccatthikassa "mitto me ayan"ti
gahetva sakkarakaranakalo viya "mama ime"ti gahetva pancannam khandhanam
nhapanabhojanadihi 2- sakkarakaranakalo, "ativiya samvissattho 3- me ayan"ti
natva sakkaram karontasseva asina sisacchindanam viya vissatthassa balaputhujjanassa
tikhinehi bhijjamanehi khandhehi jivitapariyadanam veditabbam.
Upetiti upagacchati. Upadiyatiti ganhati. Adhitthatiti adhititthati. Atta
meti ayam me attati. Sutava ca kho avuso ariyasavakoti yatha pana pandito
@Footnote: 1 cha.Ma. puthujjano 2 Si. panabhojanadihi 3 cha.Ma. ativissattho
Gahapatiputto evam upagatam paccatthikam "paccatthiko me ayan"ti natva appamatto
tani tani kammani karetva anattham pariharati, attham papunati, evam sutava
ariyasavakopi "na rupam attato samanupassati"tiadina nayena pancakkhandhe
ahanti va mamanti va aggahetva "paccatthika me ete"ti natva
rupasattakaarupasattakadivasena vipassanaya yojetvava tatonidanam dukkham parivajjetva
aggaphalam arahattam papunati. Sesamettha uttanameva. Tatiyam.
The Pali Atthakatha in Roman Book 12 page 338-341.
http://84000.org/tipitaka/atthapali/read_rm.php?B=12&A=7477&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=12&A=7477&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=16&i=343
เนื้อความพระไตรปิฎกฉบับหลวง :-
http://84000.org/tipitaka/read/r.php?B=16&A=3793
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=16&A=3492
The Pali Tipitaka in Roman Character :-
http://84000.org/tipitaka/read/roman_read.php?B=16&A=3492
Contents of The Tipitaka Volume 16
http://84000.org/tipitaka/read/?index_16
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]