AtthaPali Vol.12

7. Khemakasuttavannana [89] Sattame attaniyanti attano parikkharajatam. Asmiti adhigatanti asmiti evam pavatta tanhamana adhigata. Sandhavanikayati punappunam gamanagamanena. Upasankamiti badarikaramato gavutamattam ghositaramam agamasi. Dasakatthero pana catukkhattum gamanagamanena tamdivasam dviyojanam addhanam ahindi. Kasma pana tam Thera pahinimsu? vissutassa dhammakathikassa santika dhammam sunissamati. Sayam kasma na gatati? therassa vasanatthanam arannam sambadham, tattha satthimattanam theranam thatum va nisiditum va okaso natthiti na gata. "idhagantva amhakam dhammam kathetu"tipi kasma pana na pahinimsuti? therassa abadhikatta. Atha kasma punappunam pahinimsuti? sayameva natva amhakam dhammam ^1- kathetum agamissatiti. Theropi tesam ajjhasayam natvava agamasiti. Na khvaham avuso rupanti yo hi rupameva asmiti vadati, tena itare cattaro khandha paccakkhata honti. Yo annatra rupa vadati, tena rupam paccakkhatam hoti. Vedanadisupi eseva nayo. Therassa pana samuhato pancasupi khandhesu asmiti adhigato, tasma evamaha. Hotevati hotiyeva. Anusahagatoti sukhumo. Useti charikakhare. Khareti usakhare. Sammadditvati temetva khadetva. ^2- Evameva khoti ettha idam opammasamsandanam:- kilitthavattham viya hi puthujjanassa cittavaro, ^3- tayo khara viya tisso anupassana, tihi kharehi dhotavattham viya desanaya madditva thito anagamino cittavaro, ^3- anusahagato usadigandho viya arahattamaggavajjha kilesa, gandhakarandako viya arahattamaggananam, gandhakarandakam agamma anusahagatanam usagandhadinam samugghato viya arahattamaggena sabbakilesakkhayo, gandhaparibhavitavattham nivasetva chanadivase antaravithiyam sugandhagandhino vicaranam viya khinasavassa silagandhadihi dasa disa upavayantassa yathakamacaro. Acikkhitunti kathetum. Desetunti pakasetum. Pannapetunti janapetum. Patthapetunti patitthapetum. Vivaritunti vivatam katum. Vibhajitunti suvibhattam katum. Uttanikatunti uttanakam katum. Satthimattanam therananti te kira therena @Footnote: ¹ cha.Ma. ayam patho na dissati @² Si. kharetva, ka. kilenetva ³ cha.Ma. cittacaro Kathitakathitatthane vipassanam patthapetva uparupari sammasanta desanapariyosane arahattam papunimsu. Theropi annena niharena akathetva vipassanasahagatacitteneva kathesi. Tasma sopi arahattam papuni. Tena vuttam "satthimattanam theranam bhikkhunam anupadaya asavehi cittani vimuccimsu ayasmato khemakassa ca"ti sattamam.

The Pali Atthakatha in Roman Book 12 page 344-346. http://84000.org/tipitaka/atthapali/read_rm.php?B=12&A=7610&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=7610&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=16&i=350 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3888 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3576 The Pali Tipitaka in Roman Character :- http://84000.org/tipitaka/read/roman_read.php?B=16&A=3576 Contents of The Tipitaka Volume 16 http://84000.org/tipitaka/read/?index_16