ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                        9. Lohiccasuttavannana
    [132] Navame makkarakateti evamnamake nagare. Arannakutikayanti aranne
kataya patiyekkaya kutiyam, na viharapaccantakutiyam. Manavakati yepi tattha mahallaka,
te mahallakakalepi antevasikataya manavakatveva vutta. Tenupasankamimsuti pato
sippam ugganahitva sayam "acariyassa katthani aharissama"ti arannam pavisitva
vicaranta yena sa kutika, tenupasankamimsu. Parito parito kutikayati tassa
@Footnote: 1 ka. manena
Kutikaya samantato samantato. Seleyyakaniti annamannassa pitthim gahetva
langhitva ito cito ca cankamanakilanani. 1-
    Mundakatiadisu munde mundati samane ca samanati vattum vatteyya.
Ime pana hilenta "mundasamanaka"ti ahamsu. Ibbhati gahapatika. Kanhati
kanha, kalakati attho. Bandhupadapaccati ettha bandhuti brahma adhippeto.
Tam hi brahmana pitamahoti voharanti. Padanam apacca padapacca, brahmuno
pitthipadato jatoti adhippayo. Tesam kira ayam laddhi "brahmana brahmuno
mukhato nikkhanta, khattiya urato, vessa nabhito, sudda januto, samana
pitthipadato"ti. Bharatakananti kutumbikanam. Kutumbika hi yasma rattham bharanti,
tasma bharatati vuccanti. Ime pana paribhavam katva vadamana "bharatakanan"ti
ahamsu.
    Vihara nikkhamitvati "rattitthakaparicchanne rajatapatasannibhasamavippakinnavalike
ramaniye parivene katthakalape bandhitva khipamana valikam aluletva
hatthena hattham adaya pannakutim pariyayanta `ime imesam bharatakanam sakkata,
ime imesam bharatakanam sakkata'ti punappunam viravanta ativiya ime manavaka
kilakilam karonti, vihare bhikkhunam atthibhavampi na jananti, dassessami nesam
bhikkhunam atthibhavan"ti cintetva pannakutito nikkhami.
    Siluttama pubbatara ahesunti gunavantanam gune kathite niggunanam gunabhavo
pakatova bhavissatiti poranakabrahmananam gune kathento evamaha. Tattha
siluttamati silajetthaka. Silam hi tesam uttamam, na jatigottam. Ye puranam sarantiti
ye poranakam brahmanadhammam saranti. Abhibhuyya kodhanti kodham abhibhavitva tesam
@Footnote: 1 ka. tapanakilanani
Dvarani suguttani surakkhitani ahesum. Dhamme ca jhane ca ratati dasavidhe
kusalakammapathadhamme atthasamapattijjhanesu ca rata.
    Evam porananam gunam kathetva athetarahi brahmananam madam 1- nimmadanto
imeva vokkamma jahamhasetiadimaha. 2- Tattha vokkammati etehi gunehi
apakkamitva. Jahamhaseti mayam jahama sajjhayamati ettakeneva brahmanamhati
mannamana brahmana mayanti imina gottena matta hutva visamam caranti,
visamani kayakammadini karontiti attho. Puthuttadandati 3- puthu attadanda
etehiti puthuttadanda, gahitananavidhadandati attho. Tasathavaresuti 4- satanhe
nittaneehasu. Aguttadvarassa bhavanti moghati asamvutadvarassa sabbepi
vattasamadana mogha bhavantiti dipeti, yatha kinti? supineva laddham purisassa
vittanti. Yatha supine purisassa laddham manimuttadinanavidham vittamogham hoti,
pabujjhitva kinci na passati, evam mogha bhavantiti attho.
    Anasakati ekahadvihadivasena anaharaka. Thandilasayika cati
haritakusasanthate bhumibhage sayanam. Pato sinananca tayo ca vedati patova udakam
pavisitva nhananceva tayo ca veda. Kharajinam jata pankoti kharasamphassam
ajinacammanceva jatakapalo ca panko ca, panko nama dantamalam. Manta silabbatam
tapoti manta ca ajasilagosilasankhatam silam ajavatagovatasankhatam vatanca. Ayam 5-
idani brahmananam tapoti vadati. Kuhana vankadanda cati paticchannagutho
viya 6- paticchannadosam kohannanceva vankadando ca, udumbarapalasaveluvarukkhanam
annatarato gahitam vankadandakatthancati 7- attho. Udakacamanani cati udakena
@Footnote: 1 cha.Ma. manam   2 cha.Ma. japamaseti, evamuparipi   3 cha.Ma. puthuattadandati
@4 cha.Ma. satanhatanhesuti                 5 Ma. ubhayam
@6 Si. paticchannabhuto, cha.Ma. paticchannakupo    7 cha.Ma. vankadandancati
Mukhaparimajjanani. Vanna ete brahmanananti ete brahmananam
parikkharabhandakavannaniti dasseti. Katakincikkhabhavanati kata kincikkhabhavana. Ayameva
va patho, amisakincikkhassa vaddhanatthaya katanti attho.
    Evam etarahi brahmananam madam nimmadetva puna poranabrahmananam
vannam kathento cittanca susamahitantiadimaha. Tattha susamahitanti tesam
brahmananam cittam upacarappanasamadhihi susamahitam ahositi dasseti. Akhilanti mudu
athaddham. So maggo brahmapattiyati so setthapattiya maggo, tumhe pana kim
brahmana namati dipento evamaha.
     Agamamsu nu khvidhati agamamsu nu kho idha. Adhimuccatiti kilesavasena adhimutto
giddho hoti. Byapajjatiti byapadavasena puticittam hoti. Parittacetasoti
anupatthitasatitaya sankilesacittena parittacitto. Cetovimuttinti phalasamadhim.
Pannavimuttinti phalapannam. Appamanacetasoti upatthitasatitaya nikkilesacittena
appamanacitto.



             The Pali Atthakatha in Roman Book 13 page 48-51. http://84000.org/tipitaka/atthapali/read_rm.php?B=13&A=1037&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=1037&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=205              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=3051              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=2998              The Pali Tipitaka in Roman Character :- http://84000.org/tipitaka/read/roman_read.php?B=18&A=2998              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com