ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                      8. Adittapariyayasuttavannana
    [235] Atthame anubyanjanaso nimittaggahoti "hattha sobhana pada
sobhana"ti evam anubyanjanavasena nimittaggaho. Nimittaggahoti hi samsandetva
gahanam, anubyanjanaggahoti vibhattigahanam. Nimittaggaho kumbhilasadiso sabbameva
ganhati, anubyanjanaggaho rattapasadiso vibhajitva hatthapadadisu tam tam
kotthasam. Ime pana dve gaha ekajavanavarepi labbhanti, nanajavanavare
vattabbameva natthi.
@Footnote: 1 Si.,ka. bhindeyyati
    Nimittassadagathitanti nimittassadena ca ganthitam bandham. Vinnananti
kammavinnanam. Tasmim ce samaye kalam kareyyati na koci sankilitthena cittena
kalam karonto nama atthi. Sabbasattanam hi bhavangeneva kalakiriya hoti.
Kilesabhayam pana dassento evamaha. Samayavasena va evam vuttam. Cakkhudvarasmim
hi apathagate arammane rattacittam va dutthacittam va mulhacittam va arammanarasam
anubhavitva bhavangam otarati, bhavange thatva kalakiriyam karoti. Tasmim samaye kalam
karontassa dveva gatiyo patikankha, imassa samayassa vasena tam vuttam.
    Imam khvaham bhikkhave adinavanti imam anekani vassasatasahassani niraye
anubhavitabbam dukkham sampassamano evam vadami tattaya ayosalakaya akkhini
anjapetukamoti. Imina nayena sabbattha attho veditabbo. Ayosamkunati
ayasulena. Sampalimatthanti dvepi kannacchiddani vinivijjhitva pathaviyam
akotanavasena sampalimattham.
    Tatiyavare sampalimatthanti nakhacchedanam 1- pavesetva ukkhipitva saha
dhunatthena 2- chinditva patanavasena sampalimattham. Catutthavare sampalimatthanti
bandhanamulam chetva patanavasena sampalimattham. Pancamavare sampalimatthanti tikhinaya
sattiya kayapasadam uppatetva patanavasena sampalimattham. Sattiyati 3- ettha
mahati dandakavasi veditabba. Sottanti nipajjitva niddokkamanam. Yatharupanam
vitakkanam vasam gato samgham bhindeyyati imina vitakkanam yava samghabheda
papakammavahanata dassita. Sesamettha uttanameva.



             The Pali Atthakatha in Roman Book 13 page 59-60. http://84000.org/tipitaka/atthapali/read_rm.php?B=13&A=1274&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=1274&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=303              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=4669              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=4251              The Pali Tipitaka in Roman Character :- http://84000.org/tipitaka/read/roman_read.php?B=18&A=4251              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]