ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                      2-10. Atthasatasuttadivannana
    [270-278] Dutiye atthasatapariyayanti atthasatassa karanabhutam. Dhammapariyayanti
dhammakaranam. Kayika ca cetasika cati ettha kayika kamavacareyeva
@Footnote: 1 Si. anuppadese, cha.Ma. anupadese
Labbhanti, cetasika catubhumikapi. Sukhatiadisu sukha vedana arupavacare natthi,
sesasu tisu bhumisu labbhanti, dukkha kamavacarava, itara catubhumika. Pancake
sukhindriyadukkhindriyadomanassindriyani kamavacaraneva, somanassindriyam
tebhumakam, upekkhindriyam catubhumakam. Chakke pancasu dvaresu vedana kamavacarava,
manodvare catubhumika, attharasake chasu ittharammanesu somanassena saha upavicarantiti
somanassupavicaRa. Sesadvayepi eseva nayo. Iti ayam desana vicaravasena
agata, tamsampayuttanam pana somanassadinam vasena idha attharasa vedana
veditabba.
    Cha gehasitani somanassanitiadisu "cakkhuvinneyyanam rupanam itthanam
kantanam manapanam manoramanam lokamisapatisamyuttanam patilabham va patilabhato
samanupassato pubbe va patiladdhapubbam atitam niruddham viparinatam samanussarato
uppajjati somanassam. Yam evarupam somanassam, idam vuccati gehasitam somanassan"ti
evam chasu dvaresu vuttakamagunanissitani somanassani cha gehasitasomanassani
nama.
    "rupanam tveva aniccatam viditva viparinamaviraganirodham `pubbe ceva rupa
etarahi ca, sabbe te rupa anicca dukkha viparinamadhamma'ti evametam
yathabhutam sammappannaya passato uppajjati somanassam. Yam evarupam somanassam,
idam vuccati nekkhammasitam somanassan"ti 1- evam chasu dvaresu ittharammane
apathagate aniccatadivasena vipassanam patthapetva ussukkapetum sakkontassa
"ussukkita me vipassana"ti somanassajatassa uppannasomanassani cha
nekkhammasitadomanassani nama.
@Footnote: 1 Ma.u. 14/306/280
     "cakkhuvinneyyanam rupanam itthanam kantanam manapanam manoramanam
lokamisapatisamyuttanam appatilabham va appatilabhato samanupassato pubbe va
patiladdhapubbam atitam niruddham viparinatam samanussarato uppajjati domanassam. Yam
evarupam domanassam, idam vuccati gehassitam domanassan"ti evam chasu dvaresu
"ittharammanam nanubhavissami nanubhavami"ti vitakkayato uppannani
kamagunanissitadomanassani cha gehasitadomanassani nama.
    "rupanam tveva aniccatam viditva viparinamaviraganirodham `pubbe ceva rupa
etarahi ca, sabbe te rupa anicca dukkha viparinamadhamma'ti evametam yathabhutam
sammappannaya disva anuttaresu vimokkhesu piham upatthapeti `kudassu namaham
tadayatanam upasampajja viharissami, yadariya etarahi ayatanam upasampajja
viharanti'ti. Iti anuttaresu vimokkhesu piham upatthapayato uppajjati pihapaccaya
domanassam. Yam evarupam domanassam, idam vuccati nekkhammasitam domanassan"ti
evam chasu dvaresu ittharammane apathagate anuttaravimokkhasankhataariyaphaladhammesu
piham upatthapetva tadadhigamaya aniccatadivasena vipassanam patthapetva
ussukkapetum asakkontassa "imampi pakkham imampi masam imampi samvaccharam
vipassana ussukkapetva ariyabhumim papunitum nasakkhin"ti anusocato uppannani
domanassani cha nekkhammasitadomanassani nama.
    "cakkhuna rupam disva uppajjati upekkha balassa mulhassa puthujjanassa
anodhijinassa avipakajinassa anadinavadassavino assutavato puthujjanassa. Ya
evarupa upekkha, rupam sa nativattati, tasma sa upekkha gehasitati
vuccati"ti evam chasu dvaresu ittharammane apathagate gulapindake nilinamakkhika
viya rupadini anativattamana tattheva lagga hutva uppanna kamagunanissita
upekkha cha gehasitaupekkha nama.
    "rupanam tveva aniccatam viditva viparinamaviraganirodham `pubbe ceva rupa
etarahi ca, sabbe te rupa anicca dukkha viparinamadhamma'ti evametam yathabhutam
sammappannaya passato uppajjati upekkha. Ya evarupa upekkha, rupam sa
ativattati, tasma sa upekkha nekkhammasitati vuccati"ti evam chasu dvaresu
itthadiarammane apathagate itthe arajjantassa anitthe adussantassa
asamapekkhane amuyhantassa uppanna vipassana nanasampayutta upekkha
cha nekkhammasitaupekkha nama. Imasmim sutte sabbasangahako catubhumakadhammaparicchedo
kathito. Tatiyadini uttanatthaneva.



             The Pali Atthakatha in Roman Book 13 page 143-146. http://84000.org/tipitaka/atthapali/read_rm.php?B=13&A=3150&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=3150&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=430              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=6132              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=5835              The Pali Tipitaka in Roman Character :- http://84000.org/tipitaka/read/roman_read.php?B=18&A=5835              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]