ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                        7. Godattasuttavannana
    [349] Sattame nanattha ceva nanabyanjana cati byanjananampi
nesam nanam, atthopi. Tattha byanjanassa nanatta pakata. Attho 1- pana
appamana cetovimutti bhumantarato mahaggata hoti rupavacara, arammanato
sattapannattiarammana. Akincanna bhumantarato mahaggata arupavacara,
arammanato na vattabbarammana. Sunnata bhumantarato kamavacara, arammanato
sankhararammana. Vipassana hi ettha sunnatati adhippeta. Animitta bhumantarato
lokuttara, arammanato nibbanarammana.
    Rago kho bhante pamanakaranotiadisu yatha pabbatapade
putipannakasataudakam nama hoti kalavannam, olokentanam byamasatagambhiram viya khayati,
yatthim va rajjum va gahetva minantassa pitthipadottharanamattampi na hoti,
@Footnote: 1 atthato (?)
Evamevam yava ragadayo nuppajjanti, tava puggalam sanjanitum na sakka
hoti, sotapanno viya sakadagami viya anagami viya ca khayati, yada panassa
ragadayo uppajjanti, tada ratto duttho mulhoti pannayati. Iti te
"ettako ayan"ti puggalassa pamanam dassentova uppajjantiti pamanakarana
nama vutta.
    Yavata kho bhante appamana cetovimuttiyoti yattaka appamana
cetovimuttiyo. Kittaka pana ta? cattaro brahmavihara cattaro magga
cattari phalaniti dvadasa. Tatra brahmavihara pharanaappamanataya appamana,
sesa pamanakarakanam kilesanam abhavena nibbanampi appamanameva, cetovimutti
pana na hoti, tasma na gahitam. Akuppati arahattaphalacetovimutti. Sa hi
tasam sabbajetthika, tasma "aggamakkhayati"ti vutta, rago kho bhante
kincananti rago uppajjitva puggalam kincati maddati palibundhati, tasma
kincananti vutto. Manussa kira gonehi khalam maddapenta kincehi kapila 1-
kincehi kalaka"ti vadanti. Evam maddanattho kincanatthoti veditabbo.
Dosamohesupi eseva nayo.
    Akincanna cetovimuttiyo nama nava dhamma akincannayatanam
maggaphalani ca. Tattha akincannayatanam kincanam arammanam assa natthiti
akincannam. Maggaphalani kincananam maddanapalibundhakilesanam natthitaya
akincanna, nibbanampi akincannam, cetovimutti pana na hoti, tasma na gahitam.
    Rago kho bhante nimittakaranotiadisu yatha nama dvinnam kulanam sadisa
dve vacchaka honti. Yava tesam lakkhanam na katam hoti, tava "ayam asukakulassa
@Footnote: 1 Si. kapila
Vacchako, ayam asukakulassa"ti na sakka hoti janitum. Yada pana tesam tisuladisu
annataram lakkhanam katam hoti, tada sakka hoti janitum. Evameva yava puggalassa
rago nuppajjati, tava na sakka hoti janitum "ariyo va puthujjano
va"ti. Rago panassa uppajjamanova "sarago nama ayam puggalo"ti sanjanananimittam 1-
karonto viya uppajjati, tasma nimittakaranoti vutto. Dosamohesupi
eseva nayo.
    Animitta cetovimuttiyo nama terasa dhamma vipassana, cattaro
aruppa, cattaro magga, cattari phalani. Tattha vipassana niccanimittam
sukhanimittam attanimittam ugghatetiti animitta nama. Cattaro aruppa
rupanimittassa abhavena 2- animitta nama. Maggaphalani nimittakaranam kilesanam
abhavena animittani, nibbanampi animittameva, tam pana cetovimutti na hoti,
tasma na gahitam. Atha kasma sunnata cetovimutti na gahitati? sa "sunna
ragena"tiadivacanato sabbattha anupavitthava, tasma visum na gahitati.
    Ekatthati arammanavasena ekattha "appamanam akincannam sunnatam
animittan"ti hi sabbanetani nibbanasseva namani. Iti imina pariyayena
ekattha. Annasmim pana thane appamanapi hoti, annasmim akincanna,
annasmim sunnata, annasmim animittati imina pariyayena nanabyanjanati.



             The Pali Atthakatha in Roman Book 13 page 159-161. http://84000.org/tipitaka/atthapali/read_rm.php?B=13&A=3487&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=3487&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=571              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=7525              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=7398              The Pali Tipitaka in Roman Character :- http://84000.org/tipitaka/read/roman_read.php?B=18&A=7398              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]