ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                          3. Silasuttavannana
    [184] Tatiye silasampannati ettha khinasavassa lokiyalokuttarasilam
kathitam, tena sampannati attho. Samadhipannasupi eseva nayo. Vimutti pana
phalavimuttiyeva, vimuttinanadassanam paccavekkhanananam. Evamettha siladayo tayo
lokiyalokuttara, vimutti lokuttarava, vimuttinanadassanam lokiyameva.
    Dassanampahanti dassanampi aham. Tam panetam dassanam cakkhudassanam
nanadassananti duvidham. Tattha pasannehi cakkhuhi ariyanam dassanam olokanam cakkhudassanam
nama. Ariyehi pana ditthassa lakkhanassa dassanam, patividdhassa ca pativijjhanam
jhanena va vipassanaya va maggaphalehi va nanadassanam nama. Imasmim
panettha cakkhudassanam adhippetam. Ariyanam hi pasannehi cakkhuhi olokanampi
bahukarameva. Savananti "asuko nama khinasavo asukasmim nama ratthe va
janapade va game va nigame va vihare va lene va vasati"ti kathentanam
sotena savanam, etampi bahukarameva. Upasankamananti "danam va dassami,
panham va pucchissami, dhammam va sossami, sakkaram va karissami"ti evarupena
cittena ariyanam upasankamanam. Payirupasananti panhapayirupasanam. Ariyanam gune
sutva te upasankamitva nimantetva danam datva "kim bhante kusalan"tiadina
nayena panhapucchananti attho.

--------------------------------------------------------------------------------------------- page209.

Anussatinti rattitthanadivatthanesu nisinnassa "idani ariya lenaguhamandapadisu jhanavipassanamaggaphalasukhehi vitinamenti"ti anussaranam. Yo va nesam santike ovado laddho hoti, tam avajjitva "imasmim thane silam kathitam, imasmim samadhi, imasmim vipassana, imasmim maggo, imasmim phalan"ti evam anussaranam. Anupabbajjanti ariyesu cittam pasadetva ghara nikkhamma tesam santike pabbajjam. Ariyanam hi santike cittam pasadetva tesamyeva santike pabbajitva tesamyeva ovadanusasanim paccasimsamanassa caratopi pabbajja anupabbajja nama. 1- Annesam santike ovadanusasanim paccasimsamanassa caratopi 1- ariyesu pasadena annattha pabbajitva ariyanam santike ovadanusasanim paccasimsamanassa carato pabbajjapi anupabbajja nama. Annesu pana pasadena annesamyeva santike pabbajitva annesamyeva ovadanusasanim paccasimsamanassa carato pabbajja anupabbajja nama na hoti. Evam pabbajitesu pana mahakassapattherassa tava anupabbajjam pabbajita satasahassamatta ahesum, tatha therasseva saddhiviharikassa ca candaguttattherassa, tassapi saddhiviharikassa suriyaguttattherassa, tassapi saddhiviharikassa assaguttattherassa, tassapi saddhiviharikassa yonakadhammarakkhitattherassa, tassa pana saddhivihariko asokaranno kanitthabhata nama ahosi, tassa anupabbajjam pabbajita addhateyyakotisankha ahesum. Mahindattherassa anupabbajitanam gananaparicchedo 2- natthi, yavajjadivasa lankadipe satthari pasadena pabbajanta mahindattherasseva pabbajjam anupabbajanti nama. Tam dhammanti tam tesam ovadanusasanidhammam. Anussaratiti sarati. Anuvitakketiti vitakkahatam karoti. Araddho hotiti paripunno hoti. Pavicinatitiadi sabbam @Footnote: 1-1 cha.Ma. annesam santike .pe. caratopiti ime patha na dissanti @2 Ma. pamanaparicchedo

--------------------------------------------------------------------------------------------- page210.

Tattha nanacaravaseneva vuttam. Athava pavicinatiti tesam tesam dhammanam lakkhanam vicinati. Pavicaratiti tattha nanam carapeti. Parivimamsamapajjatiti vimamsanam olokanam gavesanam apajjati. Satta phala sattanisamsati ubhayampetam atthato ekam. Dittheva dhamme patikacca annam aradhetiti arahattam aradhento imasmimyeva attabhave aradheti, tanca kho patikacca asampatteyeva maranakaleti attho. Atha maranakaleti atha maranassa asannakale. Antaraparinibbayiti yo ayuvemajjham anatikkamitva parinibbayati, so tividho hoti. Kappasahassayukesu tava avihesu nibbattitva eko nibbattadivaseyeva arahattam papunati. No ce nibbattadivase papunati, pathamassa pana kappasatassa matthake papunati. Ayameko antaraparinibbayi. Aparo evam asakkonto dvinnam kappasatanam matthake papunati, ayam dutiyo. Aparo evampi asakkonto catunnam kappasatanam matthake papunati, ayam tatiyo antaraparinibbayi. Pancamam pana kappasatam atikkamitva arahattam patto upahaccaparinibbayi nama hoti. Atappadisupi eseva nayo. Yattha katthaci uppanno pana sasankharena sappayogena arahattam patto sasankharaparinibbayi nama, asankharena appayogena patto asankharaparinibbayi nama. Avihadisupi nibbatto tattha yavatayukam thatva uparupari nibbattitva akanittham patto uddhamsoto akanitthagami nama. Imasmim pana thane atthacattalisa anagamino kathetabba. Avihesu hi tayo antaraparinibbayi, eko upahaccaparinibbayi, eko uddhamsoto akanitthagamiti panca honti, te asankharaparinibbayino panca, sasankharaparinibbayino pancati dasa honti, tatha atappadisu. Akanitthesu pana uddhamsoto natthi,

--------------------------------------------------------------------------------------------- page211.

Tasma tattha cattaro sasankharaparinibbayi, cattaro asankharaparinibbayiti atthati evam atthacattalisa honti. Tesam uddhamsoto akanitthagami sabbajettho ceva hoti sabbakanittho ca. Katham? so hi solasakappasahassayukatta ayuna sabbesam jettho, sabbapaccha arahattam papunatiti sabbesam kanittho. Imasmim sutte apubbam acarimam ekacittakkhanika nanalakkhana arahattamaggassa pubbabhagavipassana bojjhanga kathita.


             The Pali Atthakatha in Roman Book 13 page 208-211. http://84000.org/tipitaka/atthapali/read_rm.php?B=13&A=4518&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=4518&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=18&i=140              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=1932              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=1914              The Pali Tipitaka in Roman Character :- http://84000.org/tipitaka/read/roman_read.php?B=18&A=1914              Contents of The Tipitaka Volume 18 http://84000.org/tipitaka/read/?index_18

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]