AtthaPali Vol.13

2. Pariyayasuttavannana [233] Dutiye sambahulati vinayapariyayena tayo jana sambahulati vuccanti, tato param samgho. Suttantapariyayena tayo tayo eva, tato uddham sambahula. Idha suttantapariyayena sambahulati veditabba. Pindaya pavisimsuti pindaya pavittha. Te pana na tava pavittha, "pavisissama"ti nikkhantatta pana pavisimsuti vutta. Yatha kim? yatha "gamam gamissami"ti nikkhantapuriso tam gamam appattopi "kaham itthannamo"ti vutte "gamam gato"ti vuccati evam. Paribbajakanam aramoti jetavanassa avidure annatitthiyanam paribbajakanam @Footnote: ¹ Si.,ka. thanehi vinivattetva Aramo atthi, tam sandhayetam vuttam. Samano avusoti avuso tumhakam sattha samano gotamo. Mayampi kho avuso savakanam evam dhammam desemati titthiyanam samaye "panca nivarana pahatabba, satta bojjhanga bhavetabba"ti etam natthi. Te pana aramam gantva parisapariyante thatva annam olokenta viya annavihitaka viya hutva bhagavato dhammadesanam sunanti. Tato "samano gotamo `idam pajahatha idam bhavetha'ti vadati"ti sallakkhetva attano aramam gantva aramamajjhe asanam pannapetva upatthayakaupatthayikahi parivuta sisam ukkhipitva kayam upanametva ^1- attano sayambhunanena patividdhakaram dassenta "panca nivarana nama pahatabba, satta bojjhanga nama bhavetabba"ti kathenti. Idha no avusoti ettha idhati imasmim pannapane. Ko visesoti kim adhikam. Ko adhippayasoti ko adhikappayogo. Kim nanakarananti kim nanattam. Dhammadesanaya va dhammadesananti yadidam samanassa va gotamassa dhammadesanaya saddhim amhakam dhammadesanam, amhakam va dhammadesanaya saddhim samanassa gotamassa dhammadesanam arabbha nanakaranam vucceyya, tam kinnamati vadanti. Dutiyapadepi eseva nayo. Neva abhinandimsuti "evamevan"ti na sampaticchimsu. Nappatikkosimsuti "na yidam evan"ti na patisedhimsu. Kim pana te pahonta evam akamsu, udahu appahontati? pahonta. Na hi te ettakam katham kathetum na sakkonti "avuso tumhakam samaye panca nivarana pahatabba nama natthi, satta bojjhanga bhavetabba nama natthi"ti. Evam pana tesam ahosi "atthi no etam kathapabhatam, mayam etam satthu arocessama, atha no sattha madhuradhammadesanam desissati"ti. @Footnote: ¹ Si. panametva, cha.Ma. unnametva Pariyayoti karanam. Na ceva sampayissantiti sampadetva kathetum na sakkhissanti. Uttarinca vighatanti asampayanato uttarimpi dukkham apajjissanti. Sampadetva kathetum asakkontanam hi dukkham uppajjati. Yatha tam bhikkhave avisayasminti ettha tanti nipatamattam, yathati karanavacanam, yasma avisaye panho pucchitoti attho. Sadevaketi saha devehi sadevake. Samarakadisupi eseva nayo. Evam tini thanani loke pakkhipitva dve pajayati pancahipi sattalokameva pariyadiyitva etasmim sadevakadibhede loke devam va manussam va na samanupassamiti dipeti. Ito va pana sutvati ito va pana mama sasanato sutva. Ito sutva hi tathagatopi ^1- tathagatasavakopi aradheyya, paritoseyya, annatha aradhana nama natthiti dasseti. Idani attano tesam panhanam veyyakaranena cittaradhanam dassento katamo ca bhikkhave pariyayotiadimaha. Tattha ajjhattam kamacchandoti attano pancakkhandhe arabbha uppannachandarago. Bahiddha kamacchandoti paresam pancakkhandhe arabbha uppannachandarago. Uddesam gacchatiti gananam gacchati. Ajjhattam byapadoti attano hatthapadadisu uppannapatigho. Bahiddha byapadoti paresam tesu uppannapatigho. Ajjhattam dhammesu vicikicchati attano khandhesu vimati. Bahiddha dhammesu vicikicchati bahiddha atthasu thanesu mahavicikiccha. Ajjhattam dhammesu satiti ajjhattike sankhare parigganhantassa uppanna sati. Bahiddha dhammesu satiti bahiddha sankhare parigganhantassa uppanna sati. Dhammavicayasambojjhangepi eseva nayo. Kayikanti cankamam adhitthahantassa uppannaviriyam. Cetasikanti "na tavaham imam pallankam bhindissami, yava me anupadaya asavehi cittam vimuccissati"ti @Footnote: ¹ Si. atathagatopi, cha.Ma. tathagato Evam kayapayogam vina uppannaviriyam. Kayappassaddhiti tinnam khandhanam darathapassaddhi. Cittappassaddhiti vinnanakkhandhassa darathapassaddhi. Upekkhasambojjhange satisambojjhangasadisova vinicchayo. Imasmim sutte missakasambojjhanga kathita. Etesu hi ajjhattadhammesu sati, pavicayo, upekkhati ime attano khandharammanatta lokiyava honti, tatha maggam apattam kayikaviriyam. Avitakkaavicara pana pitisamadhi kincapi rupavacara honti, rupavacare ^1- pana bojjhanga na labbhantiti lokuttarava honti. Ye ca thera brahmaviharavipassanapadakajjhanadisu bojjhange uddharanti, tesam matena rupavacarapi arupavacarapi honti. Bojjhangesu hi arupavacare pitiyeva ekantena na labbhati, sesa cha missakava hontiti. Desanapariyosane keci bhikkhu sotapanna jata, keci sakadagami, keci anagami, keci arahantoti.

The Pali Atthakatha in Roman Book 13 page 237-240. http://84000.org/tipitaka/atthapali/read_rm.php?B=13&A=5164&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=5164&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=227 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=3449 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=3362 The Pali Tipitaka in Roman Character :- http://84000.org/tipitaka/read/roman_read.php?B=18&A=3362 Contents of The Tipitaka Volume 18 http://84000.org/tipitaka/read/?index_18