AtthaPali Vol.13

4. Mettasahagatasuttavannana ^1- [235] Catutthe mettasahagatena cetasatiadi sabbam sabbakarena visuddhimagge ^2- vittharitameva. Mayampi kho avuso savakanam evam dhammam desemati idampi te purimanayeneva satthu dhammadesanam sutva vadanti. Titthiyananhi samaye pancanivaranappahanam va mettadibrahmaviharabhavana va natthi. Kimgatika hotiti kimnipphatti hoti. Kimparamati kimuttama. Kimphalati kimanisamsa. Kimpariyosanata kimnittha. Mettasahagatanti mettaya sahagatam samsattham sampayuttam. Eseva nayo sabbattha. Vivekanissitadini vuttatthaneva. Appatikulanti duvidham appatikulam sattaappatikulanca sankharaappatikulanca. Tasmim appatikule itthe vatthusminti attho. Patikulasanniti anitthasanni. Katham panettha ^3- evam viharati? asubhapharanam va aniccanti manasikaram va karonto. Vuttanhetam patisambhidayam "katham appatikule patikulasanni viharati. Itthasmim vatthusmim asubhaya va pharati, aniccato va upasamharati"ti. ^4- Patikule pana anitthe vatthusmim mettapharanam va dhatumanasikaram va karonto appatikulasanni viharati nama. Yathaha "katham patikule appatikulasanni viharati, anitthasmim vatthusmim mettaya va pharati, dhatuto va upasamharati"ti. ^4- Ubhayamissakapadesupi evaseva nayo. Appatikulapatikulesu hi tadeva asubhapharanam va aniccanti manasikaram va karonto patikulasanni viharati nama. Patikulapatikulesu ca tadeva mettapharanam va dhatumanasikaram va karonto appatikulasanni viharati nama. "cakkhuna rupam disva neva sumano hoti"tiadina ^5- nayena vuttam pana chalangupekkham pavattayamano "appatikule ca @Footnote: ¹ haliddavasanasutta, visuddhi. 2/131 (sya) @² visuddhi. 2/91 (sya) ³ Si. panesa, ka. panetam @⁴ khu. pati. 31/690/599 ⁵ khu. pati. 31/17/424 Patikule ca ^1- tadubhayam abhinivajjetva upekkhako tattha viharati sato sampajano"ti veditabbo. Ettavata ca imassa bhikkhuno mettaya tikacatukkajjhanam nibbattetva tadeva padakam katva vipassanam vaddhetva arahattam pattassa saha vipassanaya maggasambojjhanganam ariyiddhiya ca dassitatta desana vinivattetabba siya. Idam pana mettajhanam padakam katva sankhare sammasantopi yo arahattam papunitum na sakkoti, yasma tassa arahattaparama metta na hoti. Yamparama pana hoti, tam dassetabbam. Tasma tassa dassanattham ayam desana araddha. Parato sabbaso va pana rupasannanam samatikkamatiadisupi imina nayena puna desanarambhapayojanam veditabbam. Subhaparamanti subhanittham subhakotikam subhanipphattim. Idhapannassati idheva panna assa, nayimam lokam atikkamatiti idhapanno, tassa idhapannassa, lokiyapannassati attho. Uttarivimuttim appativijjhatoti lokuttaradhammam appativijjhantassa. Yo pana pativijjhitum sakkoti, tassa arahattaparamava metta hotiti attho. Karunadisupi eseva nayo. Kasma panetasam mettadinam subhaparamadita vutta bhagavatati? sabhagavasena Tassa tassa upanissayatta. Mettaviharassa hi satta appatikula honti, athassa appatikulaparicaya appatikulesu parisuddhavannesu niladisu cittam upasamharato appakasireneva tattha cittam pakkhandati, iti metta subhavimokkhassa upanissayo hoti, na tato param, tasma subhaparamati vutta. Karunaviharissa unhabhighatadirupanimittam sattadukkham samanupassantassa karunaya pavattisambhavato rupe adinavo parividito ^2- hoti, athassa @Footnote: ¹ Si.,ka. va ² Ma. paricito, ka. paridipiko Parivaditadinavatta pathavikasinadisu ^1- annataram ugghatetva rupanissarane akase cittam upasamharato appakasireneva tattha cittam pakkhandati, iti karuna akasanancayatanassa upanissayo hoti, na tato param, tasma akasanancayatanaparamati vutta. Muditaviharissa pana tena tena pamojjakaranena uppannapamojjasattanam vinnanam samanupassantassa muditaya pavattisambhavato vinnanaggahanaparicitam hoti, athassa anukkamadhigatam akasanancayatanam atikkamma akasanimittagocare vinnane cittam upasamharato appakasireneva tattha cittam pakkhandati, iti mudita vinnanancayatanassa upanissayo hoti, na tato param, tasma vinnanancayatanaparamati vutta. Upekkhaviharissa pana "satta sukhita va hontu, dukkhato va vimuccantu, sampattasukhato va ma vigacchantuti ^2- abhogabhavato sukhadukkhadiparamatthagahavimukha- sambhavato avijjamanaggahanadukkhacittam ^3- hoti, athassa paramatthagahato vimukhabhavaparicitacittassa ^4- paramatthato avijjamanaggahanadukkhacittassa ^5- ca anukkamadhigatam vinnanancayatanam samatikkamma sambhavato avijjamane paramatthabhutassa vinnanassa abhave cittam upasamharato appakasireneva tattha cittam pakkhandati, iti upekkha akincannayatanassa upanissayo hoti, na tato param, tasma akincannayatanaparamati vutta desanapariyosane pancasata bhikkhu arahattam pattati.

The Pali Atthakatha in Roman Book 13 page 241-243. http://84000.org/tipitaka/atthapali/read_rm.php?B=13&A=5239&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=5239&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=233 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=3487 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=3403 The Pali Tipitaka in Roman Character :- http://84000.org/tipitaka/read/roman_read.php?B=18&A=3403 Contents of The Tipitaka Volume 18 http://84000.org/tipitaka/read/?index_18