Atthakatha Book 13 : PALI ROMAN
Saṃ.A. (sārattha.3)

                        5. Saṅgāravasuttavaṇṇanā
    [236] Pañcame pagevāti paṭhamaññeva. Kāmarāgapariyuṭṭhitenāti kāmarāgagahitena.
Kāmarāgaparetenāti kāmarāgānugatena. Nissaraṇanti tividhaṃ kāmarāgassa
nissaraṇaṃ vikkhambhananissaraṇaṃ tadaṅganissaraṇaṃ samucchedanissaraṇanti. Tattha asubhe
@Footnote: 1 Sī. paṭividitarūpādīnavassa catūsu pathavīkasiṇādīsu, ka. parividitarūpādīnaṃ catūsu
@paṭhavīkasiṇādīsu  2 Sī.,ka. viyujjiṃsūti  3 Sī. avijjamānaggahaṇena muttaṃ cittaṃ,
@ka. avijjamānaggahaṇena dukkhacittaṃ  4 Sī. paramatthagāhavimukhabhāvato pavivittacittassa
@5 Sī...muttacittassa
Paṭhamajjhānaṃ vikkhambhananissaraṇaṃ nāma, vipassanā tadaṅganissaraṇaṃ nāma, arahattamaggo
samucchedanissaraṇaṃ nāma. Taṃ tividhampi nappajānātīti attho. Attatthampītiādīsu
arahattasaṅkhāto attano attho attattho nāma, paccayadāyakānaṃ attho parattho
nāma, sveva duvidhopi ubhayattho nāma. Iminā nayena sabbavāresu attho
veditabbo.
    Ayaṃ pana viseso:- byāpādassa nissaraṇantiādīsu hi dveva
nissaraṇāni vikkhambhananissaraṇañca samucchedanissaraṇañca. Tattha byāpādassa
tāva mettāya paṭhamajjhānaṃ vikkhambhananissaraṇaṃ, anāgāmimaggo samucchedanissaraṇaṃ.
Thinamiddhassa ālokasaññā vikkhambhananissaraṇaṃ, arahattamaggo samucchedanissaraṇaṃ.
Uddhaccakukkuccassa yo koci samatho vikkhambhananissaraṇaṃ, uddhaccassa panettha
arahattamaggo, kukkuccassa anāgāmimaggo samucchedanissaraṇaṃ. Vicikicchāya
dhammavavatthānaṃ vikkhambhananissaraṇaṃ, paṭhamamaggo samucchedanissaraṇaṃ.
    Yā panettha seyyathāpi brāhmaṇa udapatto saṃsaṭṭho lākhāya vātiādikā
upamā vuttā, tāsu udapattoti udakabharitā pāti. Saṃsaṭṭhoti vaṇṇabhedakaraṇavasena
saṃsaṭṭho. Ukkuṭṭhitoti 1- kuthito. Usmudakajātoti 2- usumajāto.
Sevālapaṇakapariyonaddhoti tilabījakādibhedena sevālena vā nīlapaṇakapiṭṭhivaṇṇena vā 3-
udakapiṭṭhiṃ chādetvā nibbattapaṇakena pariyonaddho. Vāteritoti vātena erito
kampito. Āviloti appasanno. Luḷitoti asannisinno. Kalalībhūtoti kaddamībhūto.
Andhakāre nikkhittoti koṭṭhantarādibhede anālokaṭṭhāne ṭhapito. Imasmiṃ sutte
bhagavā tīhi bhavehi 4- desanaṃ nivattetvā arahattanikūṭena desanaṃ niṭṭhāpesi,
brāhmaṇo pana saraṇamatte patiṭṭhito.
@Footnote: 1 cha.Ma. pakkuthitoti        2 Sī. ussadakajātoti, ka. usmādakajātoti
@3 Sī. nīlavaṇṇena pitavaṇṇena vā, cha.Ma. nīlamaṇḍūkapiṭaṭhivaṇṇena vā   4 Ma. saccehi


             The Pali Atthakatha in Roman Book 13 page 243-244.
http://84000.org/tipitaka/atthapali/read_rm.php?B=13&A=5303
             อรรถกถาบาลีอักษรไทย :-
http://84000.org/tipitaka/atthapali/read_th.php?B=13&A=5303
             อ่านอรรถกถาแปลไทย :-
http://84000.org/tipitaka/attha/attha.php?b=18&i=234
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=3498
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=3414
             The Pali Tipitaka in Roman Character :-
http://84000.org/tipitaka/read/roman_read.php?B=18&A=3414
             Contents of The Tipitaka Volume 18
http://84000.org/tipitaka/read/?index_18