ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 13 : PALI ROMAN Sam.A. (sarattha.3)

                           2. Nalandavagga
                        2. Nalandasuttavannana
    [378] Dutiyavaggassa dutiye nalandayanti nalandati evamnamake nagare,
tam nagaram gocaragamam katva. Pavarikambavaneti dussapavarikasetthino ambavane.
Tam kira tassa uyyanam ahosi. So bhagavato dhammadesanam sutva bhagavati pasanno
tasmim uyyane kutilenamandapadipatimanditam bhagavato viharam katva niyyadesi,
so viharo jivakambanam viya pavarikambavanam tveva sankham gato, tasmim
pavarikambavane viharatiti attho.
    Evam pasannoti evam sampannasaddho, 1- evam saddahamiti attho.
Bhiyyobhiyyataroti 2- bhiyyataro abhinnato bhiyyatarabhinno va uttaritarananoti
attho. Sambodhiyanti sabbannutanane arahattamagganane va. Arahattamaggeneva hi
buddhaguna nippadesa gahita honti, dvepi aggasavaka arahattamaggeneva
savakaparaminanam patilabhanti, paccekabuddha paccekabodhinanam, buddha
sabbannutanananceva sakale ca buddhagune. Sabbampi nesam arahattamaggeneva ijjhati.
Tasma arahattamaggananam sambodhi nama hoti. Tena uttaritaro ca bhagavata natthi.
Tenaha "bhagavata bhiyyobhiyyataro, yadidam sambodhiyan"ti.
    Ularati settha. Ayanhi ularasaddo "ularani khadaniyani khadanti"tiadisu 3-
madhure agacchati. "ularaya khalu bhavam vacchayano samanam gotamam pasamsaya
pasamsati"tiadisu 4- setthe. "appamano ca olaro obhaso"tiadisu 5- vipule.
Svayamidha setthe agato. Tena vuttam "ularati settha"ti. Asabhiti usabhassa
vacasadisi acala asampavedhi. Ekamso gahitoti anussavena va acariyaparamparaya
va itikiraya va pitakasampadanena va akaraparivitakkena va ditthinijjhanakkhantiya
va takkahetu va nayahetu va akathetva paccakkhato nanena pativijjhitva
viya ekamso gahito, sannitthanakathava kathitati attho. Sihanadoti setthanado,
vane unnadayantena sihena viya uttamanado naditoti attho.
    Kinnu te sariputtati imam desanam kasma arabhi?  anuyogadapanattham.
Ekacco hi sihanadam naditva attano sihanade anuyogam datum na sakkoti,
nighamsanam na khamati, silese patitamakkato viya hoti. Yatha dhamamanam aparisuddham loham
@Footnote: 1 cha.Ma. uppannasaddho            2 su.vi. 3/141/64
@3 Ma.mu. 12/366/329           4 Ma.mu. 12/288/252
@5 di.maha. 10/32/14, Ma.u. 14/201/169-170, sam.maha. 19/1081/370
Jhayitva angaro hoti, evam jhamangaro viya hoti. Eko sihanade anuyogam
dapiyamano datum sakkoti, nighamsanam khamati, dhamamanam niddosajatarupam viya adhikataram
sobhati, tadiso thero. Tena nam bhagava "anuyogakkhamo ayan"ti natva sihanade
anuyogadapanattham imam desanam arabhi.
    Tattha sabbe teti sabbe te taya. Evamsilati maggasilena phalasilena
lokiyalokuttarasilena evamsila. Evamdhammati ettha samadhipakkha dhamma adhippeta,
maggasamadhina phalasamadhina lokiyalokuttarena samadhina evamsamadhiti attho.
Evampannati maggapannadivaseneva evampanna. Evamviharinoti ettha pana hettha
samadhipakkhanam dhammanam gahitatta viharo gahitopi puna kasma gahitameva ganhatiti
ce. Therena idam gahitameva. Idanhi nirodhasamapattidipanattham vuttam, tasma
evamnirodhasamapattiviharino te bhagavanto ahesunti evamettha attho datthabbo.
    Evamvimuttati ettha vikkhambhanavimutti tadangavimutti samucchedavimutti
patipassaddhivimutti nissaranavimuttiti pancadha vimutti. Tattha attha samapattiyo
sayam vikkhambhitehi nivaranadihi vimuttatta vikkhambhanavimuttiti sankham gacchanti.
Aniccanupassanadika satta anupassana sayam tassa paccanikavasena pariccattahi
niccasannadihi vimuttatta tadangavimuttiti sankham gacchanti. Cattaro ariyamagga
sayam samucchinnehi kilesehi 1- vimuttatta samucchedavimuttiti sankham gacchanti.
Cattari samannaphalani magganubhavena kilesanam patipassaddhante uppannatta
patipassaddhivimuttiti sankham gacchanti. Nibbanam sabbakilesehi nissajjatta
apagatatta dure thitatta nissaranavimuttiti sankham gatam. Iti imasam pancannam
vimuttinam vasena evamvimuttati. Ettha attho datthabbo.
@Footnote: 1 Si. paccanikakilesehi
    Kim pana te sariputta ye te bhavissantiti atita tava niruddha
apannattikabhavam gata dipasikha viya nibbuta, evamniruddhe apannattikabhavam gate
tvam katham janissasi, anagatabuddhanam pana guna taya attano cittena
paricchinditva viditati pucchanto evamaha.
    Kim pana tyaham sariputta etarahiti anagatapi buddha ajata anibbatta
anuppanna, te katham janissasi. Tesam hi jananam apade akase padadassanam
viya hoti. Idani maya saddhim ekavihare vasasi, ekato bhikkhaya carasi,
dhammadesanakale dakkhinapasse nisidasi, kim pana mayham guna attano cetasa
paricchinditva vidita tayati anuyunjanto evamaha. Thero pana pucchitapucchite
"no hetam bhante"ti patikkhipati.
    Therassa ca viditampi atthi, aviditampi, kim so attano viditatthane
patikkhepam karoti, aviditatthaneti? viditatthane na karoti, aviditatthaneyeva karoti.
Thero kira anuyoge araddhe evam annasi "na ayam anuyogo savakaparaminane,
sabbannutannane pana ayam anuyogo"ti attano savakaparaminane patikkhepam
akatvava aviditatthane sabbannutanane patikkhepam karoti. Tena idampi dipeti:- bhagava
mayham atitanagatapaccuppannanam buddhanam silasamadhipannavimuttikaranajananasamattham
sabbannutananam natthiti.
    Etthati etesu atitadibhedesu buddhesu. Atha kim carahiti atha kasma evam
nane asati taya evam kathitanti vadati. Dhammanvayoti dhammassa paccakkhato
nanassa 1- anuyogam anugantva uppannam anumanananam nayaggaho vidito,
savakaparaminane thatvava imina akarena janami bhagavati vadati. Therassa hi
@Footnote: 1 Si. natassa
Nayaggaho appamano apariyanto. Yatha ca sabbannutananassa pamanam va
pariyanto va natthi, evam dhammasenapatino nayaggahassa. Tena so "imina
evamvidho imina evamvidho, imina anuttaro imina anuttaro sattha"ti 1- janati.
Therassa hi nayaggaho sabbannutananagatiko eva.
    Idani tam nayaggaham pakatam katum upamam dassento seyyathapi
bhantetiadimaha. Tattha yasma majjhimadese nagarassa uddhapapakaradini thirani va
hontu dubbalani va, sabbaso pana ma hontu, coranam asanka na hoti.
Tasma tam aggahetva paccantimam nagaranti aha. Dalhudhapanti thiramulapakaram.
Dalhapakaratorananti thirapakaranceva thirapitthasanghatanca. Ekadvaranti kasma
aha? bahudvare hi nagare bahuhi panditadovarikehi bhavitabbam, ekadvareva
eko vattati. Therassa ca pannaya sadiso anno natthi, tasma attano
panditabhavassa opammattham ekamyeva dovarikam dassetum "ekadvaran"ti aha.
    Panditoti pandiccena samannagato. Byattoti veyyattiyena samannagato
visadanano. Medhaviti thanuppattikapannasankhataya medhaya samannagato.
Anupariyayapathanti anupariyayanamakam 2- pakaramaggam. Pakarasandhinti dvinnam
itthakanam apagatatthanam. Pakaravivaranti pakarassa chinnatthanam. Cetaso upakkileseti
panca nivarana cittam upakkilissanti kilittham karonti upatapenti vihethenti,
tasma "cetaso upakkilesa"ti vuccanti. Pannaya dubbalikaraneti nivarana
uppajjamana anuppannaya pannaya uppajjitum na denti, tasma "pannaya
dubbalikarana"ti vuccanti. Supatitthitacittati catusu satipatthanesu sutthu
thapitacitta hutva. Satta bojjhange yathabhutanti satta bojjhange
yathasabhavena bhavetva. Anuttaram sammasambodhinti arahattam
sabbannutananam pativijjhimsuti dasseti.
@Footnote: 1 Si. imina evamvidho anuttaro satthati     2 Si. anupariyayananamakam
    Apicettha satipatthanati vipassana, bojjhanga maggo, anuttarasammasambodhi
arahattam. Satipatthanati va vipassana, bojjhanga missaka, sammasambodhi
arahattameva. Dighabhanakamahasivatthero panaha "satipatthane vipassanam gahetva
bojjhange maggo ca sabbannutananancati gahite sundaro panho bhaveyya, na
panevam gahitan"ti. Iti thero sabbabuddhanam nivaranappahane satipatthanabhavanaya
sambodhiyanca majjhe bhinnasuvannarajatanam 1- viya nanattabhavam dasseti.
    Idha thatva upama samsandetabba:-  ayasma hi sariputto paccantanagaram
dassesi, pakaram dassesi, anupariyayapatham dassesi, dvaram dassesi, panditadovarikam
dassesi, nagaram pavisanakanikkhamanake olarike pane dassesi, dovarikassa
tesam pananam pakatabhavam dassesi. Tattha kim kena sadisanti ce. Nagaram viya hi
nibbanam, pakaro viya silam, pariyayapatho viya hiri, dvaram viya ariyamaggo,
panditadovariko viya dhammasenapati, nagaram pavisanakanikkhamanaka olarikapana
viya atitanagatapaccuppanna buddha, dovarikassa tesam pananam pakatabhavo viya
ayasmato sariputtassa atitanagatapaccuppannanam buddhanam silasamathadihi
pakatabhavo. Ettavata therena bhagavato "evamaham savakaparaminane thatva
dhammanvayena nayaggahena janami"ti attano sihanadassa anuyogo dinno hoti.
    Tasmati yasma "na kho metam bhante atitanagatapaccuppannesu arahantesu
sammasambuddhesu cetopariyananam atthi, apica dhammanvayo vidito"ti vadasi,
tasma. Abhikkhanam bhaseyyasiti punappunam bhaseyyasi, "pubbanhe me kathitan"ti
ma majjhanhikadisu na kathayittha, "ajja va me kathitan"ti paradivasadisu 2- na
kathayitthati attho. Sa pahiyissatiti "sariputtasadisopi nama nanajavanasampanno
@Footnote: 1 Si.,ka. bhinnasuvannarajatani          2 Ma. aparajjadivasadisa
Savako buddhanam cittacaram janitum na sakkoti, evam appameyya tathagata"ti
cintentanam ya tathagate kankha va vimati va, sa pahiyissati. 1-



             The Pali Atthakatha in Roman Book 13 page 280-286. http://84000.org/tipitaka/atthapali/read_rm.php?B=13&A=6119&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=6119&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=18&i=253              เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=3820              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=3728              The Pali Tipitaka in Roman Character :- http://84000.org/tipitaka/read/roman_read.php?B=18&A=3728              Contents of The Tipitaka Volume 18 http://84000.org/tipitaka/read/?index_18

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]